ಅಂಗೈಯಲ್ಲಿ 'ಜೀವರಕ್ಷಕ ರೇಖೆ' ಇರುವವರು ತುಂಬಾನೇ ಅದೃಷ್ಟವಂತರು!

ಜೀವರಕ್ಷಕ ರೇಖೆ

ಈ ರೇಖೆ ಅತ್ಯಂತ ಪ್ರಬಲ ರೇಖೆಯೆಂದು ಭಾವಿಸಲಾಗಿದ್ದು ಒಂದು ವೇಳೆ ನಿಮ್ಮ ಹಸ್ತದಲ್ಲಿದ್ದರೆ ನಿಮ್ಮನ್ನು ಯಾವುದೋ ಅದೃಶ್ಯ ಶಕ್ತಿ ನಿಮ್ಮನ್ನು ಗಮನಿಸುತ್ತಿದೆ ಎಂದು ಹೇಳಲಾಗುತ್ತದೆ. ನಿಮ್ಮ ಪ್ರಯತ್ನಗಳು ಸಫಲಗೊಳ್ಳಲು ಈ ಶಕ್ತಿ ಯತ್ನಿಸುತ್ತದೆ ಹಾಗೂ ದುಷ್ಟಶಕ್ತಿಗಳು ನಿಮ್ಮ ಬಳಿ ಸುಳಿಯದಂತೆ ನಿಮ್ಮನ್ನು ರಕ್ಷಿಸುತ್ತದೆ.

ಇದೊಂದು ಸೂಚನೆಯಾಗಿದೆ

ಈ ರೇಖೆಯ ಇನ್ನೊಂದು ಸೂಚನೆ ಎಂದರೆ ಒಂದು ವೇಳೆ ನೀವು ಅತಿಯಾಗಿ ಪ್ರೀತಿಸುವ ವ್ಯಕ್ತಿ ನಿಮ್ಮಿಂದ ದೂರವಾಗಿದ್ದರೆ ಈಗ ನಿಮ್ಮ ಜೀವರಕ್ಷಕ ಶಕ್ತಿಯೊಂದು ನಿಮ್ಮೊಂದಿಗೆ ಸದಾ ಚಲಿಸುತ್ತಿದ್ದು ನಿಮ್ಮನ್ನು ಎಲ್ಲಾ ಕಷ್ಟದ ಸಮಯದಲ್ಲಿ ರಕ್ಷಿಸುತ್ತದೆ.

ಈ ರೇಖೆ ಎಲ್ಲಿದೆ?

ಈ ರೇಖೆ ತೆಳ್ಳಗಿದ್ದು ಜೀವನರೇಖೆ ಎಂಬ ಸ್ಪಷ್ಟವಾದ ರೇಖೆಯ ಪಕ್ಕದಲ್ಲಿಯೇ ಕಮಾನಿನಾಕೃತಿಯಲ್ಲಿರುತ್ತದೆ. ಪ್ರಾರಂಭದಲ್ಲಿ ಇದು ಜೀವನರೇಖೆಗೆ ಸಮಾನಾಂತರವಾಗಿದ್ದು ಮುಂದುವರೆದು ಜೀವನರೇಖೆಯ ತಲೆಯ ಭಾಗದಲ್ಲಿ ರೇಖೆಯನ್ನು ಹಾದು ಹೋಗುತ್ತದೆ. ಈ ಭಾಗ ನೀವು ನಿಮ್ಮ ಆತ್ಮೀಯರೊಬ್ಬರನ್ನು ಕಳೆದುಕೊಂಡಿರುವ ಸೂಚನೆಯಾಗಿದೆ.

ಈ ರೇಖೆ ಬಹುತೇಕ ಎಡಹಸ್ತದಲ್ಲಿರುತ್ತದೆ

ಈ ರೇಖೆ ಎಡಹಸ್ತದಲ್ಲಿಯೇ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತದೆ. ಬಲಹಸ್ತದಲ್ಲಿ ಕಾಣಿಸಿಕೊಳ್ಳುವುದು ಇಲ್ಲವೇ ಇಲ್ಲವೆನ್ನುವಷ್ಟು ಅಪರೂಪ. ಎಡಹಸ್ತದ ಜೀವನ ರೇಖೆಗೆ ಸಮಾನಾಂತರವಾಗಿ ಸಾಗುತ್ತದೆ. ಇದು ನಿಮ್ಮ ಜೀವರಕ್ಷಕ ನಿಮ್ಮೊಂದಿಗೆ ಇರುವ ಮೂಲಕ ನಿಮ್ಮನ್ನು ಹರಸುತ್ತಾ ಹಾಗೂ ನಿಮ್ಮನ್ನು ಎಲ್ಲಾ ಕಷ್ಟಕರ ಪರಿಸ್ಥಿತಿಗಳಿಂದ ರಕ್ಷಿಸುತ್ತದೆ.

ಈ ರೇಖೆಯ ಅರ್ಥ

ಈ ರೇಖೆ ನಿಮ್ಮ ಹಸ್ತದಲ್ಲಿದೆ ಎಂದರೆ ನಿಮ್ಮ ಕಷ್ಟದ ಸಮಯದಲ್ಲಿ ನೀವು ಸಹಾಯಕ್ಕಾಗಿ ಇಡುವ ಮೊರೆಯನ್ನು ಕೇಳಿ ತಕ್ಷಣ ನಿಮ್ಮ ನೆರವಿಗೆ ಆಗಮಿಸಲು ಜೀವರಕ್ಷಕ ಶಕ್ತಿಯೊಂದಿದೆ ಎಂದು ತಿಳಿದುಕೊಳ್ಳಬೇಕು. ಅಷ್ಟೇ ಅಲ್ಲ, ಈ ಶಕ್ತಿ ನಿಮ್ಮನ್ನು ನಿಮ್ಮ ಸುತ್ತಮುತ್ತಲಿರುವ ವ್ಯಕ್ತಿಗಳ ದುಷ್ಟ ಕಣ್ಣುಗಳಿಂದ ಹಾಗೂ ನಿಮ್ಮ ಕೇಡು ಬಯಸುವ ವ್ಯಕ್ತಿಗಳಿಂದಲೂ ರಕ್ಷಣೆ ನೀಡುತ್ತದೆ.

ಹೃದಯದ ರೇಖೆ

ಈ ರೇಖೆ ಹೃದಯ ಅಥವಾ ಆತ್ಮೀಯ ಸಂಗತಿಗಳನ್ನು ಪ್ರತಿನಿಧಿಸುತ್ತದೆ. ಈ ರೇಖೆ ಆಳವಾಗಿದ್ದಷ್ಟೂ ಹೃದಯದಿಂದ ಯೋಚಿಸುವ ಗುಣ ನಿಮ್ಮಲ್ಲಿ ಹೆಚ್ಚಾಗಿದ್ದು ನೀವು ಆತ್ಮೀಯತೆಗೆ ಹೆಚ್ಚಿನ ಮಹತ್ವ ನೀಡುವ ವ್ಯಕ್ತಿ ಎಂದು ಸೂಚಿಸುತ್ತದೆ. ಒಂದು ವೇಳೆ ಈ ರೇಖೆ ತುದಿಯಲ್ಲಿ ಕವಲೊಡೆದಿದ್ದರೆ ಈ ವ್ಯಕ್ತಿ ಒಂದೇ ನಿಟ್ಟಿನಲ್ಲಿ ಯೋಚಿಸದೇ ಎರಡು ಬಗೆಯಲ್ಲಿ ಯೋಚಿಸುತ್ತಿದ್ದಾರೆಂದು ಅರ್ಥ.

ಶಿರದ ರೇಖೆ

ಇವು ಒಂದಕ್ಕಿಂತ ಹೆಚ್ಚಿದ್ದು ಹೆಚ್ಚಿನ ವ್ಯಕ್ತಿಗಳು ಎರಡು ರೇಖೆಗಳನ್ನು ಹೊಂದಿರುತ್ತಾರೆ. ಇವು ಶಿರದ ಅಥವಾ ಮೆದುಳಿನಿಂದ ಯೋಚಿಸುವ ವಿಷಯಗಳಿಗೆ ಸಂಬಂಧಪಟ್ಟಿವೆ. ಈ ರೇಖೆ ಉದ್ದವಾಗಿದ್ದಷ್ಟೂ ವ್ಯಕ್ತಿ ಹೆಚ್ಚಿನ ವಿಷಯಗಳಲ್ಲಿ ಆಸಕ್ತಿ ಹೊಂದಿರುವುದನ್ನು ಸೂಚಿಸುತ್ತದೆ.ಇವು ಒಂದಕ್ಕಿಂತ ಹೆಚ್ಚಿದ್ದು ಹೆಚ್ಚಿನ ವ್ಯಕ್ತಿಗಳು ಎರಡು ರೇಖೆಗಳನ್ನು ಹೊಂದಿರುತ್ತಾರೆ. ಇವು ಶಿರದ ಅಥವಾ ಮೆದುಳಿನಿಂದ ಯೋಚಿಸುವ ವಿಷಯಗಳಿಗೆ ಸಂಬಂಧಪಟ್ಟಿವೆ. ಈ ರೇಖೆ ಉದ್ದವಾಗಿದ್ದಷ್ಟೂ ವ್ಯಕ್ತಿ ಹೆಚ್ಚಿನ ವಿಷಯಗಳಲ್ಲಿ ಆಸಕ್ತಿ ಹೊಂದಿರುವುದನ್ನು ಸೂಚಿಸುತ್ತದೆ.

ಜೀವನದ ರೇಖೆ

ಈ ರೇಖೆ ಉದ್ದವಾಗಿದ್ದಷ್ಟೂ ಆಯಸ್ಸೂ ಹೆಚ್ಚು ಎಂದು ತಿಳಿದುಕೊಳ್ಳಬಹುದು. ಒಂದು ವೇಳೆ ಈ ರೇಖೆ ನಡುವೆ ತುಂಡಾಗಿದ್ದಂತೆ ಕಂಡುಬಂದರೆ ಜೀವನದಲ್ಲಿ ಎಲ್ಲೋ ಒಂದು ಕಡೆಯಲ್ಲಿ ಅಪಘಾತ ಅಥವಾ ಮಾರಕ ಕಾಯಿಲೆ ಎದುರಾಗಬಹುದು ಎಂದು ಸೂಚಿಸುತ್ತದೆ.

ವಿಧಿಯ ರೇಖೆ

ಈ ರೇಖೆಯನ್ನು ಅದೃಷ್ಟದ ರೇಖೆ ಎಂದೂ ಕರೆಯಲಾಗುತ್ತದೆ. ಇದರ ಮೂಲಕ ವ್ಯಕ್ತಿಯ ನಿಯಂತ್ರಣಕ್ಕೆ ಮೀರಿದ ವಿಷಯಗಳು ಆತನ ವ್ಯಕ್ತಿತ್ವ ಹಾಗೂ ಜೀವನದ ಮೇಲೆ ಎಷ್ಟು ಪ್ರಭಾವಶಾಲಿಯಾಗಿದೆ ಎಂದು ತಿಳಿಸುತ್ತದೆ.

ಸೂರ್ಯನ ರೇಖೆ (ಅಪೋಲೋ)

ಈ ರೇಖೆ ವ್ಯಕ್ತಿಯ ಅದೃಷ್ಟ, ಜನಪ್ರಿಯತೆ, ಶ್ರೀಮಂತಿಕೆ ಹಾಗೂ ಕಳಂಕವನ್ನೂ ಸೂಚಿಸುತ್ತದೆ. ಈ ರೇಖೆ ಆಳವಾಗಿದ್ದಷ್ಟೂ ಜನಪ್ರಿಯತೆ ಮತ್ತು ಐಶ್ವರ್ಯ ಹೆಚ್ಚುತ್ತದೆ. ಈ ರೇಖೆ ಎಷ್ಟು ಉದ್ದವಿರುತ್ತದೆಯೋ ಅಷ್ಟೂ ಈ ಐಶ್ವರ್ಯ ಹಾಗೂ ಜನಪ್ರಿಯತೆ ಉಳಿದುಕೊಳ್ಳುವ ಕಾಲಾವಧಿಯನ್ನು ಸೂಚಿಸುತ್ತದೆ.