ಪಿಯುಸಿಯಲ್ಲಿ 99.99 ಮಾರ್ಕ್ಸ್ ತಗೊಂಡ-ಆದರೆ ಸನ್ಯಾಸಿ ಆಗುತ್ತೇನೆ ಅಂದ!

ಕುಟುಂಬದ ವಿವರ

ಇವನ ತಂದೆ ಆದಾಯ ತೆರಿಗೆಯ ಅಧಿಕಾರಿ. ತಾಯಿ ಗೃಹಿಣಿ. ದ್ವಿತೀಯ ಪಿಯುಸಿಯ ಫಲಿತಾಂಶ ಪ್ರಕಟಿಸಿದ ಎರಡು ವಾರಗಳ ನಂತರ ಈ ನಿರ್ಧಾರ ತೆಗೆದುಕೊಂಡಿದ್ದಾರೆ.

ಸರಳ ಜೀವನದ ಸಿದ್ಧತೆ

ವರ್ಶಿಲ್ ಶೇ. 93.06 ಅಂಕಗಳನ್ನು ಪಡೆದು 99.99ನೇ ಶೇಕಡದಲ್ಲಿ ಸ್ಥಾನಪಡೆದಿದ್ದಾನೆಯಾದರೂ, ಗುರು ಕಲ್ಯಾಣ್ ರತ್ನಾವಿಜಯ್‍ಸುರಿ ಮಹರಾಜರಂತೆ ಆಗುವ ಆಸೆಯಂತೆ. ಈ ಹಿನ್ನೆಲೆಯಲ್ಲೇ ಸೂರತ್‍ನಲ್ಲಿ ದೀಕ್ಷೆ ಪಡೆಯಲು ಸಿದ್ಧತೆ ನಡೆಯುತ್ತಿದೆ. ಗುರುವಾರ ನಡೆಯಲಿರುವ ಈ ಕಾರ್ಯಕ್ರಮಕ್ಕೆ ಅನೇಕರು ಭಾಗವಹಿಸಲಿದ್ದಾರೆ. ಕುತೂಹಲವೆಂದರೆ, ಈತನ ತಂದೆ-ತಾಯಿಯೂ ಸಮ್ಮತಿ ಸೂಚಿಸಿದ್ದಾರೆ. ಬದಲಿಗೆ ವರ್ಶಿಲ್ ಬಾಲ್ಯದಿಂದಲೂ ಆಧ್ಯಾತ್ಮಿಕ ಹಾಗೂ ಸರಳ ಜೀವನವನ್ನು ಅನುಸರಿಸುತ್ತಿದ್ದ ಎನ್ನುವ ಹೇಳಿಕೆ ನೀಡಿದ್ದಾರೆ. ಹೀಗೆ ತನ್ನ ಚಿಕ್ಕವಯಸ್ಸಿನಲ್ಲೇ ಆಧ್ಮಾತ್ಮಿಕ ಜೀವನವನ್ನು ಇಷ್ಟಪಟ್ಟು ನಡೆದು ಬಂದ ಮಹಾನ್ ಗುರುಗಳ ಕಿರು ಪರಿಚಯ ಮುಂದೆ ಇದೆ...

Image Courtesy

ಶ್ರೀ ರವಿಶಂಕರ್ ಗುರೂಜಿ

ಇವರು ಬಾಲ್ಯದಿಂದಲೂ ಅಗಾಧ ಬುದ್ಧಿಶಕ್ತಿಯನ್ನು ಹೊಂದಿದ್ದರು. ಚಿಕ್ಕವಯಸ್ಸಿನಲ್ಲೇ ಭಗವತ್ ಗೀತೆಯನ್ನು ಸರಾಗವಾಗಿ ಪಠಿಸುತ್ತಿದ್ದರು. ಜೊತೆಗೆ ಪಾಲಕರೊಂದಿಗೆ ಧ್ಯಾನದಲ್ಲೂ ತೊಡಗುತ್ತಿದ್ದರು. ತನ್ನ 17ನೇ ವಯಸ್ಸಿನಲ್ಲಿಯೇ ಭೌತಶಾಸ್ತ್ರ ಮತ್ತು ವೇದ ಸಾಹಿತ್ಯದಲ್ಲಿ ಪದವಿ ಪಡೆದ ಮಹಾನ್ ಗುರುಗಳು ಇವರು.

ಸದ್ಗುರು ಜಗ್ಗಿ ವಾಸುದೇವ್

ಇವರು ತನ್ನ 12ನೇ ವಯಸ್ಸಿನಲ್ಲೇ ಮಲ್ಲಾದಿಹಳ್ಳಿ ಶ್ರೀ ರಾಘವೇಂದ್ರ ಸ್ವಾಮೀಜಿಯವರ ಸಂಪರ್ಕ ಪಡೆದುಕೊಂಡರು. ಅವರಲ್ಲಿ ಯೋಗಾಭ್ಯಾಸ ಮಾಡಿದರು. ಗುರುಗಳ ಆಧ್ಯಾತ್ಮಿಕ ಅನುಭವಗಳೇ ಇವರಿಗೆ ದಾರಿದೀಪವಾಯಿತು. 25ನೇ ವಯಸ್ಸಿಗೆ ಕಾಲಿಡುವಷ್ಟರಲ್ಲೇ ಅನೇಕ ಆಧ್ಯಾತ್ಮಿಕ ಕಾರ್ಯಕ್ರಮ ಮತ್ತು ಯೋಜನೆಗಳನ್ನು ಕೈಗೊಂಡ ಹಿನ್ನೆಲೆಯಲ್ಲಿಯೇ ಗುರುಗಳಾಗುವ ನಿರ್ಧಾರ ಕೈಗೊಂಡರು.

ಬಾಬಾ ರಾಮ್‍ದೇವ್

ಇವರು ತನ್ನ 8ನೇ ತರಗತಿಯ ನಂತರ ವಿವಿಧ ಗುರುಕುಲಗಳಲ್ಲಿ ಹಿಂದೂ ಧರ್ಮಗ್ರಂಥ ಮತ್ತು ಯೋಗದ ಬಗ್ಗೆ ಹೆಚ್ಚಿನ ಶಿಕ್ಷಣ ಪಡೆದರು. ನಂತರ ಸ್ವಯಂ ಶಿಸ್ತು, ಯೋಗ ಮತ್ತು ಧ್ಯಾನದಲ್ಲಿ ತಲ್ಲೀನರಾಗಿ ಸನ್ಯಾಸಿ ಜೀವನಕ್ಕೆ ಪ್ರವೇಶಿಸಿದರು. ನಂತರ 2006ರಲ್ಲಿ ಪತಂಜಲಿ ಯೋಗಪೀಠವನ್ನು ತೆರೆದರು.

ಜೈನ ಮುನಿ ತರುಣ್ ಸಾಗರ್

ಇವರು ತನ್ನ 13ನೇ ವಯಸ್ಸಿನಲ್ಲಿಯೇ ಆಧ್ಯಾತ್ಮಿಕ ಚಿಂತನೆಗಳಿಗೆ ಒಳಗಾಗಿ, ಅದೇ ಮಾರ್ಗದಲ್ಲಿ ನಡೆದರು. ನಂತರ 20ನೇ ವಯಸ್ಸಿನಲ್ಲಿ ಸನ್ಯಾಸಿಯಾಗಿ ದೀಕ್ಷೆ ಪಡೆದರು.