For Quick Alerts
ALLOW NOTIFICATIONS  
For Daily Alerts

ಬ್ರೂಸ್ ಲೀ ನಿಜವಾಗಿಯೂ ಸತ್ತಿದ್ದಾರಾ? ಅವರ ನೆನಪೂ ಇಂದಿಗೂ ಅಜರಾಮರ..

By Divya Pandit
|

ಬ್ರೂಸ್ ಲೀ ಎಂದರೆ ಮೊದಲು ನೆನಪಾಗುವುದು ಅವರ ಕುಂಗ್ ಫೂ. ಹೆಚ್ಚಿನವರಿಗೆ ಕುಂಗ್ ಫೂ ಮತ್ತು ಕರಾಟೆಯ ವ್ಯತ್ಯಾಸ ಗೊತ್ತಿಲ್ಲ. ಬ್ರೂಸ್ ಲೀ ಅವರು ಕುಂಗ್ ಫೂ ಶೈಲಿಯಲ್ಲಿ ಕೊಡುವ ಒದೆಯನ್ನು ನೆನಪಿಸಿಕೊಳ್ಳುತ್ತಾರೆ. ಒಂದು ಕಾಲದಲ್ಲಿ ಇವರ ಕುಂಗ್ ಫೂ ಶೈಲಿಯ ಹೋರಾಟವನ್ನು ನೋಡಲು ಎಲ್ಲರೂ ಖುಷಿ ಪಡುತ್ತಿದ್ದರು. ಅದಕ್ಕಾಗಿಯೇ ಅದೆಷ್ಟೋ ಜನರು ಯೂ ಟ್ಯೂಬ್‍ನಲ್ಲಿ ಇದನ್ನೇ ಹೆಚ್ಚು ವೀಕ್ಷಿಸುತ್ತಿದ್ದರು.

ಇವರು ಚಿತ್ರೀಕರಣದಲ್ಲಿ ತೋರಿಸುತ್ತಿದ್ದ ಆ ಕಲೆ ಎಲ್ಲರನ್ನೂ ಮಂತ್ರ ಮುಗ್ಧಗೊಳಿಸುತ್ತಿತ್ತು. ಕೆಲವು ಆಯ್ದ ಚಿತ್ರಗಳಲ್ಲಿ ಅವರ ಸಾಧನೆ ಹಾಗೂ ಕುಂಗ್ ಫೂ ತೋರಿಸಿಕೊಟ್ಟ ಶೈಲಿ ಶ್ಲಾಘನೀಯ. ಹೆಚ್ಚಿನವರಿಗೆ ಬ್ರೂಸ್ ಲೀ ಅವರ ನಿಜವಾದ ಹೆಸರು ಲೀ ಜುನ್-ಫಾನ್ ಎನ್ನುವುದು ಗೊತ್ತಿಲ್ಲ. ಇವರು ಕುಂಗ್ ಫೂ ಪರಿಣಿತಿಯೊಂದಿಗೆ ಪ್ರತಿಭಾವಂತ ಕವಿಯೂ ಆಗಿದ್ದರು.

bruce-lee-really-die

ಎಲ್ಲವೂ ಸುಂದರವಾಗಿ ನಡೆದುಕೊಂಡು ಹೋಗುತ್ತಿದೆ ಎನ್ನುವಾಗಲೇ ವಿಶ್ವದ ಅತ್ಯುತ್ತಮ ಹೋರಾಟಗಾರ ಅಥವಾ ಕುಸ್ತಿಪಟು ಎನಿಸಿಕೊಂಡ ಬ್ರೂಸ್ ಲೀ ತನ್ನ 32ನೇ ವಯಸ್ಸಿನಲ್ಲಿ ನಿಧನರಾದರು. ಕೆಲವ ವದಂತಿಯಯ ಪ್ರಕಾರ ಬ್ರೂಸ್ ಲೀ ಚೈನಾದ ಸೀಕ್ರೇಟ್ ಸಂಸ್ಥೆ ಎನಿಸಿಕೊಂಡ ಟ್ರೈಡ್ ಅವರಿಂದ ಕೊಲೆಗೈಯಲಾಗಿದೆ ಎಂದು ಹೇಳಲಾಗುತ್ತಿತ್ತು. ಆದರೆ ಅವರ ಸಾವಿಗೆ ನಿಜವಾದ ಕಾರಣ "ಸೆರೆಬ್ರಲ್ ಎಡಿಮಾ" ಎನ್ನುವ ಆರೋಗ್ಯ ಸಮಸ್ಯೆ. ಈ ಆರೋಗ್ಯ ಸಮಸ್ಯೆಗೆ ಒಳಗಾದವರಿಗೆ ಮಿದುಳಿನಲ್ಲಿ ಊತ ಮತ್ತು ಉಸಿರಾಟದಲ್ಲಿ ತೊಂದರೆ ಹಾಗೂ ಹಠಾತ್ ಅಸಮಾನ್ಯ ನಡವಳಿಕೆಗಳು ಕಾಣಿಸಿಕೊಳ್ಳುತ್ತವೆ. ಇದು ಅವರ ಚಿತ್ರೀಕರಣದ ಸಂದರ್ಭದಲೂ ನಡೆದಿತ್ತು ಎಂದು ಹೇಳಲಾಗುತ್ತದೆ.

ಅವರ ಮರಣದ ದಿನ "ಗೇಮ್ ಆಫ್ ಡೆತ್" ಹೊಸ ಚಿತ್ರದ ಚಿತ್ರೀಕರಣದ ಕುರಿತು ಹಾಂಗ್ ಕಾಂಗ್ ಚಲನಚಿತ್ರದ ನಿರ್ಮಾಪಕರಾದ ರೇಮಂಡ್ ಚೂ ಎನ್ನುವವರನ್ನು ಭೇಟಿಯಾಗಿದ್ದರು. ಸಂಜೆ ಸುಮಾರು 4 ಗಂಟೆಗೆ ಸಭೆ ಸೇರಿದ್ದರು. ನಂತರ ಸಂಜಾಗುತ್ತಿದ್ದಂತೆ ಬ್ರೂಸ್ ಲೀ ಅವರಿಗೆ ತೀವ್ರವಾದ ತಲೆನೋವು ಉಂಟಾಯಿತು. ಆಗ ಅವರ ಸ್ನೇಹಿತ ಮತ್ತು ನಟಿ ಬೆಟ್ಟಿ ಟಿಂಗ್ ಪೀ ಅವರು "ಆಸ್ಪ್ರಿನ್, ಮೆಪ್ರೋಬಾಮೆಟ್ "ಮಾತ್ರೆ ತೆಗೆದುಕೊಳ್ಳಲು ಸಲಹೆ ನೀಡಿದರು ಎನ್ನಲಾಗುತ್ತದೆ.

ಅದೇ ದಿನ ಸಾಯಂಕಾಲ ಚಲನ ಚಿತ್ರ ತಯಾರಿಸುವ ಉದ್ದೇಶಕ್ಕೆ ನಟ ಜಾರ್ಜ್ ಲೆಜೆನ್ಬಿ (ಜೇಮ್ಸ್ ಬಾಂಡ್ ಖ್ಯಾತಿಯ) ಅವರೊಂದಿಗೆ ಬ್ರೂಸ್ ಲೀ ಊಟ ಮಾಡಬೇಕಿತ್ತು. ಅವರ ಅನಾರೋಗ್ಯದ ಕಾರಣ ಊಟ ಮಾಡಲು ಸಾಧ್ಯವಾಗಲಿಲ್ಲ. ನಂತರ ರಾಣಿ ಎಲಿಜಬೆತ್ ಆಸ್ಪತ್ರೆಗೆ ಸೇರಿಸಲಾಯಿತು. ನಂತರ ಅಲ್ಲಿಯೇ ಕೊನೆ ಉಸಿರೆಳೆದರು ಎಂದು ಘೋಷಿಸಲಾಯಿತು. ಅವರ ಪೋಸ್ಟ್ ಮಾಟರ್ಮ್ ವರದಿಯ ಪ್ರಕಾರ ಆಸ್ಪ್ರಿನ್ ಮತ್ತು ಮೆಪ್ರೊಬಾಮೆಟ್ ಮಾತ್ರೆಯ ಅಲರ್ಜಿ ಹೊಂದಿದ್ದರು.

ಅವರ ಮೆದುಳು ಸುಮಾರು ಶೇ.13 ರಷ್ಟು ದೊಡ್ಡ ಗಾತ್ರವನ್ನು ಪಡೆದುಕೊಂಡಿತ್ತು ಎನ್ನಲಾಯಿತು. ನಂತರ ಲೀ ಅವರ ಶವವನ್ನು ಸೀಟಲ್ ಗೆ ತರಲಾಯಿತು. ಅಲ್ಲಿಯೇ ಅವರ ಅಂತಿಮ ಸಮಾಧಿ ಮಾಡಲಾಯಿತು. ಅವರನ್ನು ಬಹು ಬೇಗ ಕಳೆದುಕೊಂಡಿರುವುದು ಬೇಸರದ ಸಂಗತಿ.

English summary

how-did-bruce-lee-really-die-long-time-mystery-solved

As a kid, I associated Bruce Lee with the following words - Kung-Fu, martial arts and dragon. I still do. Most of us are unaware of the difference between Taekwondo, Karate or Kung Fu but most of us do have a very fond memory of Bruce Lee kicking everyone's ass with his trademark shout. Bruce Lee was a craftsman who made some changes in the basic structure of martial arts which have been followed ever since. Not a lot of people know that Bruce Lee's actual name was Lee Jun-Fan. Apart from being a martial arts expert, Lee was a talented poet as well.
Story first published: Monday, December 4, 2017, 17:16 [IST]
X
Desktop Bottom Promotion