ಕುರುಡನಿಗೆ ಸ್ನೇಹಿತನೇ ಕಣ್ಣಾದಾಗ... ಇವರಿಬ್ಬರ ಗೆಳೆತನಕ್ಕೆ ವಿಶ್ವವೇ ಫಿದಾ:ವೈರಲ್ ವೀಡಿಯೋ

ಇಂದು ಅಂತರರಾಷ್ಟ್ರೀಯ ಸ್ನೇಹಿತರ ದಿನ. ಈ ಫ್ರೆಂಡ್‌ಶಿಪ್‌ ಎಂಬುವುದು ಅದ್ಭುತವಾದ ಬಂಧ, ನಾವು ಹೇಗೆ ಇದ್ದೆವೋ ಹಾಗೇ ನಮ್ಮನ್ನು ನಮ್ಮ ಫ್ರೆಂಡ್‌ ಸ್ವೀಕರಿಸಿರುತ್ತಾರೆ, ಅವರಿಗಾಗಿ ನಾವೇನೂ ಬದಲಾಗಬೇಕಿಲ್ಲ... ಪ್ರತಿಯೊಂದು ವಿಷಯದಲ್ಲೂ ನಿನಗೆ ನಾನಿದ್ದೇನೆ ಎಂಬ ಭರವಸೆ ತುಂಬುತ್ತಾರೆ ಅಲ್ವಾ?

ಈ ಫ್ರೆಂಡ್‌ಶಿಪ್ ದಿನದ ವಿಶೇಷವಾಗಿ ನಾವಿಲ್ಲಿ ವೈರಲ್‌ ಆದ ಫ್ರೆಂಡ್‌ಶಿಪ್‌ ವೀಡಿಯೋ ನೀಡಿದ್ದೇವೆ. ಈ ವೀಡಿಯೋ 2021ರಲ್ಲಿಯೇ ವೈರಲ್‌ ಆಗಿತ್ತು, ಆದರೆ ಆ ವೀಡಿಯೋದ ಸಾರಾಂಶ ಎವರ್‌ಗ್ರೀನ್..

ಇಬ್ಬರು ಫ್ರೆಂಡ್ಸ್‌ ಫುಟ್ಬಾಲ್‌ ಮ್ಯಾಚ್‌ ನೋಡಲು ಬಂದಿರುತ್ತಾರೆ. ಅದರಲ್ಲೊಬ್ಬ ಕುರುಡ, ಆದರೆ ಆತ ಕುರುಡನಾಗಿದ್ದರೂ ಆ ಮ್ಯಾಚ್‌ ಸಂಪೂರ್ಣ ಎಂಜಾಯ್‌ ಮಾಡುತ್ತಾನೆ, ಆತನಿಗೆ ಆ ಮ್ಯಾಚ್‌ನ ನೋಡಿದ ಅನುಭವ ಪಡೆಯಲು ಸಾಧ್ಯವಾಗಿದ್ದು ಆತನ ಫ್ರೆಂಡ್‌ನಿಂದಾಗಿ.

ಆತ ಮ್ಯಾಚ್‌ನಲ್ಲಿ ನಡೆಯುತ್ತಿರುವ ಪ್ರತಿಯೊಂದು ಗೋಲ್, ಔಟ್‌ ಎಲ್ಲದರ ಬಗ್ಗೆ ಫ್ರೆಂಡ್‌ಗೆ ಕಿವಿಯಲ್ಲಿ ವಿವರಿಸುತ್ತಾ ಇರ್ತಾನೆ, ಆದ್ದರಿಂದ ಈತ ಸ್ಟೇಡಿಯಂನಲ್ಲಿ ಮ್ಯಾಚ್ ನೋಡಿದ ಫೀಲ್‌ನಲ್ಲಿ ಖುಷಿ ಅನುಭವಿಸುತ್ತಾನೆ. ಈ ವೀಡಿಯೋ ಟ್ವಿಟರ್‌ನಲ್ಲಿ ಶೇರ್‌ ಆದಾಗ ತುಂಬಾನೇ ವೈರಲ್‌ ಆಗಿತ್ತು.

ಗೆಳೆಯನಿಗೆ ಕಣ್ಣಾದ ಆ ಗೆಳೆಯನನ್ನು ಎಲ್ಲರೂ ಕೊಂಡಾಡುತ್ತಿದ್ದಾರೆ. ಸ್ನೇಹಿತರ ದಿನದಂದು ಈ ವೀಡಿಯೋ ಕಣ್ತುಂಬಿ ಆನಂದ ಪಡಿ...