ಗಾಬರಿಪಡಿಸುವ ಸುದ್ದಿ! ಮನುಷ್ಯನ ಕಿವಿಯಲ್ಲಿ ಬಾಲವಿಲ್ಲದ ಹಲ್ಲಿ ಪತ್ತೆ!

ಇದು ನಡೆದಿದ್ದು ಚೀನಾದಲ್ಲಿ

ಈ ವಿಚಿತ್ರ ವಿದ್ಯಮಾನ ಚೀನಾದಲ್ಲಿ ನಡೆದಿದೆ. ಚೀನೀ ಪುರುಷರೊಬ್ಬರು ಬೆಳಿಗ್ಗೆದ್ದಾಗ ಕಿವಿಯಲ್ಲಿ ತೀಕ್ಷ್ಣ ನೋವನ್ನು ಅನುಭವಿಸುತ್ತಿದ್ದರು. ಒಳಗೆ ಸೂಜಿಗಳಿಂದ ಇರಿಯುತ್ತಿದ್ದಂತೆ ನೋವಾಗುತ್ತಿದ್ದು ಇದಕ್ಕೆ ಕಾರಣವೇ ತಕ್ಷಣಕ್ಕೆ ಗೊತ್ತಾಗುತ್ತಿರಲಿಲ್ಲ.

ಈ ನೋವಿಗೆ ಕಾರಣ ಏನು ಎಂಬುದು ಜೀವನದ ದೊಡ್ಡ ಶಾಕ್!

ನೋವು ತಡೆಯಲಾರದೇ ವೈದ್ಯರ ಬಳಿ ಭೇಟಿ ನೀಡಿದ ಈ ವ್ಯಕ್ತಿಯ ಕಿವಿಯನ್ನು ಪರಿಶೀಲಿಸಿದ ವೈದ್ಯರಿಗೂ ದೊಡ್ಡ ಆಘಾತ, ಒಳಗೊಂದು ಜೀವಂತ ಹಲ್ಲಿ ಕೂತಿದೆ. ಈ ಮಾಹಿತಿಯನ್ನು ಅರಿತ ವ್ಯಕ್ತಿಗೂ ಜೀವನದ ಅತಿ ದೊಡ್ಡ ಆಘಾತ ಎದುರಾಗಿತ್ತು. ಕಿವಿಯ ಇಕ್ಕಟ್ಟಿನೊಳಗೆ ನಾಲ್ಕೂ ಕಾಲುಗಳಿಂದ ಒಳಗೋಡೆಗಳನ್ನು ಒತ್ತಿ ಕುಳಿತ ಕಾರಣ ಕಾಲಿನ ಉಗುರುಗಳು ಸೂಜಿಗಳಂತೆ ಚುಚ್ಚುತ್ತಿದ್ದುದು ಈ ನೋವಿಗೆ ಕಾರಣವಾಗಿದ್ದು ಒಳಗೋಡೆಯ ಮೇಲಿನ ಒತ್ತಡ ಭಾರೀ ತಲೆನೋವು ಹಾಗೂ ಕಿವಿಯೊಳಗೆ ತುರಿಕೆಯೂ ಕಾರಣವಾಗಿತ್ತು.

ಹಲ್ಲಿಗೆ ಅರವಳಿಕೆ

ಯಾವುದೇ ಪ್ರಾಣಿಯನ್ನು ಹಿಡಿದರೆ ಇದರಿಂದ ಬಿಡಿಸಿಕೊಳ್ಳಲು ಅದು ಕೊರಸಾಡುತ್ತದೆ. ಆದ್ದರಿಂದ ಇದನ್ನು ಹೊರತೆಗೆಯುವ ಪ್ರಯತ್ನದಲ್ಲಿ ಹಲ್ಲಿ ಕೊಸರಾಡಿ ಕಿವಿಯೊಳಗಿನ ಅತಿ ಸೂಕ್ಷ್ಮ ಅಂಗಗಳಿಗೆ ಹಾನಿಯಾಗಬಾರದೆಂದು ತಕ್ಷಣವೇ ವೈದ್ಯರು ಅತಿ ಚಾಕಚಕ್ಯತೆಯಿಂದ ಕಿರಿದಾದ ಸೂಜಿಯನ್ನು ಉಪಯೋಗಿಸಿ ಹಲ್ಲಿಗೆ ಅರವಳಿಕೆಯ ಇಂಜೆಕ್ಷನ್ ನೀಡಿದ್ದರು. ಹಲ್ಲಿ ನಿಷ್ಟೇಷ್ಟಿತವಾದ ಬಳಿಕ ಇಕ್ಕಳದಿಂದ ಹಲ್ಲಿಯನ್ನು ಹೊರತೆಗೆಯಲಾಯಿತು. ಈ ಪ್ರಕ್ರಿಯೆಗೆ ಕೇವಲ ಐದೇ ನಿಮಿಷ ತಗುಲಿತ್ತು. ಆದರೆ ಈ ವ್ಯಕ್ತಿಗೆ ಆ ಐದು ನಿಮಿಷಗಳು ಐದು ಯುಗದಂತೆ ಕಂಡಿರಬಹುದು.

ಆದರೆ ಬಾಲವೆಲ್ಲಿ ಹೋಯಿತು?

ಸಾಮಾನ್ಯವಾಗಿ ಹಲ್ಲಿಗಳು ಕಷ್ಟಕರ ಸಮಯ ಬಂದಾಗ ತಾವೇ ಬಾಲವನ್ನು ಬೀಳಿಸಿಕೊಂಡು ಓಡುತ್ತವೆ. ಕೊಸರಾಡುವ ಬಾಲವನ್ನು ಕಂಡ ವೈರಿ ಬಾಲದತ್ತ ಗಮನ ಹರಿಸಿದಾಗ ಹಲ್ಲಿ ವಿರುದ್ದ ದಿಕ್ಕಿನಲ್ಲಿ ಪಲಾಯನ ಹೂಡುತ್ತವೆ. ಈ ಹಲ್ಲಿಯಲ್ಲಿ ಮಾತ್ರ ಬಾಲವೇ ಇರಲಿಲ್ಲ. ಹಾಗಾದರೆ ಇದರ ಬಾಲ ಮೊದಲೇ ತುಂಡಾಗಿತ್ತೇ? ಕಿವಿಯೊಳಗೇ ಉಳಿದಿತ್ತೇ ಎಂಬ ಪ್ರಶ್ನೆ ಮೊದಲು ಕಾಡಿದ್ದು ಆ ವೈದ್ಯರಿಗೆ.

ಆದರೆ ಬಾಲವೆಲ್ಲಿ ಹೋಯಿತು?

ಹಾಗಾಗಿ ಮತ್ತೊಮ್ಮೆ ವ್ಯಕ್ತಿಯ ಕಿವಿಯನ್ನು ಸೂಕ್ಷ್ಮವಾಗಿ ಪರಿಶೀಲಿಸಿ ಕಿವಿಯೊಳಗಂತೂ ಬಾಲವಿಲ್ಲ ಹಾಗಾದರೆ ಇದು ಪ್ರವೇಶ ಪಡೆದಿರುವುದಕ್ಕಿಂತಲೂ ಮುಂಚಿತವಾಗಿಯೇ ಬಾಲವನ್ನು ಕಳೆದುಕೊಂಡಿರಬೇಕು ಎಂದು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಈ ಬಗ್ಗೆ ಹೆಚ್ಚಿನ ವಿವರಗಳನ್ನು ಕೆಳಗಿನ ವಿಡಿಯೋ ಮೂಲಕ ನೋಡಬಹುದು. ಇಂತಹ ವಿಚಿತ್ರ ಘಟನೆಗಳ ಬಗ್ಗೆ ನಿಮಗೆ ಅರಿವಿದ್ದರೆ ನಮಗೆ ಖಂಡಿತಾ ತಿಳಿಸಿ....