ಶೌಚಾಲಯದ ಬಗ್ಗೆ ನೀವು ತಿಳಿದಿರದ ಅಚ್ಚರಿಯ ಸಂಗತಿಗಳು

ಮಾಹಿತಿ #1

ಶೌಚಾಲಯದ ಎಲ್ಲಾ ವಸ್ತುಗಳಲ್ಲಿ ಅತಿ ಕಡಿಮೆ ಕೀಟಾಣು ಇರುವ ಸ್ಥಳವೆಂದರೆ ಟಾಯ್ಲೆಟ್ ಸೀಟ್, ಅಥವಾ ಕುಳಿತುಕೊಳ್ಳುವ ಭಾಗ. ಆದರೆ ವ್ಯತಿರಿಕ್ತವಾಗಿ ನಾವು ಈ ಭಾಗವನ್ನೇ ಅತಿ ಹೆಚ್ಚಾಗಿ ಸ್ವಚ್ಛಗೊಳಿಸಿ ಬಳಕೆಗೆ ಮುಂದಾಗುತ್ತೇವೆ. ಉಳಿದ ಭಾಗಗಳು? ಸಾರ್ವಜನಿಕ ಶೌಚಾಲಯ ಬಳಸುವಾಗ ಜಾಗರೂಕರಾಗಿರಿ!

ಮಾಹಿತಿ #2

ಒಂದು ಸಮೀಕ್ಷೆಯ ಪ್ರಕಾರ ಕಾಯಿಲೆ ತರಿಸುವ Staphylococcus ಎಂಬ ಬ್ಯಾಕ್ಟೀರಿಯಾಗಳ ಸಂಖ್ಯೆ ನಮ್ಮ ಶೌಚಾಲಯದ ಯಾವುದೇ ಭಾಗದಲ್ಲಿ ಗರಿಷ್ಠ 20ರಷ್ಟು ಇರುತ್ತವೆ. ಆದರೆ ಇದೇ ಬ್ಯಾಕ್ಟೀರಿಯಾ ನಮ್ಮ ಸ್ಮಾರ್ಟ್ ಫೋನ್‌ನ ಸ್ವಚ್ಛಗೊಳಿಸಲು ಕಷ್ಟಕರವಾದ ಸಂದುಗಳಲ್ಲಿ ಕನಿಷ್ಠ 600ರಷ್ಟಿವೆ!

ಮಾಹಿತಿ #3

ಇನ್ನೊಂದು ಮಾಹಿತಿಯ ಪ್ರಕಾರ ಶೌಚಾಲಯ ಬಳಸಿ ಹೊರಬರುವವರಲ್ಲಿ 77% ಪುರುಷರು ಮಾತ್ರ ತಮ್ಮ ಕೈಗಳನ್ನು ತೊಳೆದುಕೊಳ್ಳುತ್ತಾರೆ. ಅದೇ ಮಹಿಳೆಯರ ವಿಷಯದಲ್ಲಿ ಈ ಪ್ರಮಾಣ 93%ರಷ್ಟಿದೆ. ಪುರುಷರೊಂದಿಗೆ ಕೈ ಕುಲುಕುವ ವಿಷಯ ಬಂದಾಗ ಕೈ ಮುಗಿಯುವುದನ್ನು ಅಭ್ಯಾಸ ಮಾಡಿಕೊಂಡಿರುವುದು ಇದೇ ಕಾರಣಕ್ಕಿರಬಹುದು.

ಮಾಹಿತಿ #4

ಒಂದು ಅಂದಾಜಿನ ಪ್ರಕಾರ ಪ್ರತಿ ಬಾರಿ ಶೌಚಾಲಯವನ್ನು ಫ್ಲಶ್ ಮಾಡಿದಾದ ಸುಮಾರು ಆರು ಲೀಟರ್ ನೀರು ಬಳಕೆಯಾಗುತ್ತದೆ.

ಮಾಹಿತಿ #5

1739ರಲ್ಲಿ ವಿಶ್ವದಲ್ಲಿಯೇ ಪ್ರಥಮ ಬಾರಿ ಪ್ಯಾರಿಸ್ ನಗರದಲ್ಲಿ ನಡೆದ ಬಾಲ್ ಡಾನ್ಸ್ ಎಂಬ ನೃತ್ಯಸಮಾರಂಭದಲ್ಲಿ ಉನ್ನತ ದರ್ಜೆಯ ವ್ಯಕ್ತಿಗಳಿಗಾಗಿ ಎಂದೇ ಪುರುಷರಿಗೆ ಮತ್ತು ಮಹಿಳೆಯರಿಗೆ ಪ್ರತ್ಯೇಕವಾದ ಶೌಚಾಲಯಗಳು ಬಳಕೆಗೆ ಬಂದವು.

ಮಾಹಿತಿ #6

ಇನ್ನೊಂದು ಸಮೀಕ್ಷೆಯ ಪ್ರಕಾರ ಶೌಚಾಲಯದಲ್ಲಿ ಪುರುಷರು ಮಹಿಳೆಯರಿಗಿಂತಲೂ ಹೆಚ್ಚು ಸಮಯ ಕಳೆಯುತ್ತಾರೆ. ವಿಶೇಷವೇನಿಲ್ಲ, ಇಲ್ಲಿ ಉಳಿಸಿದ್ದಕ್ಕಿಂತಲೂ ಎಷ್ಟೋ ಹೆಚ್ಚು ಸಮಯವನ್ನು ಮಹಿಳೆಯರು ಮೇಕಪ್ ರೂಮಿನಲ್ಲಿ ಪೋಲು ಮಾಡುವುದನ್ನು ಮಾತ್ರ ಸಮೀಕ್ಷೆ ತಿಳಿಸಿಲ್ಲ.

ಮಾಹಿತಿ #7

ನಾವು ಸೇವಿಸುವ ಔಷಧಿಯ 90%ಕ್ಕೂ ಹೆಚ್ಚು ಭಾಗ ತ್ಯಾಜ್ಯಗಳ ಮೂಲಕ ಹರಿದು ಹೋಗುತ್ತದೆ. ವಿಶೇಷವಾಗಿ ಮೂತ್ರದ ಮೂಲಕ. ಅಂದರೆ ಶೌಚಾಲಯದ ತ್ಯಾಜ್ಯ ಎಂದರೆ ಔಷಧಿಗಳ ಆಗರ ಎಂದು ಯಾರಾದರೂ ಅರ್ಥೈಸಿಕೊಳ್ಳುವ ಅಪಾಯವಿದೆ.