ಜಗತ್ತಿನ ಪ್ರಾಣಾಂತಿಕ ಮಾದಕ ದ್ರವ್ಯಗಳ ಬಗ್ಗೆ ಗೊತ್ತೇ?

ಎಮ್‌ಡಿಎಮ್‌ಎ

ಸಾಮಾನ್ಯವಾಗಿ ಭಾವಪರವಶತೆ ಎಂದು ಕರೆಯಲಾಗುವ ಎಮ್‌ಡಿಎಮ್‌ಎ ನಿರ್ದಿಷ್ಟ ಪರಿಧಿಯವೆರೆಗೆ ಅಷ್ಟೊಂದು ಅಪಾಯಕಾರಿಯಾಗಿರುವುದಿಲ್ಲ. ಇದರ ದೀರ್ಘ ಬಳಕೆಯು ಕೇಂದ್ರ ನರಮಂಡಲದ ಮೇಲೆ ಪರಿಣಾಮವನ್ನು ಬೀರಬಹುದು ಆದ್ದರಿಂದ ಹಲವಾರು ದೇಶಗಳಲ್ಲಿ ಇದನ್ನು ನಿಷೇಧಿಸಲಾಗಿದೆ. ಇದು ನಿಕಟತೆಯ ಭಾವನೆಯನ್ನು ಹೆಚ್ಚಿಸುವ ಮತ್ತು ಯುಪೋರಿಯಾವನ್ನು ಪ್ರೇರೇಪಿಸುವ ಮಾದಕ ದ್ರವ್ಯವಾಗಿದೆ. ಇದು ಮದ್ಯದೊಂದಿಗೆ ಸೇರಿದಾಗ ಹಾನಿಕಾರಕವಾಗಿರುತ್ತದೆ.

ಕೆಟಾಮಿನ್

ಅತ್ಯಂತ ಅಪಾಯಕಾರಿ ಮಾದಕ ದ್ರವ್ಯಗಳಲ್ಲಿ ಮೊದಲನೆಯ ಸ್ಥಾನವನ್ನು ಈ ದ್ರವ್ಯ ಪಡೆದಿದೆ. ಕೆಲವೇ ಕೆಲವು ದಿನಗಳು ಇದನ್ನು ಸೇವಿಸಿದಾಗ ಕೂಡ ಮತಿವಿಕಲ್ಪ ಮುಂತಾದ ತೊಂದರೆಗಳು ಕಾಣಿಸಿಕೊಳ್ಳುತ್ತವೆ. ಭ್ರಮೆಗಳನ್ನು ಈ ಮಾದಕ ದ್ರವ್ಯದ ಸೇವನೆಯು ಒಳಗೊಂಡಿದೆ ಎಂದೇ ಹೇಳಬಹುದು.

ಕ್ರಿಸ್ಟಲ್ ಮೆತ್

ಇದು ಗಂಭೀರವಾಗಿ ಮೆದುಳಿನ ಕಾರ್ಯಾಚರಣೆಯ ಮೇಲೆ ಪರಿಣಾಮವನ್ನು ಬೀರುತ್ತದೆ. ಇದನ್ನು ಆಗಾಗ್ಗೆ ಬಳಸಿದಾಗ ಭ್ರಮೆಗಳು, ಮರೆಗುಳಿತನ ಮತ್ತು ಇತರ ಪರಿಣಾಮಗಳು ಉಂಟಾಗಬಹುದು. ಇಂತಹ ಪರಿಣಾಮಗಳು ಒಮ್ಮೊಮ್ಮೆ ಹೆಚ್ಚಾಗಿ ದೇಹದಲ್ಲಿ ವ್ಯತ್ಯಾಸಗಳು ತಲೆದೋರಬಹುದು.

ಕೊಕೇನ್

ಇದನ್ನು ಅತಿ ಮಾರಣಾಂತಿಕ ಮಾದಕ ದ್ರವ್ಯವೆಂದು ಪರಿಗಣಿಸಲಾಗುತ್ತದೆ. ಜಗತ್ತಿನಲ್ಲಿರುವ ಅತ್ಯಂತ ಪರಿಣಾಮಕಾರಿ ಮಾದಕ ದ್ರವ್ಯಗಳಲ್ಲಿ ಇದೂ ಕೂಡ ಒಂದಾಗಿದೆ. ಇದರಲ್ಲಿನ ವಿಷಕಾರಿ ಅಂಶಗಳು ನೇರವಾಗಿ ಮೆದುಳಿಗೆ ದಾಳಿಯನ್ನು ಮಾಡುತ್ತವೆ. ಇದು ಮಾನಸಿಕವಾಗಿ ಮತ್ತು ದೈಹಿಕವಾಗಿ ನ್ಯೂನತೆಯನ್ನು ಉಂಟುಮಾಡುತ್ತದೆ. ಮತ್ತು ಇದರ ಪರಿಣಾಮ ಅತ್ಯಂತ ಕೆಟ್ಟದಾಗಿರುತ್ತದೆ.

ಮದ್ಯಪಾನ

ಮರಣಕ್ಕೆ ಕಾರಣವಾಗಿರುವ ಅಪಘಾತಗಳಿಗೆ ಕಾರಣವಾಗಿರುವ ಮದ್ಯಪಾನವು ಪಟ್ಟಿಯಲ್ಲಿರುವ ಇತರ ಮಾದಕ ದ್ರವ್ಯಗಳಿಗಿಂತ ಹೆಚ್ಚು ಮಾರಣಾಂತಿಕವಾಗಿದೆ.

ತಂಬಾಕು

ಹೆಚ್ಚಿನ ಜೀವಗಳನ್ನು ಆಹುತಿ ತೆಗೆದುಕೊಂಡಿರುವ ತಂಬಾಕು ಅತ್ಯಂತ ಮಾರಣಾಂತಿಕ ಮಾದಕ ದ್ರವ್ಯವೆಂದು ಪರಿಗಣಿಸಲಾಗಿದೆ. ಇತರ ಮಾದಕ ದ್ರವ್ಯಗಳಿಗೆ ಹೋಲಿಸಿದಾಗ ಇದು ಹೆಚ್ಚುವರಿ ಪರಿಣಾಮವನ್ನು ಬೀರುತ್ತದೆ. ಸರಕಾರದ ಬೊಕ್ಕಸವನ್ನು ತುಂಬುವುದರಲ್ಲದೆ ಸಾಕಷ್ಟು ಆದಾಯವನ್ನು ತರುವುದರಿಂದ ಇದನ್ನು ಇನ್ನೂ ಕಾನೂನು ಬಾಹಿರವೆಂದು ಪರಿಗಣಿಸಿಲ್ಲ.

ಎಲ್‌ಎಸ್‌ಡಿ

ಪ್ರಬಲ ಭ್ರಮಾಜನಕ ದ್ರವ್ಯವೆಂದು ಪರಿಗಣಿತವಾಗಿರುವ ಎಲ್‌ಎಸ್‌ಡಿ ಒಂದು ಶಕ್ತಿಯುತ ಭ್ರಾಂತಿಜನಕ ಮಾದಕ ದ್ರವ್ಯವಾಗಿದೆ. ಇದರ ದೀರ್ಘಕಾಲದ ಬಳಕೆಯು ಮತಿವಿಕಲ್ಪ ಮೊದಲಾದ ಸಮಸ್ಯೆಗಳನ್ನು ಉಂಟುಮಾಡುತ್ತವೆ. ಈ ಮಾದಕ ದ್ರವ್ಯದ ಅಮಲ 12 ಗಂಟೆಗಳವರೆಗೆ ಇರುತ್ತದೆ.

ಹೆರಾಯಿನ್

ಮಾದಕ ದ್ರವ್ಯಗಳ ರಾಣಿಯೆಂದೇ ಕರೆಯಲಾಗುವ ಹೆರಾಯಿನ್ ಹೆಚ್ಚು ಹಾನಿಕಾರಕ ಮಾದಕ ದ್ರವ್ಯವೆಂದು ಪರಿಗಣಿತವಾಗಿದೆ. ಇದು ಹೆಚ್ಚು ಪರಿಣಾಮಕಾರಿಯಾಗಿ ದೇಹ ಮತ್ತು ಮಿದುಳಿನ ಮೇಲೆ ದುಷ್ಪರಿಣಾಮವನ್ನು ಉಂಟುಮಾಡುತ್ತದೆ ಇದನ್ನು ದೀರ್ಘ ಕಾಲ ಬಳಸುವುದು ಪ್ರಾಣಕ್ಕೆ ಅಪಾಯವನ್ನು ತರುತ್ತದೆ.

ಸ್ಪೀಡ್‌ಬಾಲ್

ಹೆರಾಯಿನ್ ಮತ್ತು ಕೊಕೇನ್‌ನ ಮಿಶ್ರಣವು ಪ್ರಾಣಕ್ಕೆ ದುಪ್ಪಟ್ಟು ಅಪಾಯವನ್ನು ತಂದೊಡ್ಡುವುದರಲ್ಲಿ ಸಂಶಯವೇ ಇಲ್ಲ. ಹೆರಾಯಿನ್ ಕಡಿಮೆ ಪ್ರಮಾಣದಲ್ಲಿ ದೊರಕಿತೆಂದರೆ ಅದನ್ನು ಬಳಸುವವರು ಸ್ಪೀಡ್‌ಬಾಲ್ ಎಂಬ ಈ ಮಿಶ್ರಣವಿರುವ ಮಾದಕ ದ್ರವ್ಯವನ್ನು ತೆಗೆದುಕೊಳ್ಳುತ್ತಾರೆ. ಇದನ್ನು ಸೇವಿಸುವುದು ಪ್ರಾಣಕ್ಕೆ ಖಂಡಿತ ಕುತ್ತನ್ನು ತರುತ್ತದೆ.