ಎಂಥ ಮಾರಾಯ್ರೆ ಸಿಂಹವನ್ನು ನಾಯಿಯನ್ನು ಒಡಿಸಿದಂತೆ ಓಡಿಸುವುದಾ?: ವೀಡಿಯೋ ಅಂತು ಸಿಕ್ಕಾಪಟ್ಟೆ ವೈರಲ್

ವ್ಯಕ್ತಿಯೊಬ್ಬ ಸಾಮಾಜಿಕ ತಾಣದಲ್ಲಿ ನಾಯಿಯನ್ನು ಓಡಿಸಿದಂತೆ ಸಿಂಹವನ್ನು ಓಡಿಸುತ್ತಿರುವ ವೀಡಿಯೋವೊಂದು ತುಂಬಾನೇ ವೈರಲ್‌ ಆಗುತ್ತಿದೆ. ಈ ವೀಡಿಯೋ ನೋಡುವಾಗ ಅಯ್ಯೋ... ಸಿಂಹವನ್ನು ಹೀಗೂ ಓಡಿಸಿದರಲ್ಲಪ್ಪಾ ಎಂದು ನಗು ಬಾರದೆ ಇರಲ್ಲ.

ವೀಡಿಯೋದಲ್ಲಿ ದೇವಾಲಯದ ಒಳಗಡೆ ಇರುವ ವ್ಯಕ್ತಿಯೊಬ್ಬರು ಸಿಂಹ ಬಂದಾಗ ಓಯ್‌.. ಓಯ್‌ ಅಂತ ಓಡಿಸುತ್ತಿದ್ದಾರೆ. ಇನ್ನು ಆ ದೇವಾಲದೊಳಗಡೆ ಇರುವ ವ್ಯಕ್ತಿಗೆ ಯಾವುದೇ ಬಯವಿರಲಿಲ್ಲ, ಏಕೆಂದರೆ ಆ ದೇವಾಲಯದ ಸುತ್ತ ಸರಳುಗಳಿದ್ದು ಅದನ್ನು ದಾಟಿ ಬರುವುದು ಸುಲಭವಲ್ಲ ಎಂಬುವುದು ಅವರಿಗೂ ಗೊತ್ತಿತ್ತು, ಆದ್ದರಿಂದಲೇ ಅಷ್ಟು ಧೈರ್ಯವಾಗಿ ಓಡಿಸುವ ಪ್ರಯತ್ನ ಮಾಡಿದ್ದಾರೆ.

ಸಿಂಹವನ್ನು ಮೃಗಾಲಯದಲ್ಲಿ ನೋಡುವಾಗಲೇ ಭಯವಾಗುತ್ತೆ, ಅಂಥ ಸಿಂಹ ನಾಡಿಗೆ ಬಂದರೆ ಜೀವ ಕೈಗೆ ಬಂದಂತಾಗುವುದು ಅಲ್ವಾ, ಈ ಸಿಂಹ ಕೂಡ ಕಾಡಿನಿಂದ ನಾಡಿಗೆ ಬಂದಿದೆ, ಒಳಗಡೆ ನೋಡುತ್ತೆ, ಒಳಗಡೆ ವ್ಯಕ್ತಿ ಅದನ್ನು ಬೆರೆಸಿದಾಗ ಅದು ಅದರ ಪಾಡಿಗೆ ಹೋಗಿದೆ, ಒಳಗಡೆ ಹೋಗಲು ಸಾಧ್ಯವಿಲ್ಲ ಎಂದು ಅದಕ್ಕೂ ಗೊತ್ತಾಗಿರುತ್ತೆ ಹಾಗಾಗಿ ಅದರ ಪಾಡಿಗೆ ಅದು ಹೋಗಿದೆ.

ಈ ವೀಡಿಯೋ ಇದೀಗ ಸಿಕ್ಕಾಪಟ್ಟೆ ವೈರಲ್‌ ಆಗಿದ್ದು ಕೆಲವರು ದೇವಾಲಯಕ್ಕೆ ಬಂದ ಸಿಂಹ ಹಾಗೇ ಸುಮ್ಮನೆ ಹೋಗಿರುವುದಕ್ಕೆ ಹರ ಹರ ಮಹದೇವ ಎಂದು ಕಮೆಂಟ್‌ ಮಾಡಿದರೆ ಇನ್ನು ಕೆಲವರು ನಾಯಿಯನ್ನು ಓಡಿಸಿದಂತೆ ಕಿರುಚುತ್ತಿದ್ದಾರಲ್ಲಾ ಎಂದು ಕಮೆಂಟ್ ಮಾಡುತ್ತಿದ್ದಾರೆ.

ಅಂದ ಹಾಗೆ ಈ ವೀಡಿಯೋ ನೋಡಿ ನಿಮ್ಮ ಅಭಿಪ್ರಾಯವೇನು?