ಎಲ್‌ಎಫ್‌ಡಬ್ಲ್ಯೂ: ಶಾಹಿದ್-ಮೀರಾ ಜೋಡಿಯ ಝಲಕ್

ಸ್ನೇಹಿತರಿಗಾಗಿ ಯಾವುದೇ ಸಹಾಯ ನೀಡಲು ಹೆಚ್ಚಿನವರು ತಮ್ಮ ಸಮಯವನ್ನು ಮೀಸಲಿಡಲು ತಯಾರಾಗಿರುತ್ತಾರೆ. ಇದಕ್ಕೆ ತಾರಾದಂಪತಿಗಳೂ ಹೊರತಲ್ಲ. ತಮ್ಮ ವಸ್ತ್ರ ವಿನ್ಯಾಸಕ ಸ್ನೇಹಿತೆ ಮಸಾಬಾ ಗುಪ್ತಾರಿಗಾಗಿ ಮುಂಬೈಯಲ್ಲಿ ನಡೆಯುತ್ತಿರುವ ಲ್ಯಾಕ್ಮೆ ಫ್ಯಾಷನ್ ವೀಕ್-2015 ಪ್ರದರ್ಶನದಲ್ಲಿ ತಾರಾದಂಪತಿ ಶಾಹಿದ್ ಕಪೂರ್ ಮತ್ತು ಮೀರಾ ರಜಪೂತ್‌ರವರು ಭಾಗಿಯಾಗಿ ಹಲವು ವಸ್ತ್ರಗಳನ್ನು ಪ್ರದರ್ಶಿಸಿದರು.

ಶಾಹಿದ್ ಕಪೂರ್ ರವರು ಮುಂಭಾಗ ತೆರೆದ ಕಪ್ಪು ಶರ್ಟ್ ಮತ್ತು ಕಪ್ಪು ಪ್ಯಾಂಟ್ ಮತ್ತು ಇದರ ಮೇಲೆ ತೋಳಿಲ್ಲದ ಕಪ್ಪು ಬಣ್ಣದ ಜ್ಯಾಕೆಟ್ ಧರಿಸಿದ್ದರು. ಈ ಜ್ಯಾಕೆಟ್ ಮೇಲೆಯೂ ಕಪ್ಪುಬಣ್ಣದ ದಾರದಿಂದ ಅತಿ ಸೂಕ್ಷ್ಮವಾದ, ಅತಿ ನಾಜೂಕಿನ ಮತ್ತು ಇಡಿಯ ಜ್ಯಾಕೆಟ್ ಆವರಿಸಿರುವಂತೆ ಕಸೂತಿ ಮಾಡಲಾಗಿದ್ದು ಸುಂದರವಾಗಿ ಕಾಣುತ್ತಿತ್ತು.

ಇವರ ಪತ್ನಿ ಮೀರಾ ರಜಪೂತ್ ರವರ ಉಡುಗೆ ಭಿನ್ನವಾಗಿದ್ದು ಆಕರ್ಷಕವಾಗಿತ್ತು. ತೆರೆದ ಭುಜದ ಕಪ್ಪು ಬಣ್ಣದ ಟಾಪ್ ಮತ್ತು ಬಿಳಿಯ ಬಣ್ಣದ ಪ್ಯಾಂಟ್‌ನ ಕೆಳಭಾಗದಲ್ಲಿ ಅಗಲವಾದ ಹಳದಿ ಅಡ್ಡಪಟ್ಟಿ ಮತ್ತು ಒಂದು ಆಕರ್ಷಕ ಚಿತ್ರದ ಪ್ರಿಂಟ್ ಇವರ ಉಡುಗೆಯನ್ನು ವಿಶಿಷ್ಟವಾಗಿಸಿತ್ತು. ಚಿಕ್ಕ ಕಿವಿಯೋಲೆಗಳ ಹೊರತಾಗಿ ಯಾವುದೇ ಆಭರಣಗಳನ್ನು ಧರಿಸಿರದ ಮೀರಾರವರ ಉಡುಗೆ ಸರಳವಾಗಿದ್ದರೂ ಅತಿ ಆಕರ್ಷಕವಾಗಿತ್ತು.

ಸುಮಾರು ಆರು ವರ್ಷಗಳಿಂದ ತಮ್ಮ ವಿಭಿನ್ನ ಆದರೆ ಸರಳವಾದ ಪ್ರಿಂಟ್ ಗಳಿರುವ ಉಡುಗೆಗಳಿಂದ ಪ್ರಸಿದ್ಧಿ ಪಡೆದಿರುವ ಮಸಾಬಾ ಗುಪ್ತಾರವರು ಈ ವರ್ಷದ ವಿನ್ಯಾಸಗಳಲ್ಲಿಯೂ ತಮ್ಮ ಎಂದಿನ ಶೈಲಿಯನ್ನು ಮುಂದುವರೆಸಿದ್ದಾರೆ. ಇವರ ವಸ್ತ್ರಗಳಿಗೆ ವಿನ್ಯಾಸಗಳನ್ನು ಮುದ್ರಿಸುವಲ್ಲಿ ಅವರು ತೈಯಬ್ ಮೆಹ್ತಾ, ಎಸ್.ಹೆಚ್ ರಜಾ ಮತ್ತು ಎಂ ಎಫ್ ಹುಸೇನ್ ರಂತಹ ಖ್ಯಾತ ಚಿತ್ರಕಾರರ ಕಲೆಯನ್ನು ಪ್ರೇರಣೆಯಾಗಿ ಬಳಸಲಾಗಿದೆ.

ಮಸಾಬಾರಿಗಾಗಿ ತಾರಾದಂಪತಿಯ ಹೊರತಾಗಿ ಇನ್ನೂ ಹಲವು ಸ್ನೇಹಿತರು ವೇದಿಕೆಯಲ್ಲಿ ಅವರ ವಿನ್ಯಾಸಗಳನ್ನು ಪ್ರದರ್ಶಿಸಿ ಸ್ನೇಹವನ್ನು ಮೆರೆದಿದ್ದಾರೆ. ಇವರಲ್ಲಿ ಸೂರಜ್ ಪಂಚೋಲಿ ಸಹಾ ಒಬ್ಬರು. ಇವರು ಸಹಾ ಪ್ರಿಂಟ್ ಇರುವ ಜ್ಯಾಕೆಟ್ ಮತ್ತು ಮೂಲಂಗಿ ಪ್ಯಾಂಟ್ ಧರಿಸಿದ್ದರು.