Navratri 2025: 9 ದಿನ, 9 ಬಣ್ಣಗಳ ರಹಸ್ಯ! ಯಾವ ದಿನ ಯಾವ ಕಲರ್ ಬಟ್ಟೆ ಧರಿಸಿದ್ರೆ ಅದೃಷ್ಟ? ತಪ್ಪದೇ ನೋಡಿ

ದುರ್ಗಾ ದೇವಿಯ ಆಶೀರ್ವಾದ ಬೇಕಾ? ಈ 9 ದಿನ, 9 ಬಣ್ಣದ ಬಟ್ಟೆ ಧರಿಸಿ. ದುರ್ಗೆಯ 9 ರೂಪಗಳ ಆಶೀರ್ವಾದ ಪಡೆಯಿರಿ. ಹೌದು, ಧಾರ್ಮಿಕ ನಂಬಿಕೆಗಳ ಪ್ರಕಾರ, ನವರಾತ್ರಿಯ 9 ದಿನಗಳಲ್ಲಿ (Navratri 2025) ದುರ್ಗಾ ದೇವಿಯ (Durga Devi) ರೂಪಕ್ಕೆ ಅನುಗುಣವಾದ ಬಣ್ಣದ ಬಟ್ಟೆಗಳನ್ನು ಧರಿಸಿ ಪೂಜೆ ಮಾಡಬೇಕು. ಇದರಿಂದ 9 ದೇವರುಗಳ ಮತ್ತು ದೇವತೆಗಳ ಆಶೀರ್ವಾದ ದೊರೆಯುತ್ತದೆ ಎಂದು ಹೇಳಲಾಗುತ್ತದೆ. ಈ ಬಾರಿಯ ನವರಾತ್ರಿಯ 9 ದಿನಗಳ ಬಣ್ಣಗಳು ಯಾವುವು ಎಂದು ಈ ಲೇಖನದಲ್ಲಿ ತಿಳಿಸಲಾಗಿದೆ.

ಗಣೇಶ ಚತುರ್ಥಿಯ ನಂತರ ಭಕ್ತರು ಈಗ ದೇವಿಯ ಆಗಮನಕ್ಕಾಗಿ ಕಾತರದಿಂದ ಕಾಯುತ್ತಿದ್ದಾರೆ. ಪಿತೃಪಕ್ಷ ಮುಗಿದ ನಂತರ ನವರಾತ್ರಿ ಆರಂಭವಾಗಲಿದೆ. ನವರಾತ್ರಿಯ 9 ದಿನಗಳಲ್ಲಿ ವಿಭಿನ್ನ ಬಣ್ಣಗಳ ಬಟ್ಟೆಗಳನ್ನು ಧರಿಸುವ ಸಂಪ್ರದಾಯವಿದೆ. ಇದು ದುರ್ಗಾ ದೇವಿಯ 9 ರೂಪಗಳ ಆಶೀರ್ವಾದವನ್ನು ತರುತ್ತದೆ. 2025 ರ ನವರಾತ್ರಿಯಲ್ಲಿ ಯಾವ ಬಣ್ಣಗಳನ್ನು (Navratri colors) ಧರಿಸಬೇಕು ಎಂದು ತಿಳಿಯಲು ಮುಂದೆ ಓದಿ.

ನವರಾತ್ರಿ ಉತ್ಸವದಲ್ಲಿ ಬಣ್ಣಗಳಿಗೆ ವಿಶೇಷ ಮಹತ್ವವಿದೆ. ವೈದಿಕ ಪಂಚಾಂಗದ ಪ್ರಕಾರ, ಶಾರ್ದೀಯ ನವರಾತ್ರಿ 2025ರ ಸೆಪ್ಟೆಂಬರ್ 22 ರಂದು ಪ್ರಾರಂಭವಾಗಲಿದೆ. ಇದು ಅಶ್ವಿನಿ ಮಾಸದ ಶುಕ್ಲ ಪಕ್ಷದ ಪ್ರತಿಪದ ತಿಥಿಯಿಂದ ನವಮಿ ತಿಥಿಯವರೆಗೆ ಇರುತ್ತದೆ. ಈ ಹಬ್ಬದ ಪ್ರತಿ ದಿನಕ್ಕೂ ವಿಭಿನ್ನ ಬಣ್ಣಗಳನ್ನು ನಿಗದಿಪಡಿಸಲಾಗಿದೆ. ಹಾಗಿದ್ರೆ, ದುರ್ಗಾ ದೇವಿಯ ಆಶೀರ್ವಾದ ಪಡೆಯುವ ಮುನ್ನ ಈ ಬಣ್ಣಗಳ ಮಹತ್ವವನ್ನು ತಪ್ಪದೇ ತಿಳಿಯಿರಿ.

ನವರಾತ್ರಿಯ 9 ದಿನಗಳ ಬಣ್ಣಗಳು ಹೀಗಿವೆ

• ಸೆಪ್ಟೆಂಬರ್ 22 (ದೇವಿ ಶೈಲಪುತ್ರಿ, ಪ್ರತಿಪದ) - ಬಿಳಿ

• ಸೆಪ್ಟೆಂಬರ್ 23 (ದೇವಿ ಬ್ರಹ್ಮಚಾರಿಣಿ, ದ್ವಿತೀಯ) - ಕೆಂಪು

• ಸೆಪ್ಟೆಂಬರ್ 24 (ದೇವಿ ಚಂದ್ರಘಂಟಾ, ತೃತೀಯ) - ಕಡು ನೀಲಿ

• ಸೆಪ್ಟೆಂಬರ್ 25 (ದೇವಿ ಕೂಷ್ಮಾಂಡಾ, ಚತುರ್ಥಿ) - ಹಳದಿ

• ಸೆಪ್ಟೆಂಬರ್ 26 (ದೇವಿ ಸ್ಕಂದಮಾತಾ, ಪಂಚಮಿ) - ಹಸಿರು

• ಸೆಪ್ಟೆಂಬರ್ 27 (ಪಂಚಮಿ) - ಬೂದು

• ಸೆಪ್ಟೆಂಬರ್ 28 (ದೇವಿ ಕಾತ್ಯಾಯನಿ, ಷಷ್ಠಿ) - ಕೇಸರಿ

• ಸೆಪ್ಟೆಂಬರ್ 29 (ದೇವಿ ಕಾಲರಾತ್ರಿ, ಸಪ್ತಮಿ) - ನವಿಲು ನೀಲಿ

• ಸೆಪ್ಟೆಂಬರ್ 30 (ದೇವಿ ಮಹಾಗೌರಿ, ಅಷ್ಟಮಿ) - ಗುಲಾಬಿ

• ಅಕ್ಟೋಬರ್ 1 (ದೇವಿ ಸಿದ್ಧಿದಾತ್ರಿ, ನವಮಿ) - ನೇರಳೆ

ನವರಾತ್ರಿಯ 9 ಬಣ್ಣಗಳ ಮಹತ್ವ

ಬಿಳಿ ಬಣ್ಣ: ಬಿಳಿ ಬಣ್ಣವು ಶಾಂತಿ ಮತ್ತು ಶುದ್ಧತೆಯ ಸಂಕೇತ. ಈ ಬಣ್ಣದ ಬಟ್ಟೆಗಳನ್ನು ಧರಿಸಿ ಪೂಜೆ ಮಾಡುವುದರಿಂದ ಧಾರ್ಮಿಕ ಕಾರ್ಯಗಳಲ್ಲಿ ಏಕಾಗ್ರತೆ ಹೆಚ್ಚುತ್ತದೆ.

ಕೆಂಪು ಬಣ್ಣ: ಕೆಂಪು ಬಣ್ಣವು ಕ್ರಿಯಾಶೀಲತೆ ಮತ್ತು ಉತ್ಸಾಹವನ್ನು ಪ್ರತಿನಿಧಿಸುತ್ತದೆ. ಇದು ದೇವಿಗೆ ಅತ್ಯಂತ ಪ್ರಿಯವಾದ ಬಣ್ಣ. ಇದು ವ್ಯಕ್ತಿಯಲ್ಲಿ ಶಕ್ತಿಯನ್ನು ಜಾಗೃತಗೊಳಿಸುತ್ತದೆ.

ನೀಲಿ ಬಣ್ಣ: ನೀಲಿ ಬಣ್ಣವು ಆಕಾಶದ ಸಂಕೇತ. ಈ ಬಣ್ಣದ ಬಟ್ಟೆಗಳನ್ನು ಧರಿಸಿ ದೇವಿಯನ್ನು ಪೂಜಿಸುವವರಿಗೆ ಸಂತೋಷ ಮತ್ತು ಸಮೃದ್ಧಿಯ ಆಶೀರ್ವಾದ ದೊರೆಯುತ್ತದೆ.

ಹಳದಿ ಬಣ್ಣ: ಹಳದಿ ಬಣ್ಣವು ವಾತ್ಸಲ್ಯದ ಸಂಕೇತ. ನವರಾತ್ರಿಯಲ್ಲಿ ಈ ಬಣ್ಣದ ಬಟ್ಟೆಗಳನ್ನು ಧರಿಸುವುದು ಅತ್ಯಂತ ಶುಭ. ಇದು ದೇವಿಯ ಆಶೀರ್ವಾದವನ್ನು ತರುತ್ತದೆ.

ಹಸಿರು ಬಣ್ಣ: ಹಸಿರು ಬಣ್ಣವು ಪ್ರಗತಿ ಮತ್ತು ಫಲವತ್ತತೆಯ ಸಂಕೇತ. ಇದು ಎಲ್ಲಾ ಕ್ಷೇತ್ರಗಳಲ್ಲಿ ಯಶಸ್ಸಿಗೆ ಅವಶ್ಯಕ. ಈ ಬಣ್ಣವು ಜೀವನದಲ್ಲಿ ಹೊಸ ಸಂತೋಷವನ್ನು ತರುತ್ತದೆ.

ಬೂದು ಬಣ್ಣ: ಬೂದು ಬಣ್ಣವು ಸಮತೋಲನವನ್ನು ಸೂಚಿಸುತ್ತದೆ. ನವರಾತ್ರಿಯಲ್ಲಿ ಈ ಬಣ್ಣದ ಬಟ್ಟೆಗಳನ್ನು ಧರಿಸಿ ಪೂಜೆ ಮಾಡುವುದರಿಂದ ಇಂದ್ರಿಯಗಳನ್ನು ನಿಯಂತ್ರಿಸುವ ಶಕ್ತಿ ದೊರೆಯುತ್ತದೆ ಎಂದು ನಂಬಲಾಗಿದೆ.

ಕೇಸರಿ ಬಣ್ಣ: ಕೇಸರಿ ಬಣ್ಣದ ಬಟ್ಟೆಗಳನ್ನು ಧರಿಸಿ ದೇವಿಯನ್ನು ಪೂಜಿಸುವವರಲ್ಲಿ ಸಕಾರಾತ್ಮಕ ಶಕ್ತಿಯ ಹರಿವು ಹೆಚ್ಚುತ್ತದೆ.

ನವಿಲು ನೀಲಿ: ನವಿಲು ನೀಲಿ ಬಣ್ಣವು ವೈಶಿಷ್ಟ್ಯತೆ ಮತ್ತು ವ್ಯಕ್ತಿತ್ವವನ್ನು ಪ್ರತಿನಿಧಿಸುತ್ತದೆ.

ಗುಲಾಬಿ ಬಣ್ಣ: ಗುಲಾಬಿ ಬಣ್ಣವು ಪ್ರೀತಿ, ವಾತ್ಸಲ್ಯ ಮತ್ತು ಸಾಮರಸ್ಯದ ಸಂಕೇತ.

ಒಟ್ಟಾರೆಯಾಗಿ, ಸಂತೋಷದ ವೈವಾಹಿಕ ಜೀವನಕ್ಕಾಗಿ ಮತ್ತು ಉತ್ತಮ ಸಂಗಾತಿಯನ್ನು ಪಡೆಯಲು ನವರಾತ್ರಿಯಲ್ಲಿ ಈ ಬಣ್ಣದ ಬಟ್ಟೆಗಳನ್ನು ಧರಿಸುವುದು ಶುಭ ಎಂದು ಪರಿಗಣಿಸಲಾಗುತ್ತದೆ.