ಈತನ ವಯಸ್ಸು 50, ಆದರೆ ನೋಡುವುದಕ್ಕೆ 20ರ ಯುವಕನಂತೆ ಕಾಣುತ್ತಾನೆ!

ಈ ವ್ಯಕ್ತಿ ಯಾರು

ಸಿಂಗಪುರ ರಾಷ್ಟ್ರೀಯರಾದ ರೂಪದರ್ಶಿ ಹಾಗೂ ಛಾಯಾಗ್ರಾಹಕರಾದ ಇವರ ಹೆಸರು 'ಚುವಾಂಡೋ ಟ್ಯಾನ್'. ತನ್ನ ಖ್ಯಾತಿಯ ಬಗ್ಗೆ ತಮಗೇ ನಂಬಿಕೆ ಇಲ್ಲದಂತೆ ಇವರನ್ನು ಒಂದು ಲಕ್ಷ ಅರವತ್ತು ಸಾವಿರಕ್ಕೂ ಹೆಚ್ಚು ಜನರು ಇವರ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಅನುಸರಿಸುತ್ತಿದ್ದಾರೆ. ಅಷ್ಟೇ ಅಲ್ಲ, ಇವರು ಪಾಲುದಾರಿಕೆಯಲ್ಲಿ ಚುವಾಂಡೋ ಅಂಡ್ ಫ್ರೇ ಎಂಬ ಛಾಯಾಚಿತ್ರ ಆಧಾರಿತ ಸಂಸ್ಥೆಯನ್ನೂ ನಡೆಸುತ್ತಿದ್ದಾರೆ.

ಇವರ ಚಿರಯೌವನದ ರಹಸ್ಯ....

ಇವರು ತಡರಾತ್ರಿಯಲ್ಲಿಯೂ ಸ್ನಾನ ಮಾಡುವುದಿಲ್ಲ ಅಥವಾ ಅತಿ ಬೆಳಗ್ಗಿನ ಹೊತ್ತಿನಲ್ಲಿಯೂ ಸ್ನಾನ ಮಾಡುವುದಿಲ್ಲ. ಇವರು ತಮ್ಮ ಆರೋಗ್ಯಕ್ಕೆ ನಿಯಮಿತವಾಗಿ ಹೈನಾನ್ ಚಿಕನ್ ಖಾದ್ಯವನ್ನು ತಿನ್ನುವುದು ಎಂದು ಹೇಳಿಕೊಂಡಿದ್ದಾರೆ. ಅಷ್ಟೇ ಅಲ್ಲ, ಇವರು ನಿಯಮಿತವಾಗಿ ವ್ಯಾಯಾಮ ಮಾಡುವುದೂ ಈ ದೇಹದಾರ್ಢ್ಯಕ್ಕೆ ಇನ್ನೊಂದು ಕಾರಣ.

ಇವರ ಇತಿಹಾಸ

ಇವರ ತಾರುಣ್ಯದಲ್ಲಿ ನಗೆಪಾಟಲಿಗೆ ಈಡಾಗುವಂತಹ ಮೈಕಟ್ಟು ಹೊಂದಿದ್ದು ಈ ಮೈಕಟ್ಟಿನ ಚಿತ್ರವನ್ನು ಸಾಮಾಜಿಕ ತಾಣದಲ್ಲಿ ಹಂಚಿಕೊಂಡಿದ್ದರು. ಆದರೆ ಸತತ ವ್ಯಾಯಾಮದಿಂದ ಈಗ ಶಿಲ್ಪಿ ಕಡೆದಂತಹ ಮೈಕಟ್ಟು ಹೊಂದಿದ್ದು ಎಲ್ಲರ ಗಮನ ಸೆಳೆಯುತ್ತಿದ್ದಾರೆ.

ಇವರೊಬ್ಬ ನಿಜವಾದ ತಾರೆ

ಇವರನ್ನು ಸುಮಾರು 160,000 ಜನರು ಇನ್ಸ್ಟಾಗ್ರಾಂ ಮೂಲಕ ಹಿಂಬಾಲಿಸುತ್ತಿದ್ದಾರೆ. ಅವರಲ್ಲಿ ಹೆಚ್ಚಿನವರು ಇವರ ನಿಜವಾದ ವಯಸ್ಸು ಏನು ಎಂಬುದನ್ನು ತಿಳಿಯುವುದರಲ್ಲಿಯೇ ಹೆಚ್ಚಿನ ಉತ್ಸುಕತೆ ತೋರುತ್ತಿದ್ದಾರೆ. ಅಲ್ಲದೇ ಇವರು ತೊಡುವ ಉಡುಗೆಗಳೂ ಇಪ್ಪತ್ತರ ತರುಣರು ತೊಡುವಂತಹದ್ದೇ ಇದ್ದು ಇವರ ಸಮಕಾಲೀನ ವಯಸ್ಸಿನವರೂ ನಂಬದಂತಹ ಪರಿಸ್ಥಿತಿ ಇದೆ.

ಈಗ ಇವರು ಅಪರೂಪಕ್ಕೆ ರೂಪದರ್ಶಿಯ ಕೆಲಸ ಮಾಡುತ್ತಾರೆ

ಛಾಯಾಗ್ರಹಣವನ್ನು ವೃತ್ತಿಯಾಗಿ ಪರಿಗಣಿಸಿದ ಬಳಿಕ ಇವರು ರೂಪದರ್ಶಿಯ ಕೆಲಸಕ್ಕೆ ಆಗಾಗ ಮಾತ್ರವೇ ಹೋಗುತ್ತಿದ್ದರು. ಆದರೆ ಇತ್ತೀಚೆಗೆ ಚೀನೀ ಭಾಷೆಯ ತಾಣವಾದ Yidian Zixun ನಲ್ಲಿ ಒಂದು ಜಾಹೀರಾತಿನ ಮೂಲಕ ಕಾಣಿಸಿಕೊಂಡಿದ್ದೇ ತಡ, ಇವರು ಒಮ್ಮೆಲೇ ಜನಪ್ರಿಯತೆಯ ಉತ್ತಂಗಕ್ಕೇರಿಬಿಟ್ಟಿದ್ದಾರೆ. ಇವರ ಫೋನು ಒಂದು ಕ್ಷಣವೂ ಬಿಡದೇ ರಿಂಗಿಣಿಸುತ್ತಿದೆ. ಇವರಿಗೆ ಐವತ್ತು ಎಂದು ಹೇಳಿರುವುದನ್ನು ನಂಬಲಿಕ್ಕೇ ತಯಾರಿರದ ಕುತೂಹಲಿಗಳಿಂದ ಇವರು ದಿನದಿಂದ ದಿನಕ್ಕೆ ಜನಪ್ರಿಯತೆಯನ್ನು ಹೆಚ್ಚಿಸಿಕೊಳ್ಳುತ್ತಲೇ ಇದ್ದಾರೆ.