ವಿಮಾನದ ಈ ಸ್ಥಳಕ್ಕೆ ಪ್ರಯಾಣಿಕರ ನಿಷೇಧ..! ಏಕೆ? ಏನಿದು ಗೌಪ್ಯ ಸ್ಥಳ?

ವಿಮಾನದಲ್ಲಿ ಪ್ರಯಾಣ ಮಾಡಬೇಕು ಅನ್ನೋದು ಹಲವರು ಮಂದಿಯ ಆಸೆಯಾಗಿರುತ್ತೆ. ಮತ್ತೆ ಕೆಲವರು ವಿಮಾನಯಾನ ಸೇವೆಯಲ್ಲಿ ಕೆಲಸ ಗಿಟ್ಟಿಸಬೇಕು ಎಂದು ಕನಸು ಕಂಡಿರುತ್ತಾರೆ. ಆದರೆ ಕೆಲವರು ಮಾತ್ರ ಅದರಲ್ಲಿ ಯಶಸ್ವಿಯಾಗುತ್ತಾರೆ. ಹಾಗೆ ಕ್ಯಾಬಿನ್ ಸಿಬ್ಬಂದಿ ಆಗಬೇಕು ಎಂದು ಸಾವಿರಾರು ಮಂದಿ ವರ್ಷವೂ ವಿಶೇಷ ಕೋರ್ಸ್ ಮುಗಿಸುತ್ತಾರೆ.

ಆದ್ರೆ ನೀವು ಎಂದಾದ್ರು ಆಲೋಚಿಸಿದ್ದೀರಾ ವಿಮಾನದಲ್ಲಿ 24 ಗಂಟೆಗಳ ಕಾಲ ಕೆಲಸ ಮಾಡುವ ಸಿಬ್ಬಂದಿ ಯಾವಾಗ ವಿಶ್ರಾಂತಿ ಪಡೆಯುತ್ತಾರೆ? ಎಲ್ಲಿ ವಿಶ್ರಾಂತಿ ಪಡೆಯುತ್ತಾರೆ ಎದು. ಪ್ರಯಾಣಿಕರಿಗೆ ಊಟ, ತಿಂಡಿ ಸೇರಿ ಎಲ್ಲಾ ಸೇವೆ ನೀಡುವ ಅವರು ಯಾವಾಗಲು ನಗುಮುಖದಿಂದ ಪ್ರಯಾಣಿಕರ ಮುಂದೆ ಹಾಜರಿರುತ್ತಾರೆ. ಆದ್ರೆ ಅವರ ಕುರಿತು ನೀವು ತಿಳಿಯದಿರುವ ಹಲವು ವಿಚಾರಗಳಿವೆ.

ವಿಮಾನದಲ್ಲಿ ಅವರು ವಿಶ್ರಾಂತಿ ಪಡೆಯಲೆಂದೇ ಒಂದು ಗೌಪ್ಯ ಸ್ಥಳವಿರುತ್ತದೆ. ಹೌದು ವಿಮಾಣದಲ್ಲಿ ಪ್ರಯಾಣಿಕರಿಗೆ ನೀಡಲಾಗುವ ಜಾಗವನ್ನು ಹೊರತುಪಡಿಸಿ ಉಳಿದಂತೆ ಯಾವುದೇ ಕ್ಯಾಬಿನ್‌ಗೆ ಪ್ರಯಾಣಿಕರ ಓಡಾಟ ನಿಷೇಧಿಸಲಾಗಿರುತ್ತದೆ. ಅದೇ ರೀತಿ ಈ ಸ್ಥಳವೂ ಪ್ರಯಾಣಿಕರಿಂದ ನಿಷೇಧಿಸಲ್ಪಟ್ಟಿದೆ.

ವಿಮಾನದ ಸಿಬ್ಬಂದಿಯ ವಿಶ್ರಾಂತಿಗೆಂದು ವಿಮಾನದಲ್ಲಿ ಒಂದು ಜಾಗವಿರುತ್ತದೆ. ಅಚ್ಚರಿ ಎಂದರೆ ಈ ಜಾಗಕ್ಕೆ ಯಾರಿಗೂ ಪ್ರವೇಶವಿರುವುದಿಲ್ಲ. ತುರ್ತು ಪರಿಸ್ಥಿತಿ ಹುರತುಪಡಿಸಿ ಪೈಲಟ್‌ ಸಹ ಈ ಜಾಗಕ್ಕೆ ಬರುವಂತಿರುವುದಿಲ್ಲ. ಇದು ಸಿಬ್ಬಂದಿಗಾಗಿ ಮಾತ್ರ ಇರುವ ಗೌಪ್ಯ ಸ್ಥಳವಾಗಿರುತ್ತದೆ.

ವಿಮಾನ ಪ್ರಯಾಣ, ವಿಶೇಷವಾಗಿ ದೀರ್ಘಾವಧಿಯ ವಿಮಾನಗಳು ಫ್ಲೈಟ್ ಅಟೆಂಡೆಂಟ್‌ಗಳು ಸೇರಿದಂತೆ ಅನೇಕ ಜನರಿಗೆ ಒತ್ತಡವನ್ನು ಉಂಟುಮಾಡಬಹುದು. ಆದ್ದರಿಂದ, ವಿಮಾನದಲ್ಲಿ ಸುರಕ್ಷತೆ ಮತ್ತು ಇತರ ಕಾರ್ಯವಿಧಾನಗಳನ್ನು ನಿರ್ವಹಿಸಲು ಸಿಬ್ಬಂದಿ ವಿಶ್ರಾಂತಿ ಪಡೆಯುವುದು ಮುಖ್ಯವಾಗಿದೆ. ಅವರಿಗಾಗಿ ಕ್ರೂ ರೆಸ್ಟ್ ಕಂಪಾರ್ಟ್‌ಮೆಂಟ್‌ಗಳಿರುತ್ತವೆ.

ವಿಮಾನದಲ್ಲಿ ಅವರ ಸ್ಥಳವು ಬದಲಾಗುತ್ತದೆ. ಉದಾಹರಣೆಗೆ, ಬೋಯಿಂಗ್ 787 ಅಥವಾ ಏರ್‌ಬಸ್ A350 ನಂತಹ ಹೊಸ ವಿಮಾನಗಳು ಮುಖ್ಯ ಕ್ಯಾಬಿನ್‌ನ ಮೇಲ್ಭಾಗದಲ್ಲಿ ಈ ಸ್ಥಳ ನಿಗದಿಯಾಗಿರುತ್ತದೆ. ಹಳೆಯ ವಿಮಾನಗಳಲ್ಲಿ ಈ ವಿಭಾಗಗಳು ಮುಖ್ಯ ಕ್ಯಾಬಿನ್‌ನಲ್ಲಿರುತ್ತಿತ್ತು. ಮತ್ತೆ ಕೆಲವು ವಿಮಾನದಲ್ಲಿ ಹಿಂಬದಿಯಲ್ಲಿರುತ್ತಿತ್ತು. ಈ ಕ್ಯಾಬಿನ್ ಒಳಗೆ ಮೆತ್ತನೆಯ ಹಾಸಿಗೆ, ಏರ್ ವೆಂಟ್ ಮತ್ತು ಲಿನೆನ್‌ಗಳನ್ನು ಒಳಗೊಂಡಿದೆ. ಆದರೆ ಈ ಕ್ಯಾಬಿನ್ ಕುರಿತು ಬಹುತೇಕ ಪ್ರಯಾಣಿಕರಿಗೆ ತಿಳಿಯುವುದೇ ಇಲ್ಲ.

ಈ ಸಿಬ್ಬಂದಿ ಕ್ಯಾಬಿನ್ ಮಾತ್ರವಲ್ಲದೆ ಓರ್ವ ಪೈಲಟ್‌ಗೆ ವಿಶ್ರಾಂತಿ ಪಡೆಯಲೆಂದು ಮತ್ತೊಂದು ಕ್ಯಾಬಿನ್ ಸಹ ಇರಲಿದೆ. ಆದರೆ ಇದು ಬಹುತೇಕ ಕಾಕ್‌ಪಿಟ್‌ನ ಮೇಲ್ಭಾಗದಲ್ಲಿಯೇ ಇರುವಂತೆ ವಿನ್ಯಾಸ ಮಾಡಲಾಗಿರುತ್ತದೆ. ಇದರ ಒಳಗೂ ಸಹ ಪೈಲಟ್‌ಗೆ ವಿಶ್ರಾಂತಿ ಪಡೆಯಲು ಅಗತ್ಯವಾದ ಹಾಸಿಗೆ ಮಾತ್ರ ಇರಲಿದೆ.

ಈ ಸಿಬ್ಬಂದಿ ವಿಶ್ರಾಂತಿ ಕೊಠಡಿ ಹಲವು ನಿಯಮದಿಂದ ಕೂಡಿರುತ್ತದೆ. ವಿಮಾನದಲ್ಲಿ ಕಡಿಮೆ ಶಬ್ದ ಬರುವ ಕಡೆ ಈ ಕ್ಯಾಬಿನ್ ಇರಬೇಕು, ಆದಷ್ಟು ಹೆಚ್ಚು ಮಂದಿ ವಿಶ್ರಾಂತಿ ಪಡೆಯುವಷ್ಟು ದೊಡ್ಡದಿರಬೇಕು. ಒಳಗಿನ ಬೆಳಕು ಕಡಿಮೆ ಹಾಗೂ ಹೆಚ್ಚು ಮಾಡಲಿಕೊಳ್ಳಲು ಅನುವು ಮಾಡಿಕೊಡಬೇಕು. ಅತೀ ಕಡಿಮೆ ಕಂಪನ, ವಸನೆ ಮುಕ್ತವಾಗಿರಬೇಕು ಎಂಬ ಕಠಿಣ ನಿಯಮವಿದೆ.