ಇದು ಉಗುರಿನ ಸೀಕ್ರೆಟ್‌ ವಿಷಯ, ಕೊಂಚ ಇಂಟರೆಸ್ಟಿಂಗ್!

ತಿಂಗಳಿಗೆ 3.5 ಮಿ.ಮೀಟರ್ ಬೆಳೆಯುವ ಕೈಬೆರಳುಗಳ ಉಗುರು

ಕಾಲಿನ ಬೆರಳಿನ ಉಗುರುಗಳಿಗೆ ಹೋಲಿಸಿದರೆ ಕೈಬೆರಳಿನ ಉಗುರುಗಳು ವೇಗವಾಗಿ ಬೆಳೆಯುತ್ತದೆ. ಕಾಲಿನ ಬೆರಳಿನ ಉಗುರು ತಿಂಗಳಿಗೆ 1.6 ಮಿ.ಮೀ. ಬೆಳೆದರೆ ಕೈಬೆರಳಿನ ಉಗುರು 3.5 ಮಿ.ಮೀ. ಬೆಳೆಯುತ್ತದೆ.

ಬಿಳಿ ಕಲೆಗಳು ಕ್ಯಾಲ್ಸಿಯಂ ಕೊರತೆಯ ಲಕ್ಷಣವಲ್ಲ

ಬಿಳಿ ಕಲೆಗಳು ಸಾಮಾನ್ಯವಾದದ್ದು ಮತ್ತು ಇದರಿಂದ ಯಾವುದೇ ಹಾನಿಯಿಲ್ಲ. ಇದು ಯಾವುದೇ ವಿಟಮಿನ್ ಕೊರತೆಯ ಲಕ್ಷಣವಲ್ಲ. ಇದೊಂದು ಸಾಮನ್ಯ ಸತ್ಯ.

ಉಗುರು ಕಚ್ಚುವುದರಿಂದ ಚರ್ಮದ ಸೋಂಕು

ಉಗುರು ಕಚ್ಚುವುದರಿಂದ ಚರ್ಮದ ಸೋಂಕು ಉಂಟಾಗಬಹುದು ಮತ್ತು ಇದು ಉಗುರಿನ ಅಂದ ಕೆಡಿಸಬಹುದು. ಇದರಿಂದ ನೀವು ಉಗುರು ಕಚ್ಚುವುದನ್ನು ಬಿಟ್ಟುಬಿಡಿ.

ಉಗುರುಗಳು ಆರೋಗ್ಯದ ಲಕ್ಷಣ

ಉಗುರುಗಳು ಬಿಳಿ ಹಳದಿ ಅಥವಾ ಬೇರೆ ಬಣ್ಣಕ್ಕೆ ತಿರುಗುವುದು ನಿಮ್ಮ ಆರೊಗ್ಯದ ಲಕ್ಷಣವನ್ನು ಸೂಚಿಸುತ್ತದೆ. ಇದು ಗಂಭೀರ ಅನಾರೋಗ್ಯದ ಲಕ್ಷಣವಾಗಿರಬಹುದು ಅಥವಾ ಪ್ರಾಣಹಾನಿಯುಂಟು ಮಾಡುವ ರೋಗವಾಗಿರಬಹುದು. ಉಗುರಿನ ಬಣ್ಣ ಬದಲಾದರೆ ಎಚ್ಚರ ವಹಿಸಿ.

ಉಗುರಿನ ಮೇಲೂ ಒತ್ತಡ ಪರಿಣಾಮ ಬೀರಬಲ್ಲದು

ಒತ್ತಡ ಮತ್ತು ನಿಶ್ಯಕ್ತಿಯು ಆರೋಗ್ಯಕರವಾಗಿ ಬೆಳೆಯುವ ಉಗುರು ಮತ್ತು ಕೂದಲಿನಿಂದ ದೇಹದ ಶಕ್ತಿ ಮತ್ತು ಪೋಷಕಾಂಶವನ್ನು ದೂರವಿಡುತ್ತದೆ. ಇದರಿಂದಾಗಿ ಉಗುರುಗಳಿಗೆ ಹಾನಿಯಾಗುತ್ತದೆ.

ಚರ್ಮ ಕಿತ್ತು ಬರುವುದು

ಉಗುರಿನ ಬದಿಯಿಂದ ಚರ್ಮ ಕಿತ್ತು ಬರುವುದು ನಮಗೆ ತುಂಬಾ ಕಿರಿಕಿರಿ ಉಂಟು ಮಾಡುತ್ತದೆ. ಆದರೆ ಇದರ ಹಿಂದೆ ಒಂದು ಉದ್ದೇಶವಿದೆ. ಇದು ಒಳಗಿರುವ ಚರ್ಮಕ್ಕೆ ತೇವಾಂಶವನ್ನು ನೀಡಿ ಕೀಟಾಣುಗಳಿಂದ ರಕ್ಷಿಸುತ್ತದೆ.