2025ರಲ್ಲಿ ಸಂಭವಿಸಲಿದೆ ಯುದ್ಧ..ವೈರಸ್ ಕಾಟ..! ನಾಸ್ಟ್ರಾಡಾಮಸ್ ಹೇಳಿದ್ದೇನು?

ನಿಮಗೆ ನಾಸ್ಟ್ರಾಡಾಮಸ್ ಬಗ್ಗೆ ಗೊತ್ತಿರಬಹುದು. ವಿಶ್ವದಲ್ಲಿ ಸಂಭವಿಸಬಹುದಾದ ಎಲ್ಲಾ ಘಟನೆಗಳನ್ನು ಮೊದಲೇ ಬರೆದಿಟ್ಟಿದ್ದ ಅತೀಂದ್ರಿಯ ವ್ಯಕ್ತಿ ಆತ. ನಾಸ್ಟ್ರಾಡಾಮಸ್‌ 16ನೇ ಶತಮಾನದಲ್ಲಿ ಬಾಳಿದ ವ್ಯಕ್ತಿ, 16ನೇ ಶತಮಾನದಲ್ಲಿಯೇ ಮುಂದೆ ಜಗತ್ತು ಹೇಗಿರಲಿದೆ ಎಂದು ಹಲವಾರು ಭವಿಷ್ಯ ನುಡಿದಿದ್ದಾನೆ. ಹಾಗೆ ಆತ 2025ರಲ್ಲಿ ಏನೆಲ್ಲಾ ನಡೆಯಲಿದೆ ಎಂಬುದನ್ನು ಕೂಡ ಶತಮಾನಗಳ ಹಿಂದೆಯೇ ಹೇಳಿಬಿಟ್ಟಿದ್ದಾನೆ.

ನಾಸ್ಟ್ರಾಡಾಮಸ್‌ ದುರಂತಗಳ ಭವಿಷ್ಯವನ್ನೇ ನುಡಿದು ಹೆಚ್ಚು ಫೇಮಸ್ ಆಗಿದ್ದ. ಪ್ರತಿ ಹೊಸ ವರ್ಷ ಪ್ರಾರಂಭವಾಗುತ್ತಿದ್ದಂತೆ ಜನರ ಆಸಕ್ತಿಗಳು ನಾಸ್ಟ್ರಾಡಾಮಸ್‌ನ ಭವಿಷ್ಯವಾಣಿಯತ್ತ ತಿರುಗುತ್ತವೆ. ನೈಸರ್ಗಿಕ ವಿಕೋಪಗಳು ಮತ್ತು ರಾಜಕೀಯ, ಯುದ್ಧ, ಕಾಯಿಲೆ, ಸಾವು ನೋವು ಹೀಗೆ ಹಲವು ವಿಚಾರಗಳ ಕುರಿತು ಭವಿಷ್ಯ ನುಡಿದಿದ್ದಾನೆ.

ಹಾಗಾದ್ರೆ ನಾಸ್ಟ್ರಾಡಾಮಸ್ 2025ರ ಕುರಿತು ಹೇಳಿರುವ ಭವಿಷ್ಯವೇನು? ಆತ ತನ್ನ ಗಾರ್ಡನ್ ಆಫ್‌ ದಿ ವರ್ಲ್ಡ್‌ ಎಂಬ ಪುಸ್ತಕದಲ್ಲಿ ಉಲ್ಲೇಖಿಸಿದ್ದಾನೆ. ಆತ ಹೇಳಿರುವ ಭವಿಷ್ಯ ಎಷ್ಟು ಭಯಾನಕವಾಗಿದೆ ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ಬ್ರೆಜಿಲ್‌ನಲ್ಲಿ ನೈಸರ್ಗಿಕ ವಿಪತ್ತು

2025ರಲ್ಲಿ ನಾಸ್ಟ್ರಾಡಾಮಸ್‌ನ ಅತ್ಯಂತ ಆಘಾತಕಾರಿ ಭವಿಷ್ಯ ಏನೆಂದರೆ ಬ್ರೆಜಿಲ್‌ನಲ್ಲಿ ಬಹುದೊಡ್ಡ ನೈಸರ್ಗಿಕ ವಿಕೋಪಗಳು ಉಂಟಾಗಲಿದೆಯಂತೆ. ಅಂದರೆ ಬ್ರೆಜಿಲ್‌ನಲ್ಲಿರುವ ಅಮೇಜಾನ್ ಕಾಡುಗಳ ನಾಶ ಇಡೀ ವಿಶ್ವಕ್ಕೆ ಹಾನಿ ಮಾಡಲಿದೆಯಂತೆ. ಇದು ಬಹುದೊಡ್ಡ ಅನಾಹುತಗಳಿಗೆ ಕಾರಣವಾಗಲಿದೆಯಂತೆ. ಜ್ವಾಲಾಮುಖಿಗಳು ಸಿಡಿಯಲಿವೆ ಎಂದು ಆತ ಹೇಳಿದ್ದಾನೆ.

ಯುರೋಪ್‌ನಲ್ಲಿ ವೈರಸ್‌ಗಳ ಕಂಟಕ

ಈ ಮೊದಲು ಕೋವಿಡ್ ವೈರಸ್ ಯುರೋಪ್‌ನಲ್ಲಿ ಎಷ್ಟು ದೊಡ್ಡ ಅನಾಹುತಕ್ಕೆ ಕಾರಣವಾಗಿದ್ದವು ಎಂಬುದನ್ನು ನಾವು ನೋಡಿದ್ದೇವೆ. ಈಗ 2025ರಲ್ಲೂ ಯುರೋಪ್‌ನಲ್ಲಿ ವೈರಸ್‌ನ ಅಪಾಯಗಳಿವೆ ಎಂಬುದನ್ನು ನಾಸ್ಟ್ರಾಡಾಮಸ್‌ ಹೇಳಿದ್ದಾನೆ. ಅಲ್ಲದೆ ಹೊಸ ಹೊಸ ಕಾಯಿಲೆಗಳು ಹರಡಲಿದೆ ಎಂಬುದು ಆತನ ಭವಿಷ್ಯವಾಗಿದೆ.

ಕ್ಷುದ್ರಗ್ರಹ ದಾಳಿ

ನಾಸ್ಟ್ರಾಡಾಮಸ್‌ನ ಭೂಮಿಗೆ ಉಂಟಾಗಲಿರುವ ಅಪಾಯ ಕುರಿತಂತೆಯ ಹೇಳಿದ್ದಾನೆ. 2025ರಲ್ಲಿ ಕ್ಷುದ್ರಗ್ರಹ ದಾಳಿಯ ಭವಿಷ್ಯ ನುಡಿದಿದ್ದಾನೆ. ಕ್ಷುದ್ರಗ್ರಹವು 2025 ರಲ್ಲಿ ಭೂಮಿಗೆ ಬೆದರಿಕೆ ಹಾಕುತ್ತದೆ ಎಂಬುದಕ್ಕೆ ಯಾವುದೇ ಕಾಂಕ್ರೀಟ್ ವೈಜ್ಞಾನಿಕ ಪುರಾವೆಗಳಿಲ್ಲದಿದ್ದರೂ, ನಾಸ್ಟ್ರಾಡಾಮಸ್‌ನ ಭವಿಷ್ಯವಾಣಿಗಳನ್ನು ನಂಬುವವರು ಅದನ್ನು ಭಯಪಡುತ್ತಾರೆ.

ಹೆಚ್ಚಾಗಲಿದೆ ಯುದ್ದ

ನಾಸ್ಟ್ರಾಡಾಮಸ್ ಪ್ರಕಾರ 2025ರಲ್ಲಿ ವಿಶ್ವದ ಹಲವು ರಾಷ್ಟಗಳಲ್ಲಿ ಯುದ್ಧ ಸಾಮಾನ್ಯವಾಗಲಿದೆಯಂತೆ, ಈಗಾಗಲ ರಷ್ಯಾ-ಉಕ್ರೇನ್ ಸಂಘರ್ಷವು ತಾರಕಕ್ಕೇರಿದೆ. ಹಾಗೆ ಹತ್ತಾರು ದೇಶಗಳಲ್ಲಿ ಯುದ್ಧ ಭೀತಿಯೂ ಇದೆ. ಆಂತರಿಕ ಯುದ್ಧಗಳು ಕೂಡ ಹಲವು ದೇಶಗಳ ನಿದ್ದೆ ಗೆಡಿಸಲಿದೆಯಂತೆ. ಯುದ್ಧವು ಎರಡೂ ದೇಶಗಳ ಮಿಲಿಟರಿ ಮತ್ತು ಆರ್ಥಿಕ ಬಲವನ್ನು ಅಸ್ಥಿರಗೊಳಿಸುತ್ತದೆ.

ಅನ್ಯಗ್ರಹಗಳ ಅನ್ವೇಷಣೆ

ಆಕಾಶಕಾಯಗಳತ್ತ ವಿಶೇಷ ಕಾಳಜಿ ಹೊಂದಿದ್ದ ಆತ ಹೊಸ ಗ್ರಹಗಳ ಕುರಿತಂತೆಯೂ ಭವಿಷ್ಯ ನುಡಿದಿದ್ದಾನೆ. ಮಾನವ ಹೊಸ ಗ್ರಹಗಳ ಕಂಡು ಹಿಡಿಯಲಿದ್ದಾನೆ. ಹಾಗೆ ಭುಮಿಯ ಬಿಟ್ಟು ಸೌರ ಮಂಡಲದ ಬೇರೊಂದು ಗ್ರಹದ ಕಡೆ ವಿಶೇಷ ಅಧ್ಯಯನ ನಡೆಸಲಿದ್ದಾನಂತೆ. ಹಾಗೆ ಅನ್ಯಗ್ರಹ ಜೀವಿಗಳ ಕುರಿತಂತೆ ಮಹತ್ವದ ವಿಚಾರಗಳು ಜಗತ್ತಿಗೆ ತಿಳಿಯಲಿದೆ ಎಂದಿದ್ದಾನೆ.

ಮುಳುಗು ನಗರ

ನಾಸ್ಟ್ರಾಡಾಮಸ್ ಪ್ರಕಾರ 2025ರಲ್ಲಿ ಸಮುದ್ರ ಮಟ್ಟ ಏರಿಕೆ ಕುರಿತು ಈ ರೀತಿ ಹೇಳಿದ್ದಾನೆ ಎನ್ನಲಾಗಿದೆ. ಸಮುದ್ರ ಮಟ್ಟ ಏರಿಕೆಯಾಗುವುದು ನಗರಗಳ ಮುಳುಗುವಿಕೆಗೆ ಕಾರಣವಾಗಲಿದೆ. ಇಲ್ಲವೆ ಪ್ರವಾಹ ಕುರಿತಂತೆ ಆತ ಹೇಳಿರುವ ಭವಿಷ್ಯ ಇದಾಗಿರಬಹುದು ಎಂದು ಶಂಕಿಸಲಾಗಿದೆ.