ಈ ರಾಷ್ಟ್ರಗಳ ಹೆಸರು ಕೇಳಿದರೆಯೇ ಕೈಕಾಲು ನಡುಗುತ್ತದೆ!

ಸಿರಿಯಾ

ಮುಸ್ಲಿಂ ರಾಷ್ಟ್ರವಾಗಿರುವ ಇಲ್ಲಿ ಮುಸ್ಲಿಮರ ಎರಡು ಪಂಗಡಗಳಲ್ಲಿ ಒಂದಾಗಿರುವ ಸುನ್ನಿಗಳು ಬಹುಸಂಖ್ಯಾತರು ಮತ್ತು ಇವರನ್ನು ಆಳುವವರು ಶಿಯಾಗಳು. ಇಲ್ಲಿ ಯಾವಾಗಲೂ ಶಿಯಾ ಮತ್ತು ಸುನ್ನಿಗಳ ಮಧ್ಯೆ ಯುದ್ಧ ಮತ್ತು ಪ್ರತಿಭಟನೆಗಳು ನಡೆಯುತ್ತಾ ಇರುತ್ತದೆ. ಇದರಿಂದಾಗಿ ಅಮಾಯಕ ನಾಗರಿಕರು ಬಲಿಯಾಗುತ್ತಿದ್ದಾರೆ.

ಅಫ್ಘಾನಿಸ್ತಾನ

ಭೂಮಿ ಮೇಲೆ ವಾಸಿಸಲು ಅತ್ಯಂತ ಅಪಾಯಕಾರಿ ದೇಶಗಳ ಪಟ್ಟಿಯಲ್ಲಿ ಇದು ಎರಡನೇ ಸ್ಥಾನದಲ್ಲಿದೆ. 11/9 ದಾಳಿಯ ಬಳಿಕ ಅಮೆರಿಕಾ ನೇತೃತ್ವದ ನ್ಯಾಟೋ ಪಡೆಯು ಉಗ್ರರಿಗೆ ನೆರವು ನೀಡುತ್ತಿದ್ದ ಅಲ್ಲಿನ ಸರಕಾರವನ್ನು ಬರ್ಖಾಸ್ತು ಮಾಡಿತ್ತು. ಮೂಲಭೂತ ಸೌಕರ್ಯಗಳಿಗೆ ಇದರಿಂದ ತುಂಬಾ ಹಾನಿಯಾಗಿದೆ. ಅಮೆರಿಕಾದ ಮಿತ್ರ ಪಡೆಗಳು ಇಲ್ಲಿ ಶಾಂತಿ ಮರಳಿ ತರಲು ಪ್ರಯತ್ನಿಸುತ್ತಿದೆ.

ದಕ್ಷಿಣ ಸುಡಾನ್

ವಾಯುವ್ಯ ಆಫ್ರಿಕಾದ ರಾಷ್ಟ್ರವಾಗಿರುವ ಇಲ್ಲಿ ಅಧಿಕಾರಕ್ಕಾಗಿ ಎರಡು ಪಂಗಡಗಳ ಮಧ್ಯೆ ಆಗಾಗ ನಾಗರಿಕ ಯುದ್ಧವು ನಡೆಯುತ್ತಿರುತ್ತದೆ. ಅಗತ್ಯವೇ ಇಲ್ಲದೆ ಇರುವಂತಹ ಯುದ್ಧ ಮತ್ತು ಪ್ರತಿಭಟನೆಯಲ್ಲಿ ಈಗಾಗಲೇ ಲಕ್ಷಾಂತರ ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ. ಇದನ್ನು ಹೊರತುಪಡಿಸಿ ಇಲ್ಲಿನ ನಾಗರಿಕರ ಆರೋಗ್ಯ ಸ್ಥಿತಿಯು ತುಂಬಾ ಕೆಟ್ಟದಾಗಿದೆ. ಸಾವಿರಾರು ಮಂದಿ ಇಲ್ಲಿ ಎಚ್ ಐವಿ ಮತ್ತು ಮಲೇರಿಯಾದಿಂದ ಬಳಲುತ್ತಿದ್ದಾರೆ.

ಇರಾಕ್

2003ರಲ್ಲಿ ಅಮೆರಿಕಾವು ಇರಾಕ್ ಮೇಲೆ ಯುದ್ಧ ಸಾರಿತು ಮತ್ತು 2011ರಲ್ಲಿ ಇದು ಕೊನೆಗೊಂಡಿತು. ಐಸಿಸ್ ಉಗ್ರ ಪಡೆಯು ಈ ರಾಷ್ಟ್ರದ ಮೂರನೇ ಒಂದು ಭಾಗದಲ್ಲಿ ತನ್ನ ಪ್ರಾಬಲ್ಯವನ್ನು ಮೆರೆದಿದೆ. ಅಮೆರಿಕಾ ಮತ್ತು ನ್ಯಾಟೋ ಪಡೆಗಳು ಹಾಗೂ ಇತರ ಬಂಡುಕೋರರು ಮಾಡಿದಂತಹ ಹಾನಿಯಲ್ಲಿ ಸಾವಿರಾರು ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ. ಇದು ವಿಶ್ವದ ಅಪಾಯಕಾರಿ ರಾಷ್ಟ್ರಗಳಲ್ಲಿ ನಾಲ್ಕನೇ ಸ್ಥಾನದಲ್ಲಿದೆ.

ಸುಡಾನ್

ಎರಡು ಯುದ್ಧಗಳ ಬಳಿಕ ಸರಕಾರದ ಹಿಡಿತವಿಲ್ಲದೆ ಇರುವುದು, ಮೂಲಭೂತ ಸೌಕರ್ಯಗಳ ಕೊರತೆ ಮತ್ತು ಮಾನವ ಹಕ್ಕುಗಳ ಉಲ್ಲಂಘನೆ, ಬಂಡುಕೋರರ ಹಾವಳಿ ಮತ್ತು ಪ್ರತಿಭಟನೆಗಳು ಈ ರಾಷ್ಟ್ರವು ವಾಸಿಸಲು ತುಂಬಾ ಅಪಾಯಕಾರಿಯಾಗಿದೆ.