ಮುಸಲ್ಮಾನ್ ಸ್ನೇಹಿತರಿದ್ದರೆ, ಭೂರಿ ಭೋಜನಕ್ಕೆ ಮೋಸವಿಲ್ಲ!

ಅವರ ಮನೆಯಲ್ಲಿ ಊಟೋಪಚಾರದ ಸುನಾಮಿ

ಹಲವಾರು ಮುಸಲ್ಮಾನ್ ಸ್ನೇಹಿತರು ಆಹಾರ ಪ್ರಿಯರಾಗಿರುತ್ತಾರೆ. ಅದಕ್ಕಾಗಿ ಅವರ ಮನೆಯಲ್ಲಿ ಊಟ ತಿಂಡಿಗೆ ಕೊರತೆಯಿಲ್ಲದೆ, ಯಾವಾಗಲು ಏನಾದರು ವಿಶೇಷವಿರುತ್ತದೆ. ನೀವು ಅವರ ಮನೆಗೆ ಹೋದಾಗ ನಿಮಗೆ ಊಟೋಪಚಾರದ ಸುನಾಮಿ ಎದುರಾದರೆ ಅಚ್ಚರಿಪಡಬೇಡಿ. ಅವರ ಮನೆಯ ಡೈನಿಂಗ್ ಟೇಬಲ್ ಖಾಲಿಯಿರುವುದಿಲ್ಲ, ಅಲ್ಲಿ ಏನಾದರು ತಿಂಡಿ ಪದಾರ್ಥ ಇದ್ದೇ ಇರುತ್ತದೆ, ಕನಿಷ್ಠ ಕುರುಕಲು ತಿಂಡಿಗಳಾದರು ಅಲ್ಲಿ ಕಾಯುತ್ತಿರುತ್ತವೆ.

ಬಿರಿಯಾನಿ, ಬಿರಿಯಾನಿ, ಇನ್ನಷ್ಟು ಬಿರಿಯಾನಿ

ನೀವು ಬಿರಿಯಾನಿ ಪ್ರಿಯರಾಗಿದ್ದಲ್ಲಿ, ನಿಮಗೆ ಖಂಡಿತ ಒಬ್ಬ ಮುಸಲ್ಮಾನ್ ಸ್ನೇಹಿತರು ಇರಲೇ ಬೇಕು. ಏಕೆಂದರೆ ಮುಸಲ್ಮಾನ್ ಬಾಂಧವರಿಗಿಂತ ಈ ಖಾದ್ಯವನ್ನು ಚೆನ್ನಾಗಿ ಮಾಡುವವರು ಪ್ರಪಂಚದಲ್ಲಿಯೇ ಇಲ್ಲ. ಅವರ ಮನೆಗಳಲ್ಲಿ, ಅವರದೇ ಆದ ಶೈಲಿಯ ಬಿರಿಯಾನಿಯ ಜೊತೆಗೆ, ಹೈದರಾಬಾದಿನಿಂದ ಹಿಡಿದು, ಅರೇಬಿಯಾದ ಕಬ್ಸಾ ಬಿರಿಯಾನಿಯವರೆಗೆ ಎಲ್ಲಾ ಬಗೆಗಳನ್ನು ಇವರು ಮಾಡುತ್ತಾರೆ.

ಸಿಹಿ ತಿಂಡಿಗಳ ದರ್ಬಾರ್

ಕೆಲವರ ಮನೆಯಲ್ಲಿ ಬಿರಿಯಾನಿ ತಿಂದ ಕೂಡಲೆ ಸಿಹಿ ತಿಂಡಿಯನ್ನು ಕೊಡುತ್ತಾರೆ, ಖಾರ ಕಡಿಮೆಯಾಗಲಿ ಎಂದು!. ಇನ್ನೂ ಕೆಲವರ ಮನೆಯಲ್ಲಿ ರಂಜಾನ್, ಬಕ್ರೀದ್ ಮುಂತಾದ ಹಬ್ಬಗಳ ದಿನ ಮನೆಗೆ ಬಂದವರಿಗೆ ಮೊದಲು ಶೀರ್ ಕುರ್ಮಾ ಮತ್ತು ಮಲ್ಪುವಾ ಇರುವ ರಬ್ರಿ ಕೊಡುತ್ತಾರೆ. ಇವುಗಳನ್ನು ಮಾತ್ರ ಮಿಸ್ ಮಾಡಿಕೊಳ್ಳಬೇಡಿ. ಇದು ಇವರ ಸಮುದಾಯದಲ್ಲಿ ವಿಶೇಷವಾಗಿ ತಯಾರಿಸುವ ಸಿಹಿ ತಿಂಡಿಗಳಾಗಿರುತ್ತವೆ. ಅದರಲ್ಲೂ ಆ ಪಿಸ್ತಾ, ಗೊಡಂಬಿ, ದ್ರಾಕ್ಷಿ ಮತ್ತು ಬಾದಾಮಿ ಹಾಕಿದ ಪಾಯಸವನ್ನು ಸೇವಿಸಿದವರಿಗೆ ಮಾತ್ರ ಗೊತ್ತು ಆ ರುಚಿ.

ಆ ಸುಂದರ ಚಿನ್ನದ ಒಡವೆಗಳು

ಮುಸಲ್ಮಾನರಿಗೆ ಈ ಹಳದಿ ಲೋಹದ ಮೇಲೆ ಮೋಹ! ಅದನು ನೋಡಬೇಕು ಎಂದರೆ ಇವರ ವಧುಗಳನ್ನು ನೋಡಿ. ಹಳದಿ ಬಣ್ಣದ ಲೋಹ ಎದ್ದು ಕಾಣುವಂತೆ ಇರುತ್ತದೆ. ಕೆಲವು ಕಡೆಯಲ್ಲಂತು ಪ್ರಕಾಶಮಾನವಾಗಿ ಕಾಣುವಷ್ಟು ಒಡವೆಗಳನ್ನು ಧರಿಸಿರುತ್ತಾರೆ. ಇನ್ನೂ ಕೆಲವು ಕಡೆ ಕಡಿಮೆ ಧರಿಸಿದರು ಆಕರ್ಷಕವಾಗಿರುವಂತೆ ನೋಡಿಕೊಂಡಿರುತ್ತಾರೆ.

ವೈಭವೋಪೇತ ಮದುವೆಗಳು

ಒಂದು ವೇಳೆ ನೀವು ಮುಸಲ್ಮಾನರ ಮದುವೆಗೆ ಹೋದರೆ, ನಿಮಗೆ ಆ ಅದ್ಧೂರಿತನದ ಪರಿಚಯವಾಗುತ್ತದೆ. ವರ್ಣರಂಜಿತ ಉಡುಗೆ ತೊಡುಗೆಗಳು, ವಿನ್ಯಾಸಗಳು ನಿಮ್ಮನ್ನು ಸೆಳೆಯುತ್ತವೆ. ಕೆಲವು ಮದುವೆಗಳಂತು ವಿಶೇಷವಾದ ಪರಿಕಲ್ಪನೆಗಳಿಂದ ಕೂಡಿದ ಸೆಟ್‌ನಲ್ಲಿ ನಡೆದರೆ, ಮಧ್ಯಮ ಮತ್ತು ಬಡ ಕುಟುಂಬಗಳು ಸಹ ತಮ್ಮ ಕೈಲಾದ ಅದ್ಧೂರಿತನದಲ್ಲಿ ಮದುವೆ ಮಾಡಿಕೊಡುತ್ತಾರೆ.