ಮುಂಜಾನೆ ಇದನ್ನು ಕೇಳಿ ನಿದ್ದೆಯಿಂದ ಎದ್ದರೆ ಅಂದು ನಿಮಗೆ ಅದೃಷ್ಟದ ದಿನ!

ಈ ಸಂಗತಿಗಳನ್ನು ನೆನಪಿಡಿ....

ಋಣಾತ್ಮಕ ಫೋಟೋ ಅಥವಾ ದೃಶ್ಯಾವಳಿಗಳನ್ನು ನೋಡಬಾರದು. ಯುದ್ಧದ ಚಿತ್ರ ಅಥವಾ ಮಹಾಭಾರತದ ಯುದ್ಧದ ಸನ್ನಿವೇಶ ಅಥವಾ ಇನ್ಯಾವುದೇ ಬಗೆಯ ಚಿತ್ರಗಳಾಗಿರಲಿ, ಅವುಗಳನ್ನು ಮಲಗುವ ಕೋಣೆಗಳಲ್ಲಿ ಇಡಬಾರದು. ಅಷ್ಟೇ ಅಲ್ಲದೆ ತಮ್ಮ ಬೇಟಿಗೆ ಕಾಯುತ್ತಿರುವಂತಹ ಚಿತ್ರವಿರುವ ಮತ್ತು ಬೇಟೆ ಸಿಕ್ಕಿದ ಬಳಿಕ ಅದನ್ನು ಆನಂದಿಸುವಂತಹ ವರ್ಣಚಿತ್ರಗಳನ್ನು ಕಡೆಗಣಿಸಿ. ಇದು ಸಂಬಂಧದಲ್ಲಿ ಹಿಂಸೆಯನ್ನು ಉಂಟು ಮಾಡುವುದು. ಇಂತಹ ಯಾವುದೇ ವರ್ಣಚಿತ್ರಗಳು ನಿಮ್ಮ ಮನೆಯಲ್ಲಿ ಇದ್ದರೆ ಅದನ್ನು ಈಗಲೇ ತೆಗೆದುಹಾಕಿ.

ತಕ್ಷಣ ಕನ್ನಡಿಯಲ್ಲಿ ನಮ್ಮ ಪ್ರತಿಬಿಂಬವನ್ನು ನೋಡಬಾರದು

ವಾಸ್ತು ಶಾಸ್ತ್ರದ ಪ್ರಕಾರ ಹಾಸಿಗೆಯಿಂದ ಎದ್ದ ತಕ್ಷಣ ಕನ್ನಡಿಯಲ್ಲಿ ನಮ್ಮ ಪ್ರತಿಬಿಂಬವನ್ನು ನೋಡಬಾರದು. ಹಾಗೊಮ್ಮೆ ಕನ್ನಡಿ ಎದ್ದಾಗ ಮುಖಕ್ಕೆ ಕಾಣುವಂತೆಯೇ ಇದ್ದರೆ ಅದಕ್ಕೆ ಒಂದು ಬಟ್ಟೆಯ ಕವರ್ ಮಾಡಿ ಮುಚ್ಚಿಡಿ.

ದೇವಸ್ಥಾನದ ಘಂಟೆಯ ಶಬ್ದ

ಮುಂಜಾನೆ ಏಳುವಾಗ ದೇವಸ್ಥಾನದ ಘಂಟೆಯ ಶಬ್ದವನ್ನು ಕೇಳಿ ಎಚ್ಚಗೊಳ್ಳುವುದು ಒಳ್ಳೆಯದು. ಘಂಟೆಯನ್ನು ಮಂಗಳಕರ ಎಂದು ಭಾವಿಸಲಾಗುತ್ತದೆ.

ನವಿಲಿನ ಕೂಗು

ನವಿಲಿನ ಕೂಗಿನಿಂದ ಎಚ್ಚರವಾದರೆ ಅದನ್ನು ಅದೃಷ್ಟ ಎಂದು ಪರಿಗಣಿಸಲಾಗುವುದು.

ಶಂಖದ ಧ್ವನಿ

ಶಂಖದ ಧ್ವನಿ ಶುಭಕರವಾದದ್ದು. ಇದರಲ್ಲಿ ಲಕ್ಷ್ಮಿ ದೇವಿಯು ನೆಲೆಸಿರುತ್ತಾಳೆ ಎನ್ನುವ ನಂಬಿಕೆಯಿದೆ. ಇದರ ಶಬ್ಧದಿಂದ ಎಚ್ಚರವಾದರೆ ಅದು ಅದೃಷ್ಟದ ಸೂಚನೆ ಎನ್ನಲಾಗುವುದು.

ಹಾಲು ಕುದಿಯುವುದನ್ನು ನೋಡಿದರೆ

ಎದ್ದ ತಕ್ಷಣ ಹಾಲು ಕುದಿಯುವುದನ್ನು ನೋಡಿದರೆ ಅಂದಿನ ದಿನ ಶುಭಕರವಾಗಿ ನಡೆಯುವುದು ಎನ್ನುವ ನಂಬಿಕೆ ಇದೆ.