ಸಮಾರಂಭಗಳಲ್ಲಿ ಅತ್ಯುತ್ತಮ ಅತಿಥಿಗಳಾಗಿರುವುದು ಹೇಗೆ?

ಗಮನ ಕೊಡಿ

ನಿಮಗೆ ಆತಿಥ್ಯ ನೀಡುವವರತ್ತ ಗಮನ ಹರಿಸಿ. ಆತ/ಆಕೆಯ ಕುಟುಂಬದವರ ಜೊತೆಗೆ ಮಾತನಾಡಲು ಮತ್ತು ಊಟ ಮಾಡಲು ಸರದಿಯ ಸಾಲಿನಲ್ಲಿ ಹೋಗಿ. ನಿಮ್ಮ ಆತಿಥ್ಯ ನೀಡುವವರು ನಿಮ್ಮೊಂದಿಗೆ ಮಾತನಾಡುವಾಗ ನಿಮ್ಮ ಫೋನನ್ನು ಪಕ್ಕದಲ್ಲಿಟ್ಟು, ಅವರ ಮಾತಿನತ್ತ ಗಮನಕೊಡಿ.

ಊಟದ ಶಿಷ್ಟಾಚಾರ

ಈಟಿಂಗ್ ಮ್ಯಾನರ್ಸ್ ಎಂದು ಸಹ ಕರೆಯುತ್ತಾರೆ. ಯಾವಾಗಲು ನಿಮ್ಮ ಮುಖದ ಬಳಿಗೆ ಆಹಾರವನ್ನು ತೆಗೆದುಕೊಂಡು ಬಂದು ತಿನ್ನಿ, ನಿಮ್ಮ ಮುಖವನ್ನೆ ಆಹಾರದ ಬಳಿಗೆ ಕೊಂಡೊಯ್ಯಬೇಡಿ. ಟೇಬಲ್‍ನಿಂದ ಟೇಬಲ್‍ಗೆ ನಿಮಗೆ ಇಷ್ಟವಾದುದನ್ನು ಪಡೆಯಲು ಹೋಗಬೇಡಿ. ಅಂದರೆ ನಡುವೆ ಹಾಯಬೇಡಿ. ನಿಮಗೆ ಇಷ್ಟವಾಗದೆ ಇರುವುದು ಟೇಬಲ್ ಮೇಲೆ ಇದ್ದಲ್ಲಿ, ಅದನ್ನು ಆದಷ್ಟು ಕಡಿಮೆ ಪ್ರಮಾಣದಲ್ಲಿ ಹಾಕಿಸಿಕೊಳ್ಳಿ ಹಾಗು ಅದನ್ನು ಮೊದಲು ರುಚಿ ನೋಡಿ.

ಸೂಕ್ತವಾಗಿ ಉಡುಪು ಧರಿಸಿ

ಒಂದು ವೇಳೆ ನೀವು ನಿಮ್ಮ ಸ್ನೇಹಿತರ ಜೊತೆಯಲ್ಲಿ, ಪಾರ್ಟಿ ಮಾಡಿಕೊಳ್ಳುವಂತಿದ್ದಲ್ಲಿ, ಶಾರ್ಟ್ಸ್ ಮತ್ತು ಕ್ಯಾಷುವಲ್ಸ್‌ಗಳನ್ನು ಧರಿಸಿಕೊಂಡು ಹೋಗಬಹುದು. ಆದರೆ ವೃತ್ತಿಯಲ್ಲಿರುವ ಸಹೋದ್ಯೋಗಿಗಳು, ಇತರ ವ್ಯಕ್ತಿಗಳು, ಅಥವಾ ಯಾರಾದರು ಪ್ರಮುಖ ವ್ಯಕ್ತಿಗಳ ಜೊತೆಗೆ ಬೆರೆತು ಪಾರ್ಟಿ ಮಾಡಿಕೊಳ್ಳುವಂತಿದ್ದಲ್ಲಿ, ಫಾರ್ಮಲ್ ಡ್ರೆಸ್ ಧರಿಸಿ ಹೋಗುವುದು ಉತ್ತಮ. ಹುಡುಗಿಯರು ಒಂದು ಒಳ್ಳೆಯ ಟಾಪ್ ಮತ್ತು ಸ್ಕರ್ಟ್ ಅಥವಾ ಸಮ್ಮರ್ ಡ್ರೆಸ್ ಧರಿಸಿ ಹೋಗುವುದು ಒಳ್ಳೆಯದು. ಗಂಡಸರು ಸೂಟ್ ಅಥವಾ ಪ್ಯಾಂಟ್ ಶರ್ಟ್, ಕೆಲವೊಮ್ಮೆ ಡೆನಿಮ್ ಸಹ ಧರಿಸಿ ಹೋಗಬಹುದು!

ಉಡುಗೊರೆ ಇತ್ಯಾದಿ!

ಒಂದು ವೇಳೆ ಅದು ಅಧಿಕೃತ ಅಥವಾ ಅರೆ-ಅಧಿಕೃತ ಪಾರ್ಟಿಯಾಗಿದ್ದಲ್ಲಿ, ಕೆಲವೊಂದು ಉಡುಗೊರೆಗಳನ್ನು ಖರೀದಿಸಿಕೊಂಡು ಹೋಗುವುದು ಉತ್ತಮ. ಒಂದು ವೇಳೆ ನೀವು ಗೆಳೆಯರು ಸೇರಿ ಪಾರ್ಟಿ ಮಾಡಿಕೊಳ್ಳುತ್ತಿದ್ದಲ್ಲಿ, ಬೇಗ ಹೋಗಿ ನಿಮ್ಮ ಸ್ನೇಹಿತರಿಗೆ ಸಹಾಯ ಮಾಡುವುದು ಒಳ್ಳೆಯದು. ಇಲ್ಲವಾದಲ್ಲಿ ಸ್ವಲ್ಪ ಕೇಕ್ ಅಥವಾ ಪೇಸ್ಟ್ರೀಗಳನ್ನು ಕೊಂಡುಕೊಂಡು ಹೋಗುವುದು ಉತ್ತಮ.