ವಿಶ್ವದ ಅಗ್ರ 10 ಅತ್ಯಂತ ಶಕ್ತಿಶಾಲಿ ಸೇನಾಪಡೆಗಳು

ಯುಎಸ್‍ಎ

ವಿಶ್ವದಲ್ಲಿಯೇ ಸರಿಸಾಟಿಯಿಲ್ಲದ ಮಟ್ಟದ ರಕ್ಷಣಾ ಬಜೆಟ್ ಅಂದರೆ 612 ಬಿಲಿಯನ್ ಯುಎಸ್ ಡಾಲರ್‌ಗಳನ್ನು ವಿನಿಯೋಗಿಸುವ ಅಮೆರಿಕ ಸಂಯುಕ್ತ ಸಂಸ್ಥಾನವು ವಿಶ್ವದಲ್ಲಿಯೇ ಅತ್ಯಂತ ಸದೃಢ ಮತ್ತು ಆಧುನಿಕ ಸೈನ್ಯವನ್ನು ಹೊಂದಿದೆ. ಈ ರಾಷ್ಟವು ಊಹೆಗೂ ನಿಲುಕದ ಸಂಪನ್ಮೂಲಗಳನ್ನು ತನ್ನಲ್ಲಿ ಹೊಂದಿದೆ. ಇದು 19 ‍ಏರ್‌ಕ್ರಾಫ್ಟ್ ಕ್ಯಾರಿಯರ್‌ಗಳನ್ನು ಹೊಂದಿದೆ. ಇದು ವಿಶ್ವದಲ್ಲಿರುವ ಇನ್ನಿತರ ದೇಶಗಳ ಏರ್‌ಕ್ರಾಫ್ಟ್‌ ಕ್ಯಾರಿಯರ್‌ಗಳ ಒಟ್ಟು ಮೊತ್ತಕ್ಕಿಂತ ಹೆಚ್ಚು ಎಂಬುದು ವಿಶೇಷ. ಇನ್ನೂ ವಿಶೇಷವೆಂದರೆ ಅಮೆರಿಕವು ತನ್ನ ನಂತರದ ಹತ್ತು ಮುಂಚೂಣಿ ದೇಶಗಳು ಸೈನ್ಯಕ್ಕಾಗಿ ಖರ್ಚು ಮಾಡುವ ಹಣಕ್ಕಿಂತ ಹೆಚ್ಚಿನ ಹಣವನ್ನು ಸೈನ್ಯಕ್ಕಾಗಿ ವಿನಿಯೋಗಿಸುತ್ತದೆ ಎಂದರೆ ಆಶ್ಚರ್ಯವಲ್ಲವೇ.

ರಷ್ಯಾ

ರಷ್ಯಾದ ಮಿಲಿಟರಿಯು ಈ ಹಿಂದೆ ಅಸ್ತಿತ್ವದಲ್ಲಿದ್ದ ಯುಎಸ್‍ಎಸ್‍ಆರ್‌ಗಿಂತ ಅತ್ಯಂತ ಶಕ್ತಿಶಾಲಿಯಾಗಿದೆ. ರಷ್ಯಾವು ವರ್ಷದಿಂದ ವರ್ಷಕ್ಕೆ ತನ್ನ ಮಿಲಿಟರಿಯನ್ನು ಸುಧಾರಿಸುತ್ತಲೆ ಬರುತ್ತಿದೆ. ಇದು ಮುಖ್ಯವಾಗಿ ಮಿಲಿಟರಿ ತಾಂತ್ರಿಕತೆಯಲ್ಲಿ ಹೆಚ್ಚಿನ ಸಂಶೋಧನೆಗಳನ್ನು ನಡೆಸುತ್ತಿದೆ. ಈ ದೇಶವು ವಿಶ್ವದಲ್ಲಿಯೇ ಅತ್ಯಂತ ದೊಡ್ಡ ಆಯುಧ ರಫ್ತು ಮಾಡುವ ದೇಶವಾಗಿ ಗುರುತಿಸಲ್ಪಟ್ಟಿದೆ. ಇದರ ಬಳಿ ವಿಶ್ವದ ಅತ್ಯಂತ ದೊಡ್ಡ ಟ್ಯಾಂಕ್ ಸೇನೆಯಿದೆ. ಇದರಲ್ಲಿ ಅಂದಾಜು ೧೫,೫೦೦ ಟ್ಯಾಂಕರ್‌ಗಳಿವೆ. ಇಡೀ ರಷ್ಯಾದಲ್ಲಿರುವ ಮಿಲಿಟರಿಯವರ ಸಂಖ್ಯೆ 7,60,000 ಕ್ಕಿಂತ ಹೆಚ್ಚು.

ಚೀನಾ

ಇಡೀ ವಿಶ್ವದಲ್ಲಿಯೇ ಅತ್ಯಂತ ದೊಡ್ಡ ಸೈನ್ಯವನ್ನು ಹೊಂದಿರುವ ದೇಶ ಹಾಗು ಮಿಲಿಟರಿಗಾಗಿ ಹಾಗು ರಕ್ಷಣೆಗಾಗಿ ಅತಿ ಹೆಚ್ಚು ಹಣವನ್ನು ವಿನಿಯೋಗಿಸುವ ದೇಶಗಳ ಪಟ್ಟಿಯಲ್ಲಿ ಎರಡನೇ ಸ್ಥಾನವನ್ನು ಹೊಂದಿರುವ ದೇಶ ಚೀನಾ. ಚೀನಾ ದೇಶವು ಮಿಲಿಟರಿಗಾಗಿ ವಿನಿಯೋಗಿಸುವ ಹಣವು ಸ್ಫೋಟಕ ಪ್ರಮಾಣದಲ್ಲಿ ಹೆಚ್ಚುತ್ತಲೆ ಬರುತ್ತಿದೆ. ಈಗ ಈ ದೇಶವು ಆಯುಧಗಳನ್ನು ಆಮದು ಮಾಡಿಕೊಳ್ಳುವ ಪ್ರಕ್ರಿಯೆಯನ್ನು ಕೈಬಿಟ್ಟಿದೆ. ಈಗ ಇದು ತನ್ನದೇ ಆದ ದೇಶೀಯ ತಾಂತ್ರಿಕತೆಯನ್ನು ಅಭಿವೃದ್ಧಿಪಡಿಸುವತ್ತ ದಾಪುಗಾಲು ಇರಿಸಿದೆ. ಇತ್ತೀಚಿನ ವರ್ಷಗಳಲ್ಲಿ ನಡೆದ ಕೆಲವೊಂದು ಮುಖಾ ಮುಖಿಗಳಲ್ಲಿ ಚೀನಾದ ಆಕ್ರಮಣಕಾರಿ ಧೋರಣೆಯನ್ನು ಪ್ರದರ್ಶಿಸಿವೆ. ಚೀನಾದ ಸೈನ್ಯವು ಊಹೆಗೂ ನಿಲುಕದಷ್ಟು ಸಿಬ್ಬಂದಿಯನ್ನು ಹೊಂದಿದೆ. ಇದರಲ್ಲಿ 2.5 ಮಿಲಿಯನ್ ಸಿಬ್ಬಂದಿಗಳು ಕಾರ್ಯ ನಿರ್ವಹಿಸುತ್ತಿದ್ದಾರೆ.

ಯುನೈಟೆಡ್ ಕಿಂಗ್‍ಡಮ್

ಯುನೈಟೆಡ್ ಕಿಂಗ್‍ಡಮ್‍ನ ರಕ್ಷಣಾ ಬಜೆಟ್‍ನ ಮೊತ್ತವು ಕಳೆದ ಐದು ವರ್ಷಗಳಲ್ಲಿ ಶೇ.20 ರಷ್ಟು ಕಡಿಮೆಯಾಗಿದೆ. ಇದರ ಜೊತೆಗೆ ಈ ದೇಶವು ತನ್ನ ರಕ್ಷಣಾ ಸಿಬ್ಬಂದಿಯಲ್ಲಿ ಶೇ.20ರಷ್ಟು ಜನರನ್ನು ಕಡಿತಗೊಳಿಸಲು ನಿರ್ಧರಿಸಿದೆ. ಈ ದೇಶವು ಮುಖ್ಯವಾಗಿ ತಾಂತ್ರಿಕತೆ ಮತ್ತು ಮುಂದುವರಿದ ಸಂಶೋಧನೆಯಲ್ಲಿ ತನ್ನನ್ನು ತಾನು ತೊಡಗಿಸಿಕೊಂಡಿದೆ. ಅತ್ಯಂತ ಶಕ್ತಿಶಾಲಿಯಾದ ಆಯುಧಗಳನ್ನು ಹೊಂದಿರುವ ದೇಶಗಳ ಪಟ್ಟಿಯಲ್ಲಿ ಯುಕೆಗೆ ನಾಲ್ಕನೆ ಸ್ಥಾನವು ದೊರೆತಿದೆ.

ಭಾರತ

ಭಾರತವು ತನ್ನ ಸೈನ್ಯವನ್ನು ಬಲಪಡಿಸುವ ನಿಟ್ಟಿನಲ್ಲಿ ಅತ್ಯಂತ ಕಟ್ಟುನಿಟ್ಟಾಗಿ ತೊಡಗಿಸಿಕೊಂಡಿದೆ. ಇದು ತನ್ನ ಮಿಲಿಟರಿ ವೆಚ್ಚಗಳನ್ನು ಸಹ ಗಣನೀಯವಾಗಿ ಹೆಚ್ಚಿಸುತ್ತಿದೆ. 11 ಮಿಲಿಯನ್ ಸೈನಿಕರನ್ನು ಹೊಂದಿರುವ ಭಾರತವು ವಿಶ್ವದಲ್ಲಿಯೇ ಎರಡನೆ ಅತಿದೊಡ್ಡ ಸೈನ್ಯವಾಗಿದೆ. ನಮ್ಮ ದೇಶವು ರಕ್ಷಣೆಗಾಗಿ 46 ಬಿಲಿಯನ್ ಯುಎಸ್ ಡಾಲರ್‌ಗಳನ್ನು ವಿನಿಯೋಗಿಸುತ್ತಿದೆ. ಮುಂದಿನ ವರ್ಷಗಳಲ್ಲಿ ಇದು ಹೆಚ್ಚಾಗುವ ನಿರೀಕ್ಷೆ ಇದೆ. ಇದರ ಜೊತೆಗೆ ಆಯುಧಗಳನ್ನು ಆಮದು ಮಾಡಿಕೊಳ್ಳುವ ಅತಿ ದೊಡ್ಡ ಆಮದುಗಾರ ದೇಶ ಎಂಬ ಖ್ಯಾತಿಯು ಸಹ ಭಾರತಕ್ಕೆ ಇದೆ.

ಫ್ರಾನ್ಸ್

2013ರಲ್ಲಿ ಜಪಾನ್ ದೇಶವು ತನ್ನ ಮಿಲಿಟರಿ ವೆಚ್ಚಗಳನ್ನು ತೀವ್ರ ಪ್ರಮಾಣದಲ್ಲಿ ಕಡಿತ ಮಾಡಿತು. ಅದು ಸಂಶೋಧನೆ ಮತ್ತು ತಂತ್ರಜ್ಞಾನದ ಕೊಳ್ಳುವಿಕೆಯ ಮೇಲೆ ಗಮನಹರಿಸುವ ಮನಸ್ಸು ಮಾಡಿತು. ಪ್ರಾನ್ಸ್ ತನ್ನ ಮಿಲಿಟರಿಯ ಮೇಲೆ ಸುಮಾರು 40 ಬಿಲಿಯನ್ ಹಣವನ್ನು ವಿನಿಯೋಗಿಸುತ್ತದೆ. ಆದಾಗಿಯೂ ಫ್ರೆಂಚರ ಸೈನ್ಯವು ಆಪ್ಘಾನಿಸ್ತಾನ್ ಮತ್ತು ಆಫ್ರಿಕಾ ದೇಶಗಳಲ್ಲಿ ಸಕ್ರಿಯವಾಗಿದೆ. ಫೆಂಚರ ಹೆಗಲ ಮೇಲೆ ಅನುಭವವು ಸಾಕಷ್ಟು ಪ್ರಮಾಣದಲ್ಲಿದೆ.

ಜರ್ಮನಿ

ಯೂರೋಪಿಯನ್ ಯೂನಿಯನ್‍ನಲ್ಲಿ ಜರ್ಮನಿಯು ಆರ್ಥಿಕವಾಗಿ ಮತ್ತು ಮಿಲಿಟರಿ ಪರವಾಗಿ ಹೋಲಿಕೆಗೆ ನಿಲುಕದ ದೇಶವಾಗಿ ಗುರುತಿಸಲ್ಪಟ್ಟಿದೆ. ಇದು ನ್ಯಾಟೊದ ಸಕ್ರಿಯ ಸದಸ್ಯ ರಾಷ್ಟ್ರ. ಜರ್ಮನಿಯು ತಾಂತ್ರಿಕತೆ ಮತ್ತು ಮಿಲಿಟರಿಗೆ ಸಂಬಂಧಿಸಿದಂತೆ ಅತ್ಯುತ್ತಮ ಬೆಳವಣಿಗೆಗಳನ್ನು ಹೊಂದಿದೆ. ಈ ದೇಶವು ತನ್ನ ಮಿಲಿಟರಿಗಿಂತ ಹೆಚ್ಚಾಗಿ ಆರ್ಥಿಕತೆಯ ಬಗ್ಗೆ ಗಮನ ಕೇಂದ್ರೀಕರಿಸಿದೆ. ಇದರಿಂದಾಗಿಯೇ ಈ ದೇಶವು ಇತರ ಶಕ್ತಿ ಶಾಲಿ ದೇಶಗಳ ಮುಂದೆ ಗಣನೆಗೆ ಬಾರದೆ ಹಿಂದೆ ಉಳಿದಿರುವುದು.

ಜಪಾನ್

ಈ ಪಟ್ಟಿಯಲ್ಲಿ ಮುಂದೆ ಬರುವ ದೇಶ ಜಪಾನ್. ಎರಡನೆ ವಿಶ್ವ ಯುದ್ಧದ ಸಂದರ್ಭದಲ್ಲಿ ತನ್ನ ಆಕ್ರಮಣಕಾರಿ ಮನೋಭಾವದಿಂದ ಹೆಸರುವಾಸಿಯಾದ ಜಪಾನ್ ದೇಶವು, ಎರಡನೆ ಮಹಾಯುದ್ಧದಲ್ಲಿ ನಡೆದ ವಿನಾಶದ ನಂತರ ಜಪಾನ್‍ನ ಮಿಲಿಟರಿಯನ್ನು ಬಲವಂತವಾಗಿ ತಗ್ಗಿಸಲು ಸೂಚಿಸಲಾಯಿತು. ಮೂರನೆ ಅತಿ ದೊಡ್ಡ ಆರ್ಥಿಕತೆಯನ್ನು ಹೊಂದಿರುವ ಈ ದೇಶವು ಮಿಲಿಟರಿಗೆ ಅಸಾಧಾರಣ ಮಟ್ಟದಲ್ಲಿ ವೆಚ್ಚವನ್ನು ಮಾಡುತ್ತಿದೆ. ಮುಖ್ಯವಾಗಿ ಪ್ರಕ್ಕದಲ್ಲಿ ತಲೆನೋವನ್ನು ಉಂಟುಮಾಡುವ ರಾಷ್ಟ್ರಗಳಾದ ಚೀನಾ ಮತ್ತು ರಷ್ಯಾಗಳನ್ನು ಹತೋಟಿಯಲ್ಲಿಡಲು ಹೀಗೆ ಮಾಡಲಾಗುತ್ತಿದೆ.

ದಕ್ಷಿಣ ಕೊರಿಯಾ

ಚೀನಾ ಮತ್ತು ಉತ್ತರ ಕೊರಿಯಾದಿಂದ ಹೆಚ್ಚುತ್ತಿರುವ ಸ್ಪರ್ಧೆ ಮತ್ತು ಯಾವುದೇ ಮುನ್ಸೂಚನೆಯಿಲ್ಲದೆ ಬರುವ ಬೆದರಿಕೆಗಳನ್ನು ಹತ್ತಿಕ್ಕಲು ದಕ್ಷಿಣ ಕೊರಿಯಾವು ತನ್ನ ಮಿಲಿಟರಿ ವೆಚ್ಚಗಳನ್ನು ಗಣನೀಯವಾಗಿ ಹೆಚ್ಚಿಸುತ್ತಲೆ ಬರುತ್ತಿದೆ. 1950ರಲ್ಲಿ ಜರುಗಿದ ಕೊರಿಯಾ ಯುದ್ಧದಿಂದ ಹಿಡಿದು ಇಂದಿನವರೆಗೆ ಉತ್ತರ-ದಕ್ಷಿಣ ಕೊರಿಯಾಗಳ ನಡುವೆ ನಿರಂತರವಾಗಿ ಯುದ್ಧ ನಡೆಯುತ್ತಲೆ ಇದೆ. ಆಧುನಿಕವಾದ ಕ್ಷಿಪಣಿಗಳನ್ನು ಆಗಾಗ್ಗೆ ಪರೀಕ್ಷೆಗೆ ಒಳಪಡಿಸುತ್ತಲೆ ಬರುತ್ತಿರುವ ದಕ್ಷಿಣ ಕೊರಿಯಾವು ತನ್ನ ಮಿಲಿಟರಿಗಾಗಿ 40 ಬಿಲಿಯನ್ ಡಾಲರ್‌ಗಳನ್ನು ಖರ್ಚು ಮಾಡುತ್ತಿದೆ.

ಇಸ್ರೇಲ್

ಇಡೀ ವಿಶ್ವದಲ್ಲಿಯೇ ತನ್ನ ಶಕ್ತಿಯನ್ನು ನಿರಂತರವಾಗಿ ಪ್ರದರ್ಶಿಸುತ್ತಿರುವ ದೇಶವೆಂದರೆ ಅದು ಇಸ್ರೇಲ್. ಇಸ್ರೇಲ್ ಐದು ದಶಕಗಳ ಕಾಲದಿಂದಲ್ಲೂ ಹಲವಾರು ಯುದ್ಧಗಳ ಸರಣಿಯಲ್ಲಿ ಮುಳುಗಿ ಹೋಗಿರುವದೇಶವಾಗಿದೆ. ಇಸ್ರೇಲಿ ಮಿಲಿಟರಿಯು ತನ್ನ ತರಬೇತಿ ಮತ್ತು ಕಾರ್ಯಾಚರಣೆಯಲ್ಲಿ ಆಧುನಿಕತೆಗಾಗಿ ಖ್ಯಾತಿಯನ್ನು ಪಡೆದಿದೆ. ಇತರೆ ಸೈನ್ಯಗಳಿಗೆ ಹೋಲಿಸಿದರೆ ಸಂಖ್ಯೆಯಲ್ಲಿ ಕಡಿಮೆಯಿರುವ ಇಸ್ರೇಲಿ ಸೈನ್ಯವುವಿಶ್ವದ ಅತ್ಯಂತ ಶಕ್ತಿಶಾಲಿ ಸೈನ್ಯಗಳಲ್ಲಿ ಒಂದಾಗಿದೆ. ಸರಿಸಾಟಿಯಿಲ್ಲದ ಮಿಲಿಟರಿ ಶಕ್ತಿಯನ್ನು ಹೊಂದಿರುವ ಇಸ್ರೇಲ್, ತನ್ನ ಬಜೆಟಿನ ಶೇ.20ರಷ್ಟು ಭಾಗವನ್ನು ಮಿಲಿಟರಿಗಾಗಿ ವಿನಿಯೋಗಿಸುತ್ತದೆ.