ಪೊಲೀಸರನ್ನು ಯಾಮಾರಿಸಲು, ಕಳ್ಳರು ಮಾಡಿದ ಟ್ರಿಕ್ಸ್ ನೋಡಿ...

ಕಾರಿನ ಸೀಟಿನ ಅವತಾರವೆತ್ತಿದ ವ್ಯಕ್ತಿ

ಇದು ಬಾಲಿವುಡ್ ಚಿತ್ರವೊಂದರ ಸನ್ನಿವೇಶ ಎಂದು ನೀವು ತಿಳಿದರೆ ಅಪ್ಪಟ ತಪ್ಪಾಗುತ್ತದೆ. ಏಕೆಂದರೆ ಇಂತಹದ್ದೊಂದು ಕಿಡಿಗೇಡಿತನದ ಪ್ರಯತ್ನವೊಂದನ್ನು ಅಮೇರಿಕಾ ಸಂಯುಕ್ತ ಸಂಸ್ಥಾನಕ್ಕೆ ನುಗ್ಗಲು ಯತ್ನಿಸಿದ ವ್ಯಕ್ತಿಯೊಬ್ಬ ನಿಜವಾಗಿಯೂ ಅನುಸರಿಸಿದ್ದಾನೆ. "Enrique Aquilar Canchola" ಎಂಬ ಹೆಸರಿನ ಈ ವ್ಯಕ್ತಿ ಕಾರಿನ ಸೀಟಿನೊಳಗೇ ತೂರಿ ಇವನ ತೊಡೆಯ ಮೇಲೆ ಚಾಲಕನನ್ನು ಕೂರಿಸಿ ಪೋಲೀಸರು ನಿಜವಾಗಿಯೂ ಸೀಟಿನ ಮೇಲೇ ಕುಳಿತಿದ್ದಾನೆ ಎಂಬ ಭ್ರಮೆ ಹುಟ್ಟಿಸುವಂತೆ ಮಾಡಿದ್ದ. ಆದರೆ ಕ್ಯಾಲಿಫೋರ್ನಿಯಾ ಬಳಿಕ ಸಾನ್ ಸಿಡ್ರೋ (San Ysidro) ಎಂಬ ವಿಶ್ವದಲ್ಲಿಯೇ ಅತಿ ಜನನಿಬಿಡ ಮತ್ತು ಗೌಜಿಯಿರುವ ಗಡಿಯಲ್ಲಿ ಈ ಪ್ರಯತ್ನ ಮಾಡಿದ್ದವನನ್ನು ಪೋಲೀಸರ ಸೂಕ್ಷ್ಮ ಗಮನ ಕಂಡುಹಿಡಿದಿತ್ತು.

Image courtesy

ಸೂಟ್ ಕೇಸಿನಲ್ಲಿ ಜೀವಂತ ಮಹಿಳೆ

Pornkamol Mongkolsermsak ಎಂಬ ಹೆಸರಿನ ಥಾಯ್ಲೆಂಡ್ ಮಹಿಳೆಯೊಬ್ಬರು ತನ್ನನ್ನು ತಾನೇ ಸೂಟ್ ಕೇಸ್ ಒಂದರಲ್ಲಿ ಪ್ಯಾಕ್ ಮಾಡಿಸಿಕೊಂಡು ಮೆಕ್ಸಿಕೋ ದೇಶದ ಗಡಿಯ ಮೂಲಕ ಯು.ಎಸ್.ಎ ಗೆ ಕಳ್ಳತನದಿಂದ ಪ್ರವೇಶ ಪಡೆಯಲು ಯತ್ನಿಸುತ್ತಿದ್ದಾಗ ಸಿಕ್ಕಿಬಿದ್ದಿದ್ದಾರೆ. Image courtesy

ಕೈದಿ ಪ್ರಿಯಕರನನ್ನು ಸೂಟ್ ಕೇಸಿನಲ್ಲಿ ಕದ್ದೊಯ್ದ ಪ್ರೇಯಸಿ

ಪ್ರೀತಿಗೆ ಕಣ್ಣಿಲ್ಲ ಎಂದು ಹೇಳುತ್ತಾರೆ. ಇಲ್ಲಿ ಪ್ರೀತಿಗೆ ನ್ಯಾಯವೂ ಇಲ್ಲ ಎಂಬುದನ್ನು ಓರ್‍ವ ಯುವತಿ ಸಾಬೀತು ಪಡಿಸಿದ್ದಾಳೆ. 2007ರಲ್ಲಿ ಅಕ್ರಮ ಮಾರಕಾಸ್ತ್ರ ಹೊಂದಿರುವ ಆಪಾದನೆ ನಿರೂಪಿತಗೊಂಡ ಬಳಿಕ ಇಪ್ಪತ್ತು ವರ್ಷಗಳ ಸಜೆ ಅನುಭವಿಸಲು ಮೆಕ್ಸಿಕೋದ ಚೆಟುಮಾಲ್ ನಗರದ ಜೈಲಿನಿಲ್ಲದ್ದ Juan Ramirez Tijerina ಎಂಬ ಹೆಸರಿನ ಪ್ರಿಯಕರನನ್ನು ಹೊರತೆಗೆಯಲು del Mar Arjona ಎಂಭಾಕೆ ವಿಭಿನ್ನ ವಿಧಾನ ಅನುಸರಿಸಿದ್ದಳು. 2011 ರಲ್ಲಿ ಪ್ರಿಯಕರನನ್ನು ಭೇಟಿಯಾಗಲು ದೊಡ್ಡ ಸೂಟ್ ಕೇಸಿನೊಂದಿಗೆ ಜೈಲಿಗೆ ಆಗಮಿಸಿ ತನ್ನ ಪ್ರಿಯಕರನನ್ನು ಮುದುಡಿದ ಸ್ಥಿತಿಯಲ್ಲಿ ಸೂಟ್ ಕೇಸಿನಲ್ಲಿ ತುಂಬಿ ಹೊರನಡೆಯುವಾಗ ಅನುಮಾನಗೊಂಡ ರಕ್ಷಣಾಪಡೆಯ ತಪಾಸಣೆಯಲ್ಲಿ ಸಿಕ್ಕಿಬಿದ್ದ. ಈಗ ಇಪ್ಪತ್ತು ವರ್ಷಗಳ ಹೊರತಾಗಿ ಜೈಲು ಪಾರಾಗುವ ಯತ್ನದ ಶಿಕ್ಷೆಯನ್ನೂ ಆತ ಅನುಭವಿಸಬೇಕು. Image courtesy

ಬೆನ್ನಿನ ಚೀಲದಲ್ಲಿ ಮಗುವನ್ನು ಸಾಗಿಸಲು ಯತ್ನಿಸಿದ ಅಮ್ಮ!

ಪಾಪುವಾ ನಿ ಗಿನೀ ದೇಶಕ್ಕೆ ಅಕ್ರಮವಾಗಿ ಪ್ರವೇಶ ಪಡೆಯಲು ಯತ್ನಿಸಿದ ಈ ಮಹಾತಾಯಿ ತನ್ನ ಎರಡು ತಿಂಗಳ ಮಗುವನ್ನು ಕಾಗದ ಪತ್ರಗಳಿಲ್ಲದ ಕಾರಣ ತನ್ನ ಬೆನ್ನಿನ ಬ್ಯಾಕ್ ಪ್ಯಾಕ್ ಚೀಲದಲ್ಲಿ ಅಡಗಿಸಿಟ್ಟು ಕಳ್ಳಸಾಗಣೆ ಮಾಡುವ ಸಮಯದಲ್ಲಿ ಸಿಕ್ಕಿಬಿದ್ದಿದ್ದಾರೆ. Image courtesy

ಸೂಟ್ ಕೇಸಿನಲ್ಲಿ ಎಂಟು ವರ್ಷದ ಬಾಲಕ ಅಬೂ

2015ರಲ್ಲಿ ಸ್ಪೇನಿನ ವಿಮಾನ ನಿಲ್ದಾಣವೊಂದರಲ್ಲಿ ರಕ್ಷಣಾ ಪೋಲೀಸರು ಅನುಮಾನಾಸ್ಪದವಾಗಿ ಕಾಣುತ್ತಿದ್ದ ಸೂಟ್ ಕೇಸ್ ಒಂದನ್ನು ಬಿಚ್ಚಿ ಪರೀಕ್ಷಿಸಿದಾಗ ಅವರಿಗೆ ಅಚ್ಚರಿ ಕಾದಿತ್ತು. ಈ ಸೂಟ್ ಕೇಸ್ ತೆರೆದಾಗ ನಗುತ್ತಿದ್ದ ಹತ್ತೊಂಭತ್ತು ವರ್ಷದ ಯುವಕ "ಹಲೋ, ನನ್ನ ಹೆಸರು ಅಬೂ" ಎಂಬು ಪೋಲೀಸರನ್ನು ಸ್ವಾಗತಿಸಿದ. ತನ್ನದಲ್ಲದ ಈ ಸೂಟ್ ಕೇಸ್ ಒಂದನ್ನು ಓರ್ವ ಮಹಿಳೆ ಸಾಗಿಸಲು ಕೊಂಚ ಹಣದ ಆಮಿಷಕ್ಕಾಗಿ ಒಪ್ಪಿಕೊಂಡಿದ್ದರು. ಈ ಪ್ರಕರಣದ ವಿಚಾರಣೆ ಇನ್ನೂ ನಡೆಯುತ್ತಿದೆ. Image courtesy

ವ್ಯಕ್ತಿಯಿಂದಲೇ ವ್ಯಕ್ತಿಯ ಕಳ್ಳಸಾಗಣೆ

2015ರಲ್ಲಿ ಪೆರು ದೇಶದ ಲಿಮಾ ನಗರದ ಜಾರ್ಜ್ ಚಾವೆಜ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಇಬ್ಬರು ವ್ಯಕ್ತಿಗಳನ್ನು ಬಂಧಿಸಲಾಯಿತು. ಇವರಲ್ಲಿ ಒಬ್ಬ ಇನ್ನೊಬ್ಬನನ್ನು ದೊಡ್ಡ ಸೂಟ್ ಕೇಸ್ ಒಂದರಲ್ಲಿ ತುಂಬಿ ದೇಶದಿಂದ ಪರಾರಿಯಾಗಲು ಯತ್ನಿಸುತ್ತಿದ್ದರು. Image courtesy

ಯೂರೋಪಿನಿಂದ ಉಚಿತವಾಗಿ ಪತ್ನಿಯನ್ನು ಕರೆದೊಯ್ಯಲು ಯತ್ನಿಸಿದ ಪತಿ

ಅರವತ್ತು ವರ್ಷದ ಹಿರಿಯ ವ್ಯಕ್ತಿಯೊಬ್ಬರು ತಮ್ಮ ಪತ್ನಿಯ ಬಳಿ ಪಾಸ್ ಪೋರ್ಟ್ ಇಲ್ಲದ ಕಾರಣ ಯೂರೋಪ್ ಯೂನಿಯನ್ ನ ಒಂದು ಪ್ರಾಂತಕ್ಕೆ ಆಕೆಯನ್ನು ಕರೆದೊಯ್ಯಲು ಸೂಟ್ ಕೇಸ್ ನಲ್ಲಿ ತುಂಬಿ ಲಗ್ಗೇಜ್ ನಂತೆ ಕೊಂಡೊಯ್ಯಲು ಯತ್ನಿಸಿದ್ದಾಗ ಸಿಕ್ಕಿಬಿದ್ದರು. ಆದರೆ ಇವರ ಪೆದ್ದುತನಕ್ಕೆ ಪೋಲೀಸರು ಮರುಕ ತೋರಿದ್ದರು, ಏಕೆಂದರೆ ಇವರು ಹೋಗಲಿರುವ Schengen ಪ್ರಾಂತಕ್ಕೆ ಹೋಗಲು ಪಾಸ್ ಪೋರ್ಟ್ ನ ಅಗತ್ಯವೇ ಇರಲಿಲ್ಲ. Image courtesy