ನಮ್ಮ ದೇಹದೊಳಗೇ ನಡೆಯುತ್ತಿದೆ ಅಚ್ಚರಿಗಳ ಸರಮಾಲೆ!

ಮಾಹಿತಿ #1

ಬೆರಳುಗಳ ನೆಟಿಕೆ ತೆಗೆಯುವಾಗ ಬರುವ ಶಬ್ದ ಎಲ್ಲಿಂದ ಬರುತ್ತದೆ ಗೊತ್ತೇ? ಬರೆ ಬೆರಳುಗಳಲ್ಲ, ಕುತ್ತಿಗೆ, ಬೆನ್ನುಮೂಳೆ ಸಹಾ ಇಂತಹ ಸದ್ದು ಹೊರಡಿಸುತ್ತವೆ. ವಾಸ್ತವವಾಗಿ ಪ್ರತಿ ಮೂಳೆಗಳ ಸಂದುಗಳಲ್ಲಿ ಕೀಲೆಣ್ಣೆಯಂತೆ ಕೆಲಸ ಮಾಡುವ ದ್ರವವಿದೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಮಾಹಿತಿ #1

ಈ ದ್ರವದಲ್ಲಿ ನೈಟ್ರೋಜನ್ ಕರಗಿದ್ದು ಪ್ರತಿಬಾರಿ ಮೂಳೆಗಳು ಅಲುಗಾಡಿದಾಗ ನಿಧಾನವಾಗಿ ಗುಳ್ಳೆಯ ರೂಪದಲ್ಲಿರುತ್ತವೆ. ಬೆರಳುಗಳನ್ನು ಮಡಚಿದಾಗ ಈ ಗುಳ್ಳೆಗಳಿಗೆ ಸ್ಥಳ ಇಲ್ಲದೇ ಒಡೆಯುವುದೇ ನೆಟಿಕೆ. ಆಗಾಗ ಮಾಡುವುದರಿಂದ ತೊಂದರೆ ಇಲ್ಲವಾದರೂ ಸತತವಾಗಿ ಮತ್ತು ನೋವುಂಟಾಗುವಷ್ಟು ಒತ್ತಿದರೆ ಇದು ಮೂಳೆಗಳ ಸಂದುಗಳಿಗೆ ಘಾಸಿಯುಂಟು ಮಾಡಬಹುದು.

ಮಾಹಿತಿ #2

ಬೆವರಿನ ವಾಸನೆ ಎಂದು ನಾವೆಲ್ಲಾ ಹೇಳುತ್ತೇವೆ. ವಾಸ್ತವವಾಗಿ ಬೆವರು ಚರ್ಮದ ಸೂಕ್ಷ್ಮರಂಧ್ರಗಳಿಂದ ಹೊರಬಂದಾಗ ಇದು ಅಪ್ಪಟ ನೀರು ಮಾತ್ರ ಆಗಿರುತ್ತದೆ. ಆದರೆ ಚರ್ಮದ ಸೂಕ್ಷ್ಮರಂಧ್ರಗಳಲ್ಲಿ ಕೊಳೆತುಂಬಿಕೊಂಡಿದ್ದು ಇದರಲ್ಲಿ ಮನೆಮಾಡಿದ್ದ ಬ್ಯಾಕ್ಟೀರಿಯಾಗಳಿಗೆ ನೀರು ದೊರೆತ ತಕ್ಷಣ ಈ ಕೊಳೆಯನ್ನು ಕೊಳೆಸಲು ಪ್ರಾರಂಭಿಸುತ್ತವೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಮಾಹಿತಿ #2

ಇದು ದುರ್ವಾಸನೆಯಿಂದ ಕೂಡಿರುತ್ತದೆ. ಆದ್ದರಿಂದ ಸ್ನಾನ ಮಾಡದವರ ಮೈಯ ಬೆವರು ದುರ್ವಾಸನೆ ಸೂಸುತ್ತಿರುತ್ತದೆ. ಆದ್ದರಿಂದ ನಮ್ಮ ದೇಹವನ್ನು ಸ್ವಚ್ಛವಾಗಿಟ್ಟುಕೊಳ್ಳುವುದು ಎಷ್ಟು ಅಗತ್ಯ ಎಂದು ಈಗ ತಿಳಿಯಿತೇ?

ಮಾಹಿತಿ #3

ರಕ್ತದಾನ ಪ್ರಾಣದಾನಕ್ಕೆ ಸಮಾನ ಎಂದು ವೈದ್ಯರು ತಿಳಿಸುತ್ತಾರೆ. ರಕ್ತಕ್ಕೆ ಬದಲಾಗಿ ಯಾವುದೇ ದ್ರವ ಈ ಲೋಕದಲ್ಲಿ ಲಭ್ಯವಿಲ್ಲ. ಏಕೆಂದರೆ ಪ್ರತಿ ತೊಟ್ಟಿನಲ್ಲಿಯೂ 250,000 ಪ್ಲೇಟ್ಲೆಟ್ ಮತ್ತು 10,000 ಬಿಳಿ ರಕ್ತಕಣಗಳಿದ್ದು ಸತತವಾಗಿ ರೋಗಗಳ ವಿರುದ್ಧ ಹೋರಾಡುತ್ತಿರುತ್ತವೆ. ಮತ್ತು ಕೆಂಪು ರಕ್ತಕಣಗಳು? ಪ್ರತಿ ತೊಟ್ಟಿನಲ್ಲಿ 50,00,000 ಕಣಗಳಿವೆ.

ಮಾಹಿತಿ #4

ಈ ಮಾಹಿತಿ ನಿಮ್ಮ ಮೆದುಳನ್ನು ಅಲ್ಲಾಡಿಸಬಹುದು. ಮೆದುಳಿನ ಚಿತ್ರ ನೋಡಿದಾಗ ಇದೊಂದು ಭಾರೀ ಮಡಿಕೆಗಳಿರುವ ಅಂಗ ಎಂದು ಗಮನಿಸಬಹುದು. ಈ ಮಡಿಕೆಗಳೇಕಿವೆ? ಈ ಪ್ರಶ್ನೆಗೆ ಮೆದುಳಿನ ಹೊರಪದರದ ವಿಸ್ತಾರ ಉತ್ತರ ನೀಡುತ್ತದೆ. ಮೆದುಳಿನ ಹೊರಪದರದ ಜೀವಕೋಶಗಳಲ್ಲಿಯೇ ಮೆದುಳಿನ ಸಾಮರ್ಥ್ಯ ಅಡಗಿದ್ದು 1.3ಚದರ ಮೀಟರ್ ವಿಸ್ತಾರದ ಈ ಅಂಗವನ್ನು ಇದನ್ನು ಹಾಗೇ ತಲೆಯೊಳಗೆ ತುಂಬಿಸಬೇಕಾದರೆ ನಮ್ಮ ತಲೆ ಈಗಿರುವುದಕ್ಕಿಂತಲೂ ನಾಲ್ಕು ಪಟ್ಟು ದೊಡ್ಡದಾಗಿಸಬೇಕಾಗುತ್ತದೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಮಾಹಿತಿ #4

ಆದ್ದರಿಂದ ಇದನ್ನು ಕಾಗದ ಮುದ್ದೆ ಮಾಡಿದಾಗ ಉಂಟಾಗುವ ನೆರಿಗೆಗಳಂತೆ ನಿಸರ್ಗವೇ ಇದನ್ನು ಮಡಿಕೆಗಳ ರೂಪದಲ್ಲಿ ಸಂಕುಚಿತಗೊಳಿಸಿ ತಲೆಬುರುಡೆಯೊಳಗಿರಿಸಿದೆ. ಮಗುವಿಗೆ ಆರು ವರ್ಷವಾಗುತ್ತಿದ್ದಂತೆಯೇ ಮೆದುಳಿನ ಗಾತ್ರ ಹಿರಿಯರ ಮೆದುಳಿನ 90% ಪಡೆದುಕೊಂಡುಬಿಟ್ಟಿರುತ್ತದೆ.

ಮಾಹಿತಿ #5

ನಮ್ಮ ದೇಹದ ಅಂಗಾಂಶಗಳು, ರಕ್ತ, ಚರ್ಮ, ಕೂದಲು ಮೊದಲಾದವುಗಳು ಸತತವಾಗಿ ಪುನರ್ಜೀವನ ಪಡೆಯುತ್ತಿರುತ್ತವೆ. ಅಂದರೆ ಇದರ ಜೀವಕೋಶಗಳ ಆಯಸ್ಸು ನಿಯಮಿತವಾಗಿದ್ದು ಇವು ಸತ್ತು ಹೊಸ ಜೀವಕೋಶಗಳು ಹುಟ್ಟುತ್ತವೆ. ಆದರೆ ಅಂಗಗಳು ಆ ತರಹವಲ್ಲ. ಹೃದಯ, ಕರುಳು, ರಕ್ತನಾಳಗಳು ಮೊದಲಾದವು ಜೀವಮಾನವಿಡೀ ಹಾಗೇ ಇರುತ್ತವೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಮಾಹಿತಿ #5

ಅಂದರೆ ನಿಸರ್ಗ ಇದರ ಆಯಸ್ಸು ಸುಮಾರು ನೂರು ವರ್ಷ ಬಾಳುವಂತೆ ನಿರ್ಮಿಸಿದೆ. (ಕತ್ತೆಗಳಿಗೆ ಹದಿನೈದು ವರ್ಷವಂತೆ) ಈ ಅಂಗಗಳಿಗೆ ಘಾಸಿಯಾದರೆ ಅಥವಾ ತೊಂದರೆ ಉಂಟಾದರೆ ಇದರ ಭಾಗವನ್ನು ಕತ್ತರಿಸುವಂತಿಲ್ಲ. ಆದರೆ ಇದಕ್ಕೆ ಅಪವಾದ ಎಂದರೆ ಯಕೃತ್. ಇದೊಂದು ಅಂಗ ಮಾತ್ರ ಮತ್ತೆ ಬೆಳೆಯಬಲ್ಲ ಸಾಮರ್ಥ್ಯ ಹೊಂದಿದ್ದು ದಾನರೂಪದಲ್ಲಿ ಒಂದು ಭಾಗವನ್ನು ಇತರರಿಗೆ ನೀಡಲೂಬಹುದಾಗಿದೆ.

ಮಾಹಿತಿ #5

ನಮ್ಮ ಬಾಯಿಯಲ್ಲಿ ಸತತವಾಗಿ ಲಾಲಾರಸ ಉತ್ಪತ್ತಿಯಾಗುತ್ತಲೇ ಇರುತ್ತದೆ. ಊಟದ ಸಮಯದಲ್ಲಿ ಹೆಚ್ಚಿದ್ದು ಇತರ ಸಮಯದಲ್ಲಿ ಕಡಿಮೆ ಇರುತ್ತದೆ. ಒಂದು ದಿನದ ಅವಧಿಯಲ್ಲಿ ಬಾಯಿಯಲ್ಲಿ ಒಸರುವ ಲಾಲಾರಸವನ್ನು ಸಂಗ್ರಹಿಸಿ ಅಳೆದರೆ ಎಷ್ಟಾಗುತ್ತದೆ ಗೊತ್ತೇ? ಆರು ಕಪ್ ಅಥವಾ ಒಂದೂವರೆ ಲೀಟರ್!.