For Quick Alerts
ALLOW NOTIFICATIONS  
For Daily Alerts

ಮುದ್ದಿನ ಮಗಳಿಗೆ ತಂದೆ ಹೇಳುವ 5 ಕಿವಿಮಾತುಗಳೇನು?

By Super
|

ಬಾಲ್ಯವೆಂಬುದು ಅತ್ಯಂತ ಸುಮಧುರ, ಮುಗ್ಧತೆಯ ದಿನಗಳು. ಈ ದಿನಗಳಲ್ಲಿ ಪಾಲಕರು ಮತ್ತು ಶಿಕ್ಷಕರು ನೀಡುವ ಶಿಕ್ಷಣ ಮತ್ತು ಹಿತವಚನಗಳು ಅವರ ಜೀವನವನ್ನು ರೂಪಿಸುತ್ತವೆ. ಯಾವುದೇ ಮನೆಯಲ್ಲಿ ಗಂಡು ಮಕ್ಕಳು ಅಮ್ಮನಿಗೆ ಪ್ರಿಯವಾಗಿದ್ದರೆ ಹೆಣ್ಣು ಮಕ್ಕಳು ತಂದೆಗೆ ಹೆಚ್ಚು ಆಪ್ತರಾಗಿರುತ್ತಾರೆ.

ಮಕ್ಕಳನ್ನು ಕುರಿತು ಅಪ್ಪ ಅಮ್ಮನ ನಡುವೆ ಜಗಳವಾದರೂ ಅಪ್ಪ ಮಗಳ ಪರ ವಹಿಸಿ ಮಾತನಾಡಿದರೆ ಅಮ್ಮ ಮಗನ ಪರ ವಹಿಸಿಯೇ ಮಾತನಾಡುತ್ತಾರೆ. ಮಕ್ಕಳು ಬೆಳೆಯುತ್ತಾ ಹದಿಹರೆಯಕ್ಕೆ ಕಾಲಿಡುತ್ತಿದ್ದಂತೆ ಅಪ್ಪ ಅಮ್ಮಂದಿನ ಜವಾಬ್ದಾರಿಯೂ ಹೆಚ್ಚುತ್ತಾ ಹೋಗುತ್ತದೆ. ಹಣ್ಣುಮಕ್ಕಳ ದೇಹದಲ್ಲಾಗುವ ಪ್ರಕೃತಿ ಬದಲಾವಣೆಯ ಬಗ್ಗೆ ತಾಯಿ ತಿಳಿಹೇಳುವ ಪರಿಯಲ್ಲಿ ಇನ್ನಾರೂ ಹೇಳಲು ಸಾಧ್ಯವಿಲಬಾಲ್ಯವೆಂಬುದು ಅತ್ಯಂತ ಸುಮಧುರ, ಮುಗ್ಧತೆಯ ದಿನಗಳು.

ಈ ದಿನಗಳಲ್ಲಿ ಪಾಲಕರು ಮತ್ತು ಶಿಕ್ಷಕರು ನೀಡುವ ಶಿಕ್ಷಣ ಮತ್ತು ಹಿತವಚನಗಳು ಅವರ ಜೀವನವನ್ನು ರೂಪಿಸುತ್ತವೆ. ಯಾವುದೇ ಮನೆಯಲ್ಲಿ ಗಂಡು ಮಕ್ಕಳು ಅಮ್ಮನಿಗೆ ಪ್ರಿಯವಾಗಿದ್ದರೆ ಹೆಣ್ಣು ಮಕ್ಕಳು ತಂದೆಗೆ ಹೆಚ್ಚು ಆಪ್ತರಾಗಿರುತ್ತಾರೆ. ಮಕ್ಕಳನ್ನು ಕುರಿತು ಅಪ್ಪ ಅಮ್ಮನ ನಡುವೆ ಜಗಳವಾದರೂ ಅಪ್ಪ ಮಗಳ ಪರ ವಹಿಸಿ ಮಾತನಾಡಿದರೆ ಅಮ್ಮ ಮಗನ ಪರ ವಹಿಸಿಯೇ ಮಾತನಾಡುತ್ತಾರೆ.

ಮಕ್ಕಳು ಬೆಳೆಯುತ್ತಾ ಹದಿಹರೆಯಕ್ಕೆ ಕಾಲಿಡುತ್ತಿದ್ದಂತೆ ಅಪ್ಪ ಅಮ್ಮಂದಿನ ಜವಾಬ್ದಾರಿಯೂ ಹೆಚ್ಚುತ್ತಾ ಹೋಗುತ್ತದೆ. ಹಣ್ಣುಮಕ್ಕಳ ದೇಹದಲ್ಲಾಗುವ ಪ್ರಕೃತಿ ಬದಲಾವಣೆಯ ಬಗ್ಗೆ ತಾಯಿ ತಿಳಿಹೇಳುವ ಪರಿಯಲ್ಲಿ ಇನ್ನಾರೂ ಹೇಳಲು ಸಾಧ್ಯವಿಲ್ಲ. ಆದರೆ ಮಗಳು ಈಗಲೂ ಅಪ್ಪನ ಮುದ್ದಿನ ಕೂಸು.

 5 Things Every Indian Father Tells His Daughter

ಜೀವನದಲ್ಲಿ ಹೇಗೆ ಮುನ್ನಡಿಯಿಡಬೇಕು ಎಂಬ ಬಗ್ಗೆ ತಾಯಿಗಿಂತಲೂ ತಂದೆಯೇ ತಿಳಿಹೇಳಲು ಇಚ್ಛಿಸುತ್ತಾರೆ. ಹದಿಹರೆಯದಲ್ಲಿರುವ ಮಗಳಿನ ಬಗ್ಗೆ ಕಾಳಜಿ ವಹಿಸುವಲ್ಲಿ ಹಲವು ಕಟ್ಟುಪಾಡುಗಳನ್ನು ಅವರು ಹೇರುತ್ತಾರೆ. ಉದಾಹರಣೆಗೆ ಮಗಳು ಹುಡುಗರೊಡನೆ ಸ್ನೇಹದಿಂದಿರುವ ಸಮಯವನ್ನು ಮೊಟಕುಗೊಳಿಸುವುದು, ಎಲ್ಲಿ ಹೋಗಬೇಕು, ಎಲ್ಲಿಗೆ ಹೋಗಬಾರದು ಎಂದು ಸೂಚಿಸುವುದು, ಮಗಳಿಗೆ ಸೂಕ್ತ ವರದನ್ನು ಹುಡುಕಿ ಮದುವೆಯನ್ನು ತಾನೇ ನಿಶ್ಚಯಿಸುವುದು ಮೊದಲಾದವು. ಆದರೆ ಇಂದಿನ ಯುವತಿಯರು ಹೆಚ್ಚಿನ ಸ್ವಾತಂತ್ರ್ಯವನ್ನು ಬಯಸುತ್ತಾರೆ. ಸಮಾಜದಲ್ಲಿ ಪುರುಷನಿಗೆ ಸರಿಸಮನಾಗಿ ನಿಲ್ಲಲು ಬಯಸುತ್ತಾರೆ. ತಮ್ಮ ಮೆಚ್ಚಿನ ಸಂಗಾತಿಯೊಡನೆ ಬಾಳು ನಡೆಸಲು ಹಾತೊರೆಯುತ್ತಾರೆ.

ಒಂದು ವೇಳೆ ಈ ಆಯ್ಕೆ ಮತ್ತು ತಂದೆಯ ಆಯ್ಕೆ ಬೇರೆಯಾಗಿದ್ದರೆ ಕಲಹ ಪ್ರಾರಂಭವಾಗುತ್ತದೆ. ವಿಶೇಷವಾಗಿ ಭಾರತದಲ್ಲಿ ತಂದೆಯರು ತಮ್ಮ ಮಗಳ ಹಿತವನ್ನು ತನ್ನಷ್ಟು ಚೆನ್ನಾಗಿ ಕಾಪಾಡಲು ಇತರರಿಂದ ಸಾಧ್ಯವಿಲ್ಲ ಎಂದು ನಂಬಿದ್ದಾರೆ. ಈ ನಂಬಿಕೆಯಲ್ಲಿಯೇ ಕೆಲವು ಹಿತವಚನಗಳನ್ನು ತಮ್ಮ ಮಗಳಿಗೆ ನೀಡುತ್ತಾರೆ. ಈ ಹಿತವಚನಗಳಲ್ಲಿ ಪ್ರಮುಖವಾದ ಐದನ್ನು ಇಲ್ಲಿ ವಿವರಿಸಲಾಗಿದೆ. ಕಾಲೇಜ್ ಲೈಫ್: ಜೀವನದಲ್ಲಿ ಎಂದೂ ಮರೆಯಲಾಗದ ಸವಿ ನೆನಪು!

ಹುಡುಗರೊಡನೆ ಒಡನಾಟವೇನಿದ್ದರೂ ಹದಿನೆಂಟು ತುಂಬಿದ ಬಳಿಕ

ಹದಿಹರೆಯದ ಹುಡುಗಿಯ ಮನಸ್ಸು ಪ್ರಲೋಭನೆಗೆ ಸುಲಭವಾಗಿ ಒಳಗಾಗುತ್ತದೆ. ಇದನ್ನು ಚೆನ್ನಾಗಿ ಅರಿತಿರುವ ತಂದೆಯರು ತಮ್ಮ ಮಕ್ಕಳ ಹಿತ ಕಾಪಾಡಲು ಹುಡುಗರೊಡನೆ ಬೆರೆಯುವುದನ್ನೇ ತಡೆಯುತ್ತಾರೆ. ಹುಡುಗರೊಡನೆ ಓಡಾಡಲು ನಿನಗಿನ್ನೂ ವಯಸ್ಸು ಚಿಕ್ಕದು, ನಿನಗೆ ಹದಿನೆಂಟಾದ ಬಳಿಕ ಸ್ನೇಹ ಮಾಡುವಿಯಂತೆ, ಈಗ ಸ್ವಲ್ಪ ತಾಳ್ಮೆ ಇರಲಿ ಎಂದು ಅವರು ತಮ್ಮ ಮಗಳಿಗೆ ಹಿತವಚನ ನೀಡುತ್ತಾರೆ.

ಸೂರ್ಯ ಮುಳುಗುವ ಮುನ್ನ ನೀನು ಮನೆಯಲ್ಲಿರಬೇಕು

ಇನ್ನೂ ಕೊಂಚ ಕಟ್ಟುನಿಟ್ಟು ವಹಿಸುವ ತಂದೆಯರು ಸೂರ್ಯ ಮುಳುಗುವ ಮುನ್ನ ಮನೆಯಲ್ಲಿರಬೇಕು, ಇಲ್ಲದಿದ್ದರೆ ನಿನ್ನನ್ನು ಕರೆದುಕೊಂಡು ಬರಲು ನಾವೇ ಯಾರಾದರೊಬ್ಬರು ಬರುತ್ತೇವೆ ಎಂದು ಕಟ್ಟಪ್ಪಣೆ ಮಾಡುತ್ತಾರೆ. ಮಗಳನ್ನು ಒಂಟಿಯಾಗಿ ತಿರುಗಲು ಬಿಡದೇ ಮನೆಯವರಲ್ಲೊಬ್ಬರನ್ನು ಜೊತೆಗೆ ಕಳುಹಿಸುತ್ತಾರೆ. ಸಂತೋಷಕೂಟ, ವಿಹಾರಕೂಟಗಳಲ್ಲಿ ತಡವಾಗುವಂತಿದ್ದರೆ ಹೋಗುವುದೇ ಬೇಡ ಎಂದು ತಡೆಯೊಡ್ಡುತ್ತಾರೆ. ಒಂದು ವೇಳೆ ಹೋದರೂ ಸ್ನೇಹಿತೆಯರೊಡನೇ ಇರಬೇಕು, ಹುಡುಗರ ಸಂಗ ಮಾಡಬಾರದು ಎಂದು ಕಟ್ಟಪ್ಪಣೆ ಮಾಡಿಯೇ ಕಳುಹಿಸುತ್ತಾರೆ. ಯುವಜನರ ಹಾಟ್ ಫೇವರೆಟ್ ಬೀದಿ ಬದಿ ಪಾನಿಪೂರಿಯ ವೈಶಿಷ್ಟ್ಯವೇನು?

ಅವನು ನಿನಗೆ ತಕ್ಕವನಲ್ಲ

ಒಂದು ವೇಳೆ ಮಗಳು ತನ್ನ ಬಾಳಸಂಗಾತಿಯನ್ನು ತಾನೇ ಆರಿಸಿ ಒಪ್ಪಿಗೆಗಾಗಿ ತಂದೆಯ ಬಳಿ ಬಂದಾಗ ಹುಡುಗನ ಬಗ್ಗೆ ವಿಚಾರಿಸದೇ ಮೊತ್ತ ಮೊದಲು ನೀಡುವ ಪ್ರತಿಕ್ರಿಯೆ ಎಂದರೆ ' ಅವನು ನಿನಗೆ ತಕ್ಕವನಲ್ಲ'. ನಿನಗೆ ಇವನಿಗಿಂತಲೂ ಒಳ್ಳೆಯ ಚಿನ್ನದಂತಹ ಹುಡುಗನನ್ನು ನಾನು ಹುಡುಕುತ್ತೇನೆ, ಇವನಲ್ಲಿ ಏನಿದೆ ಎಂದು ಆರಿಸಿದ್ದೀಯಾ ಎಂದೆಲ್ಲಾ ಮಗಳ ಆಯ್ಕೆಯನ್ನೇ ತಿರಸ್ಕರಿಸುತ್ತಾರೆ.

ವಿದೇಶಕ್ಕೆ ಹೋದರೇನೇ ಜೀವನದಲ್ಲಿ ಉತ್ತಮ ಸಾಧನೆ ಸಾಧ್ಯ

ಹೆಚ್ಚಿನ ತಂದೆಯರು ತಮ್ಮ ಮಗಳು ಉತ್ತಮ ವ್ಯಾಸಾಂಗ ಪಡೆದು ವಿದೇಶಕ್ಕೆ ಹಾರಿದರೇ ಉತ್ತಮ ವೇತನ ಮತ್ತು ಉತ್ತಮ ಜೀವನ ಲಭ್ಯವಾಗುತ್ತದೆ ಎಂದು ನಂಬಿದ್ದಾರೆ. ಇದನ್ನು ತಮ್ಮ ಮಾತುಗಳು ಮತ್ತು ಕ್ರಿಯೆಗಳಲ್ಲಿ ಸಾರಿ ಸಾರಿ ಹೇಳುತ್ತಿರುತ್ತಾರೆ. ಆದರೆ ಹೆಚ್ಚಿನ ಯುವತಿಯರು ತಂದೆಯ ಮಾತನ್ನು ಗಂಭೀರವಾಗಿ ಪರಿಗಣಿಸದೇ ತಮಗೆ ಅತ್ಯುತ್ತಮ ಎನಿಸಿದ ಮಾರ್ಗವನ್ನೇ ಆಯ್ದುಕೊಳ್ಳುತ್ತಾರೆ.

ಸ್ವಲ್ಪ ನಿನ್ನ ಹಿರಿಯರನ್ನು ನೋಡಿ ಕಲಿತುಕೋ

ಎಲ್ಲಾ ತಂದೆಯರು ತಮ್ಮ ಮಗಳಿಗೆ ಹೇಳುವ ಮಾತಿದು. ನೀನು ಏನು ಮಾಡುವ ಮೊದಲೂ ನಿನ್ನ ಹಿರಿಯರು ಏನು ಮಾಡುತ್ತಿದ್ದಾರೆ ಎಂದು ನೋಡು, ಅವರನ್ನು ನೋಡಿ ಕಲಿತುಕೋ ಎಂಬ ಹಿತವಚನ ನೀಡುತ್ತಾರೆ. ಚಿಕ್ಕವಯಸ್ಸಿನಲ್ಲಿ ಇದು ಚೆನ್ನಿತ್ತು ಆದರೆ ಪ್ರಬುದ್ಧರಾದ ಬಳಿಕ ಸ್ವಂತವಾಗಿ ಯೋಚಿಸಲು ಸಾಮರ್ಥ್ಯ ಪಡೆದ ಮೇಲೂ 'ಹಿರಿಯಕ್ಕನ ಚಾಳಿ ಮನೆಮಂದಿಯೆಲ್ಲಾ ಅನುಸರಿಸಬೇಕೇ?' ಎಂದು ಇಂದಿನ ಯುವತಿಯರು ಪ್ರಶ್ನಿಸುತ್ತಾರೆ.

English summary

5 Things Every Indian Father Tells His Daughter

In life we come across a lot of people telling us what to do and how to go about things. In some Indian families there are fathers who play a strict role in their daughter's life. Here are some of the things Indian fathers strictly tell their daughters. Take a look.
Story first published: Wednesday, February 4, 2015, 14:04 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more
X