ಒಟಿಟಿ, ಬುಲೆಟ್ ರೈಲಿನ ಬಗ್ಗೆ 100 ವರ್ಷದ ಹಿಂದೆಯೇ ಭವಿಷ್ಯ..! ಆ ಪೇಪರ್‌ನಲ್ಲಿ ಹೇಳಿದ್ದೇನು..?

ಜನರಿಗೆ ನಮ್ಮ ಮುಂದಿನ ಭವಿಷ್ಯದಲ್ಲಿ ಏನಾಗಲಿದೆ ಎಂಬುದನ್ನು ತಿಳಿಯುವ ಕುತೂಹಲ ಇದ್ದೇ ಇರುತ್ತದೆ. ಅದು ಸಹಜ ಕೂಡ ಎಲ್ಲಿರಿಗೂ ಭವಿಷ್ಯದ ಬಗ್ಗೆ ತಿಳಿಯುವ ಆಸಕ್ತಿ ಸದಾ ಹೆಚ್ಚಾಗಿರುತ್ತದೆ. ಇನ್ನು ಜಗತ್ತಿನಲ್ಲಿ ಮುಂದೆ ನಡೆಯಲಿರುವ ಆಗು ಹೋಗುಗಳನ್ನು ಮೊದಲೇ ಭವಿಷ್ಯ ನುಡಿಯುವವರನ್ನು ನಾವು ಸಹ ನೋಡಿರುತ್ತೇವೆ. ಅಚ್ಚರಿ ಎಂದರೆ ಅದು ಸತ್ಯವೂ ಆಗುತ್ತದೆ. ಆದರೆ ಕೆಲವು ಬಾರಿ ಆ ಭವಿಷ್ಯ ಸತ್ಯವಾಗದೆಯೂ ಇರಬಹುದು.

ಅದರಲ್ಲೂ ನಾಸ್ಟ್ರಾಡಾಮಸ್, ಬಾಬಾ ವಂಗ ಹಾಗೂ ಕೋವಿಡ್ ಬಗ್ಗೆಯೂ ಭವಿಷ್ಯ ನುಡಿದಿರುವ ಕುರಿತು ನಾವು ತಿಳಿದಿದ್ದೇವೆ. ಇವರು ಮುಂದೆ ಸಂಭವಿಸಬಹುದುದಾದ ಘಟನೆಗಳ ಕುರಿತು ಹೇಳಿದವರು. ಆದ್ರೆ ಈಗ 100 ವರ್ಷದ ಹಿಂದೆ ಪ್ರಕಟವಾಗಿದ್ದ ಪತ್ರಿಕೆಯೊಂದರಲ್ಲಿ 100 ವರ್ಷದ ಮುಂದೆ ಅಂದರೆ 2024ರಲ್ಲಿ ಏನೆಲ್ಲಾ ಸಂಭವಿಸಲಿದೆ. ಈ ಜಗತ್ತು ಎಷ್ಟು ಬದಲಾಗಲಿದೆ ಎಂಬ ಭವಿಷ್ಯ ನುಡಿಯಲಾಗಿತ್ತು.

ಅಚ್ಚರಿ ಎಂದರೆ ಆ ಪತ್ರಿಕೆಯಲ್ಲಿ ಮುದ್ರಿತವಾಗಿರುವ ಭವಿಷ್ಯದಂತೆ ಇಂದು ಆ ಎಲ್ಲಾ ಬದಲಾವಣೆಗಳು ನಡೆದಿವೆ. ಆ ಭವಿಷ್ಯ ನಿಜವಾಗಿದೆ. ಹಾಗಾದರೆ 100 ವರ್ಷದ ಹಿಂದೆ ಯಾವೆಲ್ಲಾ ಘಟನೆಗಳನ್ನು ಹೇಳಲಾಗಿದೆ. ಯಾವೆಲ್ಲಾ ಭವಿಷ್ಯ ನಿಜವಾಗಿದೆ ಎಂಬುದನ್ನು ನೋಡೋಣ.

1924ರಲ್ಲಿ, ಇಂದಿನಿಂದ ಬರೋಬ್ಬರಿ 100 ವರ್ಷಗಳ ನಂತರ ಜೀವನ ಹೇಗಿರುತ್ತದೆ ಎಂದು ಊಹಿಸುವುದು ಪತ್ರಿಕೆಗಳಲ್ಲಿ ಸಾಕಷ್ಟು ಜನಪ್ರಿಯ ಪ್ರವೃತ್ತಿಯಾಗಿತ್ತು. ಆದರೆ ಅಂದು ಪ್ರಕಟವಾಗಿದ್ದ ಪತ್ರಿಕೆಯಲ್ಲಿ ನುಡಿದಿದ್ದ ಭವಿಷ್ಯಗಳು ಇಂದು ನಿಜವಾಗಿ ಅಚ್ಚರಿ ಮೂಡಿಸಿದೆ. ಕೆನಡಾದ ಕ್ಯಾಲ್ಗರಿ ವಿಶ್ವವಿದ್ಯಾನಿಲಯದ ಸಂಶೋಧಕ ಪಾಲ್ ಫೈರಿ ಎಂಬ ವ್ಯಕ್ತಿಯಿಂದ 1924ರ ವೃತ್ತಪತ್ರಿಕೆ ಭವಿಷ್ಯವಾಣಿಯ ಒಂದು ವಿಲಕ್ಷಣ ಕ್ಲಿಪ್ಪಿಂಗ್ ಅನ್ನು ಎಕ್ಸ್‌ನಲ್ಲಿ ಹಂಚಿಕೊಳ್ಳಲಾಗಿದೆ.

ಗಗನಚುಂಬಿ ಕಟ್ಟಡಗಳು ನಿಲ್ಲಲಿವೆ ಎಂದಿತ್ತು

2024ರ ಹೊತ್ತಿಗೆ ಕುದುರೆಗಳು ಅಳಿವಿನಂಚಿಗೆ ಹೋಗಬಹುದು ಎಂದು ವೃತ್ತಪತ್ರಿಕೆ ಕ್ಲಿಪ್ಪಿಂಗ್ ಹೇಳುತ್ತದೆ, ಆದರೆ ಅವು ಸಂಪೂರ್ಣವಾಗಿ ಕಣ್ಮರೆಯಾಗುತ್ತವೆಯೇ ಅಥವಾ ಇಲ್ಲವೇ ಎಂದು ಖಚಿತವಾಗಿಲ್ಲ. ವಾಹನಗಳು ಹೆಚ್ಚಾಗಲಿವೆ ಎಂದು ಭವಿಷ್ಯ ನುಡಿದಿದ್ದಾರೆ. ಪಾಡ್‌ಕಾಸ್ಟ್‌ಗಳು ಶೀಘ್ರದಲ್ಲೇ ಬಹಳ ಜನಪ್ರಿಯವಾಗುತ್ತವೆ ಎಂದು ಅದು ಭವಿಷ್ಯ ನುಡಿದಿದೆ, ಅದು ನಿಜವಾಗಿದೆ. ಮಾನವನ ಜೀವಿತಾವಧಿಯು 100 ವರ್ಷಗಳವರೆಗೆ ಇರುತ್ತದೆ ಮತ್ತು 75 ವರ್ಷ ವಯಸ್ಸಿನವರನ್ನು ಯುವಕರೆಂದು ಪರಿಗಣಿಸಲಾಗುತ್ತದೆ ಎಂದು ಊಹಿಸಲಾಗಿದೆ.

100 ಮಹಡಿಗಳಷ್ಟು ಎತ್ತರವಿರುವ ಫ್ಲಾಟ್‌ಗಳ ಬ್ಲಾಕ್‌ಗಳು ಮತ್ತು ಫ್ಯಾಮಿಲಿ ಆಲ್ಬಮ್‌ಗಳು ಸ್ಥಿರ ಫೋಟೋಗ್ರಫಿಯ ಬದಲಿಗೆ ಫಿಲ್ಮ್‌ಗಳಾಗಿ ಬದಲಾಗಲಿದೆ ಎಂದಿದೆ. ಇದು ನಿಜವಾಗಿದೆ ಇಂದು ನಾವು ವಿಡಿಯೋಗ್ರಫಿ ನೋಡಬಹುದು.ಚಲನಚಿತ್ರಗಳು ವಿಶ್ವ ಶಾಂತಿಯನ್ನು ತರುತ್ತವೆ ಮತ್ತು ಸಾರ್ವತ್ರಿಕ ಭಾಷೆಯಾಗಿ ಕೊನೆಗೊಳ್ಳುತ್ತವೆ ಮತ್ತು ನಾಗರಿಕ ಜಗತ್ತಿನಲ್ಲಿ ಸಂಘರ್ಷವನ್ನು ತೊಡೆದುಹಾಕುತ್ತವೆ ಎಂದು ಅದು ಭವಿಷ್ಯ ನುಡಿದಿದೆ.

ನಿಜವಾಯ್ತು ಒಟಿಟಿ ಬಗೆಗಿನ ಭವಿಷ್ಯ

ಆದರೆ ಈ ಭವಿಷ್ಯ ಇನ್ನೂ ಸಂಭವಿಸಿಲ್ಲ. ಬಹುಶಃ ಮುಂದಿನ 100 ವರ್ಷದಲ್ಲಿ ಇದು ನಿಜವಾಗಬಹುದು. ರೈಲುಗಳು ಎರಡು ಅಥವಾ ಮೂರು ಪಟ್ಟು ವೇಗವಾಗಿ ಚಲಿಸುತ್ತವೆ ಮತ್ತು ಚಲನಚಿತ್ರ ಥಿಯೇಟರ್‌ಗಳು ಎಲ್ಲಾ ಕಡೆ ನಿರ್ಮಾಣವಾಗಲಿದೆ ಎಂದಿದೆ. ಜನರು ಮನೆಯಲ್ಲೇ ಸಿನಿಮಾ ನೋಡುತ್ತಾರೆ ಎಂದೂ ಹೇಳಿದೆ. OTT ಪ್ಲಾಟ್‌ಫಾರ್ಮ್‌ಗಳ ಪರಿಚಯದೊಂದಿಗೆ ಮನೆಯಲ್ಲಿ ಚಲನಚಿತ್ರವನ್ನು ನೋಡುವುದು ಖಂಡಿತವಾಗಿಯೂ ನಿಜವಾಗಿದೆ. 2024 ರ ವೇಳೆಗೆ ಜನರು ಗ್ರಹದಿಂದ ಗ್ರಹಕ್ಕೆ ಜಿಗಿಯುತ್ತಾರೆ ಎಂದು ಅದು ಊಹಿಸಿದೆ.