For Quick Alerts
ALLOW NOTIFICATIONS  
For Daily Alerts

ಮೈಕಟ್ಟು ದಪ್ಪಗಿದ್ದರೂ, ಮುದ್ದಾಗಿ ಕಾಣುವ ಪುರುಷ ಮಾಡೆಲ್...

By Arshad
|

ರೂಪದರ್ಶಿ ಎಂದಾಗ ಇವರು ಒಂದು ಮಾದರಿಯಾಗಿರಬೇಕು ಎಂದೇ ನಾವೆಲ್ಲಾ ಬಯಸುತ್ತೇವೆ. ಆದರೆ ಇದು ವಾಸ್ತವವಲ್ಲ ಎಂದು ನಮಗೆ ಚೆನ್ನಾಗಿ ಗೊತ್ತಿದೆ. ಲಕ್ಸ್ ಸೋಪ್ ಬಳಸಿ ಎಂದು ಹೇಳುವ ಶಾರುಖ್ ಖಾನ್ ನಿಜವಾಗಿಯೂ ಲಕ್ಸ್ ಸೋಪು ಬಳಸುತ್ತಾರೋ ಇಲ್ಲವೋ ಗೊತ್ತಿಲ್ಲ! ಆದರೆ ಆ ಜಾಹೀರಾತು ಬಂದ ಬಳಿಕ ಮಾತ್ರ ಲಕ್ಸ್ ಸೋಪಿನ ಮಾರಾಟ ಉತ್ತುಂಗಕ್ಕೇರಿದ್ದು ಮಾತ್ರ ಸುಳ್ಳಲ್ಲ.

ಈ ಸಂದರ್ಭದಲ್ಲಿ ಲಕ್ಸ್ ಸೋಪಿನ ನಿಜವಾದ ಗುಣಕ್ಕಿಂತಲೂ ಶಾರುಖ್ ರವರ ತಾರಾ ಮೌಲ್ಯ ಅಂದರೆ ಸ್ಟಾರ್ ವ್ಯಾಲ್ಯೂವಿಗೇ ಹೆಚ್ಚಿನ ಆದ್ಯತೆ ದೊರಕುತ್ತದೆ. ಅಂತೆಯೇ ಕೆಲವು ರೂಪದರ್ಶಿಗಳು ಸ್ಥೂಲಕಾಯ ಹೊಂದಿದ್ದರೂ ಇವರಲ್ಲಿ ಏನೋ ಸೆಳೆತ ಕಂಡ ಗ್ರಾಹಕ ಇವರತ್ತ ನೋಟ ಬೀರದೇ ಇರಲಾರ. ವಿಶ್ವದ ಫ್ಯಾಷನ್ ಜಗತ್ತಿನಲ್ಲಿ ಈ ಸ್ಥೂಲದೇಹಿಗಳಿಗೆ ವಿಶಿಷ್ಟ ಸ್ಥಾನವಿದೆ.

List Of Plus Size Male Models Who Are Really HOTT!!

ಪ್ಲಸ್ ಸೈಜ್ ಮಾಡೆಲ್ ಎಂದೇ ಕರೆಯಲಾಗುವ ಇವರು ವಿಶ್ವದಲ್ಲಿ ಹೆಚ್ಚಾಗಿರುವ ಸ್ಥೂಲದೇಹಿಗಳನ್ನು ಪ್ರತಿನಿಧಿಸುತ್ತಾರೆ. ಒಂದರ್ಥದಲ್ಲಿ ಕೇವಲ ಬಳುಕುವ ರೂಪದರ್ಶಿಗಳನ್ನೇ ಬಳಸಲಾಗುತ್ತಿರುವ ಮಾಡೆಲಿಂಗ್ ಜಗತ್ತಿನಲ್ಲಿ ಇದಕ್ಕೆ ವಿರುದ್ದವಾಗಿ ಸ್ಥೂಲದೇಹಿಗಳ ಮೂಲಕ ಇನ್ನಷ್ಟು ಹೆಚ್ಚು ಜನರತ್ತ ಬರುವ ಪ್ರಯತ್ನವಾಗಿದೆ. ಬನ್ನಿ, ಇಂಥ ಕೆಲವು ಸ್ಥೂಲವಾದರೂ ಮುದ್ದಾಗಿರುವ ಪುರುಷ ರೂಪದರ್ಶಿಗಳ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ನೋಡೋಣ:

ಜಾನ್ ಆಸ್ಟ್ರೋವ್ಸ್ಕಿ
"The Fat Jewish" ಅಥವಾ 'ಸ್ಥೂಲಕಾಯದ ಜ್ಯೂ' ಎಂದೇ ಹೆಚ್ಚು ಜನಮನ್ನಣೆ ಗಳಿಸಿರುವ ಇವರಿಗೆ ಐವತ್ತು ಲಕ್ಷ ಜನರು ಇನ್ಸ್ಟಾಗ್ರಾಂ ನಲ್ಲಿ ಹಿಂಬಾಲಕರಿದ್ದಾರೆ. ಪ್ರಸ್ತುತ ಇವರು ತಮ್ಮ ನೆಟ್ಟಗೆ ನಿಂತಿರುವ ಜುಟ್ಟಿನ ಮೂಲಕ ಮೊಬೈಲ್ ನಿಂದ ಹಿಡಿದು ಇಂಟರ್ನೆಟ್ ನಲ್ಲಿ ಮಾರಾಟ ಮಾಡುವ ಮಳಿಗೆಗಳ (bona fide modelling) ರೂಪದರ್ಶಿಯಾಗಿ ತಮ್ಮ ಪ್ರತಿಭೆಯನ್ನು ಮೆರೆಯುತ್ತಿದ್ದಾರೆ.

ಜ್ಯಾಕ್ ಮಿಕೋ

ಮೂಲತಃ ಓರ್ವ ವಿದೂಶಕರಾಗಿದ್ದ ಇವರು ತಮ್ಮ ಸ್ಥೂಲಕಾಯದಿಂದಾಗಿಯೇ ರಾತ್ರೋ ರಾತ್ರಿ ಪ್ರಸಿದ್ದಿ ಪಡೆದರು. ಸುಮಾರು ಆರುವರೆ ಅಡಿಗೂ ಎತ್ತರವಿದ್ದು ನಲವತ್ತಿಂಚಿನ ಸೊಂಟ ಹೊಂದಿರುವ ಇವರನ್ನು ಖ್ಯಾತ ಜಾಲತಾಣಗಳೆಲ್ಲಾ ತಾಮುಂದು ನಾಮುಂದು ಎಂದು ಬಂದು ಸಂದರ್ಶನ ಪಡೆದುಕೊಳ್ಳುತ್ತಿರುವುದನ್ನು ನೋಡಿದರೆ ಖ್ಯಾತಿಗೂ ಸ್ಥೂಲಕಾಯಕ್ಕೂ ಎತ್ತಣಿಂದೆತ್ತಣ ಸಂಬಂಧವಯ್ಯ ಎನ್ನುವಂತಾಗುತ್ತದೆ.

ಟೆರ್ರಿ ಹೋಲ್ಯಾಂಡ್ಸ್

ಇಂದು ಬಟ್ಟೆಗಳನ್ನು ಕೊಂಡುಕೊಳ್ಳಲು ಅಂಗಡಿಗಳಿಗೇ ಹೋಗಬೇಕೆಂದಿಲ್ಲ. ಆನ್ಲೈನ್ ಆರ್ಡರ್ ಮಾಡಿ ತರಿಸಬಹುದು. ಇಂತಹ ಒಂದು ಖ್ಯಾತ ಆನ್ಲೈನ್ ಮೂಲಕ ಬಟ್ಟೆ ಮಾರಾಟ ಮಾಡುವ ಸಂಸ್ಥೆಯಲ್ಲಿ ಮಾರಾಟವಾಗುವ ಸ್ಥೂಲದೇಹಿಗಳ ಬಟ್ಟೆಗಳಿಗೆ ರೂಪದರ್ಶಿಯಾಗಿರುವ ಇವರು ಅಲ್ಪಕಾಲದಲ್ಲಿಯೇ ಇಡಿಯ ಬ್ರಿಟನ್ನಿನಲ್ಲಿ ಮನೆಮಾತಾಗಿದ್ದಾರೆ. ಸ್ಥೂಲ ಮತ್ತು ಎತ್ತರದ ದೇಹಿಗಳೇ ಹೆಚ್ಚಿರುವ ಇಂಗ್ಲೆಂಡಿನಲ್ಲಿ ಇವರ ರೂಪದರ್ಶಿತ್ವವಿರುವ ಬಟ್ಟೆಗಳು ಬಿಸಿಬಿಸಿ ದೋಸೆಯಂತೆ ಮಾರಾಟವಾಗುತ್ತಿವೆ.

ಜರ್ಮಿಯನ್ ಹೋಲ್ಮನ್
ಆರುವರೆ ಅಡಿ ಎತ್ತರವಿದ್ದು ಸೊಂಟದಲ್ಲಿ ಮೂವತ್ತಾರು ಇಂಚಿನ ಗಾತ್ರ ಹೊಂದಿದ್ದರೂ ಇವರನ್ನು ಸ್ಥೂಲದೇಹದ ರೂಪದರ್ಶಿ ಎಂದು ಪರಿಗಣಿಸಲಾಗಿದೆ. ಒಂದರ್ಥದಲ್ಲಿ ಈ ಮೈಕಟ್ಟು ತಮಗೆ ಬಂದರೆ ಹೇಗೆ ಎಂದು ಯೋಚಿಸುವ ಪುರುಷರಿಗೆ ಒಂದು ಮಾದರಿಯಾಗಿದ್ದು ಇದೇ ಚಿಂತನೆಯ ಮೂಲಕ ಇವರು ಪ್ರಸಿದ್ಧಿ ಪಡೆದಿದ್ದಾರೆ.


ಕ್ಲಾಸ್ ಫ್ಲೇಸ್ನರ್
ಜರ್ಮನಿಯ ಹ್ಯಾಂಬರ್ಗ್ ನಗರದಲ್ಲಿ ಇವರು ಕಂಟೆಂಟ್ ಮ್ಯಾನೇಜರ್ ಅಥವಾ ರೂಪದರ್ಶಿಗಳು ಮಾತನಾಡಬೇಕಾದ ವಾಕ್ಯಗಳನ್ನು ಬರೆಯುವ, ತಿದ್ದುವ ಮೊದಲಾದ ಕೆಲಸವನ್ನು ಮಾಡುತ್ತಿದ್ದರು. ಒಮ್ಮೆ ಬರೆಯ ಮಹಿಳಾ ರೂಪದರ್ಶಿಗಳೇ ಇರುವ ಜಾಹೀರಾತೊಂದರಲ್ಲಿ ಅಕಾಸ್ಮಾತ್ತಾಗಿ ಇವರನ್ನು ಸೇರಿಸಿಕೊಳ್ಳಲಾಯಿತು. ಈ ಜಾಹೀರಾತಿನಲ್ಲಿ ಮಹಿಳೆಯರ ಸೌಂದರ್ಯಕ್ಕಿಂತಲೂ ಇವರ ಸ್ಥೂಲದೇಹವೇ ಜನರಿಗೆ ಹೆಚ್ಚು ಇಷ್ಟವಾಗಿತ್ತು. ಅಂತೆಯೇ ಪ್ರಸಿದ್ಧಿಯೂ ಇವರ ಕಾಲಬುಡಕ್ಕೆ ಬಂದು ಬಿದ್ದಿತ್ತು.

English summary

List Of Plus Size Male Models Who Are Really HOTT!!

The list of models mentioned in this article are super-sized and we sure it will melt your heart. These models are well-established and are quite popular in the world of fashion. Find out more about these interesting people mentioned below. These plus sized models have created a stir in the world of modelling by creating a niche in it. Find out more about these super-sized models in the article mentioned below.
X
Desktop Bottom Promotion