ಊರಿಗೆ ಬಂದವರು ಫೇಸ್‌ಬುಕ್‌ಗೆ ಬರದೇ ಇರುತ್ತಾರೆಯೇ..!!

'ಲೈಕ್‍ಗಳು’ ಜನಪ್ರಿಯತೆಯನ್ನು ನಿರ್ಧರಿಸುತ್ತವೆ

ಜನ ಏಕೆ ಫೇಸ್‌ಬುಕ್‌ಗೆ ಅಂಟಿಕೊಂಡಿರುತ್ತಾರೆ ಎಂದರೆ, ಅದರ ಹಿಂದೆ ಜನಪ್ರಿಯವಾಗುವ ಹಂಬಲ ಇರುತ್ತದೆ. ತಮ್ಮ ಪೋಸ್ಟ್ ಮತ್ತು ಫೋಟೋಗಳಿಗೆ ಜನ ಎಷ್ಟು ಲೈಕ್ ನೀಡಿದ್ದಾರೆ ಎಂಬುದನ್ನು ಇವರು ಪರಿಗಣಿಸುತ್ತಾರೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

'ಲೈಕ್‍ಗಳು’ ಜನಪ್ರಿಯತೆಯನ್ನು ನಿರ್ಧರಿಸುತ್ತವೆ

ಒಂದು ವೇಳೆ ತಮ್ಮ ಫೋಟೋಗೆ 5 ಲೈಕ್ ಮತ್ತು ತಮ್ಮ ಸ್ನೇಹಿತನ ಫೋಟೋಗೆ 50 ಲೈಕ್ ಬಂದಿದ್ದಲ್ಲಿ, ಅವರು ತಮಗಿಂತ ಜನಪ್ರಿಯರು ಎಂದು ಇವರು ಭಾವಿಸುತ್ತಾರೆ. ಇದು ಸಾಮಾಜಿಕ ಜಾಲತಾಣದಲ್ಲಿ ತೊಡಗಿಸಿಕೊಂಡಿರುವವರ ಸಾಮಾನ್ಯ ಲಕ್ಷಣವಾಗಿರುತ್ತದೆ.

ಗೇಮ್‍ಗಳ ಚಟ

ನಿಮಗೆ ನಿಜವಾಗಿಯೂ ಆಟವಾಡಬೇಕು ಎಂದೆನಿಸಿದಲ್ಲಿ, ಹೊರಗೆ ಹೋಗಿ ಆಟವಾಡಿ. ಆದರೆ ಜನ ಹಾಗೆ ಮಾಡುವುದಿಲ್ಲ. ಕ್ಯಾಂಡಿ ಕ್ರಷ್ ಮುಂತಾದ ಗೇಮ್‌ಗಳ ರಿಕ್ವೆಸ್ಟ್ ನಿಮ್ಮನ್ನು ಪ್ರತಿದಿನ ಸ್ವಾಗತಿಸುವಂತೆ ಮಾಡುತ್ತದೆ. ಇದೀಗ ಫಾರ್ಮ್‌ವಿಲ್ಲೆ ಅಥವಾ ಕಿಚನ್ ಸ್ಕ್ರ್ಯಾಂಬಲ್ ಆಡುತ್ತಾ ತಮ್ಮ ದಿನವನ್ನು ಕಳೆಯುತ್ತಾರೆ ಮತ್ತು ಇತರರಿಗೆ ಅದನ್ನು ಆಡುವಂತೆ ಮನವಿ ಮಾಡುವ ಮೂಲಕ ಕಿರಿಕಿರಿಯನ್ನುಂಟು ಮಾಡುತ್ತಿರುತ್ತಾರೆ. ಈ ಅಡುಗೆ ಮಾಡುವ ಆಟಗಳಲ್ಲಿ ನೀವು ಮಾಡುವ ಅಡುಗೆಯನ್ನು ನಿಜ ಜೀವನದಲ್ಲಿ ಮಾಡಿದರೆ ಯಾರಿಗೆ ಗೊತ್ತು, ನೀವೇ ಒಬ್ಬ ದೊಡ್ಡ ಶೆಫ್ ಆಗಬಹುದು.

ಅಧಿಕ ಜನಗಳಿಗೆ ಹಂಚಿಕೊಳ್ಳುವುದು

"ನಾನು ಮಧ್ಯಾಹ್ನ ಎರಡು ರೋಟಿ ಮತ್ತು ಪಲ್ಯವನ್ನು ತಿಂದೆ" ನಿಜವೇ? ಅಲ್ಲಿ ಬರ್ಗರ್ ತಿಂದೆ, ಇಲ್ಲಿ ಪಿಜ್ಜಾ ತಿಂದೆ ಎಂದು ಪೋಸ್ಟ್ ಮಾಡುತ್ತಾ ಇರುತ್ತಾರೆ. ಏನೂ ಇಲ್ಲ ಎಂದರು ಬಿಟ್ಟ ಕಣ್ಣು ಬಿಟ್ಟಂತೆ, ಮೂತಿ ಸೊಟ್ಟಗೆ ಮಾಡಿಯಾದರು ಒಂದು ಫೋಟೋವನ್ನು ಅಪ್‌ಲೋಡ್ ಮಾಡುತ್ತಾರೆ. ಇಲ್ಲವೇ ಒಂದು ಪೋಸ್ಟ್ ಮಾಡುತ್ತಾರೆ. ಇದರಿಂದ ಯಾರಿಗೆ ಏನಾದರೂ ಪ್ರಯೋಜನ ಇರುತ್ತದೆ ಎಂದು ಕೇಳಿದರೆ, ಅಸಲಿಗೆ ಅವರಿಗೆ ಸಹ ಇರುವುದಿಲ್ಲ. ಇದು ಫೇಸ್‌ಬುಕ್‌ಗೆ ಅಂಟಿಕೊಂಡಿರುವವರ, ಅದನ್ನು ಚಟವಾಗಿ ಮಾಡಿಕೊಂಡಿರುವವರ ಒಂದು ಉದಾಹರಣೆಯಷ್ಟೇ!

ನಿಷ್ಪ್ರಯೋಜಕ ಸಂಗತಿಗಳನ್ನು ಶೇರ್ ಮಾಡಿಕೊಳ್ಳುವುದು

ಒಂದು ದಿನ ಇದ್ದಕ್ಕಿದ್ದಂತೆ "ನನ್ನ ಎದೆ ಒಡೆದು ಹೋದಂತಾಗಿದೆ" ಎಂದು ಪೋಸ್ಟ್ ಮಾಡುತ್ತಾರೆ. ಆಗ ನೋಡಿ ಅಭಿಮಾನಿ ದೇವರು/ದೇವತೆಗಳು ಏಕೆ? ಏನಾಯಿತು? ಎಂದು ಪ್ರಶ್ನಿಸುತ್ತಾರೆ. ಕೊನೆಗೆ ಇವರು "ಏನಿಲ್ಲ", "ಆಮೇಲೆ ಹೇಳ್ತೀನಿ" ಎಂದು ವಿಷಯವನ್ನು ತಣ್ಣಗೆ ಮಾಡುತ್ತಾರೆ. ಕೆಲಸಕ್ಕೆ ಬಾರದಂತಹ ವಿಚಾರಗಳನ್ನು ಎತ್ತಿಕೊಂಡು ಅದರ ಬಗ್ಗೆ ಮಾತನಾಡುವ ಚಾಳಿ ಇವರಿಗೆ. ಈಗ ಅರ್ಥವಾಯಿತ? ಜನ ಏಕೆ ಫೇಸ್‍ಬುಕ್ ಗೀಳನ್ನು ಇಟ್ಟುಕೊಂಡಿರುತ್ತಾರೆ ಎಂದು?

ನಗು ಉಕ್ಕಿಸುವಂತಹ ಫೋಟೋಗಳು

ನೀವು ಫೇಸ್‌ಬುಕ್‌ನಲ್ಲಿ ಹುಡುಕಿದಾಗ ನಿಮಗೆ ನಗು ಉಕ್ಕಿಸುವಂತಹ ಹಲವಾರು ಫೋಟೋಗಳು ದೊರೆಯುತ್ತವೆ. ನಾನು ಅಲ್ಲಿ, ನಾನು ಇಲ್ಲಿ,,, ಎಂದು ತೋರಿಸಿಕೊಳ್ಳುವಂತಹ ಫೋಟೋಗಳು. ನಮ್ಮ ಸ್ಟಾರ್‌ಗೆ ಒಂದು ಲೈಕ್ ಕೊಡಿ, ಈ ಸ್ವಾಮಿಗೆ ಒಂದು ಲೈಕ್ ಕೊಡಿ. ಯಾರು ನಂ 1, ಇದರ ಕೆಳಗೆ ಲೈಕ್ ಮಾಡಿ 6 ಟೈಪ್ ಮಾಡಿ, ನಂತರ ನೀವೇ ಅಚ್ಚರಿಗೊಳ್ಳುತ್ತೀರಿ. ಹೀಗೆ ಒಂದೇ, ಎರಡೇ? ಅದಕ್ಕಿಂತ ತಮಾಷೆಯ ವಿಷಯ ಎಂದರೆ ತಮ್ಮ ಫೋಟೋವನ್ನೆ ಮತ್ತೆ ಮತ್ತೆ ಅಪ್‌ಲೋಡ್ ಮಾಡಿಕೊಂಡು ಜನರ ಅಭಿಪ್ರಾಯ ಕೇಳುತ್ತಾರೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ನಗು ಉಕ್ಕಿಸುವಂತಹ ಫೋಟೋಗಳು

ಕುಳಿತು, ನಿಂತು, ಮಲಗಿ, ಧುಮಿಕಿ ಹೀಗೆ ನಾನಾ ಅವತಾರದ ಫೋಟೋಗಳನ್ನು ಅಪ್‌ಲೋಡ್ ಮಾಡುತ್ತಾರೆ. ಜನ ನಗುತ್ತಾರೆ ಎಂದು ಸಹ ಇವರು ತಿಳಿಯುವುದಿಲ್ಲ. ಆದರೂ ತಮ್ಮನ್ನು ತಾವು ಫೇಸ್‌ಬುಕ್ ಸ್ಟಾರ್ ಮಾಡಿಕೊಳ್ಳಬೇಕು ಎಂಬ ಮಟ್ಟದಲ್ಲಿ ತೋರಿಸಿಕೊಳ್ಳುತ್ತಾರೆ. ಆ ಮಟ್ಟಕ್ಕೆ ಈ ಚಟವನ್ನು ಅಂಟಿಸಿಕೊಂಡಿರುತ್ತಾರೆ. ಆ ಮಟ್ಟಿಗೆ ಇತರರು ತಮ್ಮನ್ನು ಗುರುತಿಸಬೇಕು ಎಂದು ಬಯಸುತ್ತಾರೆ.