12 ವರ್ಷಕ್ಕೊಮ್ಮೆ ನಡೆಯುವ ಮಹಾ ಕುಂಭಮೇಳಕ್ಕೆ ಹೋಗುತ್ತಿದ್ದೀರಾ? ಲಕ್ಷುರಿ ಟೆಂಟ್‌ಗಳಲ್ಲಿ ಸ್ಟೇ ಮಾಡಲು ಬುಕ್ಕಿಂಗ್‌ ಹೇಗೆ?

2025ರ ಮಹಾ ಕಂಭಮೇಳಕ್ಕೆ ಎಲ್ಲ ಸಿದ್ಧತೆಗಳು ನಡೆಯುತ್ತಿದೆ. ಪ್ರಯಾಗ್‌ರಾಜ್‌ನಲ್ಲಿ ನಡೆಯುತ್ತಿರುವ ಕುಂಭಮೇಳಕ್ಕೆ ಲಕ್ಷಾಂತರ ಹಿಂದೂಗಳು ಹೋಗಿ ಭಾಗವಹಿಸುತ್ತಾರೆ, ಹಿಂದೂ ಸಂಸ್ಕೃತಿಯನ್ನು ಬಿಂಬಿಸುವ ಈ ಕುಂಭಮೇಳ ವಿಶ್ವದ ಗಮನ ಸೆಳೆಯುತ್ತದೆ.ಈ ಕುಂಭಮೇಳಕ್ಕೆ ಹೋಗ ಬಯಸುವವರೆಗೆ ಯಾವುದೇ ಸಮಸ್ಯೆಯಾಗದಿರಲಿ ಎಂದು ಎಲ್ಲಾ ವ್ಯವಸ್ಥೆಯನ್ನು ತುಂಬಾನೇ ಕ್ರಮಬದ್ಧವಾಗಿ ಮಾಡುತ್ತಿದೆ.

ಈ ವರ್ಷ ಮಹಾಕುಂಭಮೇಳಕ್ಕೆ ಭಾಗವಹಿಸುವ ಭಕ್ತರಿಗೆ ಲಕ್ಷುರಿ ಟೆಂಟ್‌ಗಳ ವ್ಯವಸ್ಥೆ ಕಲ್ಪಿಸಲಾಗಿದೆ. ಈ ವರ್ಷ IRCTC (Indian Railway Catering and Tourism Corporation) ಭಕ್ತಾಧಿಗಳಿಗೆ ಲಕ್ಷುರಿ ಟೆಂಟ್‌ ನಿರ್ಮಿಸಿದೆ.

ಈ ಟೆಂಟ್‌ಗಳು ಎಲ್ಲಿವೆ
ಸಂಗಮ್‌ನಿಂದ 3.5 ಕಿ.,ಮೀ ದೂರದಲ್ಲಿ ಈ ಟೆಂಟ್‌ಗಳಿವೆ. ಬಹಳ ಸುಂದರ ಪ್ರಕೃತಿಯ ಮಡಿಲಿನಲ್ಲಿ ಈ ಟೆಂಟ್‌ಗಳಿವೆ. ಈ ಟೆಂಟ್‌ಗಳಲ್ಲಿ ಪ್ರೈವೆಟ್‌ ಬಾತ್‌ರೂಂ (ಬಿಸಿ ನೀರು, ತಣ್ಣೀರು) ಏರ್‌ ಬ್ಲೋವರ್‌ ಎಲ್ಲಾ ಇದ್ದು ವಾಸ ಮಾಡುವಾಗ ಲಕ್ಷುರಿ ಫೀಲ್‌ ನೀಡುವಂತಿದೆ.

ಲಕ್ಷುರಿ ವಿಲ್ಲಾಗಳಿವೆ
ಇನ್ನೂ ಲಕ್ಷುರಿ ಬೇಕೆನ್ನುವವರು ವಿಲ್ಲಾಗಳನ್ನು ಆಯ್ಕೆ ಮಾಡಬಹುದು, ಈ ವಿಲ್ಲಾಗಳ ಬುಕ್ಕಿಂಗ್ ಜನವರಿ 10ರಿಂದ ಪ್ರಾರಂಭವಾಗಿ ಫೆಬ್ರವರಿ 28ರವರೆಗೆ ಬುಕ್ಕಿಂಗ್ ಇದೆ. ಆದರೆ ಬುಕ್ಕಿಂಗ್‌ ಆದಷ್ಟು ಬೇಗ ಮಾಡಿದರೆ ಒಳ್ಳೆಯದು, ಕೊನೆಗೆ ಕಾದರೆ ಎಲ್ಲಾ ವಿಲ್ಲಾಗಳು ಬುಕ್ ಆದರೆ ಕಷ್ಟ. ವಿಲ್ಲಾಗಳ ಒಂದು ದಿನ ಬಾಡಿಗೆ 18 ಸಾವಿರದಿಂದ 20 ಸಾವಿರದವರೆಗೆ ಕೂಡ ಇದೆ, ಅದಕ್ಕೆ ಬೆಲೆ ಬಾಳುವ ವಿಲ್ಲಾಗಳು ಇದೆ.

ಬುಕ್ಕಿಂಗ್ ಹೇಗೆ ಮಾಡಬಹುದು?
ಆನ್‌ಲೈನ್‌ ಮೂಲಕ ಬುಕ್ಕಿಂಗ್ ಮಾಡಬಹುದು
www.irctctourism.com/mahakumbhgram ವೆಬ್‌ಸೈಟ್‌ಗೆ ಭೇಟಿ ನೀಡಿ
IRCTC ಕ್ರೆಡಿನ್ಷಿಯಲ್‌ ಅಥವಾ ರಿಜಿಸ್ಟರ್ ಮೂಲಕ ಲಾಗಿನ್ ಆಗಬಹುದು. ಗೆಸ್ಟ್‌ ಆಪ್ಷನ್‌ ಮೂಲಕ
ಕ್ರೆಡಿಟ್ ಕಾರ್ಡ್, ಡೆಬಿಟ್‌ ಕಾರ್ಡ್‌,UPI, ಅಥವಾ ನೆಟ್‌ ಬ್ಯಾಂಕಿಂಗ್ ಇವುಗಳ ಮೂಲಕ ಮಾಡಬಹುದು.
ಬುಕ್ಕಿಂಗ್‌ ಕನ್‌ಫರ್ಮ್‌ ಆದಾಗ ಇಮೇಲ್‌ ಅಥವಾ ಎಸ್‌ಎಂಎಸ್‌ ಬರುತ್ತದೆ.

ಇಂಥ ಸ್ಥಳಗಳಲ್ಲಿ ತಂಗುವುದರ ಪ್ರಯೋಜನವೇನು?
ಈ ಸ್ಥಳಗಳಲ್ಲಿ ತಂಗಿದರೆ ಕುಮಭಮೇಳದ ಕಾರ್ಯಕ್ರಮಗಳನ್ನು ಕಣ್ತುಂಬಿಕೊಳ್ಳುವುದು ಸುಲಭವಾಗುವುದು, ಅಲ್ಲದೆ ಕುಂಭಮೇಳ್ಕೆ ಸಮೀಪದ ಸ್ಥಳದಲ್ಲಿ ಇರುವುದರಿಂದ ನಡೆದುಕೊಂಡೇ ಹೋಗಬಹುದಾಗಿದೆ.

ಕುಂಭ ಮೇಳ ಯಾವಾಗ ನಡೆಯಲಿದೆ?
ಈ ವರ್ಷ ಮಹಾಕುಂಭಮೇಳ ಜನವರಿ 13ರಿಂದ ಫೆಬ್ರವರಿ 26ರವರೆಗೆ ನಡೆಯಲಿದೆ. ಈ ಕುಂಭಮೇಳಕ್ಕೆ ಭೇಟಿ ನೀಡುವ ಭಕ್ತರು ಅಯೋಧ್ಯೆಯ ಶ್ರೀರಾಮನ ದರ್ಶನ ಪಡೆದು ಹೋಗಬಹುದು.

ತ್ರಿವೇಣಿ ಸಂಗಮದಲ್ಲಿ ನಡೆಯುವ ಕುಂಭಮೇಳ

ಈ ಕುಂಭಮೇಳಕ್ಕೆ 700 ವರ್ಷಗಳ ಇತಿಹಾಸವಿದೆ, ಪ್ರಯಾಗ್‌ರಾಜ್‌ನಲ್ಲಿ ನಡೆಯಲಿರುವ ಸರಸ್ವತಿ, ಗಂಗಾ ಹಗೂ ಯಮುನಾ ನದಿಗಳ ಸಂಗಮ ಕ್ಷೇತ್ರದಲ್ಲಿ ಕುಂಭಮೇಳ ನಡೆಸಲಾಗುವುದು. ಈ ವರ್ಷ ನಡೆಯುತ್ತಿರುವ ಮಹಾ ಕುಂಭಮೇಳ. 12 ವರ್ಷಗಳಿಗೊಮ್ಮೆ ಮಹಾಕುಂಭಮೇಳ ನಡೆಯಲಿದೆ.

ಈ ಕುಂಭಮೇಳಕ್ಕೆ ನಾಗ ಸಾಧುಗಳು, ಸಂನ್ಯಾಸಿಗಳು, ಜ್ಯೋತಿಷಿಗಳು ಧಾರ್ಮಿಕ ಕ್ಷೇತ್ರದಲ್ಲಿ ತೊಡಗಿಸಿಕೊಂಡವರ ಜೊತೆಗೆ ಲಕ್ಷಾಂತರ ಭಕ್ತರು ಭಾಗಿಯಾಗಲಿದ್ದಾರೆ.