ಇಡೀ ವಿಶ್ವದ ನಿದ್ದೆಕೆಡಿಸಿರುವ ಭಯಾನಕ ದುರಂತಗಳು

ತ್ಸುನಾಮಿ ಅಲೆ (2011)

ಜಪಾನಿ ಭಾಷೆಯಲ್ಲಿ ತ್ಸುನಾಮಿ ಅಂದರೆ 'ಬಂದರಿನ ಅಲೆಗಳು' ಎಂಬ ಅರ್ಥವಿದೆ. ಸಾಗರದಾಳದಲ್ಲೆಲ್ಲೋ ಭೂಕಂಪದ ಕಾರಣ ನೆಲ ಕುಸಿದಾಗ ಅದರ ಮೇಲಿದ್ದ ನೀರು ಸಹಾ ಧಬಕ್ಕನೆ ಕೆಳಗೆ ಕುಸಿಯುತ್ತದೆ. ಕುಸಿದ ನೀರಿನ ರಭಸಕ್ಕೆ ಅಷ್ಟೇ ರಭಸದಲ್ಲಿ ನೆಲದಿಂದ ಮೇಲೂ ಚಿಮ್ಮುತ್ತದೆ. ಇದು ಅರ್ಥವಾಗಬೇಕಾದರೆ ಗಾಳಿ ತುಂಬಿದ ಚೆಂಡೊಂದನ್ನು ಬಕೆಟ್ ನೀರಿನೊಳಗೆ ಮುಳುಗಿಸಿ ಕೈಬಿಟ್ಟಾಗ ಮೇಲೆ ಪುಟಿದೇಳುವ ಚೆಂಡಿನ ಕಾರಣ ವೃತ್ತಾಕಾರದ ಅಲೆಗಳು ಬಕೆಟ್ಟಿನ ಪರಿಧಿಯತ್ತ ಸರಿಯುತ್ತವೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ತ್ಸುನಾಮಿ ಅಲೆ (2011)

ಇವೇ ತ್ಸುನಾಮಿ ಅಲೆಗಳು ಮಾ11, 2011ರಂದು ಜಪಾನ್ ಬಳಿಯ ಟೋಹೋಕು ಎಂಬಲ್ಲಿ ಸಂಭವಿಸಿದ ಭೂಪಂಪದ ಕಾರಣ ಎದ್ದ ಮಹಾ ಅಲೆಗಳ ಕಾರಣ ಜಪಾನ್ ಸೇರಿದಂತೆ ಅಲಾಸ್ಕಾ, ಚಿಲಿ ಮೊದಲಾದೆಡೆ ಭಾರೀ ಅಲೆಗಳು ಧಾವಿಸಿತ್ತು. ಅಷ್ಟೇ ಅಲ್ಲ ದಕ್ಷಿಣದ ಅಂಟಾರ್ಟಿಕಾ ಕಡೆಗೂ ಧಾವಿಸಿ ಅಲ್ಲಿನ ಮಂಜುಗಡ್ಡೆಯ ಗೋಡೆಗಳನ್ನೂ ಬೀಳಿಸಿತ್ತು. ಅಂಕಿ ಅಂಶಗಳ ಪ್ರಕಾರ 15,894 ಜನರು ಸಾವಿಗೀಡಾಗಿದ್ದು 6,152 ಜನರು ಗಾಯಗೊಂಡಿದ್ದು 2,562 ಜನರು ನಾಪತ್ತೆಯಾಗಿದ್ದರು.

ಪಾಕಿಸ್ತಾನ ಭೂಕಂಪ (2005)

ರಿಕ್ಟರ್ ಮಾಪಕದಲ್ಲಿ 7.6 ರಷ್ಟಿದ್ದ ಪ್ರಬಲ ಭೂಕಂಪ ಪಾಕಿಸ್ತಾನದ ಕಾಶ್ಮೀರ ಪ್ರದೇಶದ ಮುಜಪ್ಫರಾಬಾದ್ ನಗರದ ಬಳಿ ಕೇಂದ್ರವಾಗಿದ್ದು ಸುತ್ತಲ ಹಲವು ಮೈಲುಗಳ ವರೆಗೆ ಭಾರೀ ಪ್ರಮಾಣದ ಹಾನಿಯುಂಟುಮಾಡಿತ್ತು. ಇದರ ಪರಿಣಾಮವಾಗಿ ಅಂದಾಜು 75,000 ಜನರು ಸತ್ತು ಸುಮಾರು 106,000 ಜನರು ಗಾಯಗೊಂಡರು. Image Courtesy

ನ್ಯೂಜಿಲ್ಯಾಂಡ್ ಭೂಕಂಪ (2011)

ರಿಕ್ಟರ್ ಮಾಪಕದಲ್ಲಿ 6.3 ರಷ್ಟಿದ್ದ ಪ್ರಬಲ ಭೂಕಂಪ ನ್ಯೂಜಿಲ್ಯಾಂಡ್ ನಲಿ ಫೆಬ್ರವರಿ22, 2011 ರಂದು ಸಂಭವಿಸಿತ್ತು. ಈ ಪ್ರಬಲ ಭೂಕಂಪ ನ್ಯೂಜಿಲ್ಯಾಂಡ್ ದೇಶದ ಎರಡನೇ ಅತಿ ದೊಡ್ಡ ನಗರವಾದ ಕ್ರೈಸ್ಟ್ ಚರ್ಚ್ ನ ಹಲವು ಪ್ರದೇಶ ಮತ್ತು ಕ್ಯಾಂಟೆರ್ಬರಿ ಪ್ರದೇಶದ ಕೇಂದ್ರಭಾಗವನ್ನೂ ಬಹಳವಾಗಿ ನಾಶಪಡಿಸಿತ್ತು. Image courtesy

ಹಿಂದೂ ಮಹಾಸಾಗರದ ಮಹಾ ಭೂಕಂಪ (2004)

ಭಾರತ ಕಂಡ ಅತ್ಯಂತ ಅನಾಹುತಕಾರಿ 9.15 ಪ್ರಬಲ ಭೂಕಂಪ ಡಿಸೆಂಬರ್ 26, 2004ರಂದು ಸುಮಾತ್ರಾ ಮತ್ತು ಅಂಡಮಾನ್ ದ್ವೀಪಗಳ ನಡುವಣ ಹಿಂದೂ ಮಹಾಸಾಗರದಲ್ಲಿ ಸಂಭವಿಸಿತ್ತು. ಇದರ ಪರಿಣಾಮವಾಗಿ ಎದ್ದ ಭಾರೀ ಅಲೆಗಳು ಸುತ್ತಲೂ ಹರಡಿ ಭಾರತದ ಪಶ್ಚಿಮ ತೀರ, ಶ್ರೀಲಂಕಾ, ಥಾಯ್ಲೆಂಡ್, ಮಾಲ್ಡೀವ್, ದೂರದ ಸೂಡಾನ್ ದೇಶದವರೆಗೂ ವ್ಯಾಪಿಸಿ ವ್ಯಾಪಕ ಹಾನಿಯುಂಟುಮಾಡಿತು. ಈ ಎಲ್ಲಾ ದೇಶಗಳಲ್ಲಿ ಸತ್ತವರ ಒಟ್ಟು ಸಂಖ್ಯೆ 230,273 ಗಾಯಗೊಂಡವರ ಸಂಖ್ಯೆ 125,000 ಮತ್ತು ನಾಪತ್ತೆಯಾಗಿರುವವರ ಸಂಖ್ಯೆ 45,752 ಎಂದು ದಾಖಲಾಗಿದೆ. Image coutesy

ಕತ್ರಿನಾ ಚಂಡಮಾರುತ(2005)

ಅಮೇರಿಕಾದ ಫ್ಲೋರಿಡಾ, ಬಹಾಮಾಸ್, ಕ್ಯೂಬಾ, ಲೂಸಿಯಾನಾ, ನ್ಯೂ ಆರ್ಲೀನ್ಸ್, ಮಿಸಿಸಿಪ್ಪಿ ಮೊದಲಾದ ತೀರನಗರಗಳಿಗೆ ಆಗಸ್ಟ್ 23, 2005ರಂದು 280 ಕಿಮೀ ಪ್ರತಿ ಘಂಟೆಯ ವೇಗದಲ್ಲಿ ಅಪ್ಪಳಿಸಿದ ಪ್ರಬಲ ಚಂಡಮಾರುತ ಅಮೇರಿಕಾದ ಇತಿಹಾಸ ಕಂಡ ಭಯಾನಕ ಚಂಡಮಾರುತವಾಗಿದೆ. ಇತಿಹಾಸದ ಆರನೆಯ ಅತಿ ಪ್ರಬಲ ಚಂಡಮಾರುತ ಎಂದು ಇದು ದಾಖಲಾಗಿದೆ. Image courtesy

ನರ್ಗಿಸ್ ಚಂಡಮಾರುತ (2008)

2008ರ ಮೇ 2ರಂದು ಹಿಂದೂ ಮಹಾಸಾಗರದ ಮಾಯನ್ಮಾರ್ ದ್ವೀಪಗಳಿಗೆ 215 ಕಿಮೀ ವೇಗದಲ್ಲಿ ಅಪ್ಪಳಿಸಿದ ನರ್ಗಿಸ್ ಚಂಡಮಾರುತದ ಪರಿಣಾಮವಾಗಿ 138,366 ಜನರು ಪ್ರಾಣ ಕಳೆದುಕೊಂಡಿದ್ದಾರೆ ಹಾಗೂ 53,800ಜನರು ನಾಪತ್ತೆಯಾಗಿದ್ದಾರೆ. Image courtesy

ಹೈತಿ ಭೂಕಂಪ (2010)

ಜನವರಿ 12, 2010ರಂದು 7.0 ರಿಕ್ಟರ್ ಮಾಪಕದ ಪ್ರಬಲ ಭೂಕಂಪವೊಂದು ಹೈತಿ ದೇಶದಲ್ಲಿ ಸಂಭವಿಸಿತು. 1770ರ ಬಳಿಕ ಈ ದೇಶ ಕಂಡ ಅತಿ ಪ್ರಬಲ ಭೂಕಂಪದಲ್ಲಿ 200,000 ಜನರು ಪ್ರಾಣ ಕಳೆದುಕೊಂಡರೆ ಸುಮಾರು ಇಪ್ಪತ್ತು ಲಕ್ಷಕ್ಕೂ ಜನರು ಮನೆಗಳನ್ನು ಕಳೆದುಕೊಂಡರು. Image courtesy