ಹಂತಕರ ಪ್ರೇಮಪಾಶಕ್ಕೆ ಬಿದ್ದವರ ಖತರ್ನಾಕ್ ಲವ್ ಸ್ಟೋರಿ!

Pulse

oi-Staff

By Hemanth

Updated: Wednesday, June 22, 2016, 11:20 [IST]

ಪ್ರೀತಿ ಅನ್ನುವುದು ಎಲ್ಲಿ ಹೇಗೆ ಬೇಕಾದರೂ ಹುಟ್ಟಬಹುದು. ಇದಕ್ಕೆ ದೇಶ, ಭಾಷೆ, ಬಡವ ಶ್ರೀಮಂತ ಎನ್ನುವ ಭೇದಭಾವವಿಲ್ಲ. ಯಾರು ಯಾರನ್ನು ಬೇಕಾದರೂ ಪ್ರೀತಿಸಬಹುದು. ಪ್ರೀತಿಸಲು ಕಾರಣಗಳೇ ಬೇಕಾಗಿಲ್ಲ. ಅಂತಹದರಲ್ಲೂ ಅಪರಾಧ ಜಗತ್ತಿನಲ್ಲಿ ಇರುವಂತಹವರನ್ನು ಪ್ರೀತಿಸುವುದೆಂದರೆ ಅದು ನಿಜವಾದ ಪ್ರೀತಿಯೇ ಅಲ್ಲವೇ?

ಕೆಲವೊಂದು ಕೊಲೆಗಾರರು ಹಾಗೂ ಅಪರಾಧಿಗಳು ತಮ್ಮ ಶಿಕ್ಷೆ ಅನುಭವಿಸುತ್ತಿರುವಂತೆ ಪ್ರೀತಿಯ ಬಲೆಗೆ ಬಿದ್ದು ಬಳಿಕ ಆ ಹುಡುಗಿಯನ್ನೇ ಮದುವೆಯಾದ ಬಗ್ಗೆ ನಾವಿಲ್ಲಿ ಹೇಳಲು ಹೊರಟಿದ್ದೇವೆ. ಅದರಲ್ಲೂ ಕೆಲವರು ಜೈಲಿನಿಂದ ತಪ್ಪಿಸಿಕೊಂಡು ಹೋಗಿ ತಮ್ಮ ಸಂಗಾತಿಯನ್ನು ಭೇಟಿಯಾಗಿದ್ದಾರೆ. ಇನ್ನು ಕೆಲವರಿಗೆ ಜೈಲಿನಲ್ಲಿ ಇರುವಾಗಲೇ ಮಕ್ಕಳು ಆಗಿದೆ.

ಕೆಲವೊಂದು ಹುಡುಗಿಯರು ಇಂತಹ ಅಪರಾಧಿಗಳ ಮನಸ್ಸು ಮೃಧುವಾಗಿದೆ ಎಂದು ಹೇಳಿದ್ದಾರೆ. ಪ್ರೀತಿಗೆ ಬಿದ್ದ ಕೆಲವರು ಇದೇ ಕೊಲೆಗಾರರಿಂದ ಕೊಲೆಯಾಗಿ ಹೋದರೆ, ಇನ್ನು ಕೆಲವರು ಅವರಿಗೆ ತಪ್ಪಿಸಿಕೊಳ್ಳಲು ನೆರವಾಗಿದ್ದಾರೆ. ಇಂತಹ ಕೆಲವು ವಿಚಿತ್ರ ಪ್ರೇಮಕಥೆಗಳ ಬಗ್ಗೆ ನೀವು ತಿಳಿದುಕೊಳ್ಳಿ.

ಅಪರಾಧಿಗೆ ತಪ್ಪಿಸಿಕೊಳ್ಳಲು ನೆರವಾದ ಜೈಲು ಸಿಬ್ಬಂದಿ
ಜೈಲಿನ ಸಿಬ್ಬಂದಿಯಾಗಿ ಕೆಲಸ ಮಾಡುತ್ತಿದ್ದ ಟಾಬಿ ಯಂಗ್ ಎಂಬಾಕೆಯ ವೈವಾಹಿಕ ಜೀವನ ಅಷ್ಟೊಂದು ಉತ್ತಮವಾಗಿ ಸಾಗುತ್ತಿರಲಿಲ್ಲ. ಇದನ್ನು ಸರಿಯಾಗಿ ಅರ್ಥಮಾಡಿಕೊಂಡಿದ್ದ ಅಲ್ಲಿದ್ದ ಅಪರಾಧಿ ಜಾನ್ ಮರ್ನಡ್ ಎಂಬಾತ ಆಕೆಯ ಭಾವನೆಗಳನ್ನು ಬಳಸಿಕೊಂಡ ಮತ್ತು ಜೈಲಿನಿಂದ ತಪ್ಪಿಸಿಕೊಳ್ಳಲು ಆಕೆಯ ನೆರವು ಪಡೆದ. ಆದರೆ ಇವರಿಬ್ಬರ ಪ್ರೇಮಕಥೆ ಹೆಚ್ಚು ಸಮಯ ಸಾಗಲಿಲ್ಲ. ಕೇವಲ ಎರಡೇ ವಾರದಲ್ಲಿ ಅವರಿಬ್ಬರನ್ನು ಬಂಧಿಸಲಾಯಿತು.

ಸರಣಿ ಹಂತಕನಿಗಾಗಿ ವಕೀಲ ಪತಿಯನ್ನೇ ಬಿಟ್ಟ ಸರ್ಕಾರಿ ವಕೀಲೆ

ಸರ್ಕಾರಿ ವಕೀಲೆಯಾಗಿದ್ದ ರೊಸಲಿ ಮಾರ್ಟಿನ್ಜ್ ಎಂಬಾಕೆ ಆಸ್ಕರ್ ರಾಯ್ ಬೊಲಿನ್ ಎಂಬ ಸರಣಿ ಹಂತಕನ ಪರವಾಗಿ ವಾದ ಮಾಡುತ್ತಿದ್ದಳು. ಆತನ ಕಥೆಯನ್ನು ಕೇಳಿದ ಆಕೆ ಆತನ ಪ್ರೇಮದಲ್ಲಿ ಸಿಲುಕಿ ಇದರಿಂದ ಹೊರಬರದಂತೆ ಆದಳು. ಗಲ್ಲು ಶಿಕ್ಷೆಗೆ ಗುರಿಯಾಗಲಿದ್ದ ಸರಣಿ ಹಂತಕನಿಗಾಗಿ ವಕೀಲೆ ತನ್ನ ನಾಲ್ಕು ಮಕ್ಕಳು ಹಾಗೂ ವಕೀಲನಾಗಿದ್ದ ಪತಿಯನ್ನು ಬಿಟ್ಟು ಹೋದಳು.

ಮೊದಲ ಪತ್ನಿಯನ್ನೇ ಕೊಂದ!

ಮೊದಲ ಪತ್ನಿಯನ್ನು ಕೊಂದ ಆರೋಪದ ಮೇಲೆ ಫಿಲಿಪ್ ಕಾರ್ಲ್ ಜಬ್ಲೊನಸ್ಕಿ ಜೀವಾವಧಿ ಶಿಕ್ಷೆಯನ್ನು ಎದುರಿಸುತ್ತಿದ್ದ. ಇದೇ ವೇಳೆ ಆತ ತನಗೊಬ್ಬಳು ಪತ್ರಮಿತ್ರ ಬೇಕೆಂದು ಜಾಹೀರಾತು ಹಾಕಿದ. ಇದನ್ನು ನೋಡಿದ ಕರೋಲ್ ಸ್ಪಿಡೊನಿ ಎಂಬಾಕೆ ಆತನಿಗೆ ಪತ್ರಮಿತ್ರೆಯಾದಳು. ಅವರಿಬ್ಬರಲ್ಲಿ ಪ್ರೀತಿ ಮೂಡಿತು. ಮದುವೆ ಕೂಡ ಆದರು. ಆದರೆ ಕೆಲವೇ ಸಮಯದಲ್ಲಿ ಆಕೆ ಹಾಗೂ ಆಕೆಯ ತಾಯಿಯನ್ನು ಆತ ಕೊಲೆ ಮಾಡಿದ.

ನೈಟ್ ಸ್ಟಾಕರ್ ರಿಚರ್ಡ್ ರಮಿರೆಜ್ ಮದುವೆ

ರಿಚರ್ಡ್ ರಮಿರೆಜ್ ಎಂಬಾತನನ್ನು ನೈಟ್ ಸ್ಟಾಕರ್ ಎಂದೇ ಕರೆಯಲಾಗುತ್ತಿತ್ತು. ಆತ ಕೊಲೆ, ಅತ್ಯಾಚಾರ ಮಾಡುತ್ತಿದ್ದ. ಆತನಿಗೆ ಬಲಿಯಾದವರು ಸುಮಾರು 14 ಮಂದಿ. ಆದರೆ ಡೊರೀನ್ ಲಿಯೊ ಎಂಬಾಕೆ ಆತನಲ್ಲಿ ಏನೋ ವಿಶೇಷ ಕಂಡು ಆತನನ್ನು ಮದುವೆಯಾದಳು. ಆತನಿಗೂ ಅಪರಾಧಕ್ಕೂ ಯಾವುದೇ ಸಂಬಂಧವಿಲ್ಲವೆಂದು ಆಕೆ ಹೇಳುತ್ತಿದ್ದಳು. 1996ರ ಅಕ್ಟೋಬರ್ 3ರಂದು ಅವರಿಬ್ಬರು ಮದುವೆಯಾಗಿದ್ದರು. 2006ರಲ್ಲಿ ರಮಿರೆಜ್ ಜೈಲಿನಲ್ಲಿ ಸಾವನ್ನಪ್ಪಿದ.