ಇವು ನೈಸರ್ಗಿಕ ಈಜುಕೊಳಗಳು-ಆದರೆ ಈಜಲು ಧೈರ್ಯ ಬೇಕಷ್ಟೇ!

ಟು ಸುಯಾ(ಸಮೊಯಾ)

ಈ ಸುಂದರವಾದ ತಾಣವು ಲೊಟೊಫಗಾದಲ್ಲಿ ಎಂಬಲ್ಲಿದೆ. ನೈಸರ್ಗಿಕವಾಗಿರುವ ಈಜುಕೊಳದಲ್ಲಿ ದೈತ್ಯಕಾರದ ಏಣಿ ಮತ್ತು ಸಣ್ಣದಾಗಿರುವ ಹಡಗುಕಟ್ಟೆಯಿದೆ. ಈ ಈಜು ಕೊಳದಲ್ಲಿ ಈಜಲು ಬಯಸಿದರೆ ಅದಕ್ಕೆ ಸ್ವಲ್ಪವೇ ಹಣ ತೆರಬೇಕಾಗುತ್ತದೆಯಂತೆ, ಆದರೆ ತಾನು ಈಜಬಲ್ಲೆ ಎಂಬ ಧೈರ್ಯವಿರಬೇಕು ಅಷ್ಟೇ...!

ಡೀನ್ಸ್ ಬ್ಲೂ ಹೋಲ್(ಬಹಾಮಾಸ್)

663 ಅಡಿ ಆಳವಿರುವ ಇದು ವಿಶ್ವದ ಅತ್ಯಂತ ಆಳವಾಗಿರುವ ಸಮುದ್ರ ಕುಳಿಯಾಗಿದೆ. ಈ ಕುಳಿಯು ಕೆರಿಬಿಯನ್ ಸಾಗರದಲ್ಲಿರುವ ಇತರ ನೀಳಿ ಕುಳಿಗಳಿಗಿಂತ ದುಪ್ಪಟ್ಟು ಆಳವಾಗಿದೆ. 20 ಮೀಟರ್ ಕೆಳಗಿಳಿದ ಬಳಿಕ ಈ ಕುಳಿಯು ಅಗಲಗೊಂಡು ಗುಹೆಯಾಗುತ್ತದೆ. ಇದರಿಂದಾಗಿ ಇದು ನೋಡಲು ಮತ್ತಷ್ಟು ಸುಂದರವಾಗಿ ಕಾಣುತ್ತದೆ.

ಮರಿಯೆಟಾ ದ್ವೀಪ(ಮೆಕ್ಸಿಕೋ)

ದೊಡ್ಡ ಮಟ್ಟದ ಸ್ಪೋಟದಿಂದಾಗಿ ಉಂಟಾಗಿ ವಿಶೇಷವಾಗಿ ಅಡಗಿರುವ ದ್ವೀಪವಾಗಿದೆ. ಭೂಮಿ ಮೇಲಿರುವ ಸ್ವರ್ಗವಾಗಿರುವ ಈ ಬೀಚ್ ನಲ್ಲಿ ತುಂಬಾ ಸ್ವಚ್ಛವಾಗಿರುವಂತಹ ಬಿಸಿ ನೀರು ಬರುತ್ತದೆ. ಇಲ್ಲಿಗೆ ಭೇಟಿ ನೀಡಿದರೆ ಜೀವನದಲ್ಲಿ ಎಂದೂ ಮರೆಯದ ಅನುಭವ ಪಡೆಯುವುದು ಖಚಿತ.

ಜೆಲ್ಲಿಫಿಶ್ ಲೇಕ್(ಪಲಾಯು)

ಪಲಾಯುದ ಕೊರಾರ್ ತೀರದಲ್ಲಿರುವ ಈ ಕಲ್ಲಿನ ದ್ವೀಪವು ವಿಭಿನ್ನವಾಗಿದೆ. ಇಲ್ಲಿ ನೂರಾರು ವಿಧದ ಜೆಲ್ಲಿಫಿಶ್ ಗಳು ಈಗಲೂ ಇದೆ. ಇಲ್ಲಿ ಈಜುವುದು ತುಂಬಾ ಸುರಕ್ಷಿತವೆನ್ನಲಾಗಿದೆ.

ಝಕ್ಟನ್ ಸಿಂಕ್ ಹೋಲ್(ಮೆಕ್ಸಿಕೋ)

ಇದು ವಿಶ್ವದಲ್ಲಿರುವ ಅತ್ಯಂತ ಆಳವಾದ ಈಜುಗುಂಡಿಯಾಗಿದೆ. ಇದರ ಆಳ ಸುಮಾರು 339 ಮೀಟರ್. ತೇಲಾಡುವ ಹುಲ್ಲಿನ ದ್ವೀಪವಿರುವ ಇದನ್ನು ಝಕಟೆ ಡ್ರಿಫ್ಟ್ ಎಂದು ಕರೆಯಲಾಗುತ್ತದೆ. Image Courtesy

ಲಾಗುನಾ ಸೆಜಾರ(ಅಟಕಾಮ ಮರುಭೂಮಿ, ಚಿಲಿ)

ಸಲಾರ್ ಡೆ ಅಟಕಾಮಾದಲ್ಲಿ ಈ ಈಜುಗುಂಡಿಯಿದೆ. ಇದು ಚಿಲಿಯಲ್ಲಿರುವ ಅತ್ಯಂತ ದೊಡ್ಡ ಉಪ್ಪಿನ ಸಮತಲವಾಗಿದೆ. ಸತ್ತ ಸಮುದ್ರದಲ್ಲಿ ಕಾಣುವಂತಹ ತೇಲಾಡುವ ಅನುಭವು ಇಲ್ಲಿ ನಿಮಗೆ ಆಗುವುದು ತುಂಬಾ ವಿಶೇಷ.

ಬಿಗ್ ಹೋಲ್(ಕಿಂಬರ್ಲಿ, ದಕ್ಷಿಣ ಆಫ್ರಿಕಾ)

ದಕ್ಷಿಣ ಆಫ್ರಿಕಾದ ಉತ್ತರ ಭಾಗದಲ್ಲಿ ಕೈಯಿಂದ ಮಾಡಲ್ಪಟ್ಟಿರುವ ಅತೀದೊಡ್ಡ ಕುಳಿಯಿದೆ. ತೆರೆದ ಗುಂಡಿಯಾಗಿರುವ ಇದು ವಜ್ರದ ಗಣಿಯಾಗಿದೆ. ಇಲ್ಲಿಂದ ಈಗಾಗಲೇ 2,720 ಕೆಜಿ ವಜ್ರ ತೆಗೆಯಲಾಗಿದೆ.