ಮಂಗಳ ಗೋಚರ : ಹನ್ನೆರಡು ರಾಶಿಯವರ ಮೇಲೆ ಇದರ ಪರಿಣಾಮ ಹೇಗಿರಲಿದೆ?

ನಿಮ್ಮ ಜಾತಕದಲ್ಲಿ ಮಂಗಳನು ಉತ್ತಮ ಸ್ಥಾನದಲ್ಲಿಲ್ಲದಿದ್ದರೆ ಅದು ಸಮಾಜದ ವಿರುದ್ಧ ಕೆಲಸಗಳನ್ನು ಮಾಡಲು ಪ್ರೇರೇಪಿಸುತ್ತದೆ. ಕನ್ಯಾ ರಾಶಿಗೆ ಮಂಗಳನು ಪ್ರವೇಶ ಮಾಡುತ್ತಿರೋದ್ರಿಂದ ದ್ವಾದಶ ರಾಶಿಗಳ ಚಿಹ್ನೆಗಳ ಮೇಲೆ ಪರಿಣಾಮ ಬೀರುತ್ತದೆ. ಹಾಗಾದರೆ ಯಾವ ರಾಶಿಯ ಮೇಲೆ ಅದು ಯಾವ ರೀತಿ ಪರಿಣಾಮ ಬೀರುತ್ತದೆ ಎಂಬುವುದನ್ನು ತಿಳಿಯೋಣ.

ಮೇಷ ರಾಶಿ

ನಿಮ್ಮ ಐದನೇ ಮನೆಯಲ್ಲಿ ಮಂಗಳ ಸಾಗಲಿದೆ. ಜಾತಕದಲ್ಲಿ ಐದನೇ ಸ್ಥಾನವು ನಿಮ್ಮ ಮಕ್ಕಳು, ಬುದ್ಧಿವಂತಿಕೆ, ವಿವೇಚನೆ ಮತ್ತು ಪ್ರಣಯಕ್ಕೆ ಸಂಬಂಧಿಸಿದೆ. ಈ ಮಂಗಳನ ಸಂಕ್ರಮಣದಿಂದ ನೀವು ಸಂತಾನ ಸುಖವನ್ನು ಪಡೆಯುತ್ತೀರಿ. ನಿಮ್ಮ ಬೌದ್ಧಿಕ ಸಾಮರ್ಥ್ಯವು ಹೆಚ್ಚಾಗುತ್ತದೆ. ಮತ್ತು ನೀವು ಗುರುವಿನ ಸಂಪೂರ್ಣ ಬೆಂಬಲವನ್ನು ಪಡೆಯುತ್ತೀರಿ. ಇದರೊಂದಿಗೆ ದಾಂಪತ್ಯ ಜೀವನದಲ್ಲೂ ಮಾಧುರ್ಯವಿರುತ್ತದೆ. ಈ ಅವಧಿಯಲ್ಲಿ ನೀವು ಯಾವುದೇ ಕೆಲಸ ಮಾಡಿದರೂ ಉತ್ತಮ ಲಾಭವನ್ನು ಪಡೆಯುತ್ತೀರಿ.

ವೃಷಭ ರಾಶಿ

ನಿಮ್ಮ ನಾಲ್ಕನೇ ಮನೆಯಲ್ಲಿ ಮಂಗಳ ಸಾಗಲಿದೆ. ಜನ್ಮ ಕುಂಡಲಿಯಲ್ಲಿ ನಾಲ್ಕನೇ ಸ್ಥಾನವು ನಮ್ಮ ಮನೆ, ಭೂಮಿ, ವಾಹನ ಮತ್ತು ತಾಯಿಗೆ ಸಂಬಂಧಿಸಿದೆ. ಈ ಮಂಗಳ ಸಂಕ್ರಮದಿಂದ ಭೂ-ನಿರ್ಮಾಣ, ವಾಹನ ಖರೀದಿ ಮಾಡಲು ಸಾಧ್ಯವಾಗುತ್ತದೆ. ಮತ್ತು ತಾಯಿಯ ಬೆಂಬಲ ಸಿಗುತ್ತದೆ. ವಿವಾಹಿತರಿಗೆ ಈ ಸಮಯ ಒಳ್ಳೆಯದಾಗಿರಲಿದೆ.

ಮಿಥುನ ರಾಶಿ

ನಿಮ್ಮ ಮೂರನೇ ಮನೆಯಲ್ಲಿ ಮಂಗಳ ಸಾಗಲಿದೆ. ಜಾತಕದಲ್ಲಿ ಮೂರನೇ ಸ್ಥಾನವು ನಮ್ಮ ಶೌರ್ಯ, ಒಡಹುಟ್ಟಿದವರು ಮತ್ತು ಖ್ಯಾತಿಗೆ ಸಂಬಂಧಿಸಿದೆ. ಈ ಮಂಗಳ ಸಂಚಾರದ ಪ್ರಭಾವದಿಂದ ನೀವು ಚೈತನ್ಯವಂತರಾಗುತ್ತೀರಿ. ಈ ಸಂದರ್ಭದಲ್ಲಿ ಸಹೋದರ ಸಹೋದರಿಯರಿಂದ ಸಹಕಾರ ದೊರೆಯಲಿದೆ. ನಿಮ್ಮ ಕೌಟುಂಬಿಕ ಜೀವನವು ಉತ್ತಮವಾಗಿರುತ್ತದೆ. ಅತ್ತೆಯ ಕಡೆಯಿಂದ ಹಣಕಾಸಿನ ಸಹಾಯ ದೊರೆಯುವ ಸಾಧ್ಯತೆಯಿದೆ.

ಕರ್ಕಾಟಕ ರಾಶಿ

ನಿಮ್ಮ ಎರಡನೇ ಮನೆಯಲ್ಲಿ ಮಂಗಳನು ಸಾಗಲಿದೆ. ಜಾತಕದಲ್ಲಿ ಎರಡನೇ ಸ್ಥಾನವು ನಮ್ಮ ಸಂಪತ್ತು ಮತ್ತು ಸ್ವಭಾವಕ್ಕೆ ಸಂಬಂಧಿಸಿದೆ. ಈ ಮಂಗಳ ಸಂಕ್ರಮದ ಪ್ರಭಾವದಿಂದ ನಿಮಗೆ ಆರ್ಥಿಕವಾಗಿ ಲಾಭವಾಗಲಿದೆ. ಆದರೆ ಬಂದ ಹಣ ಹೆಚ್ಚು ಕಾಲ ಉಳಿಯುವುದಿಲ್ಲ. ನಿಮ್ಮ ಸಹೋದರರೊಂದಿಗೆ ಪ್ರೀತಿ-ಮಮತೆ ಹೆಚ್ಚಾಗುತ್ತದೆ. ಈ ಸಮಯದಲ್ಲಿ ನೀವು ಹೆಚ್ಚು ಪ್ರಯೋಜನಗಳನ್ನು ಪಡೆಯುತ್ತೀರಿ.

ಸಿಂಹ ರಾಶಿ

ಈ ಮಂಗಳ ಸಂಕ್ರಮದ ಪ್ರಭಾವದಿಂದ ರಾಜಕೀಯಕ್ಕೆ ಸಂಬಂಧಿಸಿದವರು ಹಾಗೂ ಕಬ್ಬಿಣ, ಮರ, ಯಂತ್ರೋಪಕರಣ ಇತ್ಯಾದಿ ಕೆಲಸ ಮಾಡುವವರೂ ಆರ್ಥಿಕವಾಗಿ ಲಾಭ ಪಡೆಯುತ್ತಾರೆ. ಆದರೆ ಜನ್ಮ ಕುಂಡಲಿಯಲ್ಲಿ ನಾಲ್ಕನೇ, ಏಳನೇ, ಎಂಟು ಮತ್ತು ಹನ್ನೆರಡನೇ ಸ್ಥಾನದಲ್ಲಿ ಮಂಗಳನ ಸಂಕ್ರಮಣವು ನಿಮಗೆ ಮಂಗಳಕರ ಫಲಿತಾಂಶ ನೀಡುತ್ತದೆ. ಈ ಸಂದರ್ಭದಲ್ಲಿ ಮನೆಯಲ್ಲಿ ಶುಭ ಕಾರ್ಯಗಳು ನಡೆಯುತ್ತದೆ.

ಕನ್ಯಾ ರಾಶಿ

ಮಂಗಳನು ನಿಮ್ಮ ಹನ್ನೆರಡನೇ ಮನೆಯಲ್ಲಿ ಸಾಗಲಿದ್ದಾನೆ. ಜಾತಕದ ಹನ್ನೆರಡನೆಯ ಮನೆಯು ನಿಮ್ಮ ಖರ್ಚು ಮತ್ತು ಹಾಸಿಗೆ ಸುಖಕ್ಕೆ ಸಂಬಂಧಿಸಿದೆ. ಈ ಮಂಗಳ ಸಂಚಾರದಿಂದ ನಿಮಗೆ ಹಣದ ಕೊರತೆ ಇರುವುದಿಲ್ಲ. ಮತ್ತು ನೀವು ಪ್ರಭಾವಶಾಲಿಯಾಗುತ್ತೀರಿ. ನೀವು ಅಂದುಕೊಂಡ ಕೆಲಸಗಳೆಲ್ಲಾ ಈ ಸಮಯದಲ್ಲಿ ನಡೆಯಲಿದೆ. ವಿವಾಹಿತರಿಗೆ ಇದು ಶುಭಕಾಲವಾಗಿದೆ.

ತುಲಾ ರಾಶಿ

ನಿಮ್ಮ ಹನ್ನೊಂದನೇ ಮನೆಯಲ್ಲಿ ಮಂಗಳ ಸಾಗಲಿದ್ದಾನೆ. ಜಾತಕದ ಹನ್ನೊಂದನೇ ಮನೆಯು ನಮ್ಮ ಆದಾಯ ಮತ್ತು ಬಯಕೆಗಳ ಈಡೇರಿಕೆಗೆ ಸಂಬಂಧಿಸಿದೆ. ಈ ಸಮಯದಲ್ಲಿ ನಿಮ್ಮ ಆಧ್ಯಾತ್ಮಿಕ ಆಲೋಚನೆಗಳಲ್ಲಿ ನಂಬಿಕೆ ಹೆಚ್ಚಾಗುತ್ತದೆ. ನಿಮ್ಮ ಹೆತ್ತವರು ಸಹ ಆರ್ಥಿಕವಾಗಿ ಪ್ರಯೋಜನ ಪಡೆಯುತ್ತಾರೆ. ಅಲ್ಲದೆ ಈ ಸಮಯದಲ್ಲಿ ನಿಮ್ಮ ಯಾವುದೇ ವಿಶೇಷ ಆಸೆಯನ್ನು ಪೂರೈಸಲು ಸಾಧ್ಯವಾಗುತ್ತದೆ. ಈ ಸಮಯದಲ್ಲಿ ನೀವು ನಿಮ್ಮ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಬೇಕು.

ವೃಶ್ಚಿಕ ರಾಶಿ

ಮಂಗಳನು ನಿಮ್ಮ ಹತ್ತನೇ ಮನೆಯಲ್ಲಿ ಸಾಗಲಿದ್ದಾನೆ. ಜಾತಕದಲ್ಲಿ ಹತ್ತನೇ ಸ್ಥಾನವು ನಿಮ್ಮ ವೃತ್ತಿ, ರಾಜ್ಯ ಮತ್ತು ತಂದೆಗೆ ಸಂಬಂಧಿಸಿದೆ. ಮಂಗಳ ಗ್ರಹದ ಈ ಸಂಕ್ರಮದ ಪ್ರಭಾವದಿಂದ ನಿಮ್ಮ ವೃತ್ತಿಜೀವನದಲ್ಲಿ ನೀವು ಪ್ರಯೋಜನಗಳನ್ನು ಪಡೆಯುತ್ತೀರಿ. ನಿಮ್ಮ ತಂದೆ ಪ್ರಗತಿ ಹೊಂದುವರು. ನೀವು ಎಲ್ಲಿ ಹೆಜ್ಜೆ ಇಟ್ಟರೂ ಅಲ್ಲಿ ಪ್ರಗತಿ ಇರುತ್ತದೆ. ನಿಮ್ಮ ಜೀವನ ಸುಖಮಯವಾಗಿರುತ್ತದೆ.

ಧನು ರಾಶಿ

ಮಂಗಳನು ನಿಮ್ಮ ಒಂಬತ್ತನೇ ಮನೆಯಲ್ಲಿ ಅಂದರೆ ಅದೃಷ್ಟದ ಸ್ಥಳದಲ್ಲಿ ಸಾಗುತ್ತದೆ. ಆದ್ದರಿಂದ ಈ ಮಂಗಳ ಸಂಚಾರದಿಂದ ನೀವು ಎಲ್ಲಾ ರೀತಿಯ ಸಂತೋಷವನ್ನು ಪಡೆಯುತ್ತೀರಿ. ಮತ್ತು ಅದೃಷ್ಟದ ಸಂಪೂರ್ಣ ಬೆಂಬಲವನ್ನು ನೀವು ಪಡೆಯುತ್ತೀರಿ. ಈ ಸಮಯದಲ್ಲಿ ಶಸ್ತ್ರಾಸ್ತ್ರ, ಔಷಧ ಮತ್ತು ಕೃಷಿ ಇತ್ಯಾದಿಗಳ ವ್ಯವಹಾರಕ್ಕೆ ಸಂಬಂಧಿಸಿದ ಜನರು ವಿತ್ತೀಯ ಪ್ರಯೋಜನಗಳನ್ನು ಪಡೆಯುತ್ತಾರೆ. ಆಡಳಿತಾತ್ಮಕ ಸೇವೆಗಳಲ್ಲಿ ಕೆಲಸ ಮಾಡುವವರು ಬೇರೆ ಯಾವುದಾದರೂ ಹುದ್ದೆಯನ್ನು ಸಹ ಪಡೆಯಬಹುದು.

ಮಕರ ರಾಶಿ

ನಿಮ್ಮ ಎಂಟನೇ ಮನೆಯಲ್ಲಿ ಮಂಗಳ ಸಾಗಲಿದೆ. ಜಾತಕದಲ್ಲಿ ಎಂಟನೇ ಸ್ಥಾನವು ನಮ್ಮ ವಯಸ್ಸಿಗೆ ಸಂಬಂಧಿಸಿದೆ. ಮಂಗಳ ಗ್ರಹದ ಈ ಸಂಕ್ರಮದ ಪ್ರಭಾವದಿಂದ ನೀವು ನಿಮ್ಮ ಕೆಲಸದಲ್ಲಿ ಯಶಸ್ಸನ್ನು ಪಡೆಯುತ್ತೀರಿ. ಈ ಸಮಯದಲ್ಲಿ ನೀವು ಚಾಲನೆ ಮಾಡುವಾಗ ವಿಶೇಷ ಕಾಳಜಿಯನ್ನು ತೆಗೆದುಕೊಳ್ಳಬೇಕಾಗುತ್ತದೆ. ಇದರ ಹೊರತಾಗಿ ಎಂಟನೇ ಸ್ಥಾನದಲ್ಲಿರುವ ಮಂಗಳನ ಈ ಸಂಕ್ರಮವು ಆಗಸ್ಟ್ 18 ರವರೆಗೆ ತಾತ್ಕಾಲಿಕವಾಗಿ ಮಕರ ರಾಶಿಯವರಿಗೆ ಶುಭವಾಗುವಂತೆ ಮಾಡುತ್ತದೆ.

ಕುಂಭ ರಾಶಿ

ನಿಮ್ಮ ಏಳನೇ ಮನೆಯಲ್ಲಿ ಮಂಗಳ ಸಾಗಲಿದೆ. ಜಾತಕದಲ್ಲಿ ಏಳನೇ ಸ್ಥಾನವು ನಮ್ಮ ಜೀವನ ಸಂಗಾತಿಗೆ ಸಂಬಂಧಿಸಿದೆ. ಮಂಗಳ ಗ್ರಹದ ಈ ಸಂಕ್ರಮದ ಪ್ರಭಾವದಿಂದ ನಿಮ್ಮ ಜೀವನ ಸಂಗಾತಿಯ ಬೆಂಬಲವನ್ನು ನೀವು ಪಡೆಯುತ್ತೀರಿ. ಪ್ರೀತಿಪಾತ್ರರೊಂದಿಗಿನ ನಿಮ್ಮ ಸಂಬಂಧಗಳು ಸಹ ಉತ್ತಮವಾಗಿ ಉಳಿಯುತ್ತವೆ. ಏಳನೇ ಮನೆಯ ಮೇಲೆ ಮಂಗಳನ ಈ ಸಂಕ್ರಮವು ಆಗಸ್ಟ್ 18 ರವರೆಗೆ ತಾತ್ಕಾಲಿಕವಾಗಿ ನಿಮಗೆ ಶುಭವಾಗಿರುತ್ತದೆ. ನೀವು ವಿವಾಹಿತರಾಗಿದ್ದರೆ ಈ ಸಮಯ ನಿಮಗೆ ಉತ್ತಮವಾಗಿರಲಿದೆ.

ಮೀನ ರಾಶಿ

ನಿಮ್ಮ ಆರನೇ ಮನೆಯಲ್ಲಿ ಮಂಗಳ ಸಾಗಲಿದೆ. ಜಾತಕದಲ್ಲಿ ಆರನೇ ಸ್ಥಾನವು ನಮ್ಮ ಸ್ನೇಹಿತರು, ಶತ್ರುಗಳು ಮತ್ತು ಆರೋಗ್ಯಕ್ಕೆ ಸಂಬಂಧಿಸಿದೆ. ಈ ಮಂಗಳನ ಸಂಕ್ರಮದಿಂದ ಸಮಾಜದಲ್ಲಿ ನಿಮ್ಮ ಶಕ್ತಿ ಹೆಚ್ಚುತ್ತದೆ. ಮತ್ತು ಅಷ್ಟರಲ್ಲಿ ನಿಮಗೆ ಸಮಾಜದ ಕೆಲವು ಒಳ್ಳೆಯ ಜನರ ಪರಿಚಯವಾಗುತ್ತದೆ. ಮಂಗಳ ಗ್ರಹದ ಈ ಸಂಕ್ರಮವು ನಿಮ್ಮ ಸಹೋದರರಿಗೆ ಮತ್ತು ಸ್ನೇಹಿತರಿಗೆ ಶುಭ ಸಂಕೇತಗಳನ್ನು ತಂದಿದೆ. ಈ ಸಮಯದಲ್ಲಿ ನೀವು ಬೆಂಕಿಯಿಂದ ದೂರವಿರಿ.