ಅಚ್ಚರಿ ಜಗತ್ತು: ರೋಸ್ಟ್ ಚಿಕನ್‌ನಲ್ಲಿಯೂ ಮಾದಕ ದ್ರವ್ಯ ಸಾಗಾಟ!

ರೋಸ್ಟ್ ಮಾಡಿದ ಚಿಕನ್

ಜೈಲಿನ ಒಳಗೆ ಮರಿಜುನಾವನ್ನು ಸಾಗಿಸಲು ಇದು ಒಳ್ಳೆಯ ವಿಧಾನ. ಜೈಲಿನಲ್ಲಿ ಕೈದಿಯನ್ನು ಭೇಟಿಯಾಗಲು ಬಂದಿದ್ದಾತ ರೋಸ್ಟ್ ಮಾಡಿದ ಚಿಕನ್ ತಂದಿದ್ದ. ಆದರೆ ಪೊಲೀಸರು ಇದನ್ನು ಸರಿಯಾಗಿ ಪರಿಶೀಲನೆ ಮಾಡಿದಾಗ ರೋಸ್ಟ್ ಮಾಡಿದ ಚಿಕನ್ ಗೆ ಮರಿಜುನಾ ಹಾಕಿರುವುದನ್ನು ಕಂಡರು. ವಿಶೇಷ ಉಡುಗೊರೆ ತಂದಿದ್ದ ವ್ಯಕ್ತಿಯನ್ನು ಕೂಡ ಬಂಧಿಸಲಾಯಿತು.

ಮರದ ಕುದುರೆ

ಕ್ಯಾಲಿಫೋರ್ನಿಯಾದ ಕಾಲೆಕ್ಸಿಕೊದ ಗಡಿ ಪ್ರದೇಶದಲ್ಲಿ ವ್ಯಕ್ತಿಯೊಬ್ಬ ಗಡಿ ದಾಟಲು ಬಂದಾಗ ಆತನನ್ನು ಬಂಧಿಸಲಾಯಿತು. ಆತನಿಂದ ಪರಿಶೀಲಿಸಿದಾಗ ಆತನಲ್ಲಿ ಎರಡು ಮರದ ಕುದುರೆಗಳು ಪತ್ತೆಯಾಗಿದೆ. ಪೊಲೀಸ್ ನಾಯಿಗಳು ಮಾದಕ ದ್ರವ್ಯ ಇರುವ ಸುಳಿವು ನೀಡಿದ ಬಳಿಕ ಆತನನ್ನು ಪರಿಶೀಲನೆ ನಡೆಸಲಾಯಿತು. 29 ಪೌಂಡ್ ತೂಕದ 10 ಕೊಕೇನ್ ಪ್ಯಾಕ್ ಗಳು ಆತನಿಂದ ವಶಪಡಿಸಿ ಕೊಳ್ಳಲಾಯಿತು. Image courtesy

ಸ್ತನದಲ್ಲಿ....

ವೆನಜುಲಾದ ಮಹಿಳೆಯೊಬ್ಬಳು ಕೃತಕ ಸ್ತನದೊಳಗೆ ಸುಮಾರು 1.7 ಕೆ.ಜಿ. ಕೊಕೇನ್ ಇಟ್ಟುಕೊಂಡು ಪ್ರಯಾಣಿಸುತ್ತಿದ್ದಾಗ ಮ್ಯಾಡ್ರಿಡ್ ವಿಮಾನ ನಿಲ್ದಾಣದಲ್ಲಿ ಬಂಧಿಸಲ್ಪಟ್ಟಳು. ಕೊಲಂಬಿಯಾದಿಂದ ಬಂದ ಆಕೆಯ ಸ್ತನದ ಬಗ್ಗೆ ಅಧಿಕಾರಿಗಳಿಗೆ ಏನೋ ಸಂಶಯ ಉಂಟಾಯಿತು. ಇದನ್ನು ಮಹಿಳಾ ಅಧಿಕಾರಿಗಳು ಪರಿಶೀಲಿಸಿದಾಗ ಆಕೆ ಕೊಕೇನ್ ಸಾಗಾಟ ಮಾಡುತ್ತಿರುವುದು ಪತ್ತೆಯಾಗಿದೆ. Image courtesy

ಕೃತಕ ಕಾಲು

40 ಹರೆಯದ ವ್ಯಕ್ತಿಯೊಬ್ಬ ತನ್ನ ಕೃತಕ ಕಾಲುಗಳಲ್ಲಿ ಮಾದಕ ದ್ರವ್ಯಗಳನ್ನು ಇಟ್ಟುಕೊಂಡು ಸಾಗಾಟ ಮಾಡಲು ಪ್ರಯತ್ನಿಸುತ್ತಿದ್ದಾಗ ಬಂಧಿಸಲ್ಪಟ್ಟಿದ್ದಾನೆ. ಆತ ತನ್ನ ಗೆಳತಿಗೆ ಹಲ್ಲೆಗೈಯುತ್ತಿದ್ದಾಗ ಬಂಧಿಸಲ್ಪಟ್ಟಿದ್ದಾನೆ. Image courtesy

ಮಕ್ಕಳ ಲಾಲಿಪಾಪ್

ಸೂಟ್ ಕೇಸ್ ಒಂದರಲ್ಲಿ ಮಕ್ಕಳ ಲಾಲಿಪಾಪ್ ನಲ್ಲಿದ್ದ ಸುಮಾರು 200,000 ಪೌಂಡ್ ಮೊತ್ತದ ಮಾದಕ ದ್ರವ್ಯವನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಪರೀಕ್ಷಿಸಿದಾಗ ಇದು ಅತ್ಯಂತ ಶುದ್ಧ ಕೊಕೇನ್ ಆಗಿದ್ದು, ಸುಮಾರು ನಾಲ್ಕು ಕೆ.ಜಿ.ಯಷ್ಟಿತ್ತು. Image courtesy

ಚಾಕಲೇಟ್

ಅಮೆರಿಕಾದ ಕಸ್ಟಮ್ ಅಧಿಕಾರಿಗಳು ಚಾಕಲೇಟ್ ಐಸಿಂಗ್ ನ್ನು ಎಕ್ಸ್ ರೇ ಮೂಲಕ ಪರಿಶೀಲಿಸಿದಾಗ ಸುಮಾರು 2.5 ಪೌಂಡಿನಷ್ಟು ಹೆರಾಯಿನ್ ಪತ್ತೆಯಾಗಿದೆ. ಇದು ಮಾದಕ ದ್ರವ್ಯವನ್ನು ಕಳ್ಳಸಾಗಾಟ ಮಾಡಲು ಬಳಸಿದಂತಹ ಅತ್ಯಂತ ವಿಚಿತ್ರ ವಿಧಾನ. Image courtesy