ಮಿನಿ ಬುಲೆಟ್‌ ವೀಡಿಯೋ ವೈರಲ್‌: ಭಾರತದಲ್ಲಿ ಈ ರೀತಿ ಬೈಕ್ ಇರುವುದು ಇದೊಂದೇ!

ಎಲ್ಲರೂ ಮಾಡಿದ್ದನ್ನು ಮಾಡಿದರೆ ಅದು ಸ್ಪೆಷಲ್ ಅನಿಸುವುದಿಲ್ಲ, ಆದರೆ ಏನೋ ಸ್ಪೆಷಲ್ ಮಾಡಿದರೆ ಮಾತ್ರ ಸ್ಪೆಷಲ್ ಅನಿಸುವುದು ಅಲ್ವಾ? ಇವರಿಗೂ ಅಷ್ಟೇ ನಾನು ಈ ಬೈಕ್‌ ತೆಗೆದುಕೊಂಡರೆ ಖಂಡಿತ ಗಮನ ಸೆಳೆಯುತ್ತೇನೆ ಎಂದು ಗೊತ್ತಿದೆ. ಹಾಗಾಗಿ ಪಿಂಕ್‌ ಕಲರ್‌ನ ಪುಟಾಣಿ ಬೈಕ್‌ನಲ್ಲಿ ರೈಡ್‌ ಹೋಗಿ ಗಮನ ಸೆಳೆದಿದ್ದಾರೆ. ಈ ವೀಡಿಯೋ ಇದೀಗ ಅತೀ ಹೆಚ್ಚಿನ ವೀಕ್ಷಣೆ ಪಡೆದ ವೀಡಿಯೋದಲ್ಲಿ ಒಂದಾಗಿದೆ.

ಅಲ್ಲದೆ ಇಂಥ ಬೈಕ್ ಭಾರತದಲ್ಲಿ ಇರುವುದು ಇದು ಒಂದೇ ಎನ್ನುವುದು ವಿಶೇಷ. ಈ ಬೈಕ್‌ಗೆ ಪಿಂಕ್‌ ಎಂದು ಹೆಸರು ಬೇರೆ ಇಡಲಾಗಿದೆ. ಕ್ಯೂಟ್‌ ಆಗಿರುವ ಪುಟ್ಟದಾಗಿರುವ ಈ ಬೈಕ್ ಅನ್ನು ವ್ಯಕ್ತಿಯೊಬ್ಬರು ಓಡಿಸುತ್ತಿರುವ ವೀಡಿಯೋ Rammy Ryder (@rammyryder) ಎಂಬುವರು ಶೇರ್ ಮಾಡಿದ್ದು ಮಿನಿ ಬುಲೆಟ್‌ ತುಂಬಾನೇ ಗಮನ ಸೆಳೆದಿದೆ.

ದೆಹಲಿಯ ರಸ್ತೆಯಲ್ಲಿ ಈ ಬೈಕ್‌ ಓಡಿಸುತ್ತಿದ್ದರೆ ಎಲ್ಲರ ಕಣ್ಣು ಈ ಬೈಕ್‌ ಮೇಲೆ ಇತ್ತು, ಕೆಲವರು ಈ ಬೈಕ್‌ ನೋಡಿ ಇದ್ಯಾವ ಬೈಕ್‌, ಈ ರೀತಿ ಇದೆಯಾ? ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಟ್ರಾಫಿಕ್‌ನಲ್ಲಿ ಆ ಗಾಡಿ ಬಂದು ನಿಂತಾಗ ಎಲ್ಲರ ಕಣ್ಣು ಆ ಗಾಡಿ ಮೇಲೆ. ನಂತರ ಜನರು ಗುಂಪು ಸೇರಿ ಆ ಗಾಡಿಯ ಫೀಚರ್, ವಿಶೇಷತೆ ಬಗ್ಗೆ ವಿಚಾರಿಸುವುದನ್ನು ಈ ವೀಡಿಯೋದಲ್ಲಿ ಕಾಣಬಹುದು.

ಪಿಂಕ್‌ ಕಲರ್‌ನ ಆ ಬುಲೆಟ್‌ ತುಂಬಾನೇ ಕ್ಯೂಟ್ ಆಗಿದೆ. ನೋಡಲು ಥೇಟ್‌ ಬುಲೆಟ್‌ ಆದರೆ ಪುಟ್ಟದಾಗಿದೆ, ಮಕ್ಕಳ ಸೈಕಲ್ ಇದೆಯೆಲ್ಲಾ ಅಷ್ಟು ಎತ್ತರ ಇದೆ. ನಾವು ದೊಡ್ಡವರು ಆದರೂ ನಮ್ಮೊಳಗಿನ ಮಗು ಮನಸ್ಸು ದೊಡ್ಡದಾಗಲು ಬಿಡಬಾರದು ಎಂದು ಕೆಲವರು ಕಮೆಂಟ್‌ ಮಾಡಿದರೆ ಇನ್ನು ಕೆಲವರು ನಮಗೂ ಇಂಥ ಬೈಕ್‌ ಬೇಕು ಎಂದು ಕಮೆಂಟ್ ಮಾಡಿದ್ದಾರೆ.

ಈ ಜಗತ್ತಿನಲ್ಲಿ ನಮ್ಮನ್ನು ಯಾರಾದರೂ ಗಮನಿಸಬೇಕೆಂದರೆ ವಿಭಿನ್ನವಾಗಿ ಏನಾದರೂ ಮಾಡಬೇಕು, ಅಂಥ ಪ್ರಯತ್ನ ಈ ವ್ಯಕ್ತಿ ಮಾಡಿದ್ದಾರೆ. ಅಷ್ಟು ದೊಡ್ಡ ವ್ಯಕ್ತಿ ಚಿಕ್ಕ ಬೈಕ್‌ ಓಡಿಸುವುದನ್ನು ನೋಡಿದಾಗ ವಿಚಿತ್ರ ಅನಿಸಿದರೂ ಅವರಿಗೂ ಫನ್, ನೋಡುವವರಿಗೂ ಫನ್.