ಉಗುರು ಕಚ್ಚುವ ದುರಭ್ಯಾಸ, ಯಾಕೆ ಬೇಕು? ಬಿಟ್ಟಾಕಿ

ಉಗುರುಸಂದಿಯೇ ಬ್ಯಾಕ್ಟೀರಿಯಾಗಳ ವೃದ್ಧಿಯಾಗುವ ಸ್ಥಳ

ಒಂದು ಸಮೀಕ್ಷೆಯ ಪ್ರಕಾರ ಅತಿಸಾರ (ಬೇಧಿ), ವಾಂತಿ ಮತ್ತು ಅಜೀರ್ಣ ಮೊದಲಾದ ತೊಂದರೆಗೆ Escherichia coli ಎಂಬ ಬ್ಯಾಕ್ಟೀರಿಯಾ ಎಂದು ಖಚಿತವಾದರೆ ಇದಕ್ಕೆ ಆ ವ್ಯಕ್ತಿಯ ಉಗುರು ಕಚ್ಚುವ ಅಭ್ಯಾಸವೇ ಪ್ರಮುಖ ಕಾರಣ ಎಂದು ಕಂಡುಬಂದಿದೆ. ಸಂಶೋಧನೆಗಳ ಪ್ರಕಾರ ಉಗುರು ಕಚ್ಚುವ ಅಭ್ಯಾಸವಿರುವ 76% ಜನರಿಗೆ ವಾಂತಿ ಬೇಧಿಯ ತೊಂದರೆ ಕಾಡುತ್ತದೆ. ಇನ್ನೊಂದು ಮಾತುಗಳಲ್ಲಿ ಹೇಳಬೇಕೆಂದರೆ ವಾಂತಿ ಬೇಧಿಗೆ ಉಗುರು ಕಚ್ಚುವ ಅಭ್ಯಾಸವೇ 76% ಖಚಿತ ಕಾರಣವಾಗಿದೆ.

ಉಗುರು ಕಚ್ಚುವಿಕೆಯಿಂದ ಹಲ್ಲು ಹಾಳಾಗುತ್ತದೆ

ಸಾಮಾನ್ಯವಾಗಿ ಉಗುರು ಕಚ್ಚುವಾಗ ಉಗುರು ಸಂದಿಯಲ್ಲಿರುವ ಬ್ಯಾಕ್ಟೀರಿಯಾಗಳೂ ಹಲ್ಲುಗಳ ಮೇಲೆ ದಾಟಿಕೊಳ್ಳುತ್ತವೆ. ಇವು ಹಲ್ಲುಗಳ ಸಂಧಿಯಲ್ಲಿ ಮನೆ ಮಾಡಿಕೊಂಡು ಹಲ್ಲುಗಳ ಆಳಕ್ಕೆ ನುಗ್ಗುತ್ತವೆ.

ಸಾಮಾನ್ಯ ಬ್ರಶ್ ಮೂಲಕ ಇವು ನಿವಾರಣೆಯಾಗುವುದಿಲ್ಲ. ಹಲ್ಲಿನ ಬೇರಿನಾಳಕ್ಕೆ ಇಳಿದು ಕೊಳೆಯುವಂತೆ ಮಾಡಿ ಹಲ್ಲು ಅಲುಗಾಡಿಸಲು ತೊಡಗುತ್ತದೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಉಗುರು ಕಚ್ಚುವಿಕೆಯಿಂದ ಹಲ್ಲು ಹಾಳಾಗುತ್ತದೆ

ತಕ್ಷಣ ಸೂಕ್ತ ಚಿಕಿತ್ಸೆ ಇಲ್ಲದಿದ್ದರೆ ಉಗುರು ಕಚ್ಚಿದ್ದ ಹಲ್ಲನ್ನು ಅಥವಾ ಅದರ ಅಕ್ಕಪಕ್ಕದ ಹೆಚ್ಚು ಹಲ್ಲುಗಳನ್ನು ಶಾಶ್ವತವಾಗಿ ಕಳೆದುಕೊಳ್ಳುವ ಅಪಾಯವಿದೆ.

ಒಸಡುಗಳೂ ಹಾನಿಗೊಳಗಾಗುತ್ತವೆ

ಉಗುರು ಸಂದಿಯಲ್ಲಿರುವ ಕೆಲವು ಬ್ಯಾಕ್ಟೀರಿಯಾಗಳು ನೇರವಾಗಿ ಒಸಡುಗಳ ಒಳಗೇ ನುಗ್ಗಿ ಸೋಂಕು ಉಂಟುಮಾಡುತ್ತವೆ. ಒಳಗಡೆ ಕೀವು ಉಂಟಾಗಿ ಹುಳಗಳು ಬೆಳೆಯುತ್ತವೆ. gingival swelling ಎಂಬ ಊತ ಅತಿ ನೋವು ನೀಡುವಂತಹದ್ದಾಗಿದ್ದು ಗಲ್ಲ ಜಾಂಬವಂತನಂತಾಗುತ್ತದೆ. ಹೀಗಾಗಬಾರದು ಎಂದರೆ ಉಗುರು ಕಚ್ಚಲು ಹೋಗಬೇಡಿ.

ಬಾಯಿ ದುರ್ವಾಸನೆ ಸೂಸುತ್ತದೆ

ಉಗುರು ಕಚ್ಚುವ ಅಭ್ಯಾಸದಿಂದ ಕೆಲವು ದುರ್ನಾತ ಬೀರುವ ಬ್ಯಾಕ್ಟೀರಿಯಾಗಳೂ ಬಾಯಿಯೊಳಗೆ ದಾಟಿಕೊಂಡು ನಾಲಿಗೆಯ ಹಿಂಭಾಗ, ನಾಲಿಗೆಯ ಹಿಂಭಾಗದ ಬದಿ, ಗಂಟಲ ಮೇಲ್ಭಾಗ, ಬಾಯಿಯ ಮೇಲ್ಭಾಗ (ಅಥವಾ ಛಾವಣಿ), ಕಿರುನಾಲಿಗೆಯ ಅಕ್ಕಪಕ್ಕದಲ್ಲೆಲ್ಲಾ ಅಂಟಿಕೊಂಡು ತಮ್ಮ ವಠಾರವನ್ನು ಬೆಳೆಸುತ್ತವೆ. ಸೂಕ್ಷ್ಮವಾಗಿ ಗಮನಿಸಿದರೆ ತೆಳುವಾದ ಬಿಳಿ ಪದರವೊಂದರಂತೆ ಕಾಣುತ್ತದೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಬಾಯಿ ದುರ್ವಾಸನೆ ಸೂಸುತ್ತದೆ

ಮೊದಮೊದಲು ಹೆಚ್ಚಿನ ತೊಂದರೆ ಇಲ್ಲದ ಕಾರಣ ಹೆಚ್ಚಿನವರು ಗಮನ ನೀಡದೇ ಹೋಗುತ್ತಾರೆ. ಆದರೆ ದಿನಗಳೆದಂತೆ ಇವುಗಳು ಕೊಳೆತು ದುರ್ವಾಸನೆ ಸೂಸಲು ಪ್ರಾರಂಭವಾಗುತ್ತದೆ. ಎದುರಿನವರು ನಿಮ್ಮ ಮಾತುಗಳನ್ನು ಆಲಿಸಲು ಸಾಧ್ಯವಾಗದೇ ಮುಖ ತಿರುಗಿಸುವುದು ನಿಮಗೆ ಅತೀವ ಮುಜುಗರ ತರುತ್ತದೆ.

ಉಗುರಿನ ಬಣ್ಣ ಹೊಟ್ಟೆಗೆ ಹೋಗುವ ಅಪಾಯ

ಕೆಲವರಿಗೆ ಉಗುರು ಕಚ್ಚುವ ಅಭ್ಯಾಸ ಹೀಗಿರುತ್ತದೆ ಎಂದರೆ ಉಗುರಿನ ಬಣ್ಣವನ್ನೂ ಜೊತೆಗೇ ನುಂಗಿ ಬಿಡುತ್ತಾರೆ. ಉಗುರಿನ ಬಣ್ಣದಲ್ಲಿ formaldehyde ಎಂಬ ರಾಸಾಯನಿಕವಿದೆ. ಇದು ಶವಾಗಾರದಲ್ಲಿ ಶವಗಳು ಕೊಳೆಯದೇ ಇರಲು ಉಪಯೋಗಿಸುವ ರಾಸಾಯನಿಕ. ಇದು ಹೊಟ್ಟೆಗೆ ಸರ್ವಥಾ ಹೋಗಕೂಡದು. ಆದ್ದರಿಂದ ಉಗುರು ಕಚ್ಚುವ ಅಭ್ಯಾಸ ಒಳ್ಳೆಯದಲ್ಲ.

ಉಗುರಿನ ಬೆಳವಣಿಗೆ ನಿಂತು ಹೋಗುತ್ತದೆ

ಉಗುರು ಮತ್ತು ಕೂದಲು ಸತತವಾಗಿ ಬೆಳೆಯುತ್ತಿರುವ ಅಂಗಗಳು. ಉಗುರಿನ ಬುಡದಲ್ಲಿರುವ ಅತಿ ಸೂಕ್ಷ್ಮ ಅಂಗಾಂಶದಿಂದ ಉಗುರು ಬೆಳೆಯಲು ಅಗತ್ಯವಾದ ಕೆರಾಟಿನ್ ಎಂಬ ವಸ್ತು ದೊರಕುತ್ತದೆ. ಒಂದು ವೇಳೆ ಸತತವಾದ ಉಗುರು ಕಚ್ಚುವ ಅಭ್ಯಾಸವಿದ್ದರೆ ಈ ಅಂಗಾಂಶವೂ ಘಾಸಿಗೊಳ್ಳುತ್ತದೆ. ಒಂದು ಹಂತದಲ್ಲಿ ರಿಪೇರಿಯಾಗದಷ್ಟು ಘಾಸಿಯಾಗಿ ಉಗುರಿನ ಬೆಳವಣಿಗೆ ನಿಂತೇ ಹೋಗುತ್ತದೆ. ಇರುವ ಉಗುರು ಉದುರಿ ಬೆರಳುಗಳು ಮುಟ್ಟಲೂ ಆಗದಷ್ಟು ನೋವಿನಿಂದ ಕೂಡುತ್ತವೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಉಗುರಿನ ಬೆಳವಣಿಗೆ ನಿಂತು ಹೋಗುತ್ತದೆ

ಉಗುರಿನ ತುದಿಯಲ್ಲಿ ಉಗುರು ಒಂದು ಚಿಕ್ಕ ಉಬ್ಬಿದ ಮಸೂರದಂತೆ ತೋರುತ್ತಾ ಕೈಗಳು ವಿಕಾರವಾಗುತ್ತವೆ. ಎದುರಿಗೆ ಸಿಕ್ಕವರಿಗೆಲ್ಲಾ ಇದು ಹೇಗಾಯಿತು ಎಂದು ಹೇಳೀ ಹೇಳೀ ಜನ್ಮವೇ ಅನರ್ಥಕ ಎಸಿಸುತ್ತದೆ. ಹೀಗಾಗಬಾರದು ಎಂದರೆ ಉಗುರು ಕಚ್ಚುವುದನ್ನು ಬಿಟ್ಟೇ ಬಿಡಿ. ಎಷ್ಟು ಕಷ್ಟವಾದರೂ ಚಿಂತೆಯಿಲ್ಲ.