ಯಾವ ರಾಶಿಗೆ ಯಾವ ಬಣ್ಣ ಅದೃಷ್ಟ-ಇಲ್ಲಿದೆ ನೋಡಿ ಕಂಪ್ಲೀಟ್ ಡಿಟೇಲ್ಸ್‌

ಮೇಷ

ರಾಶಿ ಚಕ್ರಗಳಲ್ಲಿ ಮೊದಲನೇ ರಾಶಿ ಚಕ್ರ ಮೇಷ. ಇದಕ್ಕೆ ಅದೃಷ್ಟ ಬಣ್ಣವೆಂದರೆ ಕೆಂಪು. ಕೆಂಪು ಪ್ರೀತಿ, ಶಕ್ತಿ ಹಾಗೂ ಫಲವಂತಿಕೆಯನ್ನು ಸೂಚಿಸುತ್ತದೆ. ಈ ರಾಶಿ ಚಕ್ರದವರು ಈ ಬಣ್ಣವನ್ನು ಆಯ್ಕೆ ಮಾಡಿಕೊಂಡರೆ ಹೆಚ್ಚುವರಿ ಧೈರ್ಯ ಹಾಗೂ ಅದೃಷ್ಟ ಒಲಿಯುವುದು.

ವೃಷಭ

ಇವರಿಗೆ ಹಚ್ಚ ಹಸಿರು ಬಣ್ಣ ಶುಭಕೋರುತ್ತದೆ. ಕೆಲವೊಮ್ಮೆ ತಿಳಿ ನೀಲಿ ಬಣ್ಣವೂ ಸಹ ಇವರಿಗೆ ಅದೃಷ್ಟವನ್ನು ತಂದುಕೊಡುತ್ತದೆ ಎನ್ನಲಾಗುವುದು.

ಮಿಥುನ

ಈ ರಾಶಿಯವರಿಗೆ ಅದೃಷ್ಟ ತರುವ ಬಣ್ಣ ಹಳದಿ. ಈ ಬಣ್ಣ, ಚುರುಕುತನ, ಬುದ್ಧಿಶಕ್ತಿ ಮತ್ತು ಸ್ಫೂರ್ತಿದಾಯಕ ಚಿಂತನೆಯನ್ನು ವ್ಯಕ್ತಪಡಿಸುತ್ತದೆ. ಅದೃಷ್ಟಗಳಿಂದ ವಂಚಿತರಾದಾಗ ಈ ಬಣ್ಣವನ್ನು ಆಯ್ಕೆ ಮಾಡಿಕೊಂಡರೆ ನಿಮ್ಮಲ್ಲಿ ಆಶಾದಾಯಕ ಭಾವನೆಯನ್ನು ಹೆಚ್ಚಿಸಿ, ಕೆಲಸಗಳು ಕೈಗೂಡುವಂತೆ ಮಾಡುತ್ತದೆ.

ಅಪ್ರಾಮಾಣಿಕ ಜನರ, ರಾಶಿ ಭವಿಷ್ಯದಲ್ಲೂ ಮೋಸದ ಗುಣವಿದೆ!

ಕರ್ಕ

ಕರ್ಕ ರಾಶಿಯವರ ಅದೃಷ್ಟ ಬಣ್ಣವೆಂದರೆ ಶ್ವೇತವರ್ಣ. ಅದೃಷ್ಟವನ್ನು ತಂದುಕೊಡುವ ಬಿಳಿ ಬಣ್ಣ ಚಂದ್ರನನ್ನು ಪ್ರತಿಬಿಂಬಿಸುತ್ತದೆ. ಸೂಕ್ಷ್ಮ ಮತ್ತು ಭಾವನಾತ್ಮಕ ಗುಣವನ್ನು ವ್ಯಕ್ತಪಡಿಸುವ ಈ ಬಣ್ಣ ಒಳ್ಳೆಯ ಅದೃಷ್ಟವನ್ನು ನೀಡುತ್ತದೆ.

ಸಿಂಹ

ಈ ರಾಶಿ ಚಕ್ರದ ಚಿಹ್ನೆಯನ್ನು ಸೂರ್ಯನ ರಾಜ ಎಂದು ಕರೆಯಲಾಗುತ್ತದೆ. ಈ ರಾಶಿಯ ಅದೃಷ್ಟ ಬಣ್ಣ ಚಿನ್ನ ಮತ್ತು ಕಿತ್ತಳೆ ಹಳದಿ. ಈ ಬಣ್ಣವು ಸಿಂಹ ರಾಶಿಯವರಿಗೆ ಉತ್ತಮ ಅದೃಷ್ಟ ತಂದು ಕೊಡುವುದು.

ಕನ್ಯಾ

ಕನ್ಯಾರಾಶಿಯ ಅದೃಷ್ಟ ಬಣ್ಣಗಳು ಕಂದು ಬಣ್ಣ, ಹಸಿರು ಮತ್ತು ಗಾಢ ನೀಲಿ ಎಂದು ಹೇಳಲಾಗುತ್ತದೆ. ಈ ಬಣ್ಣವು ರಾಶಿ ಚಕ್ರದವರಿಗೆ ಆತ್ಮವಿಶ್ವಾಸವನ್ನು ತುಂಬುತ್ತದೆ. ಅಲ್ಲದೆ ನರಗಳು ಸ್ಥಿರವಾಗಿ ಇರುವಂತೆ ಮಾಡುತ್ತದೆ.

ತುಲಾ

ತುಲಾ ರಾಶಿಯವರ ಅದೃಷ್ಟ ಬಣ್ಣ ಗುಲಾಬಿ, ತಿಳಿ ನಿಂಬೆ ಹಳದಿ ಮತ್ತು ಕೆಂಪು ಬಣ್ಣ. ಈ ರಾಶಿಗೆ ಶುಕ್ರ ಗ್ರಹವು ಹೆಚ್ಚು ಸಹಕಾರಿಯಾಗಿರುವುದರಿಂದ, ನಿಂಬೆ ಹಳದಿಯು ಅದೃಷ್ಟವನ್ನು ತಂದು ಕೊಡುವುದು.

ವೃಶ್ಚಿಕ

ಈ ರಾಶಿ ಚಕ್ರದವರಿಗೆ ಶರತ್ಕಾಲದ ಹಣ್ಣಿನ ಬಣ್ಣವನ್ನು ಪ್ರತಿಬಿಂಬಿಸಲಾಗುತ್ತದೆ. ಗಾಢ ಕೆಂಪು ಬಣ್ಣವು ಹೆಚ್ಚು ಅದೃಷ್ಟವನ್ನು ತಂದು ಕೊಡುವುದು.

ಧನು

ಇವರಿಗೆ ಕೆನ್ನೇರಳೆ ಅಥವಾ ಗಾಢ ನೀಲಿ ಬಣ್ಣವು ಹೆಚ್ಚು ಅದೃಷ್ಟವನ್ನು ತರುವುದು. ಈ ಬಣ್ಣಗಳಿಂದ ವಿಶ್ವಾಸ, ಶಾಂತ ಮನೋಭಾವಗಳನ್ನು ಹುಟ್ಟಿಸುತ್ತದೆ ಎಂದು ಹೇಳಲಾಗುತ್ತದೆ.

ಮಕರ

ಈ ರಾಶಿಯವರಿಗೆ ಶನಿ ಗ್ರಹವು ಹೆಚ್ಚು ಮಿತ್ರತ್ವದಲ್ಲಿರುವುದರಿಂದ ಕಡು ಕಂದು, ಗಾಢ ಬೂದು ಮತ್ತು ಕಪ್ಪು ಬಣ್ಣವು ಹೆಚ್ಚು ಅದೃಷ್ಟ ತಂದು ಕೊಡುವುದು.

ಕುಂಬ

ಇವರಿಗೆ ಆಕಾಶ ನೀಲಿ ಅಥವಾ ತಿಳಿನೀಲಿ ಬಣ್ಣ ಅದೃಷ್ಟದ ಬಣ್ಣ ಎನ್ನಲಾಗುವುದು. ಇದು ಪ್ರಗತಿ ಶೀಲ ಮಾನವೀಯತೆಯ ಗುಣ, ವಿಶಿಷ್ಟವಾದ ಆಕರ್ಷಣೆಯನ್ನು ತಂದು ಒಡ್ಡುತ್ತದೆ.

ಮೀನ

ಈ ರಾಶಿಯವರಿಗೆ ನೇರಳೆ ಬಣ್ಣವು ಹೆಚ್ಚು ಅದೃಷ್ಟವನ್ನು ತಂದು ಕೊಡುತ್ತದೆ. ಆದರೆ ಕೆಲವು ಸಮಯದಲ್ಲಿ ಸಮುದ್ರ ಹಸಿರು, ಬಿಳಿ ಮತ್ತು ಲ್ಯಾವೆಂಡರ್ ಬಣ್ಣಗಳು ಅದೃಷ್ಟವನ್ನು ತರುತ್ತವೆ.