ವಿಶ್ವವನ್ನೇ ನಡುಗಿಸಿದ ಮಹಿಳಾ ಸೈಕೋ ಹಂತಕಿಯರು!

ಕಿಲ ಕಿಲ ನಗುವ ಕಿಲ್ಲರ್ ಮುದುಕಿ

ಈಕೆಯನ್ನು ಗಿಗ್ಲಿಂಗ್ ಗ್ರ್ಯಾನಿ ಎಂದು ಕರೆಯುತ್ತಾರೆ. ಸದಾ ಕಿಲ ಕಿಲ ಎಂದು ನಗುತ್ತಿದ್ದ ಈ ಮುದುಕಿಯನ್ನು ನ್ಯಾನಿ ಡೊಸ್ ಆಫ್ ತುಲ್ಸ ಎಂದು ಕರೆಯುತ್ತಾರೆ. ಈಕೆ ನೆಲೆಸಿದ್ದು, ಒಕ್ಲಹೊಮಾದಲ್ಲಿ. ನೆರೆಹೊರೆಯವರ ಜೊತೆಗೆ ಸದಾ ನಗು ನಗುತ್ತಾ ಇರುತ್ತಿದ್ದ ಈಕೆ, ಒಳ್ಳೆಯ ಹೆಂಡತಿ, ಪೋಷಕಿ, ಮತ್ತು ಉತ್ತಮ ನೆರೆಹೊರೆಯ ಅಜ್ಜಿ ಎಂದು ಹೆಸರಾಗಿದ್ದಳು. ಆದರೆ ಒಂದು ದಿನ ಒಬ್ಬಳೇ ತನ್ನ ಕುಟುಂಬದ 11 ಜನರನ್ನು ಕೊಂದ ಈಕೆಯ ಕೃತ್ಯಕ್ಕೆ ಅಕ್ಕ-ಪಕ್ಕದ ಮನೆಯವರಿರಲಿ, ಇಡೀ ವಿಶ್ವವೇ ನಡುಗಿ ಹೋಯಿತು. ಅರ್ಸೆನಿಕ್ ಅನ್ನು ಬಳಸಿ ತನ್ನ ಐದು ಜನ ಗಂಡಂದಿರನ್ನು ಮತ್ತು ಮಕ್ಕಳು ಹಾಗು ಮೊಮ್ಮಕ್ಕಳನ್ನು ಈಕೆ ಕೊಂದು ಹಾಕಿದಳು. Image courtesy

ಐಲೀನ್ ವುರ್ನೋಸ್

ಈಕೆ ತನ್ನ ತಂದೆಯು ತನ್ನ ತಾಯಿಯಿಂದ ಕೊಲೆಯಾಗುವುದನ್ನು ನೋಡಿದವಳು. ನಿರಂತರವಾಗಿ ತನ್ನ ಅಜ್ಜನಿಂದ ಅತ್ಯಾಚಾರಕ್ಕೆ ಗುರಿಯಾದವಳು. ಜೊತೆಗೆ ಆತ ತನ್ನ ಸ್ನೇಹಿತರು ಹಾಗು ಈಕೆಯ ಅಣ್ಣನಿಂದ ಸಹ ಅತ್ಯಾಚಾರ ಮಾಡಿಸಿದ್ದನು. ಆಮೇಲೆ ಈಕೆ ಲೈಂಗಿಕ ಸುಖ ನೀಡುವ ಆಮೀಷ ತೋರಿಸಿ 9 ಜನರನ್ನು ಕೊಂದು ಹಾಕಿದ್ದಳು ಮತ್ತು ಹಲವರನ್ನು ದರೋಡೆ ಸಹ ಮಾಡಿದಳು. Image courtesy

ಡ್ರೊಥಿಯ ಪ್ಯುಯೆಂಟೆ

ಈಕೆ ಕ್ಯಾಲಿಫೋರ್ನಿಯಾದಲ್ಲಿ ಒಂದು ಬೋರ್ಡಿಂಗ್ ಮನೆಯನ್ನು ಇಟ್ಟುಕೊಂಡಿದ್ದಳು. ಮಾನಸಿಕ ಅಸ್ವಸ್ಥರು ಮತ್ತು ವಿಕಲ ಚೇತನರಾಗಿದ್ದ ಹಿರಿಯ ನಾಗರಿಕನ್ನು ತನ್ನ ಮನೆಯಲ್ಲಿ ಇರಿಸಿಕೊಂಡಿದ್ದಳು. ಈ ನಾಗರಿಕರ ಹಣವನ್ನು ಲಪಟಾಯಿಸಿ, ಅವರನ್ನು ತನ್ನ ಮನೆಯ ನೆಲ ಮಹಡಿಯಲ್ಲಿ ಹೂತು ಹಾಕುತ್ತಿದ್ದಳು. ಇದಕ್ಕೆ ಈಕೆಗೆ ಒಬ್ಬಾತ ಸಹಾಯ ಮಾಡುತ್ತಿದ್ದನು. ಒಂದು ದಿನ ಆತನು ಸಹ ಮಾಯವಾದನು! Image courtesy

ರೋಸ್‌ಮೇರಿ ವೆಸ್ಟ್

ಜೈಲನ್ನು ಸಹ ಸ್ವರ್ಗವೆಂದು ಭಾವಿಸುವ ಈಕೆ, ಅಲ್ಲಿಯೇ ಸಾಯಲು ತೀರ್ಮಾನಿಸಿದ್ದಾಳೆ. ಒಟ್ಟು 10 ಮಹಿಳೆಯರನ್ನು ಕೊಲೆಗೈದ ಆರೋಪ ಹೊತ್ತಿರುವ ಈಕೆಯು ಅವರ ಜೊತೆಗೆ ಲೈಂಗಿಕ ಸಂಬಂಧವನ್ನು ಹೊಂದಿದ್ದಳು. ಇಂದಿಗೂ ಆಕೆ ಏಕೆ ಅವರನ್ನು ಕೊಂದೆ ಎಂದು ಹೇಳುತ್ತಿಲ್ಲ. ಹೆಣಗಳಿಗೆ ಏನು ಮಾಡಿದಳು ಎಂಬುದು ಸಹ ಗೊತ್ತಿಲ್ಲ! Image courtesy

ಬೆಲ್ಲೆ ಸೊರ್ಸೆನೆನ್ಸನ್ ಗುನ್ನೆಸ್

ಈಕೆ ವಿಶ್ವದ ಅತ್ಯಂತ ಕುಖ್ಯಾತ ಹಂತಕಿ. ಗಂಡಸರನ್ನು ಆಕೆ ತನ್ನ ಮನೆಯಲ್ಲಿ ತುಂಡು ತುಂಡಾಗಿ ಕತ್ತರಿಸಿ ಹಾಕಿದ ಆರೋಪವನ್ನು ಹೊತ್ತಿದ್ದಾಳೆ. ಸೂಕ್ತ ವರ ಬೇಕಾಗಿದ್ದಾನೆ ಎಂದು ಪತ್ರಿಕೆಯಲ್ಲಿ ಜಾಹೀರಾತು ನೀಡಿ ಸುಮಾರು 48 ಜನರನ್ನು ಮನೆಗೆ ಕರೆಸಿಕೊಂಡೆ ಹತ್ಯೆ ಮಾಡಿದ ಯಮಧೂತೆ ಈಕೆ. ಪೋಲಿಸರ ಈಕೆಯ ಮನೆಗೆ ಬಂದಾಗ ರುಂಡವಿಲ್ಲದ ಸುಟ್ಟ ಮುಂಡ ದೊರೆಯಿತು! ಅಕ್ಕ-ಪಕ್ಕದ ಮನೆಯವರು ಅದು ಈಕೆಯದೆ ಎಂದರು! Image courtesy

ಮೇರಿ ಅನ್ನ್ ಕಾಟನ್

ತನ್ನ ಮುಂದೆ ಯಾರಾದರು ಸತ್ತರೆ ನನಗೆ ಸಂತೋಷವಾಗುತ್ತದೆ ಎಂದು ನಿರ್ಭಿಡೆಯಿಂದ ಹೇಳಿದ ಈಕೆ ಕೊಂದದ್ದು 21 ಜನರನ್ನು. ಈ ಪಟ್ಟಿಯಲಿ ಆಕೆಯ 12 ಮಕ್ಕಳು, 4 ಗಂಡಂದಿರು ಮತ್ತು ಒಬ್ಬ ಗುಪ್ತ ಪ್ರೇಮಿ ಸಹ ಇದ್ದರು. ಈಕೆ ಈ ಕೊಲೆಗಳನ್ನು ಮಾಡಿದ್ದು, ವಿಮಾ ಹಣವನ್ನು ಲಪಟಾಯಿಸಲು. Image courtesy