ಬೆಕ್ಕಿನ ಮಲದಿಂದ ತಯಾರಿಸಿದ 'ಕಾಫಿ' ಗೆ ಡಿಮ್ಯಾಂಡಪ್ಪೋ ಡಿಮ್ಯಾಂಡು!!

ಈಗ ಈ ಕಾಫಿ ಭಾರತದಲ್ಲಿ ಲಭ್ಯವಿದೆ

ಕೇಳಲು ಇಸ್ಸೀ ಎನ್ನಿಸುವ ಕಾಫಿಯ ರುಚಿ ನೋಡಬೇಕೆಂದಿದ್ದರೆ ಜಾವಾ ಸುಮಾತ್ರಾ ದೇಶಕ್ಕೇ ಹೋಗಬೇಕೆಂದಿಲ್ಲ. ಈಗ ಭಾರತದಲ್ಲಿಯೂ ಈ ಕಾಫಿ ಲಭ್ಯವಿದೆ. ಅದೂ ನಮ್ಮ ಕರ್ನಾಟಕದಲ್ಲಿಯೇ, ಕಿತ್ತಳೆಯ ಜಿಲ್ಲೆ ಕೊಡಗಿನಲ್ಲಿ (ಕಾಫಿಯ ಜಿಲ್ಲೆ ಎಂದು ಹೆಸರಾಗಿರುವುದು ಚಿಕ್ಕಮಗಳೂರು!)

ಕಾಫಿ ಮೊದಲು ಜನಪ್ರಿಯಗೊಂಡಿದ್ದು ಇಂಡೋನೇಷ್ಯಾದಲ್ಲಿ

ಜಾವಾ ಸುಮಾತ್ರಾದಲ್ಲಿ (1830-70) ರಲ್ಲಿ ಕಾಫಿಯನ್ನು ಡಚ್ಚರು ಸೇವಿಸುತ್ತಿದ್ದರು. ಆದರೆ ಈ ಕಾಫಿಗೆ ವಾಣಿಜ್ಯರೂಪದ ಬಳಕೆ ಬಂದಿದ್ದು ಮಾತ್ರ ಇಂಡೋನೇಷ್ಯಾದ ಸುಮಾತ್ರಾ ದ್ವೀಪದಲ್ಲಿ. ಈ ಕಾಫಿಯ ಜನಪ್ರಿಯತೆ ಹೆಚ್ಚುತ್ತಿದ್ದಂತೆಯೇ ಕಾಫಿಯ ಬೆಲೆಯೂ ಹೆಚ್ಚುತ್ತಾ ಹೋಗಿದೆ. ಇಂದ ವಿಶ್ವದ ಹಲವೆಡೆ ಸಿವೆಟ್ ಕಾಫಿ ಎಂದು ಜನಪ್ರಿಯವಾಗಿದ್ದು ಈಗ ಕರ್ನಾಟಕಕ್ಕೂ ಬಂದಿದೆ.

ಇದು ಏಕಾಗಿ ಇಷ್ಟು ದುಬಾರಿ?

ಈ ಬೀಜಗಳನ್ನು ಎಷ್ಟು ಬೇಕೋ ಅಷ್ಟು ಪ್ರಮಾಣದಲ್ಲಿ ಪಡೆಯಲು ಸಾಧ್ಯವಿಲ್ಲ. ಏಕೆಂದರೆ ಕಾಫಿಹಣ್ಣುಗಳು ಚೆನ್ನಾಗಿ ಕಳಿತ ಬಳಿಕ ಸಿವೆಟ್ ಎಂಬ ಬೆಕ್ಕು (Asian palm civet (Paradoxurus hermaphroditus)) ಇದನ್ನು ತಿನ್ನಬೇಕು. ಈ ಬೆಕ್ಕಕಿನ ಕರುಳುಗಳಲ್ಲಿ ಈ ಹಣ್ಣುಗಳು ಜೀರ್ಣಗೊಂಡು ಒಳಗಿನ ಗಟ್ಟಿಬೀಜಗಳು ಮಾತ್ರ ಜೀರ್ಣಗೊಳ್ಳದೇ ಉಚ್ಛಿಷ್ಠದಲ್ಲಿ ಹೊರಬರಬೇಕು. ಈ ಉಚ್ಛಿಷ್ಠವನ್ನು ಸಂಗ್ರಹಿಸಿ ಸ್ವಚ್ಛಗೊಳಿಸಿ ಬೀಜಗಳನ್ನು ಪ್ರತ್ಯೇಕಿಸಬೇಕು. ಅಂದರೆ ಈ ಪ್ರಮಾಣ ಒಂದು ಬೆಕ್ಕು ಪ್ರತಿದಿನ ವಿಸರ್ಜಿಸುವ ಪ್ರಮಾಣ ಹಾಗೂ ಬೆಕ್ಕುಗಳ ಸಂಖ್ಯೆಗಳ ಮೇಲೆ ಅವಲಂಬಿತವಾಗಿರುವುದರಿಂದ ಈ ಬೀಜಗಳು ಕಡಿಮೆ ಪ್ರಮಾಣದಲ್ಲಿ ದೊರಕುತ್ತವೆ.

ಈ ಕಾಫಿಯಲ್ಲಿ ಪೌಷ್ಟಿಕಾಂಶಗಳೂ ಇವೆ

ಈ ಕಾಫಿ ಬೀಜ ಅತಿ ದುಬಾರಿಯಾಗಿರಲು ಇದೊಂದೇ ಕಾರಣವಲ್ಲ. ಬದಲಿಗೆ ಈ ಕಾಫಿಯಲ್ಲಿ ಇತರ ಕಾಫಿಯಲ್ಲಿ ಇರದ ಇತರ ಪೋಷಕಾಂಶಗಳಿವೆ ಎಂದು ಸಂಶೋಧಕರು ಪ್ರಕಟಿಸಿರುವುದೇ ಕಾರಣ. ಅಲ್ಲದೇ ಈ ಬೆಕ್ಕುಗಳು ವಿಸರ್ಜಿಸಿದ ಅಲ್ಲಾ ಉಚ್ಛಿಷ್ಠಗಳಿಂದ ಸಂಗ್ರಹಿಸಿದ ಬೀಜ ಉತ್ತಮ ಗುಣಮಟ್ಟ ಹೊಂದಿರುವುದಿಲ್ಲ. ಆದ್ದರಿಂದ ಉತ್ತಮ ಗುಣಮಟ್ಟ ಹೊಂದಿರುವ ಬೀಜಗಳನ್ನು ಪ್ರತ್ಯೇಕಿಸುವುದೇ ಕಷ್ಟಕರವಾದ ಕೆಲಸವಾಗಿದ್ದು ಪರಿಣಾಮವಾಗಿ ಈ ಬೀಜಗಳ ಬೆಲೆ ಗಗನಕ್ಕೇರುತ್ತದೆ.

ಕಾಫಿಗೆ ರುಚಿ ಬರಲು ಕಾರಣ?

ಈ ಬಗ್ಗೆ ನಡೆಸಿದ ಸಂಶೋಧನೆಗಳಲ್ಲಿ ಬೆಕ್ಕಿನ ಕರುಳಿನಲ್ಲಿರುವ ಆಮ್ಲೀಯತೆ ಹೊರಗಿನ ತಿರುಳನ್ನು ಕರಗಿಸಬಲ್ಲದಾದರೂ ಒಳಗಿನ ಗಟ್ಟಿ ಬೀಜವನ್ನು ಜೀರ್ಣಿಸಿಕೊಳ್ಳಲಾರವು. ಬದಲಿಗೆ ಈ ಆಮ್ಲೀಯತೆಯ ಪರಿಸರದಲ್ಲಿ ಕಾಫಿ ಬೀಜ ಸೂಕ್ತಪ್ರಮಾಣದಲ್ಲಿ ಹುರಿದಂತಹ ಪ್ರಭಾವಕ್ಕೆ ಒಳಗಾಗುವ ಮೂಲಕ ವಿಶೇಷ ಸ್ವಾದ ಮತ್ತು ಪೋಷಕಾಂಶಗಳನ್ನು ಪಡೆಯುತ್ತದೆ. ಇದೇ ಕಾರಣಕ್ಕೆ ಈ ಕಾಫಿ ವಿಶೇಷವಾಗಿದೆ.

ಈ ಕಾಫಿಯ ಬೆಲೆ ಎಷ್ಟು?

ಸಾಮಾನ್ಯ ಜನರು ಹೆಸರು ಕೇಳಿಯೇ ಕುಡಿಯಲಿಚ್ಛಿಸದವರು ಬೆಲೆ ಕೇಳಿಯಂತೂ ಈ ಕಾಫಿಯ ಸಹವಾಸವೇ ಬೇಡ ಎಂದು ದೂರ ಹೋಗುವುದು ಖಚಿತ. ಏಕೆಂದರೆ ವಿದೇಶದಲ್ಲಿ ಈ ಕಾಫಿಪುಡಿ ಕೇಜಿಯೊಂದಕ್ಕೆ ಸುಮಾರು ಇಪ್ಪತ್ತರಿಂದ ಇಪ್ಪತ್ತೈದು ಸಾವಿರ ರೂ ಬೆಲೆ ಬಾಳುತ್ತದೆ.

ಈ ಕಾಫಿಯ ಬೆಲೆ ಎಷ್ಟು?

ಇದೇ ಕಾರಣಕ್ಕೆ ಐರೋಪ್ಯ ಹಾಗೂ ಗಲ್ಫ್ ರಾಷ್ಟ್ರಗಳ ಶ್ರೀಮಂತ್ರ ವ್ಯಕ್ತಿಗಳು ಮಾತ್ರವೇ, ಅದರಲ್ಲೂ ಈ ಕಾಫಿಯ ಬಗ್ಗೆ ವಿಶೇಷ ಅಭಿರುಚಿಯುಳ್ಳವರು ಮಾತ್ರವೇ ಇದರ ಗಿರಾಕಿಗಳಾಗಿದ್ದಾರೆ. ಆದರೆ ನಮ್ಮ ಕೊಡಗಿನಲ್ಲಿ ಈ ಬೀಜಗಳನ್ನು ಯಾವ ಬೆಕ್ಕುಗಳಿಗೆ ತಿನ್ನಿಸಿ ಬೀಜಗಳನ್ನು ಪಡೆಯುತ್ತಿದ್ದಾರೋ ಗೊತ್ತಿಲ್ಲ, ಆದರೆ ಬೆಲೆ ಮಾತ್ರ ಕೇಜಿಗೆ ಎಂಟು ಸಾವಿರ ರೂ. ನಿಗದಿಪಡಿಸಿದ್ದಾರೆ. ಈ ಕಾಫಿ ಪ್ರಯತ್ನಿಸಲು ಬಯಸುವಿರಾ? ಈ ಬಗ್ಗೆ ನಿಮ್ಮ ಅಭಿಪ್ರಾಯವನ್ನು ಕೆಳಗಿನ ಕಮೆಂಟ್ಸ್ ಭಾಗದಲ್ಲಿ ಬರೆದು ನಮಗೆ ಖಂಡಿತಾ ತಿಳಿಸಿ.