ಸಂಬಂಧದ ನಡುವೆ ತಳುಕು ಹಾಕಿಕೊಂಡಿರುವ ಕಟು ಸತ್ಯ

ವಾಸ್ತವಾಂಶ # 1

ಒಂದು ಸಂಶೋಧನೆಯ ಪ್ರಕಾರ ಒಂಟಿಯಾಗಿದ್ದವರು ಸಂಬಂಧದಲ್ಲಿದ್ದರೆ ಸುಖಕರ ಎಂದೂ ಸಂಬಂಧದಲ್ಲಿದ್ದವರು ಒಂಟಿಯಾಗಿದ್ದರೇ ಸುಖಕರ ಎಂದು ಭಾವಿಸುತ್ತಾರೆ.

ವಾಸ್ತವಾಂಶ #2

35% ರಷ್ಟು ಸಂಬಂಧದಲ್ಲಿರುವ ಪುರುಷರು ಯಾವಾಗ ಈ ಸಂಬಂಧ ಗಟ್ಟಿಗೊಳ್ಳುತ್ತಾ ಸಾಗುತ್ತದೋ ಆಗ ನಿಧಾನವಾಗಿ ನುಣುಚಿಕೊಳ್ಳಲು ಯತ್ನಿಸುತ್ತಾರೆ.

ವಾಸ್ತವಾಂಶ #3

ಒಂದುವೇಳೆ ಸಂಬಂಧ ವಿಫಲವಾದರೆ ಮಹಿಳೆಯರಿಗಿಂತ ಪುರುಷರೇ ಹೆಚ್ಚು ವ್ಯಾಕುಲರಾಗುತ್ತಾರೆ. ಏಕೆಂದರೆ ಮನಸ್ಸಿನ ಭಾವನೆಗಳನ್ನು ಪುರುಷರಿಗಿಂತ ಮಹಿಳೆಯರೇ ನೇರವಾಗಿ ಮತ್ತು ಸ್ಪಷ್ಟವಾಗಿ ಹೇಳಬಲ್ಲರು. ಹೆಚ್ಚಿನ ಪುರುಷರು ತಮ್ಮ ಭಾವನೆಗಳನ್ನು ಹೊರಗೆಡವಲು ಕಷ್ಟಪಡುತ್ತಾರೆ.

ವಾಸ್ತವಾಂಶ #4

ಒಂದು ವೇಳೆ ತಮ್ಮ ಆಯ್ಕೆಯ ಪುರುಷನನ್ನು ಮನೆಯವರು, ಸ್ನೇಹಿತರು ಮತ್ತು ಹಿತೈಷಿಗಳು ಒಪ್ಪದೇ ಇದ್ದರೆ ಸುಮಾರು 40% ರಷ್ಟು ಮಹಿಳೆಯರು ತಮ್ಮ ಆಯ್ಕೆಯನ್ನು ಬಿಟ್ಟುಬಿಡಲು ತಯಾರಾಗುತ್ತಾರೆ.

ವಾಸ್ತವಾಂಶ #5

ಇನ್ನೊಂದು ಸಮೀಕ್ಷೆಯ ಪ್ರಕಾರ ಮನೆಯಿಂದ ಕೆಲಸಕ್ಕೆ ಹೊರಡುವ ಮೊದಲು ತಮ್ಮ ಪತ್ನಿಯನ್ನು ಚುಂಬಿಸಿ ಹೊರಟವರು ಅಪಘಾತಕ್ಕೆ ಒಳಗಾಗುವ ಸಾಧ್ಯತೆ ಅತಿ ಕಡಿಮೆ.

ವಾಸ್ತವಾಂಶ #6

ಆನ್ಲೈನ್ ಡೇಟಿಂಗ್‌ನಲ್ಲಿ ಪರಸ್ಪರ ಒಬ್ಬರನ್ನೊಬ್ಬರು ನೋಡಲು ಸಾಧ್ಯವಿಲ್ಲದಾಗ ಇಬ್ಬರಿಗೂ ಅತ್ತ ಕಡೆಯ ವ್ಯಕ್ತಿ ಆನ್ಲೈನ್ ತಾಣದಲ್ಲಿ ಹಾಕಿದ ಫೋಟೋ ಪ್ರಕಾರ ಇಲ್ಲವೆಂದು ಗೊತ್ತಿರುತ್ತದೆ. ಆದರೂ ಡೇಟಿಂಗ್ ಮುಂದುವರೆಸುತ್ತಾರೆ. ಮಹಿಳೆಯರಿಗೆ ಅತ್ತ ಕಡೆ ಇರುವ ವ್ಯಕ್ತಿ ಸರಣಿ ಕೊಲೆಗಾರ ಆಗಿರಬಹುದು ಎಂಬ ಆತಂಕ ಕಾಡಿದರೆ ಪುರುಷರಿಗೆ ಇತ್ತ ಫೋಟೋದಲ್ಲಿದ್ದಕ್ಕೂ ವ್ಯತಿರಿಕ್ತವಾಗಿ ಧಡೂತಿ ಮಹಿಳೆ ಇದ್ದಿರಬಹುದು ಎಂಬ ಆತಂಕ ಕಾಡುತ್ತದೆ.

ವಾಸ್ತವಾಂಶ #7

ಮೊದಲ ಭೇಟಿಯಲ್ಲಿ ಒಂದು ವೇಳೆ ಮಹಿಳೆ ಪುರುಷನನ್ನು ಇಷ್ಟಪಟ್ಟರೆ ಆಕೆ ಆತನ ಚಿಕ್ಕಪುಟ್ಟ ನಗೆಹನಿಗಳಿಗೂ ನಗುತ್ತಾಳೆ, ಕೆನ್ನೆ ಕೆಂಪಗಾಗುತ್ತದೆ ಮತ್ತು ಮುಂದಕ್ಕೆ ಬಾಗುವುದು, ಮುಂಗುರುಳನ್ನು ತಿರುವುತ್ತಿರುವುದು ಮೊದಲಾದವು ಅನೈಸ್ಛಿಕವಾಗಿ ನಡೆಯುತ್ತದೆ.

ವಾಸ್ತವಾಂಶ #8

ಒಂದು ವೇಳೆ ಪ್ರಥಮ ಭೇಟಿಯನ್ನು ಮಹಿಳೆ ಇಷ್ಟಪಡದೇ ಇದ್ದರೆ ಆಕೆ ಪದೇ ಪದೇ ಸಮಯ ನೋಡಿಕೊಳ್ಳುತ್ತಿರುವುದು, ಯಾವುದೇ ಭಾವನೆಯಿಲ್ಲದೇ ದುರುಗುಟ್ಟುವುದು, ಕ್ಷಿಪ್ರವಾದ ಉತ್ತರ ನೀಡುವುದು ಮತ್ತು ಕೃತಕ ನಗೆ ಬೀರುವುದು ಮೊದಲಾದ ಚರ್ಯೆಗಳು ಕಂಡುಬರುತ್ತವೆ.