ಮೃತರ ಈ ಮೂರು ವಸ್ತುಗಳನ್ನು ಮಾತ್ರ ಅಪ್ಪಿತಪ್ಪಿಯೂ ಬಳಸಬೇಡಿ..!

Updated: Wednesday, July 20, 2022, 10:27 [IST]

ಹುಟ್ಟಿನಷ್ಟೇ ಖಚಿತ ಸಾವು ಸಹ, "ಸಾವು" ಇದು ಜೀವನದ ಶ್ರೇಷ್ಠ ಸತ್ಯ. ಯಾರೂ ತಪ್ಪಿಸಲು ಸಾಧ್ಯವಿಲ್ಲ. ಆದರೆ ಮನುಷ್ಯನ ದೇಹಕ್ಕೆ ಸಾವಿರಬಹುದು ಆದರ ಆತ್ಮಕ್ಕೆ ಸಾವಿಲ್ಲ ಎಂದು ನಂಬಲಾಗಿದೆ. ಹಾಗೆಯೇ ಮನುಷ್ಯ ಬದುಕಿದ್ದಾಗ ಸಾಕಷ್ಟು ವಿಷಯಗಳ ಮೇಲೆ ಮೋಹವನ್ನು ಹೊಂದಿರುತ್ತಾನೆ. ಕೆಲವು ವಸ್ತುಗಳ ಮೇಲೆ ತುಂಬಾ ವ್ಯಾಮೋಹ/ಪ್ರೀತಿ ಇರುತ್ತದೆ. ಆದರೆ ಅವರ ಮರಣದ ನಂತರ ಆ ಮೋಹ ಹೋಗುವುದಿಲ್ಲ, ಆವನ ಆತ್ಮ ಇಲ್ಲೇ ಸುತ್ತಾಡುತ್ತಿರುತ್ತದೆ.

ಸಾಮಾನ್ಯವಾಗಿ ವ್ಯಕ್ತಿಯ ಸಾವಿನ ನಂತರ ಅವರ ವಸ್ತುಗಳನ್ನು ಒಂದಷ್ಟು ಹಂಚುತ್ತೇವೆ ಇನ್ನೊಂದಷ್ಟನ್ನು ಕುಟುಂಬಸ್ಥರೇ ಬಳಸುತ್ತಾರೆ. ಆದರೆ ಗರುಡ ಪುರಾಣದ ಪ್ರಕಾರ ಮೃತ ವ್ಯಕ್ತಿಯ ಈ ಮೂರು ವಸ್ತುಗಳನ್ನು ಯಾವುದೇ ಕಾರಣಕ್ಕೂ ಬಳಸಲೇಬಾರದು.

ಸತ್ತ ಮನುಷ್ಯನ ಬಟ್ಟೆ

ಗರುಡ ಪುರಾಣದ ಪ್ರಕಾರ ಯಾವುದೇ ವ್ಯಕ್ತಿ ಸತ್ತ ವ್ಯಕ್ತಿಯ ಬಟ್ಟೆಯನ್ನು ಬಳಸಬಾರದು. ಅಪ್ಪಿತಪ್ಪಿಯೂ ಅವುಗಳನ್ನು ಧರಿಸಬಾರದು. ನೀವು ಸತ್ತ ವ್ಯಕ್ತಿಯ ಬಟ್ಟೆಯನ್ನು ಧರಿಸಿದರೆ ಅವನ ಆತ್ಮವು ನಿಮ್ಮ ದೇಹದೊಂದಿಗೆ ಬೆರೆತುಹೋಗುತ್ತದೆ. ಮತ್ತು ಸತ್ತ ವ್ಯಕ್ತಿಯ ನೆನಪು ನಿಮ್ಮನ್ನು ಕಾಡಲು ಪ್ರಾರಂಭಿಸುತ್ತದೆ. ಸತ್ತ ವ್ಯಕ್ತಿಯ ಬಟ್ಟೆಗಳನ್ನು ಬಳಸುವ ವ್ಯಕ್ತಿ, ಆ ಆತ್ಮವು ಅವನಿಗೆ ದೈಹಿಕ ಮತ್ತು ಮಾನಸಿಕ ತೊಂದರೆಗಳನ್ನು ನೀಡಲು ಪ್ರಾರಂಭಿಸುತ್ತದೆ ಎಂದು ಹೇಳಲಾಗುತ್ತದೆ. ಈ ಬಟ್ಟೆಗಳು ವ್ಯಕ್ತಿಯ ಮನಸ್ಸು ಮತ್ತು ದೇಹದ ಮೇಲೆ ಪರಿಣಾಮ ಬೀರುತ್ತವೆ.

ಮೃತ ವ್ಯಕ್ತಿಯ ಬಟ್ಟೆ ಧರಿಸಿದ ವ್ಯಕ್ತಿಯು ಮೃತರ ಶಕ್ತಿಯನ್ನು ಮತ್ತೆ ಮತ್ತೆ ಅನುಭವಿಸಲು ಪ್ರಾರಂಭಿಸುತ್ತಾನೆ. ಆದ್ದರಿಂದ ಈ ಕಾರಣದಿಂದ ಮೃತ ವ್ಯಕ್ತಿಯ ವಸ್ತ್ರಗಳನ್ನು ಮರೆತೂ ಸಹ ಬಳಸಬಾರದು ಎಂದು ಗರುಡ ಪುರಾಣದಲ್ಲಿ ಹೇಳಲಾಗಿದೆ. ಆದರೆ ನೀವು ಸತ್ತ ವ್ಯಕ್ತಿಯ ಬಟ್ಟೆಗಳನ್ನು ನಿಮ್ಮೊಂದಿಗೆ ನೆನಪಿಗೆ ಇಟ್ಟುಕೊಳ್ಳಬಹುದು ಅಥವಾ ನೀವು ಅವರ ಬಟ್ಟೆಗಳನ್ನು ನದಿಯಲ್ಲಿ ಎಸೆಯಬಹುದು.

ಮೃತ ವ್ಯಕ್ತಿಯ ಆಭರಣ

ಮೃತ ವ್ಯಕ್ತಿಯ ಆತ್ಮವು ಬಟ್ಟೆಗಿಂತ ಹೆಚ್ಚಾಗಿ ಆಭರಣಗಳ ಜತೆ ಹೆಚ್ಚಿನ ಬಾಂಧವ್ಯವನ್ನು ಹೊಂದಿದ್ದಾರೆ. ಆದ್ದರಿಂದ ಅಂತಹ ಪರಿಸ್ಥಿತಿಯಲ್ಲಿ ಯಾವುದೇ ಪುರುಷನು ತನ್ನ ಸತ್ತ ಕುಟುಂಬದ ಸದಸ್ಯರು ಮತ್ತು ಸತ್ತ ಮಹಿಳೆಯರ ಆಭರಣಗಳನ್ನು ಎಂದಿಗೂ ಬಳಸಬಾರದು ಎಂದು ಗರುಡ ಪುರಾಣದಲ್ಲಿ ಹೇಳಲಾಗಿದೆ. ಮಹಿಳೆಯರು ತಮ್ಮ ಆಭರಣಗಳ ಮೇಲೆ ತುಂಬಾ ಆಸೆ ಇಟ್ಟುಕೊಂಡಿರುತ್ತಾರೆ. ಸತ್ತ ನಂತರವೂ ಈ ವಸ್ತುಗಳ ಮೇಲಿನ ಅವರ ಬಾಂಧವ್ಯ ಕಡಿಮೆಯಾಗುವುದಿಲ್ಲ.

ಗರುಡ ಪುರಾಣದ ಪ್ರಕಾರ, ಯಾರು ತಮ್ಮ ಮರಣದ ನಂತರ ಮೃತರ ಆಭರಣಗಳನ್ನು ಧರಿಸುತ್ತಾರೋ ಅಥವಾ ಆಭರಣಗಳನ್ನು ಬಳಸುತ್ತಾರೋ ಆಗ ಆ ಸತ್ತ ಕುಟುಂಬದ ಸದಸ್ಯರ ಶಕ್ತಿಯು ಆ ವ್ಯಕ್ತಿಯೊಂದಿಗೆ ಸಂಬಂಧ ಹೊಂದುತ್ತದೆ ಎನ್ನಲಾಗುತ್ತದೆ. ಇದರಿಂದಾಗಿ ದೈಹಿಕ ಮತ್ತು ಮಾನಸಿಕ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ.

ಮೃತ ವ್ಯಕ್ತಿಯ ಆಭರಣ

ಆದ್ದರಿಂದ ಮೃತ ವ್ಯಕ್ತಿಯ ಆಭರಣಗಳನ್ನು ಧರಿಸಬಾರದು. ಆದರೆ ನೀವು ಈ ಆಭರಣಗಳನ್ನು ಮನೆಯಲ್ಲಿ ಇಡಬಹುದು ಅಥವಾ ಹೊಸ ರೀತಿಯಲ್ಲಿ ತಯಾರಿಸಿ ಈ ಆಭರಣಗಳನ್ನು ಧರಿಸಬಹುದು. ಆದರೆ ಈ ಆಭರಣಗಳನ್ನು ಆ ಸ್ಥಿತಿಯಲ್ಲಿ ಮಾತ್ರ ಧರಿಸಬಾರದು. ಮರಣದ ಮೊದಲು ಮೃತ ವ್ಯಕ್ತಿಯು ನಿಮ್ಮ ಆಭರಣವನ್ನು ಉಡುಗೊರೆಯಾಗಿ ನೀಡಿದ್ದರೆ, ನೀವು ಅವುಗಳನ್ನು ಧರಿಸಬಹುದು. ಮೃತರು ಚಿನ್ನಾಭರಣಗಳನ್ನು ಸುರಕ್ಷಿತವಾಗಿಟ್ಟಿದ್ದರು, ಅದರೊಂದಿಗೆ ಅವರು ಬಹಳಷ್ಟು ಬಾಂಧವ್ಯವನ್ನು ಹೊಂದಿರುತ್ತಾರೆ ಆದ್ದರಿಂದ ಮರೆತೂ ಸಹ ಅದನ್ನು ಧರಿಸುವ ತಪ್ಪನ್ನು ಮಾಡಬೇಡಿ.

ಮೃತರ ಕೈಗಡಿಯಾರ

ಬಟ್ಟೆ ಮತ್ತು ಆಭರಣಗಳಂತೆ, ಗಡಿಯಾರವನ್ನು ಮೃತ ವ್ಯಕ್ತಿಯ ಶಕ್ತಿಯ ಮೂಲವೆಂದು ಪರಿಗಣಿಸಲಾಗುತ್ತದೆ. ಗಡಿಯಾರವು ವ್ಯಕ್ತಿಯ ಜೀವನದುದ್ದಕ್ಕೂ ಇರುತ್ತದೆ ಮತ್ತು ಅದು ಸಮಯವನ್ನು ನಿರ್ಧರಿಸುತ್ತದೆ. ವಾಚ್‌ ವ್ಯಕ್ತಿಯ ಒಳ್ಳೆಯ ಮತ್ತು ಕೆಟ್ಟ ಸಮಯದ ಖಾತೆಯನ್ನು ಇಡುತ್ತದೆ. ಆದ್ದರಿಂದ, ವ್ಯಕ್ತಿಯ ಮರಣದ ನಂತರವೂ, ಅವನ ಧನಾತ್ಮಕ ಮತ್ತು ನಕಾರಾತ್ಮಕ ಶಕ್ತಿಯು ಗಡಿಯಾರದಲ್ಲಿ ಉಳಿಯುತ್ತದೆ. ಸತ್ತ ವ್ಯಕ್ತಿಯ ಗಡಿಯಾರವನ್ನು ಧರಿಸುವ ವ್ಯಕ್ತಿಯ ಮೇಲೆ ಈ ಶಕ್ತಿಗಳು ನಕಾರಾತ್ಮಕ ಪರಿಣಾಮ ಬೀರುತ್ತವೆ. ಆ ಸತ್ತ ಸಂಬಂಧಿಕರು ವ್ಯಕ್ತಿಯ ಕನಸಿನಲ್ಲಿ ಮತ್ತೆ ಮತ್ತೆ ಬಂದು ಅವನಿಗೆ ತೊಂದರೆ ನೀಡುತ್ತಾರೆ. ಆದ್ದರಿಂದ, ನೀವು ಸತ್ತ ವ್ಯಕ್ತಿಯ ಗಡಿಯಾರವನ್ನು ಮರೆತು ಸಹ ಬಳಸಬಾರದು.