ಜಗತ್ತಿನ ಎಡಗೈ ಸಾಧಕರಿಗೆ ನಮ್ಮದೊಂದು ಸಲಾಮ್

ಸಚಿನ್ ತೆಂಡೂಲ್ಕರ್

ವಿಶ್ವ ಕ್ರಿಕೆಟಿನಲ್ಲಿ ದಾಖಲೆಗಳ ಮೇಲೆ ದಾಖಲೆಯನ್ನು ಬರೆದು, ಸ್ಟೇಡಿಯಂಗೆ ಇಳಿದಾಗ ಎದುರಾಳಿ ಬೌಲರ್ ಗಳಲ್ಲಿ ನಡುಕ ಮೂಡಿಸುತ್ತಿದ್ದ ಸಚಿನ್ ತೆಂಡೂಲ್ಕರ್ ಬಲಗೈ ಬ್ಯಾಟ್ಸ್ ಮೆನ್. ಆದರೂ ಅವರು ಎಡಗೈಯನ್ನೇ ಬಳಸುತ್ತಿದ್ದರು. ಎಡಗೈ ಬಳಸುತ್ತಿರುವವರು ಜನಪ್ರಿಯರಾಗಿರುವವರ ಪಟ್ಟಿಯಲ್ಲಿ ಸಚಿನ್ ಅಗ್ರ ಸ್ಥಾನದಲ್ಲಿದ್ದಾರೆ. ಕ್ರೀಡೆಯಲ್ಲಿ ಹಲವಾರು ಮಂದಿ ಎಡಗೈ ಬಳಸುತ್ತಿರುವವರು ಸಾಧನೆಗಳನ್ನು ಮಾಡಿದ್ದಾರೆ. ಅದರಲ್ಲೂ ಕ್ರಿಕೆಟಿನಲ್ಲಿ ಸೌರವ್ ಗಂಗೂಲಿ, ಯುವರಾಜ್ ಸಿಂಗ್, ಇರ್ಫಾನ್ ಪಠಾಣ್ ಮತ್ತು ಜಹೀರ್ ಖಾನ್ ಮೈದಾನದಲ್ಲಿ ನಮ್ಮನ್ನು ಮನೋರಂಜಿಸಿದ್ದಾರೆ ಎನ್ನುವುದನ್ನು ಮರೆಯಬಾರದು. ಇವರೆಲ್ಲರೂ ತಮ್ಮ ಎಡಗೈ ಆಟದಿಂದಲೇ ಮಿಂಚಿದವರು.

ರತನ್ ಟಾಟಾ

ಬಲಗೈ ಬಳಸುತ್ತಿರುವವರೇ ಸಾಮ್ರಾಜ್ಯವನ್ನಾಳುತ್ತಿರುವ ಉದ್ಯಮ ಲೋಕದಲ್ಲೂ ಎಡಗೈಯವರು ಸಾಧನೆ ಮಾಡಿದ್ದಾರೆ. ರತನ್ ಟಾಟಾ ಅವರು ಎಡಗೈಯನ್ನು ಬಳಸುವಂತಹ ಉದ್ಯಮಿ. ಅವರು ತನ್ನ ಎಡಗೈಯಿಂದಲೇ ಸಹಿ ಮಾಡಿ ಈಗ ತನ್ನ ಕಂಪೆನಿಯನ್ನು ವಿಶ್ವಮಟ್ಟದಲ್ಲಿ ಬೆಳೆಸಿದ್ದಾರೆ.

ಕರಣ್ ಜೋಹರ್

ಬಾಲಿವುಡ್‌ನ ನಿರ್ಮಾಪಕ, ನಿರ್ದೇಶಕ, ಕೌಟುಂಬಿಕ ಚಿತ್ರಗಳನ್ನು ಮಾಡುವಲ್ಲಿ ಎತ್ತಿದ ಕೈಯಾಗಿರುವ ಕರಣ್ ಜೋಹರ್ ಕೂಡ ಎಡಗೈ ಬಳಸುವ ವ್ಯಕ್ತಿ. ಮುಂದಿನ ಸಲ ನೂರು ಕೋಟಿ ರೂ. ಸಿನೆಮಾವನ್ನು ನೋಡುತ್ತಿರುವಾಗ ಅದು ಎಡಗೈ ನಿರ್ದೇಶಕ ಕರಣ್ ಜೋಹರ್‌ದ್ದು ಎಂದು ನೆನಪಿರಲಿ.

ಅಮಿತಾಭ್ ಮತ್ತು ಅಭಿಷೇಕ್ ಬಚ್ಚನ್

ಬಾಲಿವುಡ್‌ನ ಶೇಹನ್ ಷಾ ಅಮಿತಾಭ್ ಬಚ್ಚನ್ ಅವರು ಕೂಡ ಎಡಗೈ ಬಳಸುವ ವ್ಯಕ್ತಿಗಳ ಪಟ್ಟಿಯಲ್ಲಿದ್ದಾರೆ. ಅವರ ಮಗ ಅಭಿಷೇಕ್ ಬಚ್ಚನ್ ಕೂಡ ಎಡಗೈಯನ್ನು ಬಳಸುತ್ತಾರೆ. ಬಿಗ್ ಬಿ ಮತ್ತು ಜೂನಿಯರ್ ಬಿ ತಮ್ಮ ಕಾಲ್ ಶೀಟ್‌ಗೆ ಸಹಿ ಮಾಡಲು ಎಡಗೈಯನ್ನು ಬಳಸುತ್ತಾರೆ.

ಮಹಾತ್ಮ ಗಾಂಧಿ

ಈ ಹೆಸರೇ ಎಲ್ಲವನ್ನು ತಿಳಿಸಿಬಿಡುತ್ತದೆ. ಭಾರತದ ಸ್ವಾತಂತ್ರ್ಯ ಮತ್ತು ವಿಶ್ವ ಮಟ್ಟದಲ್ಲಿ ಇಂದು ಭಾರತದ ಹೆಸರು ಇರಬೇಕಾದರೆ ಅದಕ್ಕೆ ಪ್ರಮುಖ ಕಾರಣರು ಮಹಾತ್ಮ ಗಾಂಧಿ. ತುಂಡು ಬಟ್ಟೆ, ಕೈಯಲ್ಲಿ ಒಂದು ಊರುಗೋಲು ಹಿಡಿದುಕೊಂಡು ಭಾರತದಾದ್ಯಂತ ಸಂಚರಿಸಿ ಸ್ವಾತಂತ್ರ್ಯಕ್ಕಾಗಿ ಶಾಂತಿಯಿಂದ ಹೋರಾಟ ಮಾಡಿದವರು. ಇವರು ಕೂಡ ಎಡಗೈ ಬಳಸುವವರಾಗಿದ್ದರು ಎನ್ನುವುದನ್ನು ತಿಳಿದುಕೊಂಡು ನಾವು ಹೆಮ್ಮೆ ಪಡಬೇಕಾಗಿದೆ.

ನರೇಂದ್ರ ಮೋದಿ

ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರು ವಿಶ್ವ ಮಟ್ಟದಲ್ಲಿ ಸಾಧನೆ ಮಾಡಿದ ಎಡಗೈ ಬಳಸುವವರ ಪಟ್ಟಿಗೆ ಹೊಸ ಸೇರ್ಪಡೆ.