ಒಲಿಂಪಿಕ್ಸ್ ಚಿನ್ನದ ಪದಕದಲ್ಲೂ ನಡೆಯುತ್ತಿದೆ ಗೋಲ್‌ಮಾಲ್!

ರಿಯೋ ಒಲಿಂಪಿಕ್ಸ್ ನಲ್ಲಿ ಚಿನ್ನದ ಪದಕ ಗೆಲ್ಲುವುದು ಪ್ರತಿಯೊಬ್ಬ ಕ್ರೀಡಾಪಟುವಿನ ಮಹತ್ವಾಕಾಂಕ್ಷೆಯ ಗುರಿ. ಇದನ್ನು ಸಾಧಿಸಲು ವರ್ಷಗಳಲ್ಲ, ಜೀವಮಾನವನ್ನೇ ಮುಡಿಪಾಗಿರಿಸಿ ಸತತ ಸಾಧನೆ, ಪರಿಶ್ರಮ ಪಡುವವರ ಸಂಖ್ಯೆಯೂ ದೊಡ್ಡದೇ. ಈ ಶ್ರಮದ ಫಲವಾಗಿ ಒಲಿಂಪಿಕ್ ಪದಕವನ್ನು ಗೆದ್ದು ತಂದಾಗ ತಮ್ಮ ಶ್ರಮ ಸಾರ್ಥಕವಾದ ಭಾವನೆಗಿಂತಲೂ ಪದಕ ಗೆದ್ದ ದೇಶದ ನಾಗರಿಕರು ತೋರುವ ಅಭಿಮಾನವೇ ಜೀವನ ಸಾರ್ಥಕವಾದ ಭಾವನೆ ಮೂಡಿಸುತ್ತದೆ.

ಪದಕಗಳ ಬಗ್ಗೆ ನಾವೆಲ್ಲರೂ ಚರ್ಚಿಸುತ್ತೇವಾದರೂ ಈ ಪದಕಗಳನ್ನು ಯಾವ ಲೋಹದಿಂದ ಮಾಡಲಾಗಿದೆ ಎಂಬ ಮಾಹಿತಿಯನ್ನು ಮಾತ್ರ ಯಾರಿಗೂ ಸರಿಯಾಗಿ ಗೊತ್ತಿಲ್ಲ. ಸಾಮಾನ್ಯವಾದ ನಂಬಿಕೆಯ ಪ್ರಕಾರ ಚಿನ್ನದ ಪದಕ ಎಂದರೆ ಇಡಿಯ ಪದಕವನ್ನೇ ಚಿನ್ನದಿಂದ ಮಾಡಲಾಗಿದೆ ಎಂಬ ನಂಬಿಕೆಯನ್ನೇ ನಾವೆಲ್ಲಾ ಹೊಂದಿದ್ದೇವೆ. ವಾಸ್ತವವಾಗಿ ಇಡಿಯ ಪದಕವೇ ಚಿನ್ನದ್ದೇ, ಅಥವಾ ಇದು ಕೇವಲ ಲೇಪನವೇ? ಕುತೂಹಲ ಮೂಡಿತೇ, ಮುಂದೆ ಓದಿ.... ಬಂಗಾರ ಪ್ರಿಯರೇ, ತಿಳಿದಿರಲಿ ಚಿನ್ನದಂತಹ ಸಂಗತಿ...

ವಾಸ್ತವವಾಗಿ ಚಿನ್ನದ ಪದಕ ಎಂದರೆ 494 ಗ್ರಾಂ ಬೆಳ್ಳಿಯ ಪದಕವಾಗಿದ್ದು ಇದರ ಮೇಲೆ 6 ಗ್ರಾಂ ಚಿನ್ನವನ್ನು ಲೇಪಿಸಿರುತ್ತಾರೆ. ಒಟ್ಟು ತೂಕ ಐನೂರು ಗ್ರಾಂ. ಹಿಂದೆ, ಅಂದರೆ 1912ರವರೆಗೂ ಚಿನ್ನದ ಪದಕ ಎಂದರೆ ಪೂರ್ಣ ಐನೂರು ಗ್ರಾಂ ಚಿನ್ನದ್ದೇ ಆಗಿದ್ದ ಪಕದವನ್ನೇ ನೀಡಲಾಗುತ್ತಿತ್ತು. ಆದರೆ ಕ್ರಮೇಣ ಬೆಳ್ಳಿಯ ಪದಕದ ಮೇಲೆ ಚಿನ್ನದ ಲೇಪನ ಮಾಡಿದ ಪದಕವನ್ನೇ ಚಿನ್ನದ ಪದಕ ಎಂದು ಕರೆಯಲಾಗುತ್ತಿದೆ.

ರಿಯೋ ಒಲಿಂಪಿಕ್ ನಡೆಯುವ ಹಿಂದಿನ ವಾರದ ಚಿನ್ನದ ಬೆಲೆಯ ಪ್ರಕಾರ ಈ ಪದಕ 564 ಡಾಲರು (ಸುಮಾರು 3772೦ ರೂಪಾಯಿ). 2012ರ ಲಂಡನ್ ಒಲಿಂಪಿಕ್ಸ್ ಸಮಯದಲ್ಲಿ ಚಿನ್ನದ ಬೆಲೆ ಉತ್ತುಂಗಕ್ಕೇರಿದ್ದಾಗ ಪ್ರತಿ ಪದಕ 708 ಡಾಲರುಗಳಿಗೇರಿತ್ತು.

ಒಲಿಂಪಿಕ್ಸ್ ಕ್ರೀಡೆಗಳನ್ನು ನಡೆಸಲು ಅನುಮತಿ ಪಡೆಯುವ ರಾಷ್ಟ್ರಕ್ಕೆ ಕ್ರೀಡೆಗಳನ್ನು ನಡೆಸುವ ಹೊರತಾಗಿ ಇತರ ಜವಾಬ್ದಾರಿಗಳೂ ಮತ್ತು ಪದಕಗಳನ್ನು ವಿನ್ಯಾಸಗೊಳಿಸುವ ಅವಕಾಶವೂ ಒದಗಿಬರುತ್ತದೆ. ಆದರೆ ಈ ವಿನ್ಯಾಸ ಒಲಿಂಪಿಕ್ ಕ್ರೀಡಾ ನಿಯಮಗಳನ್ನು ಪಾಲಿಸಲೇಬೇಕು. ಬಂಗಾರ ಪ್ರಿಯರೇ, ತಿಳಿದಿರಲಿ ಚಿನ್ನದಂತಹ ಸಂಗತಿ...

ಇದರಲ್ಲಿ ಪ್ರಮುಖವಾದ ನಿಯಮ ಎಂದರೆ ಪ್ರತಿ ಪದಕ ಕನಿಷ್ಠ ಮೂರು ಮಿಮೀ ದಪ್ಪ ಹಾಗೂ ಕನಿಷ್ಠ ಅರವತ್ತು ಮಿಮೀ ವ್ಯಾಸವನ್ನು ಹೊಂದಿರಲೇಬೇಕು. ಚಿನ್ನದ ಪದಕದಲ್ಲಿ ಕನಿಷ್ಠ ಆರು ಗ್ರಾಂ ಚಿನ್ನದ ಲೇಪನ ಇರಲೇಬೇಕು. ಪ್ರತಿ ಪದಕದಲ್ಲಿ ಒಲಿಂಪಿಕ್ ಚಿಹ್ನೆ ಕನಿಷ್ಠ ಒಂದು ಕಡೇ ಮುದ್ರಿತವಾಗುವುದೂ ಕಡ್ದಾಯ. ಇನ್ನುಳಿದಂತೆ ಬೆಳ್ಳಿ ಮತ್ತು ಕಂಚಿನ ಪದಕಗಳನ್ನು ಐನೂರು ಗ್ರಾಂ ಅಪ್ಪಟ ಲೋಹದಿಂದಲೇ ತಯಾರಿಸಲಾಗುತ್ತದೆ.