Navratri: ನವರಾತ್ರಿಯ 1 ರಿಂದ 9 ದಿನಗಳ ಕಾಲ ಯಾವ ಬಣ್ಣದ ಬಟ್ಟೆ ಧರಿಸಬೇಕು?

ದುರ್ಗಾ ದೇವಿಯ ಸಂಪೂರ್ಣ ಕೃಪೆಗೆ ಪಾತ್ರರಾಗಲು, ನವರಾತ್ರಿಯ (Navratri 2025) ಒಂಬತ್ತು ದಿನಗಳಲ್ಲಿ ಆಯಾ ದೇವಿಯ ರೂಪಕ್ಕೆ ಅನುಗುಣವಾದ ಬಣ್ಣದ ಬಟ್ಟೆಗಳನ್ನು ಧರಿಸಿ ಪೂಜಿಸುವುದು ಶ್ರೇಷ್ಠ ಎಂದು ಧಾರ್ಮಿಕ ನಂಬಿಕೆಗಳು ಹೇಳುತ್ತವೆ. ಈ ಸಂಪ್ರದಾಯವು ಒಂಬತ್ತು ದೇವರು ಮತ್ತು ದೇವತೆಗಳ ಆಶೀರ್ವಾದ ತರುತ್ತದೆ ಎಂದು ನಂಬಲಾಗಿದೆ. 2025ರ ನವರಾತ್ರಿಯಲ್ಲಿ ಅನುಸರಿಸಬೇಕಾದ ಬಣ್ಣಗಳ (Navratri colors) ವಿವರ ಈ ಲೇಖನದಲ್ಲಿ ತಿಳಿಸಲಾಗಿದೆ.

ಭಕ್ತರು ದುರ್ಗಾ ದೇವಿಯ ಆಗಮನಕ್ಕಾಗಿ ಕಾತುರದಿಂದ ಕಾಯುತ್ತಿದ್ದಾರೆ. ಪಿತೃಪಕ್ಷ ಮುಗಿಯುತ್ತಿದ್ದಂತೆ ನವರಾತ್ರಿ ಉತ್ಸವ ಆರಂಭಗೊಳ್ಳಲಿದೆ. ಈ ಒಂಬತ್ತು ದಿನಗಳಲ್ಲಿ ವಿವಿಧ ಬಣ್ಣಗಳ ಬಟ್ಟೆಗಳನ್ನು ಧರಿಸುವುದು ದುರ್ಗಾ ದೇವಿಯ ಒಂಬತ್ತು ರೂಪಗಳ ಆಶೀರ್ವಾದ ತರುತ್ತದೆ. 2025ರ ನವರಾತ್ರಿಯ ಬಣ್ಣಗಳ ಕುರಿತು ಹೆಚ್ಚಿನ ಮಾಹಿತಿ ತಿಳಿಯಲು ಮುಂದೆ ಓದಿ.

ನವರಾತ್ರಿ ಆಚರಣೆಯಲ್ಲಿ ಬಣ್ಣಗಳಿಗೆ ವಿಶೇಷ ಪ್ರಾಮುಖ್ಯತೆ ಇದೆ. ವೈದಿಕ ಪಂಚಾಂಗದ ಪ್ರಕಾರ, 2025ರ ಶಾರದೀಯ ನವರಾತ್ರಿ ಸೆಪ್ಟೆಂಬರ್ 22ರಂದು ಪ್ರಾರಂಭವಾಗಲಿದೆ. ಇದು ಅಶ್ವಿನಿ ಮಾಸದ ಶುಕ್ಲ ಪಕ್ಷದ ಪ್ರತಿಪದ ತಿಥಿಯಿಂದ ನವಮಿ ತಿಥಿಯವರೆಗೆ ಇರುತ್ತದೆ. ಈ ಹಬ್ಬದ ಪ್ರತಿ ದಿನಕ್ಕೂ ನಿರ್ದಿಷ್ಟ ಬಣ್ಣಗಳನ್ನು ನಿಗದಿಪಡಿಸಲಾಗಿದೆ. ದುರ್ಗಾ ದೇವಿಯ ಕೃಪೆಗೆ ಪಾತ್ರರಾಗಲು ಈ ಬಣ್ಣಗಳ ಮಹತ್ವವನ್ನು ತಿಳಿದುಕೊಳ್ಳುವುದು ಮುಖ್ಯ.

ನವರಾತ್ರಿಯ 9 ದಿನಗಳ ಬಣ್ಣಗಳು ಹೀಗಿವೆ

• ಸೆ. 22: ದೇವಿ ಶೈಲಪುತ್ರಿ, ಪ್ರತಿಪದ - ಬಿಳಿ
• ಸೆ. 23: ದೇವಿ ಬ್ರಹ್ಮಚಾರಿಣಿ, ದ್ವಿತೀಯ - ಕೆಂಪು
• ಸೆ. 24: ದೇವಿ ಚಂದ್ರಘಂಟಾ, ತೃತೀಯ - ಕಡು ನೀಲಿ
• ಸೆ. 25: ದೇವಿ ಕೂಷ್ಮಾಂಡಾ, ಚತುರ್ಥಿ - ಹಳದಿ
• ಸೆ. 26: ದೇವಿ ಸ್ಕಂದಮಾತಾ, ಪಂಚಮಿ - ಹಸಿರು
• ಸೆ. 27: ಪಂಚಮಿ - ಬೂದು
• ಸೆ. 28: ದೇವಿ ಕಾತ್ಯಾಯನಿ, ಷಷ್ಠಿ - ಕೇಸರಿ
• ಸೆ. 29: ದೇವಿ ಕಾಲರಾತ್ರಿ, ಸಪ್ತಮಿ - ನವಿಲು ನೀಲಿ
• ಸೆ. 30: ದೇವಿ ಮಹಾಗೌರಿ, ಅಷ್ಟಮಿ - ಗುಲಾಬಿ
• ಅ. 1: ದೇವಿ ಸಿದ್ಧಿದಾತ್ರಿ, ನವಮಿ - ನೇರಳೆ

9 ಬಣ್ಣಗಳ ಮಹತ್ವ ಗೊತ್ತಾ?

• ಬಿಳಿ: ಶಾಂತಿ ಮತ್ತು ಶುದ್ಧತೆಯ ಸಂಕೇತವಾದ ಬಿಳಿ ಬಣ್ಣದ ಬಟ್ಟೆಗಳನ್ನು ಧರಿಸಿ ಪೂಜಿಸುವುದರಿಂದ ಧಾರ್ಮಿಕ ಕಾರ್ಯಗಳಲ್ಲಿ ಏಕಾಗ್ರತೆ ಹೆಚ್ಚುತ್ತದೆ.

• ಕೆಂಪು: ಕ್ರಿಯಾಶೀಲತೆ ಮತ್ತು ಉತ್ಸಾಹದ ಪ್ರತೀಕವಾದ ಕೆಂಪು ಬಣ್ಣ ದೇವಿಗೆ ಅತ್ಯಂತ ಪ್ರಿಯವಾಗಿದೆ. ಇದು ವ್ಯಕ್ತಿಯಲ್ಲಿ ಶಕ್ತಿಯನ್ನು ಜಾಗೃತಗೊಳಿಸುತ್ತದೆ.

• ನೀಲಿ: ಆಕಾಶದ ಸಂಕೇತವಾಗಿರುವ ನೀಲಿ ಬಣ್ಣದ ಬಟ್ಟೆಗಳನ್ನು ಧರಿಸಿ ದೇವಿಯನ್ನು ಪೂಜಿಸುವವರಿಗೆ ಸಂತೋಷ ಮತ್ತು ಸಮೃದ್ಧಿಯ ಆಶೀರ್ವಾದ ದೊರೆಯುತ್ತದೆ.

• ಹಳದಿ: ವಾತ್ಸಲ್ಯದ ಸಂಕೇತವಾದ ಹಳದಿ ಬಣ್ಣದ ಬಟ್ಟೆಗಳನ್ನು ನವರಾತ್ರಿಯಲ್ಲಿ ಧರಿಸುವುದು ಶುಭ ಎಂದು ಪರಿಗಣಿಸಲಾಗುತ್ತದೆ. ಇದು ದೇವಿಯ ಆಶೀರ್ವಾದ ತರುತ್ತದೆ.

• ಹಸಿರು: ಪ್ರಗತಿ ಮತ್ತು ಫಲವತ್ತತೆಯ ಸಂಕೇತವಾದ ಹಸಿರು ಬಣ್ಣವು ಎಲ್ಲಾ ಕ್ಷೇತ್ರಗಳಲ್ಲಿ ಯಶಸ್ಸಿಗೆ ಕಾರಣವಾಗುತ್ತದೆ. ಇದು ಜೀವನದಲ್ಲಿ ಹೊಸ ಸಂತೋಷವನ್ನು ತರುತ್ತದೆ.

• ಬೂದು: ಸಮತೋಲನವನ್ನು ಸೂಚಿಸುವ ಬೂದು ಬಣ್ಣದ ಬಟ್ಟೆಗಳನ್ನು ನವರಾತ್ರಿಯಲ್ಲಿ ಧರಿಸಿ ಪೂಜಿಸುವುದರಿಂದ ಇಂದ್ರಿಯಗಳನ್ನು ನಿಯಂತ್ರಿಸುವ ಶಕ್ತಿ ದೊರೆಯುತ್ತದೆ ಎಂದು ನಂಬಲಾಗಿದೆ.

• ಕೇಸರಿ: ಕೇಸರಿ ಬಣ್ಣದ ಬಟ್ಟೆಗಳನ್ನು ಧರಿಸಿ ದೇವಿಯನ್ನು ಪೂಜಿಸುವವರಲ್ಲಿ ಸಕಾರಾತ್ಮಕ ಶಕ್ತಿಯ ಹರಿವು ಹೆಚ್ಚುತ್ತದೆ.

• ನವಿಲು: ಈ ಬಣ್ಣವು ವೈಶಿಷ್ಟ್ಯತೆ ಮತ್ತು ವ್ಯಕ್ತಿತ್ವವನ್ನು ಪ್ರತಿನಿಧಿಸುತ್ತದೆ.

• ಗುಲಾಬಿ: ಪ್ರೀತಿ, ವಾತ್ಸಲ್ಯ ಮತ್ತು ಸಾಮರಸ್ಯದ ಸಂಕೇತ ಗುಲಾಬಿ ಬಣ್ಣ.

ಸಂತೋಷದ ವೈವಾಹಿಕ ಜೀವನಕ್ಕಾಗಿ ಮತ್ತು ಉತ್ತಮ ಸಂಗಾತಿಯನ್ನು ಪಡೆಯಲು ನವರಾತ್ರಿಯಲ್ಲಿ ಈ ಬಣ್ಣದ ಬಟ್ಟೆಗಳನ್ನು ಧರಿಸುವುದು ಶುಭವೆಂದು ಪರಿಗಣಿಸಲಾಗುತ್ತದೆ.