ಭೂಮಿಯಲ್ಲಿ ಕಾಣಿಸಿಕೊಳ್ಳುತ್ತಿದೆ ಬೃಹತ್ ಗುಂಡಿ! ಏನಿದರ ರಹಸ್ಯ?

ಬೆರೆಝಿಂಕಿ ಬತ್ತುಕುಳಿ, ರಷ್ಯಾ

ರಷ್ಯಾದಲ್ಲಿರುವ ಈ ಬತ್ತುಕುಳಿಯು ಸುಮಾರು 80 ಮೀ. ಉದ್ದ ಮತ್ತು 40 ಮೀ. ಅಗಲವಿದೆ. ಸಂಶೋಧನೆಗಳ ಪ್ರಕಾರ ಇದು ಸುಮಾರು 200 ಮೀ. ಆಳವನ್ನು ಹೊಂದಿದೆ. ಇದು ದೊಡ್ಡ ಸಮಸ್ಯೆಯಾಗಿರುವ ಹಿನ್ನೆಲೆಯಲ್ಲಿ ಅಲ್ಲಿನ ತಜ್ಞರು ಇದಕ್ಕೆ ಪರಿಹಾರ ಕಂಡುಕೊಳ್ಳಲು ಪ್ರಯತ್ನಿಸುತ್ತಿದ್ದಾರೆ. Image courtesy

ಗ್ರೇಟ್ ಬ್ಲೂ ಹೋಲ್, ಬೆಲೀಜೆ

ಅಮೆರಿಕಾಗೆ ಹತ್ತಿರವಿರುವ ರಾಷ್ಟ್ರ ಬೆಲೀಜೆಯಲ್ಲಿ ಕಾಣಸಿಗುವಂತಹ ನೀಲಿ ಬತ್ತುಕುಳಿಯು ಭೂಮಿಯ ಮೇಲಿನ ವಿಶೇಷಗಳಲ್ಲಿ ಒಂದು ಮಾತ್ರವಲ್ಲದೆ ಇದನ್ನು ಅಂತರಿಕ್ಷದಿಂದಲೂ ವೀಕ್ಷಿಸಬಹುದಾಗಿದೆ. ಇದನ್ನು ಈಗ ವಿಶ್ವ ಪಾರಂಪರಿಕ ಸ್ಥಳವೆಂದು ಘೋಷಿಸಲಾಗಿದೆ ಮತ್ತು ಬೆಲೀಜೆಯ ಸಂರಕ್ಷಿತ ಪ್ರದೇಶಗಳಲ್ಲಿ ಇದು ಒಂದಾಗಿದೆ. Image courtesy

ಸಿಮಾ ಹಂಬೋಲ್ಟ್, ವೆನೆಜುವೆಲಾ

ಇದು ಅತ್ಯಂತ ದೊಡ್ಡ ಪ್ರಮಾಣದ ಬತ್ತುಕುಳಿಯಾಗಿದ್ದು, ವೆನೆಜುವೆಲಾದ ಬೊಲಿವರಾ ರಾಜ್ಯದಲ್ಲಿದೆ. ಈ ಬತ್ತುಕುಳಿಯು ಸುಮಾರು 314 ಮೀ ಆಳ ಮತ್ತು 352 ಮೀಟರ್ ಉದ್ದವಿದೆ ಎಂದು ಸಂಶೋಧಕರ ಅಭಿಪ್ರಾಯ. Image courtesy

ಸತ್ತ ಸಮುದ್ರದ ಬತ್ತುಕುಳಿ, ಇಸ್ರೇಲ್

ಸತ್ತ ಸಮುದ್ರವನ್ನು ಬತ್ತುಕುಳಿಗಳಿಗೆ ತವರು ಎನ್ನಬಹುದು. ಸಂಶೋಧಕರ ಪ್ರಕಾರ ಈ ಸಮುದ್ರದ ತೀರದಲ್ಲಿ ಸುಮಾರು ಮೂರು ಸಾವಿರ ಬತ್ತುಕುಳಿಗಳು ಕಾಣಿಸಿಕೊಂಡಿವೆ. ಈ ಪ್ರದೇಶಗಳಲ್ಲಿ ನೀರಿನ ಕೊರತೆಯಿಂದಾಗಿ ಇಂತಹ ಬತ್ತುಕುಳಿಗಳು ಕಾಣಿಸಿಕೊಂಡಿದೆ ಎಂದು ಸಂಶೋಧಕರ ಅಭಿಪ್ರಾಯ. Image courtesy

ಗ್ವಾಟೆಮಾಲಾ ನಗರದ ಬತ್ತುಗುಂಡಿ 2007, ಗ್ವಾಟೆಮಾಲಾ

2007ರ ಫೆಬ್ರವರಿ 23ರಂದು ಕಾಣಿಸಿಕೊಂಡ ಭೂಕುಸಿತದಿಂದಾಗಿ ಗ್ವಾಟೆಮಾಲಾ ನಗರದಲ್ಲಿ ತುಂಬಾ ಆಳ ಹಾಗೂ ದೊಡ್ಡದಾದ ಬತ್ತುಕುಳಿ ಕಾಣಿಸಿಕೊಂಡಿದೆ. ಇಲ್ಲಿದ್ದ ಚರಂಡಿ ವ್ಯವಸ್ಥೆಯಿಂದಾಗಿ ಇಂತಹ ಬತ್ತುಕುಳಿಯು ಕಾಣಿಸಿಕೊಂಡಿದೆ ಎಂದು ವಿಶ್ಲೇಷಿಸಲಾಗಿದೆ. Image courtesy