ಶಿಕ್ಷಕರ ದಿನಕ್ಕೆ ನಿಮ್ಮ ತರಗತಿಯನ್ನು ಅಲಂಕರಿಸುವುದು ಹೇಗೆ?

By Staff

Updated: Wednesday, September 4, 2019, 11:01 [IST]

ಪ್ರತಿ ವರ್ಷ ಸೆಪ್ಟೆಂಬರ್ 5ರಂದು ಶಿಕ್ಷಕರ ದಿನಾಚರಣೆಯನ್ನು ಆಚರಿಸಕಲಾಗುತ್ತದೆ. ಈ ವರ್ಷ 2019ರಲ್ಲಿ ನಾಳೆ (ಬುಧವಾರ) ಎಲ್ಲಾ ಶಾಲೆಗಳಲ್ಲು ಸಂಭ್ರಮದ ಶಿಕ್ಷಕರ ದಿನಾಚರಣೆಯನ್ನು ಮಕ್ಕಳು ಆಚರಿಸುತ್ತಾರೆ. ಶಿಕ್ಷಕರ ದಿನವು ಯಾವಾಗಲೂ ವಿದ್ಯಾರ್ಥಿಗಳಿಗೆ ವಿಶೇಷ ಸಂಭ್ರಮವನ್ನುಂಟು ಮಾಡುವ ದಿನ. ಎಲ್ಲಾ ವಿದ್ಯಾರ್ಥಿಗಳು ತುಂಬಾ ಸಂಭ್ರಮ ಹಾಗೂ ಉತ್ಸಾಹದಿಂದ ಆಚರಿಸಲು ಕಾತರದಿಂದ ಇರುತ್ತಾರೆ. ಪ್ರತಿ ಶಾಲೆ ಮತ್ತು ಕಾಲೇಜುಗಳಲ್ಲಿ ಶಾಲೆಯ ಕೊಠಡಿಯನ್ನು ಶೃಂಗರಿಸುವುದನ್ನು ಕಾಣಬಹುದು. ತಮ್ಮ ನೆಚ್ಚಿನ ಶಿಕ್ಷಕರಿಗೆ ಏನಾದರೂ ಉಡುಗೊರೆ ಕೊಡಲು ವಿದ್ಯಾರ್ಥಿಗಳು ಶಾಪಿಂಗ್ ಮಾಡುತ್ತಾರೆ. ಶಿಕ್ಷಕರ ದಿನಾಚರಣೆಯ ಬಗ್ಗೆ ಒಂದು ಜನಪ್ರಿಯ ನುಡಿಯಿದೆ.

ಅದೇನೆಂದರೆ, 'ಶಿಕ್ಷಕರ ದಿನ ಶಿಕ್ಷಕರ ಹುಟ್ಟುಹಬ್ಬ'. ಇದು ಯಾಕೆಂದರೆ ಈ ದಿನದಂದು ಶಿಕ್ಷಕರು ಆಕರ್ಷಣೆಯ ಕೇಂದ್ರ ಬಿಂದುವಾಗಿರುತ್ತಾರೆ. ಎಲ್ಲಾ ತಯಾರಿಗಳನ್ನು ಅವರನ್ನು ಗೌರವಿಸಲು ಮಾಡಲಾಗುತ್ತದೆ. ಇದರಿಂದ ಶಿಕ್ಷಕರ ದಿನವು ಶಿಕ್ಷಕರು ಅದೇ ರೀತಿ ವಿದ್ಯಾರ್ಥಿಗಳಿಗೂ ವಿಶೇಷವಾಗಿದೆ. ವಿಶೇಷ ದಿನವು ಇನ್ನೇನೂ ಬರುತ್ತಿರುವಂತೆ ನೀವು ನಿಮ್ಮ ಕ್ಲಾಸ್ ರೂಂನ್ನು ಶೃಂಗರಿಸಬೇಕಾಗಿದೆ.

ಶಿಕ್ಷಕರ ದಿನದಂದು ಶಾಲೆಯ ಕೊಠಡಿ ಶೃಂಗರಿಸಲು ಹಲವಾರು ಐಡಿಯಾಗಳಿವೆ. ನೀವು ಬಜೆಟ್ ಬಗ್ಗೆ ಯೋಚಿಸುತ್ತಿದ್ದರೆ ಯಾವುದೇ ಚಿಂತೆ ಬೇಡ. ಯಾಕೆಂದರೆ ಬೋಲ್ಡ್‌ ಸ್ಕೈ ಬಜೆಟ್‌ನೊಳಗೆ ಶಾಲೆಯ ಕೊಠಡಿ ಶೃಂಗರಿಸಲು ನೆರವಾಗಲಿದೆ. ಈ ಐಡಿಯಾಗಳು ತುಂಬಾ ಸರಳ ಮತ್ತು ಸಮಯವನ್ನು ಉಳಿಸುತ್ತದೆ. ಏನಾದರೂ ಕ್ಲಿಷ್ಟಕರವಾಗಿರುವುದನ್ನು ಮಾಡುವ ಬದಲು ಈ ಸರಳ ಐಡಿಯಾಗಳನ್ನು ಬಳಸಿಕೊಂಡು ನಿಮ್ಮ ಕ್ಲಾಸ್ ರೂಂನ್ನು ಶೃಂಗರಿಸಿ.

ನಿಮ್ಮ ಶಾಲೆಯ ಕೊಠಡಿಯನ್ನು ಶೃಂಗರಿಸಲು ಬೇಕಾಗಿರುವುದೆಂದರೆ ಸ್ಟ್ರೀಮರ್, ಪೇಪರ್ ರಿಬ್ಬನ್ ಮತ್ತು ಬಣ್ಣದ ಚಾಕ್ ಬೇಕಾಗುತ್ತದೆ. ಶಿಕ್ಷಕರ ದಿನದಂದು ನಿಮ್ಮ ಶಾಲೆಯ ಕೊಠಡಿಯನ್ನು ಶೃಂಗರಿಸಲು ಬೇಕಾಗಿರುವ ಕೆಲವೊಂದು ಸರಳ ಸಾಮಗ್ರಿಗಳನ್ನು ಇಲ್ಲಿ ನೀಡಲಾಗಿದೆ.

ಇತಿಹಾಸದಲ್ಲಿ ನಾವು ಕಾಣುವ ಪ್ರಸಿದ್ಧ ಶಿಕ್ಷಕರು

ಬಲೂನ್

ಬಣ್ಣ ಬಣ್ಣದ ಬಲೂನ್‌ಗಳನ್ನು ಶಾಲೆಯ ಕೊಠಡಿ ಅನ್ನು ಶೃಂಗರಿಸಲು ಬಳಸಬಹುದು. ಇದನ್ನು ನೆಲದ ಮೇಲೆ ಹರಡಬಹುದು ಅಥವಾ ಗೋಡೆಗಳಿಗೆ ಹಚ್ಚಬಹುದು.

ಗೋಲ್ಡನ್ ಬಾಲ್

ಶಿಕ್ಷಕರ ಟೇಬಲ್‌ನ್ನು ಶೃಂಗರಿಸಲು ಕ್ರಿಸ್ಮಸ್‌ಗೆ ಬಳಸುವ ಗೋಲ್ಡನ್ ಬಾಲ್‌ನ್ನು ಬಳಸಬಹುದು. ಗೋಲ್ಡನ್ ಚೈನ್‌ನಂತಹ ದಾರಗಳನ್ನು ಕೂಡ ಟೇಬಲ್ ಶೃಂಗರಿಸಲು ಬಳಸಬಹುದು.

ನೀವು ಬಯಸಿದರೆ ಕೇಕ್

ಶಿಕ್ಷಕರ ಟೇಬಲ್‌ನ್ನು ನೀವು ಕೇಕ್ ಮೂಲಕ ಶೃಂಗರಿಸಬಹುದು. ಬಲೂನ್ ಮತ್ತು ಕ್ಯಾಂಡಲ್‌ಗಳ ದೀಪದಿಂದ ಇದರ ಸುತ್ತ ಅಲಂಕಾರ ಮಾಡಬಹುದು. ನಿಮ್ಮ ಕ್ಲಾಸ್ ಟೀಚರ್‌ಗೆ ಸಪ್ರೈಸ್ ನೀಡಿ.

ಬಣ್ಣಬಣ್ಣದ ಚಾಕ್

ಬಣ್ಣಬಣ್ಣದ ಚಾಕ್‌ಗಳು ತುಂಬಾ ಹೊಳೆಯುತ್ತದೆ ಮತ್ತು ಇದರಿಂದ ಶಾಲಾ ಕೊಠಡಿಯ ಕಪ್ಪು ಹಲಗೆಯನ್ನು ಅಲಂಕರಿಸಬಹುದು.

ಉಡುಗೊರೆ

ಬಣ್ಣದ ಕಾಗದಿಂದ ಸುತ್ತಿರುವ ಉಡುಗೊರೆಯಿಂದ ಶಾಲೆಯ ಕೊಠಡಿಯನ್ನು ಅಲಂಕರಿಸುವುದು ತುಂಬಾ ಸುಂದರವಾಗಿ ಕಾಣುತ್ತದೆ. ನಿಮ್ಮ ಬಜೆಟ್ ಕಡಿಮೆಯಿದ್ದರೆ ಖಾಲಿ ಬಾಕ್ಸ್‌ಗಳನ್ನು ಸುತ್ತಿ ಕಟ್ಟಿ.