ಮದುವೆ ವಿಚಾರದಲ್ಲಿ ಈ ಮೂರು ರಾಶಿಚಕ್ರದ ಪುರುಷರ ಗುಣ-ನಡತೆ ಸರಿಬರಲ್ಲ!

ಮೀನ

ಈ ರಾಶಿಯ ಪುರುಷರು ದಾಂಪತ್ಯ ಜೀವನದಲ್ಲಿ ಅಷ್ಟು ನಿಷ್ಟರಾಗಿರುವುದಿಲ್ಲ ಎನ್ನಲಾಗುತ್ತದೆ. ಇವರು ಸದಾ ತಮ್ಮ ಸಂಗಾತಿಯ ತಪ್ಪುಗಳನ್ನು ಹುಡುಕುತ್ತಿರುತ್ತಾರೆ. ತಮ್ಮ ತಪ್ಪಿನ ಅರಿವೇ ಅವರಿಗಿರುವುದಿಲ್ಲ. ಅವರು ಸಂಬಂಧದಲ್ಲಿ ಅತಿಹೆಚ್ಚು ಕಾಳಜಿಯಿಂದ ನೋಡಿಕೊಳ್ಳುವವರಂತೆ ವರ್ತಿಸಿದರೂ ವಾಸ್ತವವಾಗಿ ಅವರ ಮನಸ್ಸು ಆ ರೀತಿಯಲ್ಲಿ ಇರುವುದಿಲ್ಲ.

ಮೀನ

ತಮ್ಮ ನಿರೀಕ್ಷೆಯಂತೆಯೇ ಸಂಬಂಧವು ಇರಬೇಕು ಎಂದು ಅಧಿಕಾರ ಚಲಾಯಿಸಲು ನೋಡುತ್ತಾರೆ. ಸಂಬಂಧದಲ್ಲಿ ತೊಡಕು ಉಂಟಾದಾಗ ಪುನಃ ಸಂಗಾತಿಯ ವರ್ತನೆ ಹಾಗೂ ದೋಷಗಳಿಂದಲೇ ಹೀಗೆ ಉಂಟಾಯಿತು ಎಂದು ಹೇಳುತ್ತಾರೆ. ಇವರ ಅನುಮಾನ ಹಾಗೂ ಅತಿಯಾದ ಬಯಕೆಗಳು ಸಂಗಾತಿಯನ್ನು ಉಸಿರುಗಟ್ಟಿಸುವಂತಹ ಪರಿಸ್ಥಿತಿಗೆ ದೂಡುತ್ತದೆ.

ಕನ್ಯಾ

ಇವರು ಎಂದಿಗೂ ತಮ್ಮ ಸಂಗಾತಿಯೊಂದಿಗೆ ಸಂತೋಷದಿಂದ ಕಾಲಕಳೆಯದರು. ಸದಾ ಕಿರಿಕಿರಿ ಹಾಗೂ ವಾಗ್ವಾದಗಳಲ್ಲೇ ಮುಳುಗಿರುವರು. ತಾವು ಪರಿಪೂರ್ಣರು ಎನ್ನುವ ರೀತಿಯಲ್ಲಿ ವರ್ತಿಸುವರು. ಸಂಗಾತಿಯು ತನ್ನ ಕೈಯಲ್ಲಿರುವ ಗೊಂಬೆಯಾಗಿರಬೇಕು ಎಂದು ಬಯಸುತ್ತಾರೆ. ಸದಾ ಸಂಗಾತಿಯನ್ನು ತನ್ನ ನಿಯಂತ್ರಣದಲ್ಲಿಯೇ ಇರಬೇಕು ಎಂದು ಬಯಸುತ್ತಾರೆ.

ಕನ್ಯಾ

ಇವರು ಒಮ್ಮೆ ಉದ್ವೇಗಕ್ಕೆ ಒಳಗಾದರು ಎಂದರೆ ಸಂಬಂಧದಿಂದ ಹೊರ ಬರಲು ಇಷ್ಟಪಡುತ್ತಾರೆ. ಅವರು ಎಂದಿಗೂ ತಮ್ಮ ತಪ್ಪನ್ನು ಒಪ್ಪಿಕೊಳ್ಳುವುದು ಅಥವಾ ಅದನ್ನು ತಿದ್ದಿಕೊಳ್ಳಲು ಪ್ರಯತ್ನಿಸುವುದಿಲ್ಲ. ಅವರ ಕೆಲವು ಕೆಟ್ಟ ವರ್ತನೆ ಸಂಸಾರದ ಸುಖ ಹಾಗೂ ಶಾಂತಿಯನ್ನು ಕೆಡಿಸುವುದು.

ವೃಷಭ

ಇವರು ಭಾವನಾತ್ಮಕವಾಗಿ ಹೊರಗುಳಿದವರಾಗಿರುತ್ತಾರೆ. ಇವರು ತಮ್ಮ ಸಂಗಾತಿಯ ಪ್ರೀತಿಯನ್ನು ತಮ್ಮ ವೈಯಕ್ತಿಕ ಪ್ರಯೋಜನಗಳಿಗೆ ಬಳಸಿಕೊಳ್ಳುತ್ತಾರೆ. ಇವರು ಪ್ರಣಯ ಅಥವಾ ಲೈಂಗಿಕ ಸಂಬಂಧಗಳಿಗೆ ವಿಶೇಷವಾದ ಆಧ್ಯತೆಯನ್ನು ನೀಡುವುದಿಲ್ಲ. ಸಂಗಾತಿಯ ಯಾವುದೇ ವೈಯಕ್ತಿಕ ವಿಚಾರಕ್ಕೆ ಹೆಚ್ಚು ಆಧ್ಯತೆ ನೀಡುವುದಿಲ್ಲ.

ವೃಷಭ

ಸಂಗಾತಿಯು ಸದಾ ತನ್ನನ್ನು ಗೌರವಿಸುತ್ತಲೇ ಇರಬೇಕು ಎಂದು ಬಯಸುತ್ತಾರೆ. ತಮ್ಮ ನಡವಳಿಕೆಯನ್ನೇ ಸದಾ ಶ್ಲಾಘಿಸುತ್ತಾರೆ. ಪ್ರಣಯದ ವಿಚಾರದಲ್ಲಿ ಯಾವುದೇ ಆಸಕ್ತಿ ಇಲ್ಲದವರಂತೆ ವರ್ತಿಸುತ್ತಾರೆ. ತಾವು ಇಲ್ಲದೆಯೇ ಸಂಸಾರದ ಘನತೆ ಹಾಗೂ ಸಂತೋಷದಿಂದ ಕೂಡಿರುವುದಿಲ್ಲ ಎನ್ನುವ ಭಾವನೆಯನ್ನು ತಳೆದಿರುತ್ತಾರೆ.