ಅಚ್ಚರಿ: ಹಲ್ಲಿ ಮೈಮೇಲೆ ಬಿದ್ದರೆ ಏನಾಗುತ್ತದೆ ನೋಡಿ...

ಹಲ್ಲಿಯು ನಿಮ್ಮ ಬಲಗಣ್ಣಿನ ಬಳಿ ಬಿದ್ದರೆ

ಒಂದು ವೇಳೆ, ಹೀಗೆ ನಡೆದರೆ ನಿಮಗೆ ಕಣ್ಣು ಮಂಜಾಗುತ್ತದೆ! ಭಯ ನೋವು ಎರಡೂ ಆಗಬಹುದು. ಆದರೆ ಹೆದರಬೇಡಿ, ಹೀಗಾದರೆ ನಿಮಗೆ ಅತಿ ಶೀಘ್ರದಲ್ಲಿಯೇ ಒಂದು ಶುಭ ಸುದ್ದಿ ಬರುತ್ತದೆಯಂತೆ!.

ಹಲ್ಲಿ ನಿಮ್ಮ ಎಡಗಣ್ಣಿನ ಮೇಲೆ ಬಿದ್ದರೆ

ಕಣ್ಣಿನ ಮೇಲೆ ಬಿದ್ದರೆ ಯಾರಿಗೆ ಭಯವಾಗುವುದಿಲ್ಲ. ಭಯದ ಜೊತೆಗೆ ಸಂತೋಷ ಸಹ ಪಡಿ, ಏಕೆಂದರೆ ಹಲ್ಲಿ ಎಡಗಣ್ಣಿನ ಮೇಲೆ ಬಿದ್ದರೆ ನೀವು ಶ್ರೀಮಂತರಾಗುತ್ತೀರಂತೆ!

ಹಲ್ಲಿ ಎಡ ಮಣಿಕಟ್ಟಿನ ಮೇಲೆ ಬಿದ್ದರೆ

ಇದು ತೀರಾ ತೀರಾ ಅಪರೂಪವಾದ ಘಟನೆಯಾಗುತ್ತದೆ. ಇದು ಭಾರೀ ಅದೃಷ್ಟವನ್ನು ನಿಮಗೆ ತಂದು ಕೊಡುತ್ತದೆಯಂತೆ.

ಹಲ್ಲಿ ನಿಮ್ಮ ಉಗುರನ್ನು ಸ್ಪರ್ಶಿಸಿದರೆ

ಯಾವುದೋ ಕಪ್‌ಬೋರ್ಡ್ ಇಲ್ಲವೇ ಫೋಟೋ ಹಿಂದೆ ಅವಿತಿರುವ ಒಂದು ಹಲ್ಲಿಯನ್ನು ನೀವು ಮುಟ್ಟಿದರು ಅಥವಾ ಹಲ್ಲಿಯೇ ನಿಮ್ಮನ್ನು ಮುಟ್ಟಿದಾಗ, ನಿಮ್ಮ ಉಗುರಿಗೆ ಹಲ್ಲಿ ಸೋಕಬಹುದು. ಆಗ ನಂಬಿಕೆಗಳ ಪ್ರಕಾರ ನೀವು ನಷ್ಟಕ್ಕೆ ಗುರಿಯಾಗುತ್ತೀರಂತೆ.

ಹಲ್ಲಿ ನಿಮ್ಮ ಬಲ ಹಣೆಗೆ ತಾಕಿದರೆ

ಹಲ್ಲಿ ಬಲ ಹಣೆಗೆ ತಾಕಿದಾಗ ಅದನ್ನು ಆಶಿರ್ವಾದ ಎಂದು ಪರಿಗಣಿಸಲಾಗುತ್ತದೆ. ಇದು ಸಂತೋಷವನ್ನು ತರುತ್ತದೆಯಂತೆ.

ಹಲ್ಲಿ ಎಡ ಹಣೆಗೆ ತಾಕಿದರೆ

ಹಲ್ಲಿ ಎಡ ಹಣೆಗೆ ತಾಕಿದರೆ ಅಪಾಯ ಎಂದುಕೊಳ್ಳಬೇಡಿ. ಇದು ನೀವು ಕೈಹಿಡಿದ ಕೆಲಸವನ್ನು ಯಶಸ್ವಿಯಾಗಿ ಪೂರೈಸುವಂತೆ ಮಾಡುತ್ತದೆಯಂತೆ.

ಹಲ್ಲಿ ಬಲ ಭುಜಕ್ಕೆ ತಾಕಿದರೆ

ಹೆದರ ಬೇಡಿ, ಬಲ ಭುಜಕ್ಕೆ ಹಲ್ಲಿ ತಾಕುವುದು ನಿಮಗೆ ಯಶಸ್ಸು ಸಿಕ್ಕುತ್ತದೆ ಎಂಬುದನ್ನು ಸೂಚಿಸುತ್ತದೆಯಂತೆ.

ಹಲ್ಲಿ ಎಡಭುಜಕ್ಕೆ ತಾಕಿದರೆ

ಸಾಮಾನ್ಯವಾಗಿ ಹಲ್ಲಿಗಳು ಭುಜಗಳ ಮೇಲೆಯೇ ಬೀಳುತ್ತದೆ. ಎಡ ಭುಜದ ಮೇಲೆ ಬಿದ್ದರೆ ಜೀವನದಲ್ಲಿ ಶಾಂತಿ ಮತ್ತು ನೆಮ್ಮದಿ ದೊರೆಯುತ್ತದೆಯಂತೆ.

ಕುತ್ತಿಗೆ ಮೇಲೆ ಹಲ್ಲಿ ಬಿದ್ದರೆ

ಭಯದಿಂದ ನೀವು ಕಂಪಿಸಿ ಹೋಗುತ್ತೀರಲ್ಲವೇ. ಹೌದು, ಈ ಭಾಗದಲ್ಲಿ ಹಲ್ಲಿ ಬಿದ್ದರೆ ನಿಮಗೆ ಶತ್ರುಗಳು ಹೆಚ್ಚಾಗುತ್ತಾರಂತೆ.

ಹಲ್ಲಿ ನಿಮ್ಮ ದೇಹದ ಮೇಲೆ ಹರಿದಾಡಿದರೆ

ನೀವು ಮಲಗಿರುವಾಗ ಹಲ್ಲಿ ನಿಮ್ಮ ಮೇಲೆ ಹರಿದಾಡಿದರೆ? ಹೆದರುವ ಅಗತ್ಯವಿಲ್ಲ ಆತ ದೀರ್ಘಾಯುಷ್ಯಿಯಾಗುತ್ತಾನೆಂದು ಶಾಸ್ತ್ರಗಳು ಸಾರುತ್ತವೆ.

ಹಲ್ಲಿಯು ತಲೆಯ ಮೇಲೆ ಬಿದ್ದಾಗ

ತಲೆಯ ಮೇಲೆ ಹಲ್ಲಿ ಬಿದ್ದಾಗ ಜನ ಕಿರುಚಾಡಿ ಬಿಡುತ್ತಾರೆ. ಶಾಸ್ತ್ರಗಳ ಪ್ರಕಾರ ಹಲ್ಲಿಯು ತಲೆಯ ಮೇಲೆ ಬಿದ್ದಾಗ ಅದು ಕೆಟ್ಟ ಶಕುನವೆಂದು ಪರಿಗಣಿಸಲಾಗುತ್ತದೆ.