ಒಳ್ಳೆಯ ಗಾಳಿ ಸಿಗಲಿ ಎಂದು ಬಸ್‌ನ ವಿಂಡೋ ಹೊರಗಡೆ ತಲೆ ಹಾಕಿ ತೆಗೆಯಲಾರದೆ ಪ್ರಯಾಣಿಕನ ಒದ್ದಾಟ: ವೀಡಿಯೋ ವೈರಲ್

ಆಂಧ್ರಪ್ರದೇಶದ ಸರ್ಕಾರಿ ಬಸ್‌ನಲ್ಲಿ ಪ್ರಯಾಣಿಸಿದ ಪ್ರಯಾಣಿಕನೊಬ್ಬ ಬಸ್‌ ವಿಂಡೋದಲ್ಲಿ ತಲೆ ಸಿಕ್ಕಾಕಿಕೊಂಡು ಪೇಚಿಗೆ ಸಿಲುಕಿರುವ ವೀಡಿಯೋ ತುಂಬಾನೇ ವೈರಲ್ ಆಗುತ್ತಿದೆ, ಇಂಥ ವಿಚಿತ್ರ ಸನ್ನಿವೇಶ ನೋಡಿ ಜನರು ಕೂಡ ನಗುತ್ತಿರುವುದನ್ನು ಕಾಣಬಹುದು.

ಆತನ ಹೆಸರು ಸುಂದರ್ ರಾವ್‌, ಬಸ್‌ ಚಲಿಸುವಾಗ ಶುದ್ಧ ಗಾಳಿ ಸಿಗಲಿ ಎಂದು ತಲೆ ಹೊರಗೆ ಹಾಕಿದ್ದಾನೆ ಅಷ್ಟೇ, ತಲೆ ಸಿಕ್ಕಾಕಿಕೊಂಡು ಬಿಟ್ಟಿದೆ, ತಲೆಯನ್ನು ಒಳಗಡೆ ಎಳೆಯಲು ಪ್ರಯತ್ನಿಸುತ್ತಾನೆ, ಸಾಧ್ಯವಾಗಲ್ಲ. ನಂತರ ಬಸ್‌ ಡ್ರೈವರ್ ಬಸ್‌ ನಿಲ್ಲಿಸಿ, ಜನರೆಲ್ಲಾ ಒಂದು ನಿಮಿಷ ಹರಸಾಹಸ ಪಟ್ಟು ಆತನ ತಲೆಯನ್ನು ಗ್ಲಾಸ್‌ ವಿಂಡೋದಿಂದ ಬಂಧ ಮುಕ್ತಗೊಳಿಸಿದ್ದಾರೆ.

ಬಸ್‌ ಪ್ರಯಾಣದ ವೇಳೆ ವಿಂಡೋ ಸೀಟ್‌ನಲ್ಲಿ ಕೂತು ತಲೆ ಹೊರಗಡೆ ಹಾಕುವ ಅಭ್ಯಾಸ ನಮ್ಮಲ್ಲಿ ಹಲವರಲ್ಲಿ ಇದೆ, ಅದೇ ರೀತಿ ಈತ ಮಾಡಿದ್ದನೆ, ಪಾಪ ತಲೆ ಸಿಕ್ಕಾಕಿಕೊಂಡಿದೆ, ಆ ವಿಂಡೋ ಗ್ಲಾಸ್‌ ಅನ್ನು ಅತ್ತಿತ್ತ ಮೂವ್‌ ಮಾಡಲು ಸಾಧ್ಯವಾಗಲಿಲ್ಲ, ಹಾಗಾಗಿ ತಲೆ ಸಿಕ್ಕಾಕಿಕೊಂಡಿದೆ.

ಈತನ ಪಜೀತಿ ನೋಡಿ ಜನರಿಗೆ ನಗು

ಪಾಪ, ಆತನಿಗೆ ತಲೆ ಸಿಕ್ಕಾಕಿಕೊಂಡು ಏನು ಮಾಡಬೇಕೆಂದು ಗೊತ್ತಾಗುತ್ತಿಲ್ಲ, ಅದನ್ನು ನೋಡಿ ಈತನ ತಲೆ ಒಳಗಡೆ ಹಾಕಲು ಪ್ರಯತ್ನಿಸುವ ಜೊತೆಗೆ ಜೋರಾಗಿ ನಗುತ್ತಿದ್ದಾರೆ, ಕೊನೆಗೆ ಆತನ ಮುಖವನ್ನು ಹಿಸಕಿ ಹೇಗೋ ಒಳಗಡೆ ಎಳೆದುಕೊಂಡಿದ್ದಾರೆ, ತಲೆ ಒಳಗಡೆ ಹೋದ ಮೇಲೆ ಅಲ್ಲಿ ನೆರೆದಿದ್ದವರೂ ತುಂಬಾನೇ ನಕ್ಕಿದ್ದಾರೆ.

ವಿಂಡೋ ಸೀಟ್‌ ಜಾಗ್ರತೆ

ಇದೇನೋ ತಮಾಷೆಯಾಗಿತ್ತು, ಆದರೆ ವಿಂಡೋ ಸೀಟ್‌ ಬಳಿ ಕುಳಿತಾಗ ತಲೆ ಹೊರಹಾಕುವುದು ಅಪಾಯಕಾರಿ, ಅದರಲ್ಲೂ ಮಕ್ಕಳನ್ನು ವಿಂಡೋ ಸೀಟ್‌ ಬಳಿ ಕೂರಿಸಿದರೆ ತುಂಬಾನೇ ಜಾಗ್ರತೆವಹಿಸಿ, ಕಾರ್‌ನಲ್ಲಿ, ಬಸ್‌ಗಳಲ್ಲಿ ವಿಂಡೋ ಸೀಟ್‌ ಬಳಿ ಕುಳಿತು ತಲೆ ಹೊರ ಹಾಕಿದರೆ ಬೇರೆ ಗಾಡಿ ಬಂದು ಬಡಿಯಬಹುದು ಅಥವಾ ಮಕ್ಕಳು ತಲೆ ಹೊರಗಡೆ ಹಾಕಿ ಬಿದ್ದು ಹೋಗಬಹುದು, ಆದ್ದರಿಂದ ವಿಂಡೋ ಸೀಟ್‌ ಖುಷಿಯೇ ಆದರೆ ಜಾಗ್ರತೆವಹಿಸಿ.