ಪ್ರತಿ ಮಹಿಳೆಯೂ ತಿಳಿದಿರಲೇಬೇಕಾದ ಕಾನೂನು ಬದ್ಧ ಹಕ್ಕುಗಳು

ಸಮಾನ ವೇತನ ಹಕ್ಕು

ಸಮಾನ ವೇತನ ಕಾಯ್ದೆಯ ಪ್ರಕಾರ ಮಹಿಳೆಯರನ್ನು ಲಿಂಗ ತಾರತಮ್ಯ ಮಾಡಿ, ಕಡಿಮೆ ವೇತನ ಅಥವಾ ಸಂಬಳಕ್ಕೆ ದುಡಿಸಿಕೊಳ್ಳುವಂತಿಲ್ಲ. ಇಲ್ಲಿ ಹೆಣ್ಣು ಮತ್ತು ಗಂಡು ಇಬ್ಬರಿಗೂ ಒಂದೇ ವೇತನ.

ಕೆಲಸದ ಸ್ಥಳದಲ್ಲಿ ಕಿರುಕುಳದ ವಿರುದ್ಧದ ಹಕ್ಕು

ಮಹಿಳೆಯರ ಮೇಲೆ ಕೆಲಸ ಸ್ಥಳದಲ್ಲಿ ಕಿರುಕುಳದ ವಿರುದ್ಧದ ಶಾಸನವು ಆಕೆಗೆ, ಈ ಕಿರುಕುಳದ ವಿರುದ್ಧ ಕಾನೂನು ನೆರವು ಪಡೆಯುವ ಹಕ್ಕನ್ನು ನೀಡಿದೆ. ಕೆಲಸದ ಸ್ಥಳದಲ್ಲಿ ಕಿರುಕುಳ ನೀಡಿದವರಿಗೆ ಉಗ್ರ ದಂಡನೆಯನ್ನು ನೀಡಲಾಗುತ್ತದೆ.

ಅನಾಮಧೇಯತ್ವದ ಹಕ್ಕು

ಅತ್ಯಾಚಾರ ಮುಂತಾದ ಲೈಂಗಿಕ ದೌರ್ಜನ್ಯಗಳಿಗೆ ಒಳಗಾದವರು ಅನಾಮಧೇಯತ್ವದ ಹಕ್ಕನ್ನು ಹೊಂದಿರುತ್ತಾರೆ. ಆಕೆಯ ಗೌಪ್ಯತೆಯನ್ನು ಕಾಪಾಡುವ ಹೊಣೆಯನ್ನು ನ್ಯಾಯಾಂಗ ಹೊಂದಿರುತ್ತದೆ. ಮೊಕದ್ದಮೆ ನಡೆಯುವಾಗ ಆಕೆಯ ಹೇಳಿಕೆಯನ್ನು ಜಿಲ್ಲಾ ಮ್ಯಾಜಿಸ್ಟ್ರೇಟ್ ಮುಂದೆ ದಾಖಲಿಸಬಹುದು, ಅದು ಆಕೆ ಒಬ್ಬಳೇ. ಅಥವಾ ಆ ಸಮಯದಲ್ಲಿ ಆಕೆಯೊಂದಿಗೆ ಒಬ್ಬ ಮಹಿಳಾ ಪೋಲಿಸ್ ಅಧಿಕಾರಿ ಇರಬಹುದು.

ಗೃಹ ಹಿಂಸೆಯ ವಿರುದ್ಧ ಹಕ್ಕು

ಇದು ಸಾಮಾನ್ಯವಾಗಿ ಸೊಸೆಯಾಗಿ ಅಥವಾ ಒಬ್ಬರ ಮಡದಿಯಾಗಿ ಅಥವಾ ಸಂಗಾತಿಯಾಗಿ ಇನ್ನೊಂದು ಮನೆಗೆ ಕಾಲಿರಿಸಿದ ಹೆಂಗಸರಿಗಾಗಿ ಇರುತ್ತದೆ. ತನ್ನ ಮನೆಯಲ್ಲಿರುವ ಹೆಂಗಸರನ್ನು ಹಿಂಸಿಸಿದವರಿಗೆ ಶಿಕ್ಷೆ ನೀಡುವ ಕಾನೂನು ಇದಾಗಿದೆ. ಈ ಹಿಂಸೆಯ ವಿರುದ್ಧ ದನಿ ಎತ್ತುವ ಮತ್ತು ನ್ಯಾಯಾಂಗದ ಸಹಾಯ ಪಡೆಯುವ ಹಕ್ಕು ಮಹಿಳೆಯರಿಗೆ ಇರುತ್ತದೆ.

ಹೆರಿಗೆಗೆ ಸಂಬಂಧಿಸಿದ ಪ್ರಯೋಜನಗಳನ್ನು ಪಡೆಯುವ ಹಕ್ಕುಗಳು

ಗರ್ಭಿಣಿಯಾಗುವುದು ಪ್ರತಿ ಮಹಿಳೆಯ ಕನಸು ಆಗಿರುತ್ತದೆ. ತಾಯಿಯಾಗುವ ಭಾಗ್ಯ ಮತ್ತು ಸಂತೋಷ ಅನುಭವಿಸಿದವರಿಗೆ ಗೊತ್ತು. ಅದಕ್ಕಾಗಿ ಕೆಲಸಕ್ಕೆ ಹೋಗುವವರಿಗೂ ಸಹ ಈ ಆನಂದವನ್ನು ಅನುಭವಿಸಲು ಅವರಿಗೆ ಹೆರಿಗೆ ರಜೆಯನ್ನು ವೇತನ ಸಹಿತ ನೀಡಲಾಗುತ್ತದೆ. ಹೆರಿಗೆಯ ನಂತರ 12 ವಾರಗಳ ವೇತನ ಸಹಿತ ರಜೆಯನ್ನು ಆಕೆ ಪಡೆದು, ನಂತರ ತನ್ನ ಕೆಲಸಕ್ಕೆ ಹಾಜರಾಗುವ ಹಕ್ಕನ್ನು ಆಕೆಗೆ ವಿಶೇಷವಾಗಿ ನೀಡಲಾಗಿದೆ.

ಹೆಣ್ಣು ಭ್ರೂಣ ಹತ್ಯೆಯ ವಿರುದ್ಧದ ಹಕ್ಕು

ಪ್ರತಿಯೊಬ್ಬ ಭಾರತೀಯನಿಗೂ ಸಹ ಈ ಹಕ್ಕು ಇರುತ್ತದೆ. ಹೆಣ್ಣು ಭ್ರೂಣ ಹತ್ಯೆಯನ್ನು ತಡೆಯುವ ಸಲುವಾಗಿ ಭ್ರೂಣ ಲಿಂಗ ಪತ್ತೆಯನ್ನೆ ನಿರ್ಮೂಲನೆ ಮಾಡುವ ಶಾಸನವನ್ನು ಜಾರಿಗೆ ತರಲಾಗಿದೆ. ಹೆಣ್ಣು ಭ್ರೂಣ ಹತ್ಯೆಯನ್ನು ಖಂಡಿಸಿ, ಅದಕ್ಕಾಗಿ ಕಾನೂನು ನೆರವು ಪಡೆಯುವ ಹಕ್ಕನ್ನು ಇವರಿಗಾಗಿ ನೀಡಲಾಗಿದೆ.

ಉಚಿತ ಕಾನೂನು ನೆರವು

ಎಲ್ಲಾ ಮಹಿಳೆಯರು ಸಹ ತಮಗೆ ಅವಶ್ಯಕತೆ ಬಿದ್ದಾಗ ಅಗತ್ಯ ಕಾನೂನು ನೆರವನ್ನು ಪಡೆಯಬಹುದು, ಅದು ಉಚಿತವಾಗಿ!. ಅದಕ್ಕಾಗಿ ಕಾನೂನು ಸೇವೆ ಪ್ರಾಧಿಕಾರ ಕಾಯ್ದೆ ಎಂಬ ಕಾನೂನು ಇದೆ. ಸ್ಟೇಷನ್ ಹೌಸ್ ಆಫೀಸರ್ ಎಂಬ ಅಧಿಕಾರಿಯು ನೊಂದವರಿಗಾಗಿ ಈ ಬಗೆಯ ಕಾನೂನು ನೆರವನ್ನು ಪಡೆಯಬಹುದಾದ ವಿಷಯವನ್ನು ತಿಳಿಸಿ, ಅವರಿಗಾಗಿ ಒಬ್ಬ ವಕೀಲರನ್ನು ನೇಮಿಸುತ್ತಾರೆ.

ರಾತ್ರಿಯ ಹೊತ್ತು ಬಂಧನಕ್ಕೆ ಒಳಗಾಗುವಿಕೆಯ ವಿರುದ್ಧದ ಹಕ್ಕು

ಸೂರ್ಯಾಸ್ತದ ನಂತರ ಮತ್ತು ಸೂರ್ಯೋದಯಕ್ಕಿಂತ ಮುನ್ನ ಮಹಿಳೆಯರನ್ನು ಬಂಧಿಸಬಾರದು. ಒಂದು ವೇಳೆ ಬಂಧಿಸಬೇಕಾದಲ್ಲಿ, ಅದಕ್ಕೆ ಮೊದಲ ದರ್ಜೆಯ ಮ್ಯಾಜಿಸ್ಟ್ರೇಟ್‌ರವರ ವಿಶೇಷ ಆದೇಶವಿರಬೇಕಾದ ಅಗತ್ಯವಿರುತ್ತದೆ.

ಘನತೆ ಮತ್ತು ಸಭ್ಯತೆಯ ಹಕ್ಕು

ಒಂದು ವೇಳೆ ಒಬ್ಬ ಮಹಿಳೆಯನ್ನು ಆರೋಪಿ ಎಂದು ಪರಿಗಣಿಸಿ, ಆಕೆಯನ್ನು ಕೆಲವೊಂದು ವೈದ್ಯಕೀಯ ತಪಾಸಣೆಗಳಿಗೆ ಒಳಪಡಿಸಬೇಕಾದಾಗ, ಆಕೆಯ ಘನತೆ ಮತ್ತು ಸಭ್ಯತೆಯನ್ನು ಕಾಪಾಡುವ ದೃಷ್ಟಿಯಿಂದ ಅದನ್ನು ಮಹಿಳೆಯರಿಂದಲೆ ಮಾಡಿಸಬೇಕು ಅಥವಾ ಅಲ್ಲಿ ಮತ್ತೊಬ್ಬ ಮಹಿಳೆಯನ್ನು ಇರಿಸಿಕೊಳ್ಳಬೇಕಾಗುತ್ತದೆ.

ಆಸ್ತಿಯ ಹಕ್ಕು

ಹಿಂದೂ ಉತ್ತರಾಧಿಕಾರಿ ಕಾಯ್ದೆಯ ಪ್ರಕಾರ ಮಹಿಳೆಯರು ಸಹ ಪುರುಷರಷ್ಟೇ ಸಮಾನ ಹಕ್ಕನ್ನು ಪಿತ್ರಾರ್ಜಿತ ಆಸ್ತಿಯಲ್ಲಿ ಹೊಂದಿರುತ್ತಾರೆ. ಆದ್ದರಿಂದ ಅವರಿಗಾಗಿ ಹೊಸ ಕಾನೂನು ಮತ್ತು ನಿಯಮಗಳನ್ನು ರೂಪಿಸಲಾಗುತ್ತಿದೆ.