ಒಂಟಿ ಕಾಲಲ್ಲೇ ಮೌಂಟ್ ಎವರೆಸ್ಟ್ ಏರಿದ ಅರುಣಿಮಾಳ ಯಶಸ್ಸಿನ ಹಾದಿ...

ಕಟುಕರ ಅಮಾನವೀಯತೆ

ಅರುಣಿಮಾ ರೈಲಲ್ಲಿ ದೆಹಲಿಗೆ ಪ್ರಯಾಣಿಸುವಾಗ ಕಟುಕರು ಹಾಗೂ ಕಳ್ಳರಾದ ಒಂದಿಷ್ಟು ಪುರುಷರು ಆಕೆಯ ಚಿನ್ನದ ಸರವನ್ನು ನೀಡೆಂದು ಹೆದರಿಸಿದರು. ಅದಕ್ಕೆ ನಕಾರಾತ್ಮಕ ಉತ್ತರ ನೀಡಿದ ಅರುಣಿಮಾಳನ್ನು ರೈಲಿನಿಂದ ಹೊರಗಡೆ ಎಸೆದರು. ಆಕೆ ಅಲ್ಲಿಂದ ಎದ್ದು ಪಾರಾಗುವಷ್ಟರಲ್ಲಿ ಇನ್ನೊಂದು ರೈಲು ಆಕೆಯ ಕಾಲಿನ ಮೇಲೆ ಹರಿದು ಹೋಯಿತು. ಆಕ್ಷಣದಲ್ಲಿ ಆಕೆಯ ಪ್ರಾಣ ಉಳಿಯಿತೇ ಹೊರತು ಕಾಲು ಉಳಿದಿರಲಿಲ್ಲ.

ಯಾವುದಕ್ಕೂ ಕಿವಿಕೊಡಲಿಲ್ಲ

ಸಮಾಜ ಹಾಗೂ ಮಾಧ್ಯಮಗಳು ಅವಳ ಆ ಘಟನೆಗೆ ಅವರದ್ದೇ ಆದ ಕಥೆಯನ್ನು ಕಟ್ಟಿತ್ತು. ಆಕೆ ಆತ್ಮ ಹತ್ಯೆ ಮಾಡಿಕೊಳ್ಳಲು ನಿರ್ಧರಿಸಿದ್ದಳು ಎಂದೆಲ್ಲಾ ಹೇಳಿದರು. ಆದರೆ ಅರುಣಿಮಾ ಅದ್ಯಾವುದಕ್ಕೂ ತಲೆ ಕೆಡಿಸಿಕೊಳ್ಳಲಿಲ್ಲ. ಬದಲಿಗೆ ಎವರೆಸ್ಟ್ ಏರುವ ಕನಸಿನ ಬಗ್ಗೆ ಆಲೋಚಿಸಲು ಪ್ರಾರಂಭಿಸಿದಳು. ಅದಕ್ಕಾಗಿ ಏನು ಮಾಡಬೇಖು ಎನ್ನುವುದರ ಬಗ್ಗೆ ಚಿಂತನೆ ನಡೆಸಿದಳು.

ಕನಸು ನನಸಾಯಿತು

ದೃಢವಾದ ಮನಸ್ಸು ಹಾಗೂ ಗುರಿಯಿಂದಾಗಿ ಮೇ 21ರಂದು ಆಕೆ ಎವರೆಸ್ಟ್ ಶೃಂಗಸಭೆಯನ್ನು ತಲುಪಿದರು. ಹಾಗೂ ವಿಶ್ವದ ಅತ್ಯುನ್ನತ ಶಿಖರವನ್ನು ತಲುಪಿದ ಮೊದಲ ಅಂಗವಿಕಲ ಮಹಿಳೆ ಎನ್ನುವ ಹೆಗ್ಗಳಿಕೆಗೆ ಪಾತ್ರರಾದರು.

ಆಕೆಯ ಮನಸ್ಸು

ಸಾಮಾನ್ಯವಾಗಿ ಕೃತಕ ಕಾಲಿನ ಜೋಡಣೆಯಾದ ಬಳಿಕ ರೋಗಿಗಳು ಆ ಕಾಲಿನ ಅನ್ವಯದಂತೆ ಸೂಕ್ತ ರೀತಿಯಲ್ಲಿ ನಡೆಯಲು ಹಲವಾರು ತಿಳಂಗಳು ಅಥವಾ ವರ್ಷಗಳೇ ಬೇಕಾಗುವುದು. ಆದರೆ ಅರುಣಿಮಾ ಆಶ್ಚರ್ಯ ಎನ್ನುವಂತೆ ಕೇವಲ ಎರಡೇ ದಿನದಲ್ಲಿ ನಡೆಯಲು ಕಲಿತಿದ್ದಳು. ಮಾನಸಿಕವಾಗಿ ದೃಢ ಆಲೋಚನೆ ಹಾಗೂ ಸಂಕಲ್ಪಗಳಿದ್ದರೆ ದೈಹಿಕವಾಗಿ ಭಾರೀ ಪ್ರಭಾವವನ್ನು ಹೊಂದಬಹುದು ಎಂದು ಹೇಳಲಾಗುತ್ತದೆ. ಅದನ್ನು ಈಕೆ ತೋರಿಸಿಕೊಟ್ಟಳು.

ಪ್ರಶಸ್ತಿಯ ಗರಿ

ಮೌಂಟ್ ಎವರೆಸ್ಟ್ ಏರಿದ ಮಹಿಳೆ ಎನ್ನುವುದರ ಮೂಲಕ ವಿಶ್ವ ದಾಖಲೆಯನ್ನು ಮಾಡಿದಳು. 2015ರ ಜನವರಿಯಲ್ಲಿ ಪದ್ಮಶ್ರೀ ಪ್ರಶಸ್ತಿ ಹಾಗೂ ಭಾರತದ ನಾಲ್ಕನೇ ಅತ್ಯುತ್ತಮ ನಾಗರಿಕ ಪ್ರಶಸ್ತಿಯನ್ನು ಪಡೆದುಕೊಂಡಳು.

ಅವಳ ಸಾಧನೆಯ ಕ್ಷಣಗಳು

ಮೌಂಟ್ ಎವರೆಸ್ಟ್ ಶಿಖರದ ಮೇಲೆ ಏರಿರುವಾಗ ಭಾರತದ ಧ್ವಜವನ್ನು ಸ್ಥಾಪಿಸಿದಳು. ನಂತರ ಅದರ ಮುಂದೆ ಒಂದಿಷ್ಟು ವಿವೇಕಾನಂದ ವಿಗ್ರಹವನ್ನು ಇಟ್ಟಳು. ಆಕೆ ಆಮ್ಲಜನಕದ ಕೊರತೆಯಿಂದ ಕೊನೆಯುಸಿರು ಎಳೆಯುತ್ತೇನೆ ಎನ್ನುವ ಭಾವದಲ್ಲಿದ್ದಳು ಎನ್ನುವುದು ಆಕೆ ಮಾಡಿಕೊಂಡ ವೀಡಿಯೋ ಚಿತ್ರದಲ್ಲಿ ಕಂಡು ಬರುತ್ತದೆ.

ಅದೃಷ್ಟ ಆಕೆಯ ಪರವಾಗಿತ್ತು

ಅದೃಷ್ಟ ಎನ್ನುವುದು ಕೆಚ್ಚೆದೆಯ ವೀರ ಮಹಿಳೆಯಕಡೆಗಿತ್ತು ಎನ್ನಬಹುದು. ಎವರೆಸ್ಟ್‍ಅನ್ನು ಇಳಿಯಲು ಪ್ರಯತ್ನಿಸುತ್ತಿರುವಾಗ ಬ್ರಿಟಿಷ್ ಆರೋಹಿಯೊಬ್ಬರು ಮೇಲಕ್ಕೆ ಹೋಗಿ ಆಮ್ಲಜನಕವನ್ನು ನೀಡಿದರುಅದರಿಂದ ಆಕೆ ಉಸಿರಾಟದ ಸಮಸ್ಯೆ ನಿವಾರಣೆಯಾಯಿತು.

ಶಿಖರವನ್ನು ಏರುವುದು ಆಕೆಯ ಕನಸು

ಪ್ರಪಂಚದ ಎಲ್ಲೆಡೆಯ ಶಿಖರವನ್ನು ಏರುವುದು ಆಕೆಯ ಕನಸಾಗಿತ್ತು. ಈಗಾಗಲೇ ಏಷ್ಯಾದಲ್ಲಿ ಎವರೆಸ್ಟ್, ಆಫ್ರಿಕಾದಲ್ಲಿ ಕಿಲಿಮಾಂಜರೋ, ಯುರೋಪ್‍ನ ಎಲ್ಬ್ರಸ್ ಮತ್ತು ಆಸ್ಟ್ರೇಲಿಯಾದಲ್ಲಿ ಕೊಸ್ಸಿಯಸ್ಕೋವನ್ನು ಏರಿದ್ದರು. ಈ ವರ್ಷ ದಕ್ಷಿಣ ಅಮೇರಿಕಾಕ್ಕೆ ಹೋಗಲಿದ್ದಾರೆ.

ಮೋದಿ ಬಿಡುಗಡೆ ಮಾಡಿದರು

ಅರುಣಿಮಾ ತನ್ನ ಎವರೆಸ್ಟ್ ಏರುವ ಕನಸಿಗೆ ಸ್ಫೂರ್ತಿಯಾಗಿ "ಬಾರ್ನ್ ಆನ್ ಎ ಮೌಂಟೇನ್" ಎನ್ನುವ ಪುಸ್ತಕವನ್ನು ಬರೆದಿದ್ದಾಳೆ. ಇದನ್ನು ಇತ್ತೀಚೆಗೆ ಪ್ರಧಾನಿ ನರೇಂದ್ರ ಮೋದಿಯವರು ಬಿಡುಗಡೆಮಾಡಿದರು.

ಇತಿಹಾಸದಲ್ಲಿ ಸೇರ್ಪಡೆ

ಜೀವನದಲ್ಲಿ ಎಲ್ಲರಿಗೂ ಕಷ್ಟ ಸುಖಗಳು ಬರುತ್ತವೆ. ಎಲ್ಲಾ ಸಂದರ್ಭದಲ್ಲೂ ನಾವು ಸಮತೋಲನವನ್ನು ಕಾಯ್ದುಕೊಳ್ಳಬೇಕು. ಇದಕ್ಕೆ ಸಾಕ್ಷಿಯಾಗಿ ಅರುಣಿಮಾ ನಿಲ್ಲುತ್ತಾರೆ. ತಮ್ಮ ಜೀವದಲ್ಲಿ ಕಷ್ಟಗಳು ಬಂದರೂ ಹೆದರದೆ ಸಾಧನೆ ಮಾಡಿರುವುದು ಒಂದು ಇತಿಹಾಸ ಪಾಠವಾಗಿದೆ.

ಕ್ರೀಡೆಯಿಂದ ಪಾಠ

ಯಾವುದೇ ಬಗೆಯ ಕ್ರೀಡೆಯಿಂದಾದರೂ ಪಾಠ ಕಲಿಯಬಹುದು. ಜೀವನದಲ್ಲಿ ನೀವು ಯಾವ ಸಾಧನೆ ಮಾಡುತ್ತೀರಿ ಎನ್ನುವುದು ಮುಖ್ಯವಲ್ಲ. ನೀವು ಮಾಡುವ ಸಾಧನೆಯಿಂದ ನಿಮ್ಮ ಬದುಕು ಹಾಗೂ ಯಶಸ್ಸು ಹೇಗೆ ನಿಲ್ಲುತ್ತದೆ ಎನ್ನನುವುದು ಸಹ ಮುಖ್ಯವಾಗುತ್ತದೆ. ಹಾಗಾಗಿ ಇತರರನ್ನು ದೂರುತ್ತಿರುವ ಬದಲು ನಮ್ಮ ತನದ ಬಗ್ಗೆ ಅರಿತು ಗುರಿ ಸಾಧಿಸುವುದು ಮುಖ್ಯ.

ಸ್ಫೂರ್ತಿಯ ನುಡಿ

ನಮ್ಮ ಸಾಧನೆ ಸೀಮಿತ ವಿಚಾರಕ್ಕೆ ಮುಗಿಯಬಾರದು. ಹಾರುವ ಹಕ್ಕಿ ಎಲ್ಲೆಡೆಯೂ ಹಾರಬೇಕು. ಹಕ್ಕಿಗೆ ಸಮುದ್ರವನ್ನು ದಾಟಿದರೆ ಹಾರುವುದು ಮುಗಿಯುವುದಿಲ್ಲ. ಹಾರಾಡಲು ವಿಶಾಲವಾದ ಆಕಾಶವಿರುತ್ತದೆ. ಹಾಗೆಯೇ ನಮ್ಮ ಅಗಾಧವಾದ ಗುರಿ ಸಾಧನೆಗೆ ವಿಶೇಷವಾದ ಮನಃಶಕ್ತಿ ಇರಬೇಕು.