Just In
Don't Miss
- News ಉಚಿತ ಉಪಹಾರದಿಂದ ಉಚಿತ ದಂತ ತಪಾಸಣೆವರೆಗೆ; ಮತದಾನ ಮಾಡಿದವರಿಗೆ ಭರ್ಜರಿ ಆಫರ್ ಕೊಟ್ಟ ಮೈಸೂರು ವ್ಯಾಪಾರಸ್ಥರು
- Automobiles HSRP ನಂಬರ್ ಪ್ಲೇಟ್ನಲ್ಲಿ ನಡೆಯುತ್ತಿದೆ ಭಾರೀ ಮೋಸ: ಬುಕ್ ಮಾಡದವರು ಇದನ್ನು ಗಮನಿಸಿ!
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Movies Lok Sabha Election 2024: ಕನ್ನಡ ತಾರೆಯರು ನಾಳೆಏಪ್ರಿಲ್ 26 ಎಲ್ಲೆಲ್ಲಿ ತಮ್ಮ ಹಕ್ಕು ಚಲಾಯಿಸುತ್ತಾರೆ?
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಶಾಲಾ ವ್ಯವಸ್ಥೆಯ ಬಗ್ಗೆ ಗುಜರಾತಿ ಬಾಲಕಿಯ ಕೋಪ, ಸಕತ್ ಮಜಾ ನೀಡುವ ಈ ವೀಡಿಯೋ ವೈರಲ್
ರಜಾ ದಿನಗಳಲ್ಲಿ ಸೂರ್ಯ ಹುಟ್ಟುವ ಮುನ್ನ ಎದ್ದು ಆಟ ಆಡಲು ಶುರು ಮಾಡುವ ಮಕ್ಕಳು, ಶಾಲೆ ಇರುವ ದಿನ ಮಾತ್ರ ಗಟ್ಟಿ ನಿದ್ದೆ ಮಾಡುತ್ತವೆ. ಶಾಲೆ ವ್ಯಾನ್ ಬರುವುದಕ್ಕೆ ಹೊತ್ತಾಯಿತು ಎಂದು ಅವರನ್ನು ಎಬ್ಬಿಸಲು ಹೋದರೆ ಅಮ್ಮಾ... ಫೈವ್ ಮಿನಿಟ್ ಪ್ಲೀಸ್...ಎಂದು ಹೇಳಿ ಮಗ್ಗುಲು ಬದಲಾಯಿಸುತ್ತವೆ.
ಅವರನ್ನು ಎಬ್ಬಿಸಿ, ಬ್ರೆಷ್ ಮಾಡಲು ಹೇಳಿ, ಸ್ನಾನ ಮಾಡಿಸಿ ಬರುವಷ್ಟರಲ್ಲಿ ಶಾಲೆ ವ್ಯಾನ್ ಬರುವ ಹೊತ್ತಾಗಿ ಬಿಟ್ಟಿರುತ್ತದೆ, ತಿಂಡಿ ತಿಂದಿರುವುದಿಲ್ಲ, ತಿಂಡಿ ತಿನ್ನಲು ಕೊಟ್ಟರೆ ಅದನ್ನು ಬಾಯಿಗೆ ಹಾಕುವುದೇ ಕಷ್ಟದ ಕೆಲಸ ಎಂಬಂತೆ ಕೂತಿರುತ್ತವೆ, ಅವರ ಕೈಯಿಂದ ಆ ತಿಂಡಿ ತಗೊಂಡು ಬಾಯಿಗೆ ತುರುಕಿ, ಬಿಸಿ ಬಿಸಿ ಹಾಲನ್ನು ಕುಡಿಸುತ್ತಿರುವಾಗ ವ್ಯಾನ್ ಬಂದಿರುತ್ತದೆ, ಅವರ ಲಂಚ್ ಬಾಕ್ಸ್ ತುರುಕಿ, ಶಾಲೆಗೆ ಹೋಗಲು ಮನಸ್ಸಿಲ್ಲದ ಅವರನ್ನು ಎಳೆದುಕೊಂಡು ಹೋಗಿ ವ್ಯಾನ್ ಹತ್ತಿಸಿ ವಾಪಾಸ್ ಬರುವಷ್ಟರಲ್ಲಿ ಅಮ್ಮನಿಗೆ ಮ್ಯಾರಾಥಾನ್ ಓಡಿದಷ್ಟು ಸುಸ್ತಾಗಿ ಬಿಟ್ಟಿರುತ್ತದೆ.
ಆದರೆ ಮಕ್ಕಳಿಗೆ ನಮ್ಮ ಕಷ್ಟ ಕೇಳುವರು ಯಾರು? ಓದಿ-ಓದಿ ಸುಸ್ತಾಗಿದೆ ಯಾವಾಗಪ್ಪಾ ರಜೆ ಸಿಗುವುದು ಎಂದು ಅನಿಸಿ ಬಿಟ್ಟಿರುತ್ತದೆ. ಆದರೆ ಇಲ್ಲೊಂದು ಬಾಲಕಿ ಶಾಲಾ ವ್ಯವಸ್ಥೆ ಹಾಗೂ ಅದನ್ನು ಕಂಡು ಹಿಡಿದವರ ಬಗ್ಗೆ ತನ್ನ ಕೋಪ ಪ್ರಕಟಿಸಿರುವ ಕ್ಯೂಟ್ ವೀಡಿಯೋ ವೈರಲ್ ಆಗಿದೆ.
ಪೊಲೀಸ್ ಆಫೀಸರೊಬ್ಬರು ಈ ವೀಡಿಯೋ ಶೇರ್ ಮಾಡಿದ್ದು, ಈ ಪ್ರಪಂಚದಲ್ಲಿ ಶಾಲೆ ಯಾರು ಪ್ರಾರಂಭಿಸಿದರೋ ಅವರ ಬದುಕು ಅಪಾಯದಲ್ಲಿದೆ, ಈ ಹುಡುಗಿ ಅವರನ್ನು ಹುಡುಕುತ್ತಿದ್ದಾರೆ ಎಂದು ಕ್ಯಾಪ್ಷನ್ ನೀಡಿ ವೀಡಿಯೋ ಶೇರ್ ಮಾಡಿದ್ದಾರೆ.
The person who started schools in this world is in serious danger. This girl is searching for him 😂 pic.twitter.com/SuOZ4befp1
— Arun Bothra (@arunbothra) November 13, 2019
ದಿನಾ ಬೆಳಗ್ಗೆ ಎದ್ದು ಪಟ್-ಪಟ್ ಅಂತ ರೆಡಿಯಾಗಿ, ಬೇಗ-ಬೇಗನೆ ತಿಂದು, ಬಿಸಿ ಹಾಲನ್ನು ಪಟ್ ಅಂತ ಕುಡಿದು ಶಾಲೆಗೆ ಓಡುವುಸು, ಅಲ್ಲಿ ಓದ ಮೇಲೆ, ಒಂದರ ನಂತರ ಮತ್ತೊಂದು ಎಂಬಂತೆ ಬರುವ ಪಠ್ಯಗಳು ಇವುಗಳಿಂದ ಎಷ್ಟು ಬೇಸತ್ತು ಹೋಗಿದ್ದೇನೆ ಎಂದು ಹೇಳುವ ರೀತಿ ಇದೆಯೆಲ್ಲಾ ಸಕತ್ ಮಜಾವಾಗಿದೆ. ಶಾಲೆ ಎಂದರೆ ಆ ಬಾಲಕಿಗೆ ಎಷ್ಟೊಂದು ಕೋಪವಿದೆ ಎಂಬುವುದನ್ನು ವೀಡಿಯೋ ನೋಡಿದರೆ ತಿಳಿಯುತ್ತದೆ.
ವೀಡಿಯೋದಲ್ಲಿ ಬಾಲಕಿ ಗುಜರಾತಿ ಭಾಷೆಯಲ್ಲಿ ಮಾತನಾಡುತ್ತಿದ್ದು ನನಗೆ ಚುಟ್ಕಾರ (ಶಾಲೆಯಿಂದ ಸ್ವತಂತ್ರ) ಬೇಕಾಗಿದೆ ಎಂದು ಹೇಳುತ್ತಾ ಓದುವ ಒತ್ತಡವನ್ನು ಹೀಗೆ ಹೇಳುತ್ತಾ ಹೋಗುತ್ತಾಳೆ... ಮೊದಲಿಗೆ ಪ್ರಾರ್ಥನೆ, ನಂತರ ಇಂಗ್ಲಿಷ್, ನಂತರ ಗಣಿತ, ನಂತರ ಗುಜರಾತಿ, ಮತ್ತೆ ಜಿಕೆ ಅಂತ ಕೋಪದಿಂದ ಹೇಳುತ್ತಿರುವಾಗ ಮಗುವಿನ ಬಳಿ ಶಾಲೆ ಪ್ರಾರಂಭಿಸಿದವರು ಸಿಕ್ಕರೆ ಏನು ಮಾಡುತ್ತೀಯಾ ಅಂತ ಕೇಳುತ್ತಾರೆ, ಅದಕ್ಕೆ ಆ ಬಾಲಕಿ ಅವರೆಲ್ಲಾದರೂ ಸಿಕ್ಕರೆ ಅವರ ಮೇಲೆ ನೀರು ಎರಚಿ, ಇಸ್ತ್ರಿ ಮಾಡಿ ಬಿಡುತ್ತೇನೆ' ಎಂದು ಹೇಳಿರುವ ವೀಡಿಯೋ ವೈರಲ್ ಆಗಿದ್ದು, ಆ ವೀಡಿಯೋ ನೋಡಿ ಆ ಮಗುವಿಗಿರುವ ಓದುವ ಒತ್ತಡ ನೋಡಿ ಅಯ್ಯೋ... ಪಾಪ! ಅಂತ ಹೇಳುತ್ತಲೇ ನಿಮ್ಮ ಮುಖದಲ್ಲಿ ನಗು ಮೂಡುವುದು ನೋಡಿ.