ತಮಾಷೆ ಅನ್ನಿಸಿದರೂ, ಇವರ ಸಾಧನೆಯನ್ನು ಮೆಚ್ಚಲೇಬೇಕು

Pulse

oi-Staff

By Super Admin

Updated: Monday, June 20, 2016, 15:49 [IST]

ಮನೆಯಿಂದ ಕಚೇರಿಗೆ ತೆರಳುವುದೆಂದರೆ ಅದು ಹಿಮಾಲಯ ಪರ್ವತ ಏರಿದಂತೆ. ಬಸ್‌ನಲ್ಲಿ ಗುದ್ದಾಟ, ಸ್ವಂತ ವಾಹನವಾದರೆ ಟ್ರಾಫಿಕ್ ಸಮಸ್ಯೆಯಿಂದಾಗಿ ಬಿಸಿಲು, ಮಳೆ ಎನ್ನದೆ ರಸ್ತೆಯಲ್ಲೇ ಕಳೆಯಬೇಕಾದ ಪರಿಸ್ಥಿತಿ. ದಿನಾಲೂ ನಾವು ಇದನ್ನು ಎದುರಿಸಲೇ ಬೇಕಾಗಿದೆ. ಬೆಂಗಳೂರು, ಮುಂಬಯಿ, ದೆಹಲಿಯಂತಹ ಮಹಾನಗರಗಳನ್ನು ಹೊರತುಪಡಿಸಿದರೂ ಸಣ್ಣ ನಗರಗಳಲ್ಲೂ ಇಂದಿನ ದಿನಗಳಲ್ಲಿ ಅತಿಯಾದ ವಾಹನ ಸಂಖ್ಯೆಯಿಂದ ಪ್ರಯಾಣ ತುಂಬಾ ತ್ರಾಸದಾಯಕವೆನಿಸಿದೆ. ದಿನಾಲೂ ಕೆಲಸಕ್ಕೆ ಹೋಗುವವರ ಪಾಡು ಹೇಳುವುದೇ ಬೇಡ. ಪ್ರಾಣಾಂತಿಕ ಕಾಯಿಲೆ ಇದ್ದರೂ, ಉತ್ತಮ ಸಾಧನೆ ಗೈದ ಧೀರರು

ಈ ಲೇಖನದಲ್ಲಿ ಕೆಲವರು ತುಂಬಾ ವಿಚಿತ್ರವಾಗಿ ತಮ್ಮ ಕಚೇರಿಗೆ ತಲುಪುವ ಬಗ್ಗೆ ಮಾಹಿತಿ ಇದೆ. ಟ್ರಾಫಿಕ್ ಗೊಂದಲದಿಂದ ಪಾರಾಗಲು ಒಂದಾ ನದಿಯನ್ನು ಈಜಿ ಮುಂದೆ ಸಾಗಬೇಕು ಅಥವಾ ದಿನಾಲೂ ವಿಮಾನವನ್ನು ಹಿಡಿಯಬೇಕು. ಇದು ತುಂಬಾ ವಿಚಿತ್ರವೆನಿಸಿದರೂ ಕೆಲವು ಮಂದಿ ಇದನ್ನೇ ಮಾಡುತ್ತಾರೆ. ಕಚೇರಿಗೆ ತೆರಳಲು ಕೆಲವು ಜನರು ಮಾಡುವಂತಹ ಸಾಹಸಗಳನ್ನು ನಾವು ಇಲ್ಲಿ ತಿಳಿದುಕೊಳ್ಳುವ ಮತ್ತು ನೀವು ಕೂಡ ಇದನ್ನೇ ಅನುಸರಿಸಲು ಸಾಧ್ಯವೇ ಎಂದು ನೋಡಿ.

ಸೈಕಲ್‌ನಲ್ಲಿ ಪ್ರಯಾಣ
ಮ್ಯಾನ್ ಹಟ್ಟನ್ ನಲ್ಲಿರುವ 33ರ ಹರೆಯದ ಬೆಂಜಮಿನ್ ಕೆಫರ್ ಎನ್ನುವಾತ ದಿನಾಲೂ ಕಚೇರಿಗೆ ಸೈಕಲ್‌ನಲ್ಲಿ ಪ್ರಯಾಣಿಸುತ್ತಾನೆ. ರಸ್ತೆಗಳು ತುಂಬಿರುತ್ತದೆ, ಟ್ಯಾಕ್ಸಿ ತುಂಬಾ ದುಬಾರಿ ಮತ್ತು ನಡೆದುಕೊಂಡು ಹೋಗುವುದು ಬೋರ್ ಹೊಡೆಸುವುದರಿಂದ ಸೈಕಲ್ ಬಳಸುತ್ತೇನೆ ಎಂದು ಆತ ಹೇಳುತ್ತಾನೆ.
Image courtesy

ಶಾಲೆಗೆ ಹೋಗಲು ಈಜುತ್ತಾ ನದಿ ದಾಟುವ ಶಿಕ್ಷಕರು

ಕೇರಳದ ಮಲಪುರಂನಲ್ಲಿರುವ ಅಬ್ದುಲ್ ಮಲಿಕ್ ಎಂಬ ಶಿಕ್ಷಕರು ದಿನಾಲೂ ನದಿಯಲ್ಲಿ ಈಜಿಕೊಂಡು ಶಾಲೆಗೆ ತಲುಪುತ್ತಾರೆ. ಕಳೆದ 20 ವರ್ಷಗಳಿಂದ ಅವರು ಇದನ್ನೇ ಮಾಡುತ್ತಿದ್ದಾರೆ. ಬದ್ಧತೆ ಅಂದರೆ ಇದೇ ಅಲ್ಲವೇ?
Image courtesy

ಪ್ರತೀ ದಿನ ವಿಮಾನಯಾನ

ಬಾರ್ಸಿಲೋನಾದಲ್ಲಿ ವಾಸಿಸುವ ಸ್ಯಾಮ್ ಕೂಕಿ ಎನ್ನುವಾತ ಲಂಡನ್ ನ ಸ್ಟ್ಯಾನ್ ಸ್ಟೆಡ್ ವಿಮಾನ ನಿಲ್ದಾಣಕ್ಕೆ ತೆರಳಲು ಪ್ರತೀ ದಿನ ತುಂಬಾ ಅಗ್ಗದ ವಿಮಾನದಲ್ಲಿ ಪ್ರಯಾಣಿಸುತ್ತಾನೆ. ಆತ 1500 ಕಿ.ಮೀ. ಪ್ರಯಾಣಿಸಲು ತಗಲುವ ಸಮಯ 51/2 ಗಂಟೆ. ಆದರೆ ಆತ ಪ್ರತೀ ದಿನ 9.30ಕ್ಕೆ ಸರಿಯಾಗಿ ಕಚೇರಿಯಲ್ಲಿರುತ್ತಾನೆ. ಲಂಡನ್ ನಲ್ಲಿ ಬಾಡಿಗೆಗೆ ಮನೆ ಪಡೆಯುವುದಕ್ಕಿಂತ ವಿಮಾನ ಪ್ರಯಾಣ ಮಾಡಿ ಸ್ವಲ್ಪ ಹಣ ಉಳಿಸಬಹುದು ಎಂದು ಆತ ಹೇಳುತ್ತಾನೆ.
Image courtesy

ಅಂತರಖಂಡ ವಿಮಾನದಲ್ಲಿ ಪ್ರಯಾಣ
ಅಝುಲ್ ಏರ್ ಲೈನ್ಸ್‌ನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಡೇವಿಡ್ ನೀಲ್ ಮೆನ್ ಎನ್ನುವಾತ ತನ್ನ ಮನೆ ಕನೆಕ್ಟ್ ಕ್ಯುಟ್ ನಿಂದ ಸಾವೊ ಪೌಲೊದಲ್ಲಿರುವ ತನ್ನ ಕಚೇರಿಗೆ ವಾರಕ್ಕೊಮ್ಮೆ ತೆರಳಲು 10 ಗಂಟೆಗಳ ಕಾಲ ವಿಮಾನದಲ್ಲಿ ಪ್ರಯಾಣಿಸುತ್ತಾನೆ. ವಿಮಾನ ಕಂಪೆನಿಯವನಿಗೆ ಇದೇನು ದೊಡ್ಡ ವಿಷಯವಲ್ಲ ಅಲ್ಲವೇ?

ಸ್ನೋಬೋರ್ಡ್‌ನಲ್ಲಿ ಪ್ರಯಾಣ

ಕ್ಯೂಬೆಕ್ ನ ಮೊಂಟ್ರೆಲಾದಲ್ಲಿ ಜೊಯೆಲ್ ಪರೆಡೆಸ್ ಎನ್ನುವಾತ ಮಂಜಿನ ಲಾಭ ಪಡೆದುಕೊಂಡು ಸ್ನೋಬೋರ್ಡ್ ನಲ್ಲಿ ಪ್ರಯಾಣಿಸುತ್ತಾನೆ. ಆತ ಟ್ರಾಫಿಕ್ ನ್ನು ಮೀರಿ ಹಲವಾರು ದಾಖಲೆಗಳನ್ನು ಕೂಡ ತನ್ನ ಹೆಸರಿಗೆ ಬರೆಸಿಕೊಂಡಿದ್ದಾನೆ.
Image courtesy